#استاهل والله استاهل

[ii2xj]

شهالحركة الماسخة الي سويتها

[ibrahimshoukri]

أنا بقيت أخاف اعرف حد والله

كل فترة بيحصل حاجه تخلي اللمة و الشلة و قعدة القهوة تختفي فجأة حتي إللي بعرفهم في الشغل شهرين تلاته يروحوا شغل جديد

عايز اقول للحياة والله ما استاهل كده أنا حياتي كانت مليانة ناس ما ليها أول ولا آخر الله ياخد المسافات

لا أهل ولا صحاب الواحد بيمر بوعكة اجتماعيه ضاربه

[maiiiiie]

أد إيه بابا كان جميل و ضحكته حلوة 🤍

دايماً كان بيسعى يكون أحسن في الدين والعلم، أكتر حد كان بيشجعني أقرأ و لما يروح معرض الكتاب يجيب لكل واحدة فينا الكتب اللي تناسب سنها.

عملنا سوا ذكريات كتير اوي حلوة متتنسيش .

"ايديكي فيها الشفا" كانت كلمته الدايمة بعد كل مرة أدلكله رجله.

بيتنا مكانش فيه جملة انا كلمتي اللي لازم تمشي، ياربي كنا عيال صغيرة و بابا ينادينا نقعد عالسفرة و يقولنا انا هعمل كذا إيه رأيكم و احنا نقعد نتفلسف وكل واحدة فينا تقول رأيها.

كان جميل اوي بجد ويتحب وحضنه جميل ييجي واحنا واقفين يحط ايده على كتفي و يهزر معانا.

هو عدى ١٤ سنة على وفاة بابا بس انا لحد دلوقتي معرفتش ابطل اقول انا عايزة بابا و معتقدش عمري اني هبطل اقولها

١٤ سنة يا حبيبي وأبداً ما صليت و نسيت ادعيلك

بس والله انا ما استاهل أب زيك بس هحاول دايماً أكون "ولد صالح يدعو له"

[iaiiil]

donut 🍂

يبه افتح لي مخبز والله استاهل

[un-known97]

لو ينفع نمشي من الحياة بإرادتنا والله ما هتردد في الخطوة دي .. أنا عايش معاناة حقيقية وسط كل القرف والنفوس المريضة والناس الوسخة دي .. عايز اخلص من كل القرف ده .. عايز امشي ودماغي حرقاني من كل القرف ده .. مش عارف اقول ايه بجد بس كل مشاعر الحزن دي بجد مستهلهاش .. والله ما استاهل ده .

[alaaa95]

صباح الخير

على قد ما شوفت ناس محاولتش عشاني ولا تعبت ولا حسستني اني استاهل حد يتعب عشان يوصلي، على قد ما دلوقتي بحاول استوعب محاولات اللي بعدهم واصلة لحد فين ولدرجة ايه ولو كان اللي قبلهم وصلولي من غير محاولات من دي كنت هبقى مبسوطة جنبهم ولا لأ وهبقى مرتاحة مع حد انا معرفش مقدرني زي ما انا مقدراه ولا لأ..

سبحان الله، يحضرني دلوقتي كل اللي مشيوا ومحاولوش حتى يجربوا او يكملوا زي ما انا كان نفسي وكنت عايزاهم بس يستنوا شوية عشان أثبتلهم اني استاهل.. حرفيًا والله كان الشعور ده ملازمني طول الوقت جنبهم وحاطالهم أعذار للدرجة دي فعلًا!

مش مصدقة والله ولا مستوعبة، وساعات مش بسامح ولا بحاول حتى أفتكر لهم حاجة كويسة غير بس اللي هم كانوا عايزيني أشوفه وافضل فاكراه، بس انا في منطقة مش ناسية بس مش عايزة افتكر ولا افتكرهم مشيوا ازاي، دول حتى مشيوا ومكلفوش نفسهم يجاوبوا ع الأسئلة اللي سابوها مفتوحة وقعدت سنين بدور على إجاباتها وفي الآخر اتعلمت ان مش كل الأسئلة لازم تتجاوب.. ساعات بيبقى لازم تمشي عشان تصون اللي باقي منك وتحافظ عليه وتحفظ مشاعرك اللي باقية قصاد اللي خدوه وهم ماشيين ومحاولوش حتى يقدروك ويقدروا الوقت اللي كنت موجود فيه جنبهم..

مش قادرة أصدق اني كنت طول الوقت بحارب في أفكاري ونفسي وأعصابي ومشاعري والمسافات عشان بس أحاول أطمن نفسي مش هم اللي بيحاولوا يطمنوني كمان، هم حتى محاولاتهم جت في لحظة ووقفت وانا مستوعبتش كده كنت فاهمة اني محتاجة أستنى كمان شوية عشان يا عيني هم ميعرفوش وتعبانين والدنيا جاية عليهم ومحتاجين اللي يسندهم ويطمنهم..

كنا فين والله وبقينا فين، ده الحمد لله اوي اوي والله اني اتعلمت أعرف قيمة نفسي بنفسي وأقدر نفسي بنفسي ومستناش حد ولا أعمل حساب حد في سكتي وهو مش عامل حسابي معاه على رأي اللي قال "رتبت الدنيا على وجودك، رتبتي الدنيا على غيابي"

[fozdoaa]

ماما بتحب التين الشوكى جدا ف لما بكون راجعه من الشغل والاقى عمو الراجل واقف اجيبلها منه تفرح قوى وتقولى ربنا يطعمك من الجنه فأنا اتكسف قوى واقول فى سرى و من جوايا فرحتك بالدنيا ياماما والله دا مجرد حاجه بسيطه واصلا انا كلبه ولا استاهل وطبعا كالعاده مبنقولش كلام حلو فانكشها واقولها لاءه انتى فاهمه غلط خالص انا بستغلك وبستثمر فيكى مع ربنا بر والدين والجو دا بقى انتى فاهمه احنا بنتشعلق فى رضا ربنا ياحاجه فتقولى ماشي ياقليله الأدب وتقول الحمد لله يارب انا ربيت

[fassla]

ألف مبروووك 🌸

ماشاءالله تقديرات جميلة بالتوفيق ديما يارب 🌸

لا انا زعلانه والله من المقبول دي مكنتش استاهل كدة خصوصا انها مادة تخصص بس يلا الحمدلله

[al-hashimia]

السلام عليكم اختي يارب حضرتك تكوني بخير.. بكتب لك وانا ببكي حاليا لاني معنديش حد ينصحني اعمل ايه..

انا مش في امان وسط الناس الي حواليا واكتشفت اعداء ليا كتير اوي من اصدقائي واقاربي واخواتي الي من دمي بسبب الحقد.. وربنا كشفلي الموضوع دا وسمعتهم مرة بودني وهما بيتمنوا ليا الموت.. رغم اني كويسة وطيبة مع الكل وهما عارفين كدة كويس وكويسة حتى مع الي وحش معايا.. حقد وأذى من غير سبب.. وبيتعملي حفرة كبيرة و فخ كبير منهم واتصدمت بس المشكلة اني مش عارفة اخد بالي من نفسي بقيت ضعيفة بسبب كل الي شوفته في حياتي.. فجأة كلهم بقوا ودودين معايا وبيقربوا مني اوي والموضوع دا مش طبيعي ومخوفني والتغير ملفت للنظر جدا ان هما بيفكروا في حاجة.. ارجوكي عرفيني المفروض اعمل ايه عشان ربنا يحميني من كيد الاعداء انا مليش حد في الدنيا غير ربنا ولوحدي اكتر ماحضرتك متخيلة... شعور صعب مخليني خايفة من الدنيا.. حضرتك متخيلة اللي زيي هيجيلها نفس تعيش ازاي واقرب الناس ليها بيتمنوا لها الموت والدمار رغم حنيتها عليهم وطيبتها الزايدة..

والله معملتش اي حاجة و كنت كويسة حتى مع الي اذوني... انا كنت استاهل احسن من كدة انا مضرتش حد ولا عمري شيلت جوايا ولا كان في ذرة سواد من جوا انا كبرت على كدة... هو دا نتيجة الشخص لما بيكون طيب؟ بيتدمر في الدنيا؟ والي مش سالك هو الي بيرتاح..؟

اسفه اني طولت على حضرتك ربنا يجعله في ميزان حسناتك واي حاجة تنصحيني بيها هعملها بأمر الله..

وعَليكم السّلام ورحمةُ اللّه وبركاتُه.. حيّاك الله

إن كانَ ما تقولينَه صحيحًا وأنّها ليست مجرّد وساوس منك فاستمعِي -بارك اللّه فيك-..

[ii2xj]

[sarahheshamm]

‏انا ماعرفش انا ليه زعلانه على حاجات انا متأكده اني استاهل أحسن منها ، ليه بتمسك بناس بيأذوني نفسياً لمجرد إني بحبهم ، ليه بعاتب نفسي على كل حاجة حتى لو مكنتش غلطانه ، ليه بسامح وبدي فرص لناس بيخذلوني كل مره ، انا متأكده ان كل الخنقه اللي بتجيلي بسبب الحاجات دي والله .

[o0azra]

ديني ودين ام التهميش لو عملت حالك عليا وماشفتني بعينينك الثنتين والله لو انك أعزّ عزيز ومابعدك غالي مكانتك هذي تنزل الى اسفل السافلين ومابحس بذرّة ندم

لأني ما استاهل الاّ اني اكون ضمن الاولويات دائمًا وابدًا

بلا عشرة بلا كلام فاضي

[92rose]

انا حزينه حزينه اوي اني وصلت للمرحه دي ، وانا بكتب الرساله دي مش شايفه من كتر الدموع اللي بتنزل من قلبي مش عيني ، انا تعبت تعبت اوي و استحملت كتير اوي بس انا انسانه عندي طاقه مش قادره استحمل كل ده لوحدي ، انا بس كنت محتاجه حد يطبطب عليا وياخدني ف حضنه انا عمري م حسيت اني مهمه عند حد أو ان زعلي غالي وبيفرق حتي عند اقرب ناس ليا ، انا عايشه لوحدي حرفياً رغم وجود الناس دي حوليا انا لوحدي والوحده وحشه اوي ومُتعبه اوي انا اتهلكت واتأذيت واتخذلت من اقرب ناس ليا و ف الاخر يتقالي معلش ، محدش يكلف نفسه يفكر فيا ولا يفكر ف احساسي ،حبيت الكل واديت الكل حب واهتمام وطيبه ومحدش ادني حاجه اعيش ليه! اعيش لمين ؟ انا ف الوقت ده كنت عاوزه بس اللي يحسسني اني استاهل اتحب و ان حد يفضل معايا عشاني عشان بيحبني ، بس للاسف انا متحبتش زي ماحبيت ماخدتش زي ما اديت مالقتش اللي يخاف علي زعلي ويخاف يخسرني، انا بالعكس اتكسر بخاطري كتير اوي من اقرب الناس ليا زعلي مفرقش بقيت متشافه عادي من كتر ما بدي بقيت مضمونه لدرجه مبقتش متشافه بقيت شفافه، هو ليه اللي يحب ويعامل الناس بحب وطيبه يتردلو كدا انا مكنتش محتاجه غير ناس تحبني من قلبها بجد ، انا حاربت الناس كلها عشان ابقي كويسه وكل محاولااتي فاشلت ، اتأكدو اني موصلتش ل هنا بسهوله كده لا والله انا عافرت عشان موصلش بس للاسف الحزن كان اقوي مني اتمني ربنا يسامحني و يحاسبني ع تعبي وقلة حيلتي مش ع عدم ايماني به ، حاجه اخيرة انا كنت لوحدي وهفضل لوحدي، محدش لي جميل عليا محدش مسحلي دموعي، محدش وقف جمبي وقت مكنت محتاجه جمبي برغم اني كنت جمب الكل، محدش هون عليا وطمني، مكنتش حبه اقول كدا بس للاسف انا خسرت، خسرت نفسي ،صحتي،خسرت كل حاجه الحمدلله علي كل حاجه حصلت ولسه هتحصل انا مش ندمانه علي كل حاجه عملتها من قلبي مع حد وطلع ميستحقهاش حقيقي مش ندمانه ولو رجع بيا الزمن تاني كنت بردو هفضل ادي، عوضني يارب عن كل وجع وكسره انا حسه بيها عوضني خير يارب 🙏🏻💔

[m-anarrr]

المواجهة .

بس مواجهة اي معرفش

زمان كانت ماما دايما ضد فكرة ان حد يروح لدكتور لوحده لازم يبقي في رفيق في لحظات الانتظار دي حتي لو رايح تكشف علي صباع رجلك الصغير لازم معاك ونيس كده .

بس تجري الايام والدنيا تفرض نفسها علي الواحد الحمدللة وابتديت ادرك وجهة نظر ماما لأن ببساطة مش الطف حاجة ان الانسان يتساب لدماغة وهو قاعد منتظر دوره ولسه مش عارف هو في ايه او هيبقي في ايه

والشئ الاخر لو كنت جتلي وانا عندي ٧ سنين تقولي بكرا تكبري وتروحي لوحدك كنت هقولك انت كداب وبعدين هعتذرلك عشان عيب اقول انك كداب رغم انك كداب عشان كنت طفلة مؤدبة شويتين تلاتة كده

ونيجي للجانب التاني لو كنت جيت من ٣ سنين فاتو تقولي انك هتقعدي في النور اكتر من الضلمة ساعتها كنت هبصلك واضحك وجوايا هقول ان الناس اتهبلت والله وجاية تلعب في ثوابت حياتي وهما ميعرفونيش

دلوقتي لسه بحب الضلمة اه بس الواحد كبر في السن والرؤية ابتدت تبقي مشوشة ومحتاج النور عشان المعالم توضح

حاسه اني تايه بشكل أكبر من سنيني اللي فاتت ،الحاجة الوحيدة اللي بتحسسني اني متحكمة في حياتي هي لما بتحكم في اكلي بس مؤخرا بقيت حاسه ان اكبر غباء بقدمة لنفسي اني بلخص حياتي كلها وقدرتي في رغيف عيش بلدي قلتلة لأ.

مفتقدة المناقشات الشيقة والحوارات في المطلق اللي بفضل اتكلم فيها واللي قدامي يتكلم معايا فيها واحنا الاتنين مش فاهمين بس يوجد انسجام الحوار وده المهم

بجري ...اه بجري بس سن العشرينات معمول للجري والتصالح مع الذات واكتشاف الذات والتجارب والذي منه ف هكمل جري لمدة ٣ سنين كمان بس لعل الجري المرادي هيكون نهايتة اجابة مرضية ونجاح مرضي لذاتي من غير معاناة مع رغيف العيش البلدي

يمكن لما ابتدي احب ذاتي صح ساعتها هدرك الحب او يمكن ساعتها هبتدي ادي مساحة للناس في حياتي ....لاني لحد دلوقتي مش فاهمة غير ان الكل ييأكدلي ان عندي علة ما ومحتاجة افهم سبب رفضي ويعني ايه قلبي لسة مدقش ...

بس ان جينا للحق كل الناس اللي قلبها دق حواليا الشكوكش وقع علي دماغهم فطار يعني والخساير اكبر مش مستعدة اخسر نفسي وانا بجري لاني لسه اساسا مش لاقية نفسي ف ليه التعاقيد ؟

معنديش طاقة للرغي بس روحي مثقلة بالحزن وخايفة الشعور يبقي مألوف ليها لدرجة انها ترفض تمشي وتسيبة

اكلت عسل اسود بطحينة النهاردة مع فطير ومع كل لقمة كنت حاسه اني i don't deserve this بس كملت لحد ما شبعت وحسيت اني استاهل ابقي الطف مع نفسي من كده .

في جوانب كتير من حياتي مش مرتاحة اتكلم فيها مع نفسي بس لازم اتكلم عشان لغة الحوار دي هي لللي بتخليني اتعلم .

عايزة اعترف اني رجعت تاني اعاني ومش بقدر اروح الشغل ولا بقدر اعمل الحاجات اللي بحبها بس بجبر نفسي عشان كل اجبار بيحسسني اني عملت انجاز استحق الانبساط بيه .... بس اللحظات التانية بحس بفشل ذريع بيقطع قلبي بس برجع تاني اهدي

طول ما عيونك حلوين يا منار وقادرة تشوفي الحلو في اللي حواليك يبقي لسه قادرة تلحقي نفسك .

[omawi36]

في حاجات في الكون مالهاش تفسير زي مثلاً إستمراري في السعي وعدم وصولي، أنا أصلا مش عايز أوصل أنا بس عايز شغلانة كويسة بألفين تلاتة في الشهر أكمل بيهم حياتي والله، زي مثلاً حزني وسوء حظي، زي حاجات كتر ربنا أداها لناس متستاهلش وأنا يارب استاهل والله ، أنا لسه راجع دلوقتي بعد ما سيبت السي في بتاعي في اماكن كتير شوفت فيها ناس كتر متستاهلش الأماكن إللي فيها أنا لقيت ناس على مكاتب بتكتب أسمي غلط ده لو اعتبرنا إن دي كتابة، لقيت ناس بتحسدني على شكلي ولبسي وهيبتي وبيحاولوا يضايقوني ويطفشوني لمجرد إني أحلى منهم

دي كلها حاجات مالهاش تفسير

[marmarika-world]

تصدقي ؟ هاتصدقي إن شاء الله 🤣🤣🤣🤣

استاهل كل الألوان 🤣

اه والله ب كوباية الشاى دى هتاخد لونين النهاردة

🩵💜 🤣🤣🤣🤣🤣🤣🤣