#الهادى

[tarekabouomar]

#شاندو - #عبد الهادى - #ريمكس #طارق أبوعمر

[mohamedyoussef1]

قررت استعمل تمبلر زى مابستعمله زمان ، الحقيقه بقالى سنين بخاف اكتب حاجه عليه كأنه فيس بوك مثلا والناس عارفانى عليه ويمكن دا بسبب الفتره الطويله اللى قضيتها عليه ، بس اكتشفت انى هنا عشان دا الركن المستخبى الهادى فحتى لو حد جه من الواقع عندى رمى ودنه ففعلا مش هيفرقلى فى شئ ..

حابب اتكلم شويا عن المرض او بمعنى اصح حاجات حواليه ، خلينى اقول ان عندى اكتئاب حاد عشان مدخلش فى تفاصيل ملهاش لازم دلوقتى ،و العلاج هايل جدا الحمدلله ، بس الفكره فى المرض وتاثيره ورد الفعل عليه كلهم مجتمعين مش الفكره فى المرض بس ، يعنى لو حد سالنى وقالى المرض دا لعين ومؤذى هقول وهعترف اللى كان مؤذى اكتر هو رد الفعل عليه للاسف ، فى اوقات كتير من حياتى مقدرتش اتعامل بالشكل الصح معاه وعقلى مساعدنيش ودا من اعراض المرض نفسه وللاسف مكنش حوليا حد يوعينى وياخدنى من ايدى ، المرض بيسمح للمريض يتعامل عادى فى وسط المجتمع لانه مش مجنون ، يقدر يدارى كل حاجه بتحصله ولو بان حاجه هيبان شوية تشتيت على قلة تركيز وممكن قلة نوم ودول بيحصلو لاى حد طبيعى

اما عن رد الفعل فرد الفعل عالمرض الوحيد الصح هو ان المريض يتحط قدام دكتور شاطر يعالجه صح ويفهم حياته ويهتم انه شخص عنده حياته محتاج يرجعلها مش ينيمه وخلاص زى مادكاتره كتير بتعمل للاسف

ودا كله مش هيحصل غير لما المريض يروح الدكتور وياخد الدوا الصح ويلتزم عليه فترجع حياته عاديه جدا ولا اى حاجه فيها وتركيزه تمام .. اما لو جات النوبه والمريض لاعلاج ولا غيره فهنا ممكن المريض يقعد شهور يضيعها ولا يركز فى حياته ولا ينجز حاجه ولا قادر يستوعب اصلا انه محتاج لعلاج .. وهنا اللعنه

الفتره اللى فاتت بعاند بس انى كويس وانى مفيش حاجه وبتعامل عادى وبتهم اى حاجه تانيه انها سبب التشتيت وقلة التركيز والطاقه غير الاكتئاب فراحت شهور كتير من غير اى انتاج يذكر ، بس الحمدلله ربنا كريم ولطيف وبيعوض ، ويكفى ان تدابير ربنا خلتنى بشكل ما اروح للدكتور ولوحدى وابدا رحلة علاج عشان اجى الفتره دى ابدا افوق من الانتكاسه واستوعب كل داا ..الحمدلله دائما وابدا

ربنا تدابيره كلها خير واقداره كلها خير وقدرته بلا حدود اذا اعطى اذهل ، ومتاكد ان ربنا هيعوضنى وهيجازى خير عن كل دا

دعواتكم

[free0spirit]

‏ف الركن البعيد الهادى 💙

[fozdoaa]

من فتره وقعت جامد من ع التريدميل الغريب انى بعرف اتعامل معاها ولو عليت السرعه او تعبت والموضوع فرط منى كنت برفع رجلى بسرعه على جانبين السير فى حته ثابته واهدى واهديها براحتى يومها معرفش ايه اللى حصل معايا بالظبط هى كانت ساعه قضا مأنقذنيش يومها غير الكابتن لحقتنى بس كنت اتشلفطت وعندك من وقتها وقفت استخدامها .

انهارده الكابتن واقفه جنبى وقالتلى يلا تعالى طلعت عادى بس كأنى فى حياتى مستخدمتها ! قولتلها شغاليهالى انتى وع الهادى جدا وانا كل اللى عليا انى متبته ايدى باستقتال فيها اول مبدأت تتحرك فضلت اصرخ واقولها وقفيها !زرار ال ستوب قدامى !بس مكنتش قادره ابدا كنت مرعوبه وقولتلها لاءه مش عايزه قالتلى انا جنبك وع الهادى قولتلها لاءه ونزلت بسرعه.تبا لذاكره الجسد ألف مره يارب والله .

تبا للخوف عشروميت مره

[saraudai]

بحب اوى البلوج الهادى تلاقى تفاصيله لطيفه حتى فى عشوائيته هادى و جميل مريح للعين تسرح فيه كدا من غير ما تحس فكل الحب و الشكر للناس الجميلة دى ♡.

[samuraiiii]

ايه اليوم الهادى الى محدش بيكلمنى فيه ده انا مبسوط :)

[abeer-awdallahh]

الوقت المفضل ف يومى هو لما بخلص شغلى وكل اللى ورايا واقعد ف اوضتى واشغل النور الهادى واعمل كوباية شاى بلبن واتفرج ع انمى💜

[ashrakatt-23]

بودكاست اشتري مني فكرني بالأغنية دي ورغم إني مش بحب أنغام بس الأغنية دي رايقة آخر حاجة..

خصوصاً وهي بتقول

التلج داب..داب..داب ف كاس اللمون بقاله ساعات

وفتحلي باب لهمس العيون وضحك البنات😌

[heavensbreezes]

نسب سيدى أحمد البدوى 

هـو السيد أحمـد البدوى بن على بن إبراهيم بن محمد بن أبى بكر بن إسماعيل بن عمر بن عثمان بن على بن حسين بن محمد بن موسى بن يحيى بن عيسى بن على الهادى بن محمد الجواد بن على الرضا بن موسى الكاظم بن جعفرالصادق بن محمد الباقر بن الإمام علي زين العابدين بن الإمام الحسيـن بن الإمام علـي كرم الله وجهه ، بن أبى طالب بن عبد المطلب بن هاشم بن عبد مناف بن قصي بن كلاب بن مرة بن كعب بن لؤى بن غالب بن فهر بن مالك بن النضر بن كنانه بن خزيمة بن مدركة بن إلياس بن مضر بن نذار بن معد بن عدنان .

نسب عليه من شمس الضحى نورٌ ومن فلق الصباح عمــــوداَ

ما فيه إلا ســـــــيدٌ و ابن ســــــيدٍ حازالمكارمَ والتقى والجودَ

[pink-apple98]

كل ما تكبر ، هتلاقى نفسك بتفضل الأمور الهادية أكتر .. بعيداً عن الضجة إللى كنت بتسعى ليها زمان !

نجاحك يبقى هادى و حقيقى ، أحسن من إنه يعمل دوشة و هو حجمة صغير .. إنك مش بتسعى للفت أى أنظار إليك ، بتسعى بس إنك تبقى بكرة أحسن من إمبارح !

لحظات سلامك هى الوقت إللى بتقدر تفصل فيه ، مش فى خروجة تستنزف من طاقتك أكتر ولا مكان جديد تروحه .. إنك بعد ما بقيت مُجبر على السعى و الجرى ، جلوسك فى سلام بقى ممتع أكتر و مش ممل زى زمان !

الطريقة إللى عايز تتحب بيها تكون هادية من حيث ثباتها .. إنك بعد ما بتخرج من حربك اليومية بسلام ، بتنتظر بيتك الهادى إللى بتقدر تكون فيه إنت فعلاً ، بيتك إللى بيتكون فى وجود شخص قادر يشاركك كل جوانبك و متبقاش غريب معاه !

لما بتكبر ، بتلاقى الموازين إختلفت .. و كفة الهدوء بقت غاية أكتر من كفة الإثارة و المُتغيرات !

إنك دايماً عندك مساحة للجنون و الغير متوقع ، لكنك محتاج ثوابت واضحة تكون واخدة المساحة الأكبر ..

إنك مابقتش نسخة باهتة من نفسك ، لكن تفضيلاتك إتغيرت بهدوء و بدون ما تدرك .. فا إتفاجئت بإنك بتلاقى سعادتك فى حاجات مختلفة عن زمان !

[tarekabouomar]

نور خان - على الهادى - ريمكس طارق أبوعمر

[mysteriouslyclearenemy]

💥الفتن بدأت تزداد

فانقسم أغلب الناس إلى:

( *منحرف - متذبذب - ثابت* )

في القرآن آية نكررها ولا نخاف مما تدل عليه من خطر جسيم، وهي تحتاج منا للتركيز والانتباه والتدبُّر....

قال تعالى: { فتزل قدم بعد ثبوتها }

لم يقل: بعد تذبذبها؛ بل قال: بعد ثبوتها.

-فالحياة فتن .. والثبات صعب .. فاسأل الله عزوجل الثبات من قلب صادق...

-( الثبات ): لا يكون بكثرة الاستماع للمواعظ

إنما يكون: ( بفعل ) هذه المواعظ وتطبيقها في واقع الحياة ...

والدليل قوله تعالى: { ولو أنهم فعلوا ما يوعظون به لكان خيراً لهم وأشدَّ تثبيتاً }.

قيل لأحد العلماء: يا شيخ،

((إن فلانٌ قد إنتكس!.))

قال الشيخ: لعل انتكاسته من أمرين:

اﻷول: إما أنه لم يسأل الله الثبات.

الثاني: أو أنه لم يشكر الله على نعمة الاستقامة...

فحين اختارك الله لطريق هدايته، ليس لأنك مميز أو لطاعةٍ منك، بل هي رحمة منه شملتك، قد ينزعها منك في أي لحظة، لذلك لا تغتر بعملك ولا بعبادتك، ولا تنظر باستصغار لمن ضلّ عن سبيله، فلولا رحمة الله بك لكنت مكانه ...

أعيدوا قراءة هذه الآية التي خُوطب بها النبي ﷺ بتدبُّر . قال تعالى: ( ولولا أن ثبَّتناك لقد كدت تركن إليهم شيئاً قليلاً ).

فإياك أن تظن أن الثبات على الاستقامة أحد إنجازاتك الشخصية ..

تأمل هذا الخطاب من رب العالمين عز وجل لسيد البشر محمد صلوات ربي وسلامه عليه: *"ولولا أن ثبَّتناك"* فكيف بي و بك !!؟..

نسأل الله تعالى لنا ولكم الثبات فى الدنيا والآخرة.

🌷ملحوظة:-

*المثبِّتات*

خمس مثبتات في عصر الفتن :

١- القرآن الكريم (كذلك لنثبِّت به فؤادك) .

٢- قراءة السيرة وقصص الأنبياء (كذلك نقص عليك من أنباء الرسل ما نثبت به فؤادك) .

٣- العمل بالعلم (ولو أنهم فعلوا ما يوعظون به لكان خيراً لهم وأشد تثبيتاً) .

٤- الدعاء (يا مقلب القلوب ثبت قلبي علي طاعتك) .

٥- الرفقة الصالحة(واصبر نفسك مع الذين يدعون ربهم بالغداة والعشي يريدون وجهه ولا تعدُ عيناك عنهم تريد زينة الحياة الدنيا).

كلام نفيس جداً ..

لكل الناس وحريٌّ بالمسلم أن يعقله ويتدبره ..

??أم على قلوب اقفالها.؟؟

و الله من وراء القصد و هو الهادى السميع البصير. و السلام عليكم ورحمة الله وبركاته.

[jawak]

الأهداف والدروس المستفادة: تعليم الأطفال أهمية الشجاعة والصداقة والتعاون والحكمة والسرعة والمثابرة في مواجهة التحديات...

[fozdoaa]

لما ببقى تعبانه بكره كونى حد غلس اكيد محدش بيحب التعب بس انا فعلا بقرف الدنيا مش عياط وندب وتوجع والكلام ده اطلاقا ايفن لو حصل بيبقى ع الهادى يعنى ،بس ببقى حد ضعيف رافض يعتمد على حد وهو اون ذا اوذر سايد مش عارف يعتمد على نفسه ،ببقى سينسيتڤ جداااا واحقاقا للحق ببقى محط اهتمام القاصى والدانى والطالعه الأشهر عند ماما بطلعتها المعتاده يابنتى اسمعى الكلام او انتى قرفتينى العيال الصغيره مابتعملش كده وحقيقه انا مؤمنه جدا ان التعبان بيتعب الى حواليه بنفس مقدار تعبه .

بقالى اسبوعين وخاصتا الأسبوع اللى فات متحاوطه بهاله حب واهتمام وحاجه منتهى المعنى الحرفى ل مبيستحملوش عليا الهوا ،

متحاوطه بطاقه لطف من اغراب اتحطيت فى مواقف معاهم جميله تسند القلب وترقه .

متحاوطه بمعيه ربنا بشكل يخلينى حامده وشاكره جدا ليه

[saraudai]

في نظرك امتى يكون الشخص مثالي؟ أو أقرب للمثالية؟

بصراحه مش بعترف بالمثاليه و كدا بس لو هنقول فـمن وجهه نظرى "الشخص البسيط" المقصود بالبسيط هنا الشخص الراضى عن شتى أمور حياته أو بيحاول حتى يرضى لأجل ثقته و حسن ظنه بالله، الهادى مش المبهرج عاقل كدا و راسى عارف هو عايز ايه بالضبط وفاهم دوره كويس سواء فى الحياه عموماً أو فى حياه اللى حواليه، مش متصنع مش بيحاول يكون حد تانى غير نفسه و لا بيحاول يبهر اللى حواليه، مقتنع إننا بنى أدمين بنخطئ كتير ونصيب قليل فـبيعرف يعترف بغلطه و يصلحه أو على الأقل بيحاول لأجل إنه يصلح من نفسه لنفسه و يوصل لأحسن نسخه منه و يكون راضى عنها، يعرف يغفر و يسامح نفسه قبل اللى حواليه، قلبه جميل مش فيه حقد ولا غل مش فاضى يبص لحد فى حياته وميخصوش ولا يهمه مركز على نفسه و بس، حياته مش فوضويه بيسعى دايماً لإنها تكون هاديه و مريحه و أكيد ربنا راضى عنها .. معانى تانيه كتير بتندرج تحت مصطلح بسيط.

البسيط بسيط فى كل حاجه فى حياته حرفياً، البساطه مُبهره بجد و لأجل دا مش سهله مش أى حد يقدر يكونها 🤍.

أنون بعد ما يشوف الرد:

أمال لو بتعترفى بالمثاليه كنتِ قولتى ايه؟! دى المثاليه بعينها يا قادره 🙂😂