#بيتخانق

[sarrah]

يعني مش كفاية آرااااااااااااء الفقهاااااااااااااااااااااء في الميراث، جايبلي كمان رأي القانون! قبل وبعد!!!!!!!! 🙂😤

[shifonyasen]

المحترم ...

وهو زعلان محترم ؛ وهو متغاظ محترم ؛ وهو بيبعد محترم ؛ وهو بيتخانق محترم ؛ وهو بيكرهك محترم ؛ وهو بيعاتب محترم ؛ وهو بيندم ع اليوم اللي عرفك فيه بردوا محترم الاحترام طبع مَش تطبع الاحترام أخلاقيات داخليه نابعه من القلب

الاحترام هبه من الله

يا بخت اللي يعرف حد محترم ❤️

[kelebek-gibi]

" لعنه الحب من طرف واحد للهروب من الوحدة "

في مسلسل أفراح القبة ، "أم هاني" كانت بتحب طارق وطارق مكانش بيحبها كان بس يعرفها لما يحتاج فلوس.. يروحلها لما بس يتزنق في حياته وكان دايمًا يترمي في حضنها ويعيط لما تصده اللي بيحبها "تحية" كانت بتحضنه وقلبها واجعها بس كانت بتستحمل علشان كانت بتحبه جدا وبعد ما تحية باعته واتجوزت راجل غيره راح طارق أتجوز "أم هاني" مع انه عمره ما شافها او اعتبرها حبيبته.. كان معاها بجسمه بس قلبه وعقله مع تحية ومع ذلك كانت مبسوطة ..

طارق كان اشبة بطفل كبير " اناني " مبيحبش غير نفسه وبس وفي مره من المرات اللي بيتخانق فيها مع ام هاني وكان عايز يمشي من الشقة ام هاني قالت جملة غريبة جدا

" وحياة تحية متمشيش "

[lsd-l]

محل إسمه الحاج سوسو وأولاده !!

الحاج سوسو !

شكله عامل إزاي ده، وإزاي ممكن حد يكون بيتكلم معاه جد أو بيتخانق مثلاً ويقوله ياحاج سوسو من غير مايضحك ؟!

[dimitri97]

مبقتش أحب الخصام ، مبقتش أحب أخاصم صحابي وبرجع بعد نص ساعة أكلمهم انا حتي لو مش غلطان ، بصراحة اتعلمت الحتة دي من عمي الكبير ، بيتخانق معانا كلنا ليل نهار ، وبعد ٣ دقائق ينادي عليا مثلا يقولي خد ايدي وديني الحتة الفلانية ، الرحلة قصيرة ومش مستاهلة الصراحة ، وانا مش عارف دوري فيها هينتهي أمتي ، بس مش عايز امشي وحد ليه حاجة ف رقبتي ، الله يعفو عنا جميعا .. 💗

[marmarika-world]

الناس فى مصر لما بتشوف حد بيقول رأى فيه تفكير بيقولوله "متتفلسفش"..لما حد بيتخانق او يحاول يطلب حقه بيقولوله مش عايزين نعمل "حوار" ولما حد بيحاول يفهم بشكل اقوى بنطلب منه "يكبر دماغه"

الحقيقة ان الوعى الجمعى كله بيكره التعليم والتنوير والحكومة والمسؤول مجرد انعكاس للناس اللى بقى اهم حاجة عندهم دلوقتى يجروا فى اتجاه المادة لأسباب كتير

وبالنسبة لهم الاهم من انك تبقى فاهم وواعى انك تعرف تجيب القرش والتعليم حتى بقى مسخر لكدة

لو هتتعلم حاجة اهم حاجة يبقى ليها مستقبل. وده ترجمته انك تلاقى شغل ويجيب فلوس..مش مهم تحب اللى بتتعلمه ومش مهم يكون حاجة قيمة. المهم يكون ليها عائد مادى عشان تعرف تجيب لحمة وتشترى شقة

كلنا عندنا مشاكل مع التعليم والفلسفة والوعى وكل الكلام الكبير ده ..واللى بيحاول يفكر ناس بيحسسوه انه بيضيع وقته وناس تانية بتحسسه انه حرام شرعاً يفكر..فا تمام تعالوا نكبر دماغنا ومنعملش حوار

[ffatma45]

قاعدة حاليا في المواصلات ورا عمو الل بيسمع كل الفيديوهات الكرينج الابهاتي الل في الدنيا ورافع الموبايل فوق ف مسليني طول الطريق، شكرا عمو وفيديو مبروك عطية بصراحه ضحكني والاسد وهو بيتخانق مع النمر مزجني 🥳🥳🥳

[cybelle-jessy]

المحترم

وهو زعلان محترم ؛

وهو متغاظ محترم ؛

وهو بيبعد محترم ؛

وهو بيتخانق محترم ؛

وهو بيكرهك محترم

وهو بيعاتب محترم ؛

وهو بيندم على اليوم اللي عرفك فيه برضوا محترم

الاحترام طبع و تطبع ( علشان متقولش على نفسك أنا طبعي كدا )

النبي صل الله عليه وسلم قال ( إنما الحلم بالتحلم )

الاحترام أخلاقيات داخلية نابعة من القلب

يا بخت اللي يعرف حد محترم..❤️

[llmqll]

"فيه ناس بتستحمل

ناس لطيفة بيدوا فرص

ناس (عارفين) إن الدنيا مش مستاهلة حوارات

ورغي مالوش لازمة ف بيعدوا ….

الناس دي على قد ما هما لطاف

وعلى قد صبرهم ودماغهم …

زعلهم وحش …. زعلهم (قد) لطافتهم

وقد (صبرهم) …

زعلهم هادي لإنه بيجيب من الاخر

لا بيتخانق ولا بيزعق ولا بيتحمق

زعل (بيشطب) البني آدمين وبيعدي

تبقى مش مصدق إن دا هو الشخص اللطيف الجميل

لا صدق …. صدق عشان أنت ماشوفتش حاجة" 🙏🏼🖤

[m-anarrr]

النهاردة كان يوم عشوائي من ساعة ما صحيت

غيرت لبسي اربع مرات زرحت الشغل متاخر ساعة ونص وادركت ان معنديش شغل ومكنتش طايقة نفسي ولا طايقة اللبس ،دخلت لمديري وبمنتهي الجدية قلتلة انا حيت متاخر ساعة ونص وبقالي نص ساعة هنا ايه رأيك تعتبرة اجازة واروح ؟ لقيته بيضحك جامد بعدين قالي امشي ...وهنا افتكرته بيهزر وان كل ده ها ها ها بس مشيت فعلا ..ودي غالبا كانت تفصيلة مبهجة بعد يومي الصباحي المريب

رجعت البيت وغيرت هدومي لاكتر حاجة برتاح فيها بس مبحبش شكلها اوي بالرغم ان لبسي اللي فات كان احلا قلت لا ابالي ،بعدين نزلنا وكلنا كاتبين نفس اللوكيشن

وفي الاخر كلنا وصلنا لنفس النقطة اللي هي اصلا كانت غلط 😂

وكان يوم مليان احداث مريبة وفي خلفية راسي منار انتي بجد شكلك وحش النهاردة وبعدين صوت تاني بيتخانق مع الصوت الاولني بكامل طاقتة وانا اصلا يدوب بلا طاقة لاني اصلا مريضة بس مش مهم

في الاخر طلعنا سلالام والمزيد من السلالام معرفش ليه كنت حاسه انها ناطحة من السحاب بالرغم انهم ٣ ادوار بس

وفي الاخر ادركنا ان عددنا كبير لما فضلو يظبطو طرابيزات وبنت جت عندنا وقلتلنا بجد ما شاء الله انتو كتار اوي لاننا كنا ١٥ بنت😂 وهنا ادركت اني محاطة بونس فعلا وان تجامعاتي مع البنات دي بجد مبهجة وفي الاخر فضل الصوت اللي في دماغي يستخوذ عليا وانا اتخانق معاه وفي نفس الوقت مستمتعة بالاجواء واللعب والصور

نسيت اقول ان اول ما دخلنا بنت من الستف سالتنا عرفتونا ازاي ومستنية اجابة مبهجة

قلتلها كان نفسي ابهرك بس واحنا ماشين لقينا المكان في وشنا ف طلعنا😂

وفي الاخر الفريق بتاعي هو اللي كسب وكمان ده كان اصغر طبق مكرونة عدي عليا كان طعمة حلو بس كان صغير فعلا 😂

وبكده ديسمبر خلص معايا النهاردة ...ممتنة لكل النعم ممتنة للونس ممتنة للجوابات وممتنة لكل حاجة حصلت ونروح بقي رحلة جديدة نحاول نبني فيها ثقة اكبر في النفس

[radwa1]

النهاردة شوفت واحد في الشارع بيكلم نفسه، وبيشتم بصوت عالي جداااً كأنه بيتخانق .. طلع فوق عربية وقعد يزعق مع ناس مش شايفينهم

الناس في المكان غالبا عارفينه عشان كدة ساكتين وقافلين أبواب المحلات عليهم، بس المنظر كان مرعب بجد

مين ده وياترى شايف ايه معصبه كدة وازاي وصل للدرجة دي وليه مفيش رعاية وليه متساب؟ معرفش

[ammo--scar]

بحب في فيلم "لقاء هناك" إفتتاحية الفيلم، لما المزيكا كانت علي تيمة الآذان "الله أكبر الله أكبر" وبيدخل معاها صوت أجراس الكنيسة، والكاميرا بتقطع علي الجامع مرة وعلي الكنيسة مرة.

عباس الشاب اللي بيدرس هندسة، من أول مشهد في الفيلم بيولّع سيجارة في نهار رمضان، وبنفهم إنه مُلحد لكن مبيقدرش يعبر عن دا قدام أبوه أبدًا.

ويمكن مكنش ملحد قد ما هو شخص مليان بالكره وشايف إن الدين سجن وقيد عليه، قيد خلقه أبوه من أول مرة شب عليها، تعنيفه له وهو صغير علي أي صلاة تفوته، حتى وهو كبير. قيد في علاقته بـ إيفون البنت اللي بيحبها والدين برضو حاجز بينهم.

كل مشهد في الفيلم ماستر بيس بالذات مشاهده مع ليلي، ومشاهده مع صديقه شعبان، زير نساء وخمورجي، لكن بيصلي، بيشوف إنه إنسان يخطئ ويصيب، وفي مشهد شعبان قاله إنه في يوم هيقدر يتخلي عن الكاس لما يلقي سعادته الحقيقية الدايمة مش السعادة اللحظية اللي بتديهاله الخمرة، ودا بيحصل فعلا.

في مشهد تاني جميل، وهو بيواجه أبوه بمعتقده، وبيحصل إنه بيتطرد برا البيت لكن بيخرج وهو مبتسم، باصص للسما وبيشوف حمامة طايرة بتحلق في الجو. ومشهد قبله لم أبوه ألح عليه عشان يقوم يصلي الفجر، والكاميرا بتقطع في مشهد التاني على طول على عباس وهو قاعد بيصلح الراديو وأول ما بيشتغل بتدور آية كريمة بصوت الشيخ شعيشع "إن المنافقين يخادعون الله وهو خادعهم وإذا قاموا إلي الصلاة قاموا كسالي" ومعظم المشاهد اللي كان بيدور فيها قرآن كريم، كانت في الصميم.

حتى مشهد النهاية وهو بيتخانق مع الدكتور وبيقول اومال دا لزمته ايه؟ ودا ودا ودا! وبيشير لآلات كتير موجودة شايف انها بالضرورة تنقذ الانسان لأنه بيؤمن بالعلم، والدكتور بيقوله بمنتهي البلاغة بعد جدال طويل "العلم ابن الانسان".

الفيلم حواري وجرئ من الدرجة الأولي، كل مشهد بتشوفه بتحس قد إيه الكلام عميق ومهم محتاج تعيده مرة وإتنين، بالذات مشاهده مع ليلي، وليلي بقعة النور اللي في حياته.

وعايز اقول إني بحب المشهد دا أوي أوي، بيتهيألي لو إتعمل حاجة زيه دلوقتي هيلبسوا إزدراء أديان.

بص في محيطك كويس هتلقى كذا عباس، عشان كدا الفيلم دا بشوف انه مهم وسابق عصره.

"ربنا لاتزغ قلوبنا بعد إذ هديتنا".

[lucid-dreamer-0]

معروف في رمضان لو معدي في الشارع ولاقيت كذا عيل صغير واقفين مع بعض يبقى توقع إن فيه صاروخ رفيع على وشك الفرقعة، بس ملاحظ حاجة غريبة السنادي إن الصواريخ بتاخد وقت طويل اوي عقبال ما تفرقع، زمان وإحنا صغيرين كانت أشهر غلطة في فرقعة الصواريخ إنك تخليه يغيب في ايدك بعد ما تولعه، فيقوم مفرقع في صباعك، إنما دلوقتي انت ممكن تولع الصاروخ وتروح تقضي مشوارك وترجع عقبال ما يفرقع.

النضارة بتاعتي اتكسرت فروحت لحمتها عند واحد معرفوش غير اللي بعمل عنده النضارات، والراجل طلع جدع وقالي كل سنة وانت طيب ومرضيش ياخد مني فلوس. قومت انا مسكتش، روحت عنده تاني يوم عشان اجيب شامبر جديد للنضارة وعشان اثبتله إن الgood deeds مش بتتنسى يعمو.

معرفش السنادي استوردوا صواريخ برازيلي ولا إيه، اللي متعود عليهم هما 3 انواع أصفر واسود واحمر، الأحمر ده كان طويل ونادر اوي وممكن يفرقع مرتين، بس كان غالي مكنش بيجيبه غير العيال اللي أهاليهم حرامية وإحنا عارفين (حقد طبقي ايوه)، والأسود كان صوته أجمد واحد بس كان بتمن اتنين صُفر برضه، أما الأصفر مكنش أصفرعادي اللي هو اصفر شمسي ده، لا كان اصفر عدسي، لون شربة العدس، بتاع عامة الشعب بقى مكنش حد بيتخانق عليه.

من كام يوم كنت بخلص ورق مع مرات خالي الله يرحمه، فكانوا عايزين صورة بطاقته القديمة، قامت مرات خالي وهي بتطلع البطاقة من الشنطة باست صورته قبل ما تديها للراجل .. المشهد رغم بساطته وتلقائيته، إلا إنه فضل معلق معايا طول اليوم وحسيت انه سوييت اوي.

النهارده وانا بتوضى سمعت واحدة بتزعق للعيال اللي بترمي صواريخ، بس مكنش زعيق عادي لا، زعيق كله شتيمة بالاهل والاسلاف واللي هو يا ولية يام لسان طويل دول لو بيرموا صواريخ في بلكونتك مش هتعملي كده!

ف وانا راجع من التراويح سألت اشبال شارعنا مين اللي كانت بتزعقلهم دي، قالولي انها واحدة ساكنة جديد في العمارة اللي ورانا، كانوا ناويين ميروحوش يلعبوا هناك تاني بس انا سخنتهم جامد، لو على الزعيق فعادي إنما متسيبوش حد يشتمكم كده وتسكتوا، وخلاص من هنا ورايح الصواريخ هتتحدف تحت بيتها حرفيًا انا اتفقت مع الرجالة الصغيرين خلاث.

"أنا لا أحب ذاك الرجل، لذلك ينبغي عليّ أن أعرفه أكثر" .. دي حكمة قالها لينكولن رئيس امريكا الستاشر، حكمة قوية اوي وعميقة، عمري ما طبقتها غير وندمت عليها في الاخر وكرهت ذاك الراجل أكتر.

[na-nncy]

انا ومحمد اتخانقنا جامد النهارده بس ف وسط الخناق مفيش حد فينا هان ع التاني او جرح التاني بكلمه كان "نقاش حاد شويه يعتبر "

بحبه اوي اوي حتى لما بيتخانق ، بيتخانق بحب وبيحترم اللي بينا 💗

اتمنى يفضل كده معايا علطول لحد ٱخر العمر

[marmarika-world]

المحترم وهو زعلان محترم ؛ وهو متغاظ محترم

وهو بيبعد محترم ؛ وهو بيتخانق محترم ؛ وهو بيكرهك محترم ؛ وهو بيعاتب محترم ؛ وهو بيندم على اليوم اللي عرفك فيه بردو محترم ..

الاحترام طبع مش تطبع

الاحترام أخلاقيات داخلية نابعة من القلب.

[ffatma45]

السواق الل كنت معاه الصبح جالو مكالمه ان عليه قضيه ب45 الف جنيه ف فضل متضايق ويكلمنا انا وصحبتي ويكلم نفسه ويقول انا ماشي شمال وبردو همشي شمال وكان طاير بالعربيه وبايع نفسه واحنا بنتشاهد، وحكالنا انه مصلح العربيه امبارح ب21الف وورانا الفواتير، وطول الطريق ماسكتش دقيقه ويتكلم وهو بيتخانق، انا فاهماك بس ءنا عملت ءي 😭