#الموبيل

[greenfue]

يمكن للموبايل مراقبة سلوكيات الناس في التعامل مع المساحات الخضراء والحدائق العامة والإبلاغ عن أي تجاوز

يمكن للموبايل مراقبة سلوكيات الناس في التعامل مع المساحات الخضراء والحدائق العامة والإبلاغ عن أي تجاوز

تؤدي المتنزهات والمساحات الخضراء الأخرى في المناطق الحضرية العديد من الوظائف الرئيسية، بما في ذلك تعزيز الصحة البدنية والعقلية للإنسان، والحفاظ على التنوع البيولوجي للنظام الإيكولوجي، وخدمات مثل إدارة مياه الأمطار والحد من الحرارة. تؤثر تفاعلات الأشخاص مع المساحات الخضراء على هذه الوظائف، ولكن من الصعب التقاط النشاط البشري بدقة كافية لإبلاغ إدارة المساحات الخضراء ، يمكن أن تساعد بيانات GPS…

[m-anarrr]

[onlinetechegypt]

[un-known97]

بفتح النوت علي الموبيل القديم ولقتني كاتب ..

" أما والله إن أبغضتموني لا تضروني، وإن أحببتموني لا تنفعوني .. وما أنا بالمستوحش لعداوتكم، ولا المستريح إلى مودتكم. "

ومعرفش حقيقي ده اقتباس من فين ولا عارف كتبتها عشان ايه .. بس هي حقيقية جداً ..

[escapzarzory]

غيرت الاسكرينه بتاعة الموبيل اكني غيرت الموبيل كله

[ebrahimx]

شوية زكام وزور بيوجع والمناخير تتسد تعمل صداع ورعشة في الجسم ٣ أو ٤ ايام حقنة مسكن وكل دا يروح لحاله دلوقت لا مسكن نافع ولا يومين في السرير شافع ولا اي حاجه نافعه بفكر ابلغ عنه الشرطه يا عضمك يا رضا انا من كتر ادوية البرد بدأ يجي لي هلاوس الموضوع اتطور لدرجة ان الموبيل في ايدي وسامع انه بيرن كل شويه ابص ملقيش حاجه مويل استقاليه وشدة اعصاب وهيبره انا يلزمني راحه اسبوع في السرير

[kelebek-gibi]

اسوء اسوء نوع بني ادمين ف الدنيا اللي يبان كيوت لدرجه يصعب ع اي حد لكن هو مش سالك وملتوي لابعد الحدود ..

كان (كان) عندي صديقة كانت بتحبني جداا وانا كمان بتخاف عليا بناكل ونشرب ودخلتها بيتي ، مكنتش باكل لبانه حتي الا و بقسمها معاها ..

كانت طول الوقت بتندب حظها وتشكي من كل حاجه ف الدنيا لدرجه كنت بدخل ف ادوار اكتأب وعياط كتير بسببها وكنت عارفة انها السبب من كتر حُبي ليها

بس مكنش ينفع اقولها متحكيش كنت حاسة انها بتتملي وتيجي تفضي عندي يعني انا مميزة بالنسبالها ، كانت بتقولي مليش ف الحياه غيرك ((وانا بصدق الناس اوي )) المهم اما واحدة تانيه جت معانا الشغل بقت بتحكيلها زيي بالظبط ، بقت بتكلمها واحنا ف نفس الاوضة ع الواتس اب عشان معرفش اللي بتقوله لها وكنت شاكه انها حكتلها حاجه بيني وبينها محدش يعرفها غيرنا سألتها قالتلي لا وطلعت حكيلها والموضوع صدم قلبي كأنها خيانه بالنسبالي

مفتكرش جيت مرة معيطه وحكيت حاجه الا واتريقت عليها وحرفيا كانت بتضحك بهستريا ، مفتكرش جيت لابسة لبس جديد الا وانتقدتني فية ، عمري مانزلت صورة وقالتلي صورتك حلوة مع ان كله بيبقا منبهر مثلا ..

كل شوية اي الضوافر دي اي المانكير دا لونه وحش اي الحنه دي !

اما ييجي شغل كتير ليا كانت تشوفني مضغوطه وع اخري تضحك وتمسك الموبيل شوية وبعدين تنام لاخر اليوم والمدير ييجي يقولها ساعديها تقعد تستغفر وتهوف ومرة ساعدتني كتبت اول كلمه ف السطر وسابت الصفحه فاضية وانا اضطريت اقعد اكتر م الوقت وكملت تاني يوم من كتر الشغل ،

حرفيا انا لو لقيت عندها شغل كتير ممكن اشيلها هي والكمبيوتر فوق دماغي عشان اساعدها 😅

بغمض عيني بفتكر انا عملت اد اي وعملتلها اي ياارببي 🙆‍♀️

حاجات كتشيير كتشييير بقا مش قادرة احكيها الحقيقة ولكنها من اشد الصدمات اللي حصلتلي مؤخرا

المهم سيظل الانسان ساذج كدا كدا 🫰

[sacredsadsong]

احساس خايب اوي تيجي تدور على حد قريب تحكيله الي مضايقك تلاقي مفيش حد ف تطفي الموبيل و تنام

[nadeenelhosany]

كله من الموبيل

[fozdoaa]

- الناس بتصحي ع بحبك وصباح الخير ووحشتني ..

=انا لما اصحي والقي الموبيل شحن 100%

[omqo]

شوفو رب العباد لما يحب يكافئ عبده

.

سامح شاب ٢٩ سنه من سكان القاهره خريج كلية ألسن ألمانى بيحكى قصته ..

.

يقول: فى يوم ١٢ يناير لسنه ٢٠٠٩ كنت رايح الجامعه انا وصحابى كان ورانا إمتحان خ واحنا ماشيين لاقينا راجل كبير واقع فى الأرض جرينا عليه نشوفه ماله لاقيناه تعبان جدا

ومش قادر ياخد نفسه،اتصلنا بالأسعاف لكن للأسف ماحدش جه

.

..

إتأخرنا جداً على الإمتحان ولاقيت صحابى واحد ورا التانى بيمشى عشان يلحقوا اللجنه ، وفضلت أنا لوحدى مع الراجل مش عارف أعمل ايه ، حتى ماكنش فى حد فى الشارع عاوز يساعده ..

.

بصراحه ماهنش عليا أسيبه وأمشى، أستعوضت ربنا فى الإمتحان ، ووقفت تاكسى بسرعه ونقلته لأقرب مستشفى ، اتحجز فى العنايه المركزه وفضلت قاعد فى المستشفى لغاية الساعه ٤:٣٥ بعد الظهر ، لدرجة من كتر التعب نمت على الكنبه ،

.

جه الدكتور صحانى

وقالى الراجل ده كان هايجيله شلل رباعى بسبب جلطه كانت نازله على المخ وكويس انك لحقته وجبته المستشفى واخد العلاج اللازم .

.

بصراحه فرحت جداً ان الراجل هايبقى كويس مع انى معرفهوش ولا يعرفنى بس حسيت بإرتياح نفسى كدا ..

المهم بقيت أزور الراجل ده يومياً لغاية ما خف وبقى كويس وسبتله رقمى لو إحتاج أى حاجه يكلمنى..

.

للأسف طبعاً شيلت مادة الإمتحان اللى حصل فيه موقف الراجل ده وحزنت جداً خصوصاً إن أخر السنه نزلت منحه مجاناً فى الكليه إنى أكمل دراسه فى المانيا بشرط انى اكون طالع صافى كل السنين بتقدير جيد

.

وفضلت الماده دى الوحيده اللى شلتها نقطه سوده فى مستقبلى ، وكأن الزمن بيعاقبنى على فعل الخير عدت الأيام وأمتحنت الماده وإتخرجت من الكليه وانا بائس ماليش نفس أعمل أى حاجه ، عينى على زمايلى اللى سافروا المانيا يكملوا دراستهم ويرجعوا بشهاده يشتغلوا بيها أحسن شغل فى مصر

.

..

عدت الأيام لغاية ما جه يوم ٢٢ مايو لحظة تغير جذرى فى حياتى ، حصلت حاجه ماكنتش قادر أتخيل إنها ممكن تحصل أصلاً ..

اليوم ده قدمت على شغل فى شركه كبيره جداً فى مصر ، لكن للأسف ماتوفقتش بالرغم انى كنت مجهز نفسى كويس جداً ، لكن أخدها واحد بالواسط

.

اليوم ده خرجت من الشركه والدنيا سوده قدام عينيا من كتر الحزن عينى الشمال كانت وجعانى وضغطى عالى جداً ، كنت ماشى فى الشارع وانا عينيا بتدمع لا إرادياً، ماكنتش شايف حد قدامى ، مش شايف غير كل الفرص اللى ضاعت منى بسبب سوء الحظ ..

وصلت البيت وانا ساكت تماماً كل اللى يسألنى بشاورله انى عاوز انام دخلت أوضتى وإترميت على السرير من شدة الحزن عاوز أصرخ مالقتش غير النت أخرج فيه مشاعرى طلعت الموبيل وكتبت على الفيس لماذا يارب انا فاكر وقت البوست كويس كانت الساعه ٧:٢٣ بالليل ساعتها كنت بموت بالمعنى الحرفى ..

.

كتبت البوست ده ونمت ، صحيت الساعه ١٢ بالليل بسبب كوابيس كتير جاتنى ، لاقيت رساله من حد مش عندى فى الأصدقاء وحاطط صوره منظر طبيعى بروفيل له ، بيقولى مساء الخير يا سامح انت كويس طمنى عليك ؟

.

إستغربت أنه عارفنى .. كتبتله وقولت ..

- الحمدلله بخير ، مين حضرتك ؟

- معقول مش عارفنى يا سامح ، انا الراجل اللى انت انقذته من الموت ..

- اه اهلا بحضرتك ازيك ، انت جبت الفيس بتاعى إزاى ..

- بحثت برقم تليفونك ولاقيتك ، قولى مالك متضايق ليه وكاتب لماذا يارب تركتنى ..

.

حكيتله عن اللى حصل فى الوظيفه وقد ايه اتظلمت عشان مش معايا واسطه ..

لاقيته بيقولى ولا يهمك تحب تسافر المانيا ..؟

،

انا قريت رسالته دى واتثبت مكانى مابقتش عارف انطق بنص كلمه ، تلقائياً لاقيتنى بقوله انت بتتكلم جد ؟

.

قالى انا مستثمر فى المانيا بقالى اكتر من ٣٨ سنه ، ودى اقل حاجه ممكن أقدمهالك على الخدمه العظيمه اللى إنت قدمتهالي ..

.

عدت الأيام وصدق الراجل فى وعده وسافرت وسهّل ليا كل إجراءات الإقامه والشغل ..

الغريب بقى إنى لما قابلت صحابى هناك إستغربوا جدا وسألونى انت جيت المانيا إزاى ..

.

قولتلهم وانا مبتسم .. جيت بالتاكسى

وحاكيتلهم حكايه الراجل اللى نقلته المستشفى بالتاكسى ساعة الإمتحان ،

.

وهو اللى ساعدنى آجى هنا ..

كنت بحلم بمنحه دراسيه كام شهر فى ألمانيا عشان ارجع اشتغل فى مصر ، لكن حكمة وترتيب ربنا العجيبه جداً ، رزقنى بإقامه دائمه فى المانيا بشغل أحسن وأفضل من مصر بكتير ..

.

حقا

ان الله لا ينسى كوب ماء بارد قدمته من أجله..

لذا إرمى خبزك على وجه المياه..ستجده ولو بعد حين..

.

لا تنتظر مقابل من البشر بل كن سامرى صالح فى زمانك والرب لن ينس ابدا تعب محبتك.♥️♥️♥️♥️♥️♥️♥️

منقول

.

‬‏وله في كل أمر لطف خفي❤️قصة جميلة علينا أن نأخذ منها العبرة لتهدئ نفوسنا ونخفف من القلق الذي يعترينا وأن نؤمن أن لنا خالق رحيم يتولى كل شؤوننا وأن مايريده هو الأصلح والأفضل لنا فهو أعلم بنا من أنفسنا رزقنا الله وإياكم كل ما فيه خيرنا لدنيا والآخرة

[onlinetechegypt]

[m-anarrr]

بجد والله عايزة اعتزل الموبيل ده

لا مني اتهببت نمت ولا مني صاحية بعمل حاجة ولا حتي مثلا ماسكة من كتر النتوفيكشن

عامل زي باب التلاجة اللي بفتح تسعتلاف مرة بلا هدف

[escapzarzory]

الموبيل هيولع من السخنيه