#خازوق

[zahraa17]

لما تحس إن الموضوع

Too good to be true

يبقى وانت مغمض ٩٩٪؜ فيه خازوق.

-نادر حماده

[5005-2]

أحب اشكر الشخص اللي دشمل قلبي ولعب بيه الكورة عشان لولاه كان زماني شخص عبيط لسة و شايف الدنيا وردي. أحب اشكره على كل العقد النفسية اللي لسة معرفتش أخف منها بس اهي مخلياني طول الوقت فايقة كدة اي خازوق هكا ولا هكا أبقى صحيالو. و أحب اشكره برضو عشان لولاه مكنتش عرفت أد ايه انا قوية و قادرة اعدي اي حاجة حتى الحاجات اللي كنت شايفة إني هموت ومش هعرف أعدي منها. و اشكره برضو أنه عرفني قيمة نفسي اوي وأن بسبب ضعفه عرفت أد ايه انا قوية و بسبب خوفه عرفت أد ايه انا شجاعة و بسبب قذارة معاملته عرفت أد ايه حد نضيف زي ميستاهلش يكمل مع شخص زيه. و حابة أشكره عشان لولاه كان لسة زماني بعيدة عن ربنا و في غفلة ولولا القلم اللي أدهولي و القهر و الوجع مكنتش رجعت جري لربنا اللي مليش غيره. و أشكره طبعاً على آخر كلام بينا و رغم كل حاجة صعبة عيشتها في صوت دايماً جوايا كان بيقولي مش عايزين نبقى زيه حتى لو شوفتي كل القسوة دي اللي أنتي متستهليهاش متتحوليش لشخص غليظ القلب و كل حاجة وحشة حستيها مينفعش تخلي غيرك يحسها بسببك.

شكراً بس للأسف مش هقدر أسامحك فا حسبي الله و نعم الوكيل فيك ❤

[fyunka]

‏النجاح الحقيقي، هو الانتقال من خازوق الى اخر دون فقد الحماس والاصرار والعزيمه!!

[werewolff]

بكره من الساعه ٦ الصبح او قبل كده كمان هخرج من بيتي علشان يكون معايا الشهادتين اتمني بجد ارجع بيهم وميطلعش خازوق ف ورق الاعفاء بالذات

[blueboss93]

اخترعت خازوق في دماغي هيخليني معرفش اتخمد

[es-r-aa7]

بانجو من غير بانجو انا و للاسف الحبايتين بتوعي 🙂🙂

وبكدة نختم اخر يوم كنت بعرف اروح فيه الشغل متأخرة ويمضولي .. من الأسبوع الجاي هنبدأ فكرة التشطيب بسبب التأخير "D

الناس اللي عينها ف تكليف الصيادلة يا ريت كفاية كدة عشان خدنا كام خازوق ورا بعض وفجأة هننقطع كلنا يا حكومة.

[marmarika-world]

احذر المبالغة في الإعجاب بأي شخص أو أي شيء فقد يكون هناك خازوق في انتظارك!!

[amrs-posts]

ماشوفتش حاجة مضحكة وبجحة قد ان حد يإذيك وبعدين يقولك لو احتاجت حاجة أنا موجود، هحتاج ايه يعني اكسترا خازوق عن الخازوق الاول مثلا؟

[samnyro7k]

كل ماتلاقى نفسك هتثق فى حد

افتكر أن اخرتها خازوق

شفاف عمره مايتشاف🍺🤣

[zawzana1]

خازوق اسمه الشغف.

[5005-2]

هو انا لما أتجوز و يشوفني بالروتين بتاع النوم بتاعي هيكمل معايا؟؟

يعني بلم شعري خازوق اناناسة لفوق و ألبس بونيه ستان بتخليني شبه الطباخ بالظبط

مرطب رجل و شراب سيليكون شبه رجل البطريق

في اوقات بقى بحط المخدات اللى تحت عيني دي عشان بصحى عيني منفخة

و الله هيطفش 😂

[m1jz]

الدنيا بقت زي الشاورما بالظبط ��هرك للنار ووشك للسكينة ولابس خازوق و تلف حوالين نفسك

[omarabdelaziiz]

ماهو مفيش خازوق هييجي يقولك انا الخازوق ياسطي !!

[escapzarzory]

انا بحاول ابقى رايقه على اد ما اقدر النهارده بس حاسه ان في خازوق في اليوم هيظهر في اي وقت

[meem8]

هو في حد من دمياط ويطلع طيب وآخر ذوق كده.

أنا حاسة في خازوق في الموضوع.

خلينا لما نشوف

[es-r-aa7]

كنت بفكر أروح الشغل بكرة بدل الأربع بس اكتشفت ٢ خازوق 🥹

ميتينج مؤجل من الاسبوع اللي فات عندي الأربع دا

وان في امتحان ثانوية يوم التلات ( وانا بكره انزل معاهم وهما بيمتحنوا )

ف هنكمل حفلتنا عادي 😌