barelysurviving666

[barelysurviving666]

انا حد متعرفوش بس متابعاك من ايام اكونتك القديم

اتمنى تكون بخير

في فرق بين القديم والجديد؟

[barelysurviving666]

3:00

[barelysurviving666]

القعدة اللي بتقعدها لوحدك بعد نهاية كل فرح تروحه

[barelysurviving666]

هنرجع تاني للاختفاء اللي مبحبوش

مين

[barelysurviving666]

To bloom is to accept death, gracefully.

Tuesday, July 15

[barelysurviving666]

8:00

[barelysurviving666]

Egypt, Downtown Cairo

[barelysurviving666]

انا اتعودت على الغلط، مش كغلط بمعناه المباشر بس ك احساس، اتعودت اعيش وسط قرارات ناقصة، علاقات مسمومة، بقيت اعرف اتعامل مع الخذلان، افك شفرات حد بيلعب بيا، اتوقع امتى الحاجة الحلوة هتبوظ و واحجز لنفسي تيكيت في الخسارة قبل ما توصل بقيت اشمها من علي بعد اميال .. الغلط هيفضل غلط انا عارف بس عالاقل كنت فاهمه

انما الصح بيقلقني، النية السليمة بترعبني العلاقة اللي مفيهاش جري او هروب بتحسسني اني في خطر، الكلمة الطيبة بتخليني اسال نفسي البني ادم ده عايز ايه؟ في حتة جوايا بقت بتشكك في النور مش علشان النور مش حقيقي بس علشان عيني اتعمت من الضلمة

وبقى كل مرة احس بحاجة كويسه فيا او اقابل انسان نضيف فعلا وماتريال لكل حاجة حلوة افتكر اني ما استحقهاش، الغلط بيوجع بس الوجع ده بقيت اعرف اتعامل معاه انما الصح بيوجعني بطريقة تانية بيفكرني اني معدتش زي زمان و اني حتى لو لقيت اللي يستاهل فالمشكله فيا، انا اللي مبقيتش اعرف احب بشكل سليم

فالوعي الزايد مش دايمًا ميزة اوقات بيبقى سجن عبارة عن افكار بتزن على ودنك طول الوقت وبتفتح ملفات ملهاش لازمة في لحظة المفروض تحس فيها بالأمان .. مش مطلوب منك اكتر منك انك تحس اللحظه بس من غير اسئله

الوعي الزايد علمني افهم الناس بس بعد ما علمني اني استحالة اصدقهم، خلاني اشوف التفاصيل اللي محدش بيشوفها و الكلام اللي بين السطور بس بعد ما بوظلي الصورة الكبيرة كلها و شوه دين ام ملامحها

مشكلتي بقت مع الحلو أكتر من الوحش علشان الوحش واضح انما الحلو في عيون ناس كتير زيي دايماً وراه تمن، انا معدتش بدور على الأمان بقيت بدور على اقل نوع من الخطر اللي اقدر اعيش معاه علشان كده بقيت اختار الغلط بإيدي مش لإن الغلط مريح بس الألم المتوقع بالنسبالي ارحم بكتير من الصدمة

انا مش بقول اني بحب الغلط بس بقيت ارتاحله اكتر زي واحد بقى بيحس بالامان في زنزانته مش علشان مرتاح علشان مش مستعد يتصدم بالحرية زي بروكس في Shawshank Redemption لما خرج من السجن بعد ٥٠ سنة واكتشف ان الحرية المطلقة اللي برا السجن هي السجن بحد ذاته ومعرفش يستحملها وانتحر

[barelysurviving666]

يوم اجازة و ليج

6:00

[barelysurviving666]

كل يوم كادر عظيم لعمي تاركوفيسكي

Nostalgia (1983), dir. Andrei Tarkovsky

[barelysurviving666]

La Collectionneuse (1967), dir. Eric Rohmer

[barelysurviving666]

Egypt, Gardencity

[barelysurviving666]

Egypt, Downtown Cairo 3 a.m

[barelysurviving666]

A Reflection of Fear (William A. Fraker, 1973)

[barelysurviving666]

Krzysztof Kieślowski by Yoshihiro Kawaguchi, Paris 1992.

[barelysurviving666]

ناتالي بورتمان سافله بشكل لا يقاوم

⋆ ˚｡⋆୨୧˚ ♡✧⋆｡