#اتحرق

[actuallysarasworld]

انهارده كنت بكوي القميص اللي كنت جايبه انا وصاحبتي زيه ف اتحرق لاني كنت سرحانه

كنت زعلانه ومضايقه أن اتحرق لاني بحبه بس افتكرت أن يمكن خير أكن كل حاجه كانت بتجمعني بيها بتروح ..

[yooo-gehn]

العمر بيضيع في أننا بنكمل في حاجات عارفين أنها فاشلة، عشان مستخسرين البنزين اللي اتحرق عليها

[smallbutkindcouch]

بتابع اكتشاف الأمريكان لخطاب بن لادن، ومش فاهمة هي مأساتنا ليه مصممة تتحول لفقرة في سيرك العالم، يعني بعد كل السنين دي بقى بن لادن was right

الانبهار اللي هما فيه ببن لادن شيء مضحك ومرعب، يعني أصل العالم كله بياكل خرا على حس مين رئيس أمريكا النهاردة، فدول بقى اللي بيقررولنا ناكل خرا لونه ايه النهاردة؟.. احنا مصيرنا في ايدين شوية الفلاحين دول يعني؟ .. دول اللي يقولوا هل أصحى الصبح أروح الشغل، ولا أموت تحت أنقاض بيتي؟

الفكرة إنه مش المواطن الأمريكاني بس اللي فلاح وحاطط طرف الجلابية في سنانه وبيجري ورا عربية الرش، لاء دا الإنسان الأبيض الأفريدج بردو كدا.. أنا روحت ألمانيا مرتين في حياتي، في المرة الأولى، كنت تبع برنامج تبادل ثقافي عربي ألماني عن مستقبل الصحافة، وفي يوم واحنا بنتغدى في مطعم تركي في برلين، كان قاعد قدامي، صحفي ألماني عنده بتاع خمسين سنة، حب يكسر الصمت، فقالي انه بيحب " البقلاڤة"، وإنه بيحب الحلويات التركي، قولتله اسمها بقلاوة ودي حلوى شامية مش تركية، ضحك ضحكة سمجة وقالي ( ماهي بلاد الشام كانت جزء من الخلافة التركية).. حاجة خيو خيو خيو طبعًا، كنت هتنقط، ولقيتني بقوله (عندك حق، كل حاجة بتروح للمحتل، هتلر لو كان قدر يحكم العالم، كان زمان البقلاوة بقت ألماني)، وقعدت أضحك، وهو ساعتها اتوتر، واعتذرلي إنه مش خبير في أصل الطعام، وإنه أكيد أكيد ضد هتلر، وضد النازية

في المرة التانية ، كنت في ألمانيا ساعة ما كان بقى فيه لاجئين سوريين هناك، صديقة أمريكية عايشة في برلين، كانت ممتعضة من وجود السوريين هناك، وبمنتهى البجاحة قالت ( ما السعودية تاخذهم، هي مش دي دولة الإسلام) تاني دمي اتحرق فشخ، وقولتلها هو حقيقي اللي المفروض ياخدهم، هو السبب في مأساتهم، يعني أعتقد لازم اللي تاخدهم أمريكا لإن أمريكا هي اللي بتمول التنظيمات الإرهابية في الشرق الأوسط، برقت إنه إزاي بقول كدا على أرض الحرية، قولتلها دوري ع الانترنت عن مساندة أمريكا لبن لادن في الحرب ضد السوفييت في أفغانستان ، وانتي تعرفي فلوس القاعدة جاية منين.. كان نفسي أكلمها عن ١١ سبتمبر وأشرحلها مصطلح " بضاعتكم ردت إليكم" بس قلت هقعد أشرح كتير ومش هتفهم.

فآه المواطن الأبيض الأفريدج جاهل وغبي ومتخلف، وفلاح، واحنا حياتنا بيحددها شوية فلاحين سواء كانوا معانا هنا في بلادنا، او فلاحين في بلاد تانية.. والعالم دا كله مفيهوش مكان آمن لإنسان عنده شوية مخ ودم وإحساس.

[binhamam]

كظم الغيظ ده عبادة صعبة أوي والله

��ا رب ندخل الجنة بحق كل مرة دمنا اتحرق فيها وسكتنا

[nouran-hassan-madany]

شعبان اتصل عليا من كام يوم بيسألني يعمل ايه مع الحصان عشان ضهره اتحرق من العشة اللي وقعت عليه بعد ما كانت بتولع .. وده معناه أنه الحمد لله مهمتي السابقة مع حصان آخر بتملكه أسرة شعبان نجحت بفضل الله .

ومش هنسى يوم لما جدته فضلت تقولي إيدك فيها الشفا الحصان رجع يمشي تاني وكانت فرحانة جدا الحمد لله ❤️

باتمنى إن ربنا يكرمني ويوفقني للي في بالي ونفسي أحققه في المجال ده .

[marmarika-world]

= انتى ايه معندكيش دم ؟

اتحرق كله والله 🙄

[sunssflawar]

ازي لسه قادرة اشوف فيك آمل؟!

مع انو لكل بيقول انك كرت اتحرق !؟

[nourr-9]

مش لو كنت قولتلي التبرير دا في الحقيقة مش في الحلم ما مكانش قلبي اتحرق :))

[sarahbasly]

من أسوأ ما جلبت علينا الحداثة أن الرجل لا يكاد يفقه إلا صنعة واحدة ويفتخر بهذا..

وليس لنا في الغرب أسوة بل في أشرف الخلق وأصحابه..

كانت العرب تنشئ الصبيان على الرعي وسياسة الحيوان والحلب والجر والضرب في الأرض..

ثم تنشئ الفتيان على خدمة المنزل وجمع الحطب وطحن الحبوب وجمع التمور والتقوّت والتخييم وكل مهارات النجاة الفردية التي تثقل الإنسان بضروريات التعامل مع البيئات القاسية فيغدو الفتى منهم خشنا مستقيم الظهر قوي الأكتاف..

ثم تنشئ الشُبان على الفروسية وفنون القـ ثال والمصارعة والعدو والكر والفر والرماية وما يتبارز فيه الآخرين من حمية أو من فخر..

ثم يكبر الجيل بين الأسواق.. يتعلم البيع والشراء.. يُحسن التبضّع ولا ينفق درهمه ولا ديناره إلا فيما ينفعه..

من كان غنيا منهم يسافر في القوافل إلى الشام أو اليمن.. فيتعلم عن الغساسنة شمالا أو الحميرية جنوبا.. يعي ما يدور حوله وما يصنعه غيره من الناس باختلاف أخلاقهم وخلقتهم..

وبمرور المواقف والشدائد والسراء والضراء.. يتعلّم كيف يطبّب نفسه.. وكيف يبني بيته.. وكيف يحفر بئره وكيف يزرع نخله.. يمشي ليلا ويهتدي بالنجوم.. ويمشي نهارا ولا يحترق تحت الشمس.. يُحسن كل فرد في القبيلة تحضير طعامه وشرابه وإصلاح هندامه ونعاله ويأكل مما يعجن ويشبع مما ينحر.. ولا تفوته إلا بضع حِرف.. فقد ينأى منهم عن تعلّم الحدادة والسباكة.. أو يؤسس أحدهم الدباغة ليتعلم جيدها ولا يشتغل بها.. يعلم كيف تضع الحبلى ولكن لا يتطوع في ما تحسنه النساء أكثر .. ولو كان العرب على الساحل لأبحروا واصطادوا ولو كانوا على الجبال لنحتوا وشكّلوا ولو كانوا على وادٍ خصيبٍ لزرعوا وحصدوا.. هؤلاء هم العرب..

ولا أُحسن الكلام عن بلاغتهم ولغتهم وفصاحتهم.. ولا أجد نقص في مكارم أخلاقهم.. إنما كان الشريف فيهم عَلما وإن كان فقيرا.. و الخسيس فيهم نكراً ولو كان ثريا..

النهاردة الراجل تسأله بتعرف تعمل إيه في الحياة يقولك أنا بعرف اشتغل شغلتي..

طيب اتعلمت تطبخ وتنضف مكانك؟ اتعلمت تضحي وتـنحر خروف ولا أضحية صغيرة؟ بتعرف تدي حقنة لحد مريض؟ بتعرف تشتري وتبيع؟ بتعرف تسوق موتوسكل؟ بتعرف تعوم؟ لما بترفع كبوت العربية وبتعرف إيه تحته؟ بتعرف تخرم مسمار في الحيطة ولا تركب نجفة؟ اتعلمت أي صنعة ولو على قد الأساسيات؟ طيب لياقتك تسمحلك انك تجري؟ تشيل حاجة تقيلة؟ تدافع عن نفسك أو عن حد يخصك؟ تعرف إيه عن الإسعافات الأولية؟ عن العدوى؟ أو عن الدورة الشهرية للنساء يسيرها وعسيرها.. عندك ثقافة أو معرفة عامة عن الجـ ئس مثلا؟ عن ديانات غير المسلمين وعقائدهم؟ عن عادات الناس وأصل التسميات والامثال والحكم.. و كتير من الحاجات التانية إللي الناس تركتها أنفة أو كسل أو حتى رفاهية زايدة..

دلوقتي أي حاجة يقولك ادي العيش لخبازه.. ومع احترامي لفكرة التخصص العلمي والأكاديمي بس الخبّاز ده مش بيخبز بس وإلا هيبقى مغفل.. ده بيعرف يتعامل مع النار وبيعرف هيعمل ايه لو اتلسع أو اتحرق.. بيعرف يشيل ويطلع بالدقيق وينزل بيه على ضهره.. بيعرف يتاجر لو هيشتري أو هيبيع.. وبيعرف يوظّف الناس ويشوف مين هيعجن ومين إللي هيخبز.. تتكلم مع حد وتلاقيه بيفخر إنه قضى عمره في الطب بس ولا يفقه شيء في غيره.. أو يعرف عن الهندسة بس وكل تفكيره جمع وطرح بلا أي اعتبارات تانية..

وبهذا الشكل.. أصبح لدينا مجتمع أكتع وكسيح.. لا ينتفع بأطرافه كلها.. إنما حُبب إليه أن يجيد تحريك ابهامه ليقطع ما زاد عنه.. فلا يسعى لأي مهارة حياتية ولا ضرورات النجاة ولا تعلم دفاعا علميا ورياضيا عن النفس ولا يفهم شيئا عن النساء نفسا وعضوا.. ولا يأكل من صنع يديه ولا يصنع أو ينتج أو يحاور ويجادل ويناظر.. أراده العم سام قابعا في بيته يتمتع بدولة الرفاة التي تقدّم خدماتها الجليلة لرعاياها.. وأراده حكامه أعزلا لا يحمي نفسه ولا يحمي غيره مثله كمثل النساء لا يجيد 7ـرب ولا ڤتال.. وأراده بنو صـ 8 ـ يون أبله.. لا يكاد يفارق هاتفه الآيفون ولا يستطيع العيش بدون مكيّف ولا يفقه شيء في دينه ولا في دين غيره.. لا يقرأ.. ولا يحفظ ولا يُرجى منه خيرا لأخيه.. ولا يبني بيتا أو يستر عرضا أو يحتوي زوجا.. شكّاء بكّاء صيّاح أعور لا يرى حتى أنصاف الحقائق ولا العلامات ولا المُسلّمات.. يتفنن في إهدار الوقت والعمر منتظرا فرجا أو آيةً من السماء..

لا يتخلّى عن شيء.. ولا يستغني..

وإن قيل له قاطع أعرض وتولّى..

وما نتولّى عنه اليوم.. نُعـذب به غدا..

منقول

[suger-95]

كظم الغيظ ده عباده صعبه والله يارب ندخل الجنه علي كل مره دمنا اتحرق فيها وسكتنا واحتسبنا دا لله لأجل رضاه فقط

[lightofdarkness-trials]

ليه اتحرق كل شوية كده

مستاءة جدا اني متأثرة في كل نقاش

مستاءة جدا

[mohamed6saber]

‏كظم الغيظ ده عبادة صعبة أوي والله

يا رب ندخل الجنة بحق كل مرة دمنا اتحرق فيها وسكتنا

[zawzana1]

كظم الغيظ ده عبادة صعبة أوي والله

يا رب ندخل الجنة بحق كل مرة دمنا اتحرق فيها وسكتنا..

[3-zooooooz]

اتحرق لو ابويا قالي عايز كباية شاي ومعملتش لنفسي معاه .. اتحرق كدا .

[marmarika-world]

‏الواحد مبيزعلش علي الحاجة نفسها لما تروح قد ما بيزعل علي المجهود اللي بذله ،الامل اللي اتعلق بيه، الحلم اللي اتعشمة ،احساسة اللي اتحرق..

[the-joyful-abyss]

ملعون أبو القرش اللي ييجي بالذل وقلة القيمة والكرامة والله

وملعون أبو اللي يذل غيره لمجرد إنه قادر يعمل كده.

افتكرت موقف حالا شوفته قدامي في مطعم وحقيقي دمي اتحرق...