shtsu-blog - Tumblr blog

[shtsu-blog]

٤٤ شي خطير سويناه وصار خلال سنتين

لما نزلت شفت اني نزلت اشيا مرة قليلة،بحكم ان بعدها جوالي تكسر ونسيت الباس والخ.. بس شفت اني قد قلت لك انو خلاص صداقتنا بتنتهي،كنت متوقعة كذا وحزينة مرة): بس ما انتهت واستمرت بعدها لفترة،وبعدها تحرياتي قالت لي،اني اذا قلت ان صداقتي مع شخص ما مارح تنتهي ابدا فراح تنتهي واذا قلت ان ممكن في اي وقت صداقتنا تنتهي رح تطول صداقتنا اكثر.. ليش؟الحياة ملعونة والدين تعاند تعاند،متفقة مع الطبيعة والقدر والناس وكل شي بس عشان تستلعن.. فيه حكمة من ذا الشي مو عارفة كيف اوصلها.. بس ياسرسر ليش ما نصير اوتاكو؟اقصد انتا نصير مهووسين في الافلام والمسلسلات والاكل والالعاب ومنطويين؟مو احنا تقريبا منطويين؟بس الفرق اننا مو مهووسين في شي معين.. ماعليك ياسرسر.. الفيديو الي ارسلتيه كان جدا جميل ورائع وهو افضل شي شفته من فترة طويلة.. وماعندي شي اقوله الا اني ابكي من جماله.. كان نفسي اسوي مفاجأة لك واسعدك زي ما اسعدتيني.. حقيقي صارت اشياء في السنتين..اشياء كثيرة باحاول اعددها بس بدون صور للأسف: ١ختمنا اغلب اقلام قيبلي ٢سوينا اكثر من حساب في تويتر ٣رسمنا كثير ٤طرزنا ٥تابعنا انميات مع بعض ومنها اونيزوكا وقاتس ٦سحبنا على اشياء كثيرة تعاهدنا نسويها زي الاهداف وغيره ٧تخرجنا من المدرسة بنسب حلوة مرة ماشاء الله ٨اكتشفنا اشياء كثيرة متشابهين فيها ٩لعبنا مع بعض اونو-اهم احداث حياتي ترى- ١٠قلتي اني عمتك وتاج راسك يا كلبة ١١صوتي تسبيني وصرت اسبك وذا شي مريح ١٢امتلكت ارنب اسمو سارة وذبحوه اهلي مقابل مية ريال هه ١٣امتلكت عصفور اسمه سارة وندمت انس سميته سارة لانه غير ظريف وهمجي ١٤انقذتي حشرة كانت رح تموت من المويا..وانا دايما انقذ نمل بمناديل زي طريقتك ١٥غنينا لبعض(: ١٦تعدلت افكارنا من ناحية التقبل بشكل كبير ١٧النساء ساقوا هه وفتحوا سنما ١٨اشتقنا للبرد مرتين ١٩جربنا نرسم نطرز نغني نلعب نكتب نقرا ندرس نطبخ ننظف نمشي (:-احاول اكثر التجارب- ٢٠مر عيدين ورماضانين مع بعض ٢١قلنا بنذاكر انقلش مع بعض وسحبنا(:الظاهر انا الي سحبت لاني وقحة وكسولة ٢٢صار عندنا دُمى ظريفة ٢٣طولنا شعر جسمنا،وبعدين حلقناه ٢٤صورنا صور عظيمة وكثيرة وجميلة وبالذات صورك وقت الشتاء ياااارربببيييي وصورة السوق كمان ااه احبها ٢٥قرينا روايات حلوة زي لاني احبك (: ٢٦صار عندنا حدائق غير طبيعية،انتي قماشية وانا ورقية ٢٧سوينا مكالمة فيديو): ٢٨فزعتي لي لما كنت باتضارب مع زياد(:بغض النظر عن اني طيبة القلب وانتا تسامحنا لو سمحتي انسي اني سويت كذا ٢٩صرنا سكرانين اكثر من مليون مرة ماشاء الله ٣٠ديدك ٣١قصينا شعورنا ٣٢حطينا مناكير(: ٣٣خقينا على نفس المزز ٣٤دعينا على نفس الاشخاص ٣٥سوينا تحريات مزز كثيرة ٣٦عززنا لبعض ٣٧خقينا على اشخاص كثار ٣٨سهيل انسجن وطلع وعبودي باد انسجن وطلع ٣٩كذبنا على بعض اكيد اكيد اعترفي في ايش كذبتي عليا يا مسودة الويه ٤٠كتبنا رسايل ٤١حاولنا نسوي اشياء خطيرة وفشلت زي المدونة والفيديوز و اني اسجل لك رسايل صوتيه على كاست ٤٢صرنا نحب المخانيث-يويلك لو ماتحبيهم حبيهم بسرعة-اه اه يلبه المخانيث ٤٣عقينا امهاتنا -سوينا اشياء هم ما يبغونا نسويها مع انه مو عقوق بس يعتبر هنا عقوق ٤٤حبينا وقت ٤:٤٤ انتي كنتي تحبه وانا حبيته عشان انتي تحبه وصرنا نحبه بس..

[shtsu-blog]

بيكون صار لنا سنتين مع بعض.

كنتي فتاة فضولية جداً،لكن حرام اكشمك لانك لطيفة جداً.. لا بأس لو كانو كل الناس بنفس لطافتك،واقدر شعور انك شخص ملقوف.. كذا كنت افكر اول ما كلمتيني.. فيما بعد تحولت انا لذاك الشخص الفضولي جدا تجاهك،وكنت استنتج اشياء لكن ما كنت اقدر اسأل عنها..بالذات بعد ما سمحتي لي أقرا شي من كتاباتك،وهو الشيء الي خلاني احس انو انا شخص محظوظ جدا،لان الي اقراه شي جدا مهم .. كنت احاول امسك شي في يدي لان كتاباتك كانت بحر عميق ومظلم،بس كنت اقدر اشوف الكائنات البحرية والاعشاب وغيرها في قلب ذيك الظلمات.. بحر رائع،لكن اخرج منه زي ما دخلت وغصت.. كنت اتخيلك نفس الصور الي تحطيها كبروفايل لك في تويتر..بنوتة كيوت مفعوصة وضئيلة الحجم وشعرها ناعم جدا وقصير،ولما شف شعرك لاول مرة كنت منصدمة ومنبهرة،وكان عندي فضول شديد اشوف كيف شكلك هل زي ما رسمتك في بالي؟ بس ما قد قلت لك او لمحتلك اني ابغى اشوفك،لاني احس انه تطفل وممكن انتي ما تبغي،وفعلا لو تبغي بترسلي.. اول مرة شفت وجهك ):انصدمت من الجمال والجمال والجمال،وبعدها صدمة صغيرة من الاختلاف الي ما بين الواقع والخيال.. بس كنت مبنهرة وسعيدة كأني حزت كنز.. ومن كثر ما انا سعيدة..لما كنت باجيب سيرتك قدام ماما واختي واقولهم صاحبتي وصاحبتي..كانت الملقوفة اختي بتقلي كيف شكلها؟كنت اقول اني ما اعرف وما ارسلت لي وجهها..مدري ليش بس حبيت ان ذا الشي يكون بيني وبينك،والى دحين اجاوبهم بنفس السؤال..مدري ليه.. جت عليا فترة كنت اشوفك في النجوم،حقيقي كنت اشوفك،صار كذا بعد ماكنت اعتبرك نجمة اساسا،واذا حاولت اتخيل انك بشر زيي زيك يجيني error يمكن دحين خف تعلقي بالنجوم الي لولاك ماكنت تعلقت فيها،وبديت اقتنع حبة حبة انك انسانة،ممكن تنوجدي في واقعي،بيكون جدا صعب لكن ممكن.. ميزة التويتر انه ما اظهرنا على اشكالنا،عرفتك من خلال روحك،وعرفتك من حيث انك تقدري ما تتصنعي وتتصرفي بعفوية،ولو كنتي في الحياة الواقعية وكنت في واقعك ماكنا صرنا صحبات ابدا،ابدا.. في كل مرة بترسلي لي صورة او فيديو بيكون نفسي احفظهم مرة..بس ماكنت اقدر دحين اقدر وذا شي سعيد من الاشياء الغريبة انو ايام ٣ثانوي كنت دايما اكلمك واكتب لك واتعامل معاك على انك موجودة في المدرسة،الي حولي حسو اني مريضة نفسيا،انا كنت فعلا كذا،كنت مكتئبة،بس ما يعرفو انك كنتي سند ودعم معنوي كبير كبير كبير لدرجة بابكي.. اول مرة تابعنا فلم مع بعض،كنت باموت وامتلك الوان كوي،وكنا تتابع فلم بونيو-كذا اسمه؟- كنت اشوف فكرة اننا نتابع شي مع بعض عن بعد فكرة غريبة جدا وطفولية بس جميلة.. بعدها صارت الطريقة المفضلة عشان اتابع اي فلم،مع انه كان صعب لانو تعرفي اجهزتي تتكسر وكذا.. وقتها وقفت الفلم ورحت لجرير،ومالقيت الوان كوي وكنت منقهرة..اعتقد الوان كوي او غيرها ما اتذكر.. بس ماكبتشرت اي شي،وماجلسنا وسوينا جلسة تحليل دقيقة وانطبا��ات ومشاعر للفلم زي ما صار لاحقا شي معتاد.. باعترفلك بشي..مرة بكيت بسبب انك زبدتي لي هه(:بموت كانت مرة وحدة ورحت كتبت كلام غامض في تويتر عن الحزن والصدمات وغيره هه وباعترفلك ان متعتي في اللعب معاك مو لاني افوز عليك،لاني بس العب معاك،حتى لو اخسر باكون جدا مستمتعة،واحب العب معاك بالذات اكثر من اننا نسولف لان لعب اكثر=ضحك اكثر وكلام مرح اكثر.. على عكس اذا سولفت لك غصباً عني باقول كلام سلبي والي مازييصير لما بكون العب.. وبعترف لك اني كل شوي اسوي فيك مصيبة او بلوى في خيالي،مرة تخيلت اني باشتغل سجانة بس عشان ازورك في الجامعة ما اعرف كيف.. واعترف اني احاول احفظ صور عشان اذا خلصت السوالف اشوفها واتذكر اي شي وبكذا السوالف ما تخلص والمشكلة انها تخلص(: اعترف اني دايما اشوف بنات -في السوق- متنقبات وعيونهم تشبه عيونك مرة واجلس مرتبكة ومستحية مرة مرة وشوي وابكي..واقول والله ممكن تكون سارة ليش لا،معقولة جت مكة بدون ما تقلي الخاينة؟ اعترف ان لو بيدي باسوي نسخة من كل رسمة لك والونهم عشان ابغاهم احياء،لاني اعتبرهم شخصيات مستقلة عنك.. اعترف اني غير موفقة مع اي بنت اسمها سارة الا معاك ومع سارة الي في القصيم،وكنت دايما اتضارب معاها مضاربات قوية ونتزاعل فترات طويلة.. اعترف اني مرك اتضايق لما اكون اتلكم عن شي او موقف صار لي وتجي انتي تكملي تتكلمي عني مو عن نفسك او عن وجهات نظرك يااا اااختتتتييي اتتتلككمميي ععن ننففسسكك احب لما تتكلمي عن نفسك..

[shtsu-blog]

صباح الخير سارة..

امس فهمت من كلامك إنك بتقفلي جوالك..فهمت انك تبغي تسوي أحلى شيء بالحياة وهو إنك تعتزلي مع نفسك..

عزلة جميلة وممتعة لك.

أرجو من ربي إن وقتك يكون كله سعيد..إستغلي الفراغ كويس لا أوصيك..

فيه صورة أمس شفتها مرة تذكرتك..كأنهاتصفك..

ان مكتوب في الصّورة:انظر الى الاعلى نحو النجوم،وليس الى قدمك،كُن فضوليا..

يمكن سحبنا على النجوم في الفترة الاخيرة..لكن لازم نرجعلها..بالذات انتي..

جاي الشتا والبرد رح يكون شديد مرة..تدفي..حاولي لا تمرضي لو سمحتي..

جلست على الشباك بشعري الي زي ابو حمدان وقاعدة اضحك..جيراننا شكلهم ميتين الله يرحمهم.

تخيلي امس في العصر نزل مططر..تخيلي..كان مطر غريب شوي لان اتجاهه يمكن مختلف؟

بالنسبة لي الشتا أكثر ما يحمسني له هو طلعات الشواء..مع انها عادية بس مدري احبها..رح تكون فيه مشكلة ذا الشتا..وما اقدر اطلع اشوي يمكن.

دعيتلك ..لان الحب دعاء.

اوه محاكمل الرسالة ولا رح ارسلها لك لانك ماقفلتي جوالك..شت احسني مرة مندفعة..

شيء سلبي ..بس كويس رح تقريها بعدين ان شاء الله.

[shtsu-blog]

الغيوم موجودة..بالرغم من ان الشمس ملتهبة مرة.. سارة..الاوضاع سيئة بس فيه فرص..وفيه امل.

[shtsu-blog]

[shtsu-blog]

مؤخرا احاول اتجنب اتكلم معاكِ..ما ابغى انكد عليك..او لو انتي زاقة معك ما ابغى ازيد الزقاقة..لاني مؤمنة بان الطاقة السلبية بالذات معدية..

كوني بخير ياصديقتي..يانجمة..ياارنب.

[shtsu-blog]

باتكلم بصراحة ياسارة..في النهاية احتمال كبير ما تقرأي الي هنا..

صداقتنا ياصديقتي..يمكن تنتهي قريب؟؟

١أنا مو حابة ذا الشيء ابدا..لكنه الافضل..ليش؟

--موحابته لاني مرة احبك..ومرة احبك..وانا محظوظة فيك

لكننهافضل لك..لما ترسلي لي اي صورة من محادثة لنا مع بعض احس قد ايش انتي مظلومة..تتكلمي مع جثة؟

غالبا احذف المحادثات..ما اخلي وولاا محادثة..

اسفة ياسارة..

كمان من الاشياء الي تضايقك-اعرف انا-..

انو انا خفيفة..اي شيء صغير يعجبني..ماقد ارسلتيلي رسمة وماحبيتها..شيء ممل صح؟لو انا ثقيلة..حتى لو ارسلتيلي رسماتك الحلوة اقولك على الاكثر:اوه حلوة..

بس لاني اعبر عن الي بداخلي ..وذا شيء مو كويس ورح ابطله سواء استمرت صداقتنا او انتهت..لا تزعلي اذا ارسلتي لي شي..ورديت بايموجي قطوة ام عيون قلوب..مو متغيرة لاكن لاني حاسة فيك.

جاتس وجريفيث..ماوحشوني..بقدر ما وحشتيني انتي..وحشتني اعترافاتك..وانطباعاتك..وتزبيداتك لي.

نفسي ارجع اتابع معاك انمي..معاك..

بس لو اقلك على روتيني اليومي؟ما اعطي اعذار لنفسي..بس انا منجد احسني عاذرة نفسي..انا باجلس ماسكة الجوال مخنوقة..الشباك قدامي..والسكاكين في المطبخ..ومالي رغبة لا في ذا ولا في ذا..لكني اعتقد انهم خلاص..

وكمان صح قبل لا اكمل

انا ابدا مو زعلانة..لا اشيلي همي..بلله..بس عادي شيء طبيعي..بس بكرة باذن الله باكون الشخص الي ابغاه..مو معقولة شخصيتي تكونت طموحة وخيالية على الفاضي..

رح اصبر كم سنة وبعدها بانطلق ان شاء الله

قرات قصة شخص متحول..كان ذكر..اهله متشددين..كان دايما حاس انه بنت..مع ذلك حتى حلق اللحية مو مسموح له..الين ماصار عمره ٢٣ وسافر لامريكا..وسوا عملية تصحيح وصار بنت..

انا الحين عمري ١٨ وشوي..انا لسة صغيرة..ولما انتي تزق معاك اعرفي انك صغيرة..اغلب القصص انو بعد العشرين بكم سنة الناس حققت احلامها..وسوت الي تبغاه.

لا تيأسي..

نفسي اتعلم انقلش..بس كارهة اطلع من البيت..وحالفة بلله مااطلع الا للضرورة القسوى..مدري القصوى..خير معرف اكتب..

صارت التدوينة شي مرة سلبي..ياربي باهون اديك هيا..او لما تكوني منفسة ارسلك هيا بعديييينن..عشان ما تكوني مروقة وتخرب تروقتك..لا خايفة ازيد الطين بلة..لععع.

[shtsu-blog]

سارة ذي مدونتي السرية لك..كنت ابغى أحط فيها أي كتابات اكتبها،وأي قصة أألفها..وأي شيء حلو وجميل..

بس للاسف ماحطيت اي شيء..ماكتبت..ولا رسمت..ولا شفت شيء مرة جميل ممرة مرة لدرجة احطه هنا..من فترة.

[shtsu-blog]

لا تلوموني فهواها,قبل ما تشوفوا بهاها..

[shtsu-blog]

من القناعات الي تكوّنت فمخي نتيجة للوقائع المُريعة الي مريت فيها,انو اخبار الاشخاص بكل مشاعرنا شيء مُحرم,إلا لو عادي عندنا نستغني عنهم بعد وقت قصير.

[shtsu-blog]

المفروض تفاؤل وسعادة وإشراق بس ترى أحس انه وحش وانه بينلعن خيره.

[shtsu-blog]

ما كُنت أبغى أحط صور بالأبيض والأسود,لكن..

[shtsu-blog]

أحس إن النّهاية رح تكون حزينة,لأن الصور جميلة مرة.