#عمرہ

[googlynewstv]

اتھلیٹکس فیڈریشن کاارشد ندیم،اہل خانہ کو عمرہ کروانے کااعلان

اتھلیٹکس فیڈریشن آف پاکستان نے ارشد ندیم  اوراہلخانہ کو عمرہ کروانے کااعلان کردیا۔ چیئرمین اتھلیٹکس فیڈریشن آف پاکستان میجرجنرل(ر) محمد اکرم ساہی نے ارشد ندیم کو فیملی سمیت عمرہ کروانے کا اعلان کردیا۔ارشد ندیم ، ان کے بیوی بچوں اور والدین کو عمرے پر بھجوایا جائے گا۔ ارشد ندیم کے تقریبات سے فارغ ہونے کے بعد ان کو عمرے پر بھجوایا جائے گا۔

[urduchronicle]

سعودی وزیر نے عمرہ کے لیے آسان وقت اور دن بتا دیا

سعودی وزیر حج و عمرہ ڈاکٹر توفیق الربیعہ نے کہا ہے کہ مکہ مکرمہ میں ان دنوں موسم انتہائی خوشگوار ہے۔ سعودی وزیر ڈاکٹر توفیق الربیعہ کا کہنا ہے کہ عمرے کی ادائیگی کے لیے اتوار، منگل اور بدھ کو رش کم ہوتا ہے۔ ان کے مطابق عمرے کے لیے بہتر وقت صبح ساڑھے7 سے ساڑھے 10 اور رات 11 سے 2 بجے کا ہوتا ہے۔ سعودی وزیر کا کہنا ہے کہ رش سے بچنے والے عمرہ زائرین ان اوقات میں پُرسکون طریقے سے عمرے کی سعادت حاصل کر…

[nuktaguidance]

حج و عمرہ گائیڈنس 

حج و عمرہ گائیڈنس حج و عمرہ گائیڈنس ایپلیکیشن ہر اس آدمی کی ضرورت ہے جو حج یا عمرہ کرنے کا ارادہ رکھتا ہے۔ Install Hajj Umrah Guidance 

[globalknock]

خواتین عمرہ زائرین کا لباس کیسا ہو؟ سعودی حکام نے ضوابط جاری کردیے

ریاض: سعودی عرب کے حکام نے خواتین عمرہ زائرین کے لباس کے لیے ضوابط جاری کردئیے۔ سعودی وزارت حج و عمرہ نے سوشل میڈیا پر بیان میں عمرہ کی ادائیگی کے لیے آنے والی خواتین کے لباس سے متعلق 3 ضوابط جاری کردئیے۔ وزارت حج و عمرہ کے مطابق خواتین عمرہ زائرین  غیر آرائشی لباس کا انتخاب کریں۔ لباس ڈھیلا ہونا چاہیےاور ایسا لباس ہو جو جسم کے کسی بھی حصے کو ظاہر نہ…

[asliahlesunnet]

مانع حیض گولیوں اور نفاس کےخون کا کیا حکم ہے ؟ سوال ۱۷۷: مانع حیض گولیوں کے استعمال کے بارے میں کیا حکم ہے؟ جواب :مانع حیض گولیوں کے استعمال میں کوئی حرج نہیں، بشرطیکہ صحت کے پہلو سے یہ عورت کے لیے نقصان دہ نہ ہوں اور اس کا شوہر ان کے استعمال کی اجازت دے دے لیکن جہاں تک مجھے معلوم ہے ان گولیوں کا استعمال عورت کے لیے نقصان دہ ہے کیونکہ خون حیض کا خروج طبعی خروج ہے اور طبعی چیز کو جب اس کے وقت میں خارج ہونے سے روک دیا جائے تو اس سے یقینی طور پر جسم پر نقصان دہ اثرات مرتب ہوتے ہیں۔ ان گولیوں کے استعمال سے نقصان کا ایک پہلو یہ بھی ہے کہ اس سے اس کی ماہانہ عادت میں خرابی پیدا ہو جاتی ہے، جس کی وجہ سے وہ شک میں مبتلا رہتی ہے کہ اسے نماز پڑھنی اور اپنے شوہر سے مقاربت کرنی چاہیے یا نہیں، لہٰذاس بارے میں میں یہ تو نہیں کہتا کہ ان گولیوں کا استعمال حرام ہے، البتہ میں پسند نہیں کرتا کہ عورت ان گولیوں کو استعمال کرے، مبادا اسے کوئی نقصان پہنچے۔ عورت کو چاہیے کہ وہ اللہ تعالیٰ کی تقدیر پر راضی رہے۔ نبی صلی اللہ علیہ وسلم حجۃ الوداع کے سال جب ام المومنین حضرت عائشہ رضی اللہ عنہا کے پاس تشریف لائے تو وہ رو رہی تھیں اور انہوں نے عمرہ کا احرام باندھ رکھا تھا۔ آپ نے فرمایا: ((مَالَکِ؟ لَعَلَّکِ نفست؟ِ قُالت:ُ نَعَمْ قَالَ: ہَذَا شَیئٌ کَتَبَہُ اللّٰہُ عَلَی بَنَاتِ آدَمَ۔))( صحیح البخاری، الحیض، باب الامر بالنفساء اذا نفسن، ح: ۲۹۴ وصحیح مسلم، الحج، باب بیان وجوہ الاحرام، ح: ۱۲۱۱ (۱۲۰) واللفظ لہ۔) ’’کیا بات ہے، شاید تمہارے ایام شروع ہوگئے ہیں؟ توحضرت عائشہؓ نے فرمایا: ہاں! تو آپ صلی اللہ علیہ وسلم نے فرمایا : یہ تو وہ چیز ہے جسے اللہ تعالیٰ نے بنات آدم کے لیے لکھ دیا ہے۔‘‘ عورت کو چاہیے کہ وہ صبر کرے اور اللہ تعالیٰ سے ثواب کی امید رکھے۔ اگر حیض کی وجہ سے اس کے لیے نماز، روزہ، ممکن نہیں تو، ذکر الٰہی کا دروازہ کھلا ہوا ہے، وہ ان ایام میں اللہ سبحانہ و تعالیٰ کا ذکر کرے، اورباری تعالیٰ کی تسبیح بیان کرے، صدقہ کرے اور قول و فعل کی صورت میں لوگوں کے ساتھ احسان کرے، یہ بہت افضل اعمال ہیں۔ سوال ۱۷۸: نفاس والی عورت کا خون اگر چالیس دن کے بعد بھی جاری رہے تو کیا وہ نماز اور روزہ شروع کر دے؟ جواب :نفاس والی عورت کا خون اگر چالیس دنوں کے بعد بھی باقی ہو اور اس میں کوئی تبدیلی تک نہ آتی ہو تو اگر چالیس دنوں کے بعد اس کی سابقہ عادت کے مطابق ماہانہ ایام شروع ہوگئے ہوں تو وہ بیٹھ جائے، یعنی نماز روزہ شروع نہ کرے اور اگر خون جاری ہو اور اس کی سابقہ عادت کے مطابق ماہانہ ایام بھی شروع نہ ہوئے ہوں تو اس صورت میں علماء کے مابین درج ذیل اختلاف ہے: ٭ بعض نے کہا ہے کہ وہ غسل کر کے نماز روزہ شروع کر دے، خواہ خون جاری ہو کیونکہ اس صورت میں یہ استحاضہ کا خون ہوگا۔ ٭ بعض نے کہا ہے کہ عورت کو اپنی حالت پر ہی باقی رہنا چاہیے حتیٰ کہ ساٹھ دن پورے ہو جائیں کیونکہ بعض عورتیں ایسی بھی پائی گئی ہیں جن کا نفاس ساٹھ دن تک جاری رہا ہے اور یہ امر واقع ہے کہ بعض عورتوں کا نفاس ساٹھ دن تک رہتا ہے، لہٰذا اسے انتظار کر کے ساٹھ دن پورے کرنے چاہئیں، اس کے بعد وہ اپنے معمول کے حیض کی طرف رجوع کرے گی اور اپنی عادت کے مطابق بیٹھے گی، پھر غسل کر کے نماز شروع کر دے گی کیونکہ اس وقت یہ مستحاضہ شمار ہوگی۔ سوال ۱۷۹: جب نفاس والی عورت چالیس دنوں سے پہلے پاک ہو جائے تو کیا اس کا شوہر اس سے مجامعت کر سکتا ہے؟ اور اگر خون چالیس دن کے بعد دوبارہ جاری ہو جائے تو پھر کیا حکم ہے؟ جواب :نفاس والی عورت سے اس کے شوہر کے لیے جماع کرنا جائز نہیں، اگر وہ چالیس دنوں سے پہلے پاک ہو جائے تو پھر اس کے لیے نماز پڑھنا واجب ہے، اس کی نماز صحیح ہوگی اور اس حالت میں اس کے شوہر کے لیے اس سے جماع کرنا بھی جائز ہوگا کیونکہ اللہ تعالیٰ نے حیض کے بارے میں فرمایا ہے: ﴿وَ یَسْئَلُوْنَکَ عَنِ الْمَحِیْضِ قُلْ ہُوَ اَذًی فَاعْتَزِلُوا النِّسَآئَ فِی الْمَحِیْضِ وَ لَا تَقْرَبُوْہُنَّ حَتّٰی یَطْہُرْنَ فَاِذَا تَطَہَّرْنَ فَاْتُوْہُنَّ مِنْ حَیْثُ اَمَرَکُمُ اللّٰہُ﴾ (البقرۃ: ۲۲۲) ’’اوریہ لوگ تم سے حیض کے بارے میں دریافت کرتے ہیں، کہہ دو وہ تو نجاست ہے، سو ایام حیض میں عورتوں سے کنارہ کش رہو اور جب تک وہ پاک نہ ہو جائیں ان سے مقاربت نہ کرو۔ ہاں جب پاک ہو جائیں تو جس طریق سے اللہ نے تمہیں حکم دیا ہے، ان کے پاس جاؤ۔‘‘ جب تک نجاست یعنی خون موجود ہو تو جماع جائز نہیں ہے اور جب عورت پاک ہو جائے تو پھر جائز ہے۔ مگرہاں اس پر نماز پڑھنا واجب ہے، اسی طرح نفاس میں بھی اگر وہ چالیس دنوں سے پہلے پاک ہو جائے تو اس کے لیے وہ سارے کام جائز ہو جاتے ہیں جو نفاس کی وجہ سے ناجائز تھے، لہٰذا اس کے شوہر کے لیے اس صورت میں ہم بستری بھی جائز ہے، البتہ اسے صبر کرنا چاہیے تاکہ جماع کی وجہ سے دوبارہ خون جاری نہ ہو جائے حتیٰ کہ وہ اپنے چالیس دن پورے کر لے لیکن اگر وہ چالیس دن پورے ہونے سے پہلے جماع کر لے تو اس میں کوئی حرج نہیں۔ اگر وہ چالیس دنوں کی مدت گذرجانے اور پاک ہونے کے بعد خون دیکھے تو اس کو خون حیض قرار دیا جائے گا، خون نفاس نہیں۔ خون حیض کے بارے میں عورتوں کو خوب اچھی طرح جانکاری ہوتی ہے ، لہٰذا جب وہ خون آنے کے بارے میں محسوس کرے تو یہ خون حیض کا خون ہوگا اور اگر خون جاری رہے اور بہت قلیل مدت کے لیے بند ہو تو یہ استحاضہ کا خون ہوگا۔ اس صورت میں اسے اپنی ماہانہ عادت کے مطابق بیٹھنا ہوگا اور پھر غسل کر کے نماز پڑھنا ہوگی۔ سوال ۱۸۰: اگر تیسرے مہینے عورت کا حمل ساقط ہو جائے تو کیا وہ نماز پڑھے گی یا (اسے نفاس شمار کر کے) نہیں (پڑھے گی)؟ جواب :اہل علم کے ہاں یہ بات معروف ہے کہ عورت جب جنین کو اس وقت ساقط کرے، جب اس میں تخلیق واضح ہوگئی ہوتو اس سے خارج ہونے والا خون نفاس کا خون ہوگا، لہٰذا وہ نماز نہیں پڑھے گی۔ علماء نے کہا ہے کہ جنین کی تخلیق کا واضح ہونا اس وقت ممکن ہے، جب اس کے اکیاسی دن پورے ہوگئے ہوں اور یہ مدت تین ماہ سے کم ہے، لہٰذا جب عورت کو یہ یقین ہو کہ تین ماہ کا جنین ساقط ہوا ہے تو اس صورت میں اسے آنے والا خون نفاس کا خون ہوگا جب کہ اس دن سے پہلے آنے والا خون فاسد خون ہوگا، اس کی وجہ سے وہ نماز ترک نہ کرے۔ اس سائل عورت کو اپنے بارے میں یاد کرنا چاہیے، اگر جنین اس دن سے پہلے ساقط ہوا ہے تو یہ نماز ادا کرے گی اور اگر اسے مدت یاد نہ ہو تو عورت کو چاہئے کہ وہ خوب سوچ بچار سے کام لے اور اپنے ظن غالب کے مطابق فیصلہ کر لے۔ فتاوی ارکان اسلام ( ج ۱ ص ۲۲۸، ۲۲۹، ۲۳۰ ) #FAI00135 ID: FAI00135 #Salafi #Fatwa #Urdu

[theclearevidence]

Video: Rulings on Hajj e Tamattu - Mufti Umar Shafiq Hijazi (Urdu, English)

Summary in Urdu حج تمتع کے مسنون طریقے کا بیان کیا گیا ہے۔ حج تمتع میں پہلے عمرہ کیا جاتا ہے اور پھر حج۔ عمرے میں چار کام شامل ہیں: احرام باندھنا، طواف کرنا، سعی کرنا، اور بال کٹوانا۔ حج تمتع صرف آفاقیوں کے لیے ہے۔ احرام باندھنے کا طریقہ، طواف اور سعی کے طریقے […]

Continue Reading: https://theclearevidence.org/aspects-of-life/islamic-months/dhul-hijjah/video-rulings-on-hajj-e-tamattu-mufti-umar-shafiq-hijazi-urdu-english/

[shiningpakistan]

پاکستانی بھکاریوں کے دنیا میں چرچے

بیرون ملک پاکستانی بھکاریوں کے بارے میں حالیہ خبر نے مجھ سمیت ہر پاکستانی کے سر شرم سے جھکا دیئے ہیں کہ ’’خلیجی ممالک بالخصوص سعودی عرب میں گرفتار کئے جانے والے 90 فیصد بھکاریوں کا تعلق پاکستان سے ہے۔‘‘ یہ ہوشربا انکشاف گزشتہ دنوں سینیٹ کی قائمہ کمیٹی برائے سمندر پار پاکستانیوں کے اجلاس میں سامنے آیا اور سیکریٹری اوورسیز ذوالفقار حیدر نے اجلاس میں شریک حکام کو مزید حیرت زدہ کر دیا کہ مسجد الحرام اور مسجد نبوی کی حدود سے گرفتار کئے جانے والے اکثر پاکستانی بھکاری ج��ب کترے تھے جو عازمین کی جیبوں پر ڈاکہ ڈالتے ہوئے پکڑے گئے۔ سیکریٹری اوورسیز کے مطابق صرف رمضان المبارک میں سعودی عرب کی پولیس نے 202 بھکاریوں جن میں 90 خواتین بھی شامل تھیں، کو گرفتار کر کے پاکستان ڈی پورٹ کیا جو عمرہ کے ویزے پر سعودی عرب گئے تھے اور زیارات کے مقامات پر بھیک مانگنے اور جیب کاٹنے میں ملوث تھے۔ یہ امر قابل افسوس ہے کہ پاکستانی پیشہ ور بھکاریوں کی سرگرمیاں صرف سعودی عرب تک محدود نہیں بلکہ یو اے ای بھی پھیل گئی ہیں۔ صرف رمضان المبارک کے دوران یو اے ای میں پہلے دو عشروں میں 200 سے زیادہ پیشہ ور پاکستانی بھکاری پکڑے اور 5 ہزار درہم جرمانہ کی ادائیگی کے بعد ڈی پورٹ کئے گئے جن میں خواتین بھی شامل تھیں۔ 

یہ بھکاری یو اے ای کی نرم ویزا پالیسی کا فائدہ اٹھاتے ہوئے آئے تھے تاکہ لوگوں کی رحمدلی کا فائدہ اٹھا کر بھاری رقم بٹوری جاسکے۔ سعودی عرب اور یو اے ای حکام نے پاکستانی حکام کے ساتھ یہ معاملہ اٹھایا ہے اور اور درخواست کی ہے کہ گداگروں کو ان ممالک میں آنے سے روکا جائے کیونکہ ان کی جیلیں پاکستانی بھکاریوں سے بھری ہوئی ہیں اور اطلاعات ہیں کہ پکڑے جانے والے بھکاریوں کو اب پاکستانی قونصلیٹ اور سفارتخانوں کے حوالے کیا جارہا ہے جبکہ یو اے ای حکومت نے پاکستانیوں کیلئے ویزے پر بھی پابندی عائد کر دی ہے۔ اسی طرح ایران اور عراق سے بھی ایسی اطلاعات سامنے آئی ہیں کہ ان ممالک میں بھی زیارت کے نام پر وہاں جا کر گداگری کا پیشہ اختیار کرنے والے پاکستانیوں کی سرگرمیاں بڑھ گئی ہیں اور ان ممالک کی حکومتوں نے بھی حکومت ِپاکستان سے شکایت کی ہے۔ گزشتہ دنوں ایف آئی اے کے حوالے سے یہ خبر منظر عام پر آئی کہ ملتان ائیرپورٹ پر عمرے کی آڑ میں سعودی عرب جانے والے بھکاریوں کے ایک گروہ کو آف لوڈ کر دیا گیا۔ ایف آئی اے ترجمان کا کہنا تھا کہ ان مسافروں سے امیگریشن حکام کی تفتیش کے دوران یہ بات سامنے آئی کہ مذکورہ افراد بھیک مانگنے کیلئے سعودی عرب جارہے تھے جہاں ایجنٹ ان کا منتظر تھا اور بھیک کی آدھی رقم اس ایجنٹ کو دینی تھی۔ 

اطلاعات ہیں کہ یہ ایجنٹ ان افراد سے بیرون ملک بھیجنے کیلئے بھاری رقم وصول کرتے ہیں اور یہ ایجنٹ ملک میں دندناتے پھر رہے ہیں۔ اسی طرح یو اے ای سے ڈی پورٹ کئے جانے والے پاکستانی بھکاریوں نے فی کس 5 ہزار درہم جو تقریباً 4 لاکھ روپے بنتے ہیں، جرمانہ یو اے ای حکومت کو ادا کیا۔ اس طرح اگر ٹکٹ، ویزا، رہائش اور ٹرانسپورٹ اخراجات بھی شامل کر لئے جائیں تو ایک بھکاری پر 10 لاکھ روپے بنتے ہیں جو معمولی رقم نہیں اور یہ ظاہر کرتا ہے کہ عرب ممالک میں پکڑے جانے والے غریب افراد نہیں بلکہ فیملی سمیت عرب ممالک جا کر پیشہ ور بھکاری کا روپ دھار لیتے ہیں اور صاحب حیثیت لوگوں کو دیکھ کر انہیں اپنی دکھ بھری داستان سناتے اور بھاری رقم بٹورتے ہیں۔ بھارتی میڈیا بھی پاکستانی بھکاریوں کے حوالے سے منظر عام پر آنے والی خبروں کوخوب مرچ مسالہ لگا کر پیش کر رہا ہے اور مختلف وی لاگ میں تضحیک آمیز تبصرے کئے جارہے کہ پاکستان دنیا کو بھکاری (Beggars) ایکسپورٹ کرنے والا سب سے بڑا ملک بن گیا ہے۔ 

اس طرح کے تبصرے پاکستان کی تضحیک کا سبب بن رہے ہیں جس سے نہ صرف ملک کی ساکھ مجروح ہو رہی ہے بلکہ دنیا بھر میں پاکستان کی بدنامی ہو رہی ہے۔افسوسناک امر یہ ہے کہ خلیجی ممالک میں ان واقعات کے بعد وہاں مقیم پاکستانی ورکرز کو بھی شک کی نظر سے دیکھا جارہا ہے اور انہیں خفت کا سامنا کرنا پڑ رہا ہے۔ یہ بات قابل ذکر ہے کہ پاکستان میں بھیک مانگنے پر 3 سال قید کی سزا ہے مگر وکلاء اور پولیس حکام کے بقول ان پیشہ ور بھکاریوں کو یہ سزا کم ہی ملتی ہے اور وہ معمولی جرمانہ ادا کر کے دوبارہ اپنا پیشہ اختیار کر لیتے ہیں۔ حکومت کو چاہئے کہ پیشہ ور بھکاریوں اور اس دھندے میں ملوث مافیا سے سختی سے نمٹا جائے اور سخت قوانین مرتب کئے جائیں تاکہ یہ افراد ملک کی بدنامی کا سبب نہ بن سکیں۔ ضرورت اس امر کی ہے کہ پیشہ ور بھکاریوں، جو وبا کی صورت اختیار کر گئے ہیں، کے خاتمے کیلئے بھی موثر اقدامات کیے جائیں اور ان ایجنٹس کو کیفر کردار تک پہنچایا جائے جو لوگوں کی غربت کا فائدہ اٹھاکر انہیں گداگری کیلئے اکسا رہے ہیں۔ اسی طرح خلیجی ممالک سے ڈی پورٹ کئے جانے والے بھکاریوں کا نام ای سی ایل میں ڈالا جائے تاکہ یہ افراد دوبارہ ان ممالک کا سفر نہ کر سکیں۔

مرزا اشتیاق بیگ 

بشکریہ روزنامہ جنگ

[discoverislam]

مسجد نبوی ریاض الجنہ میں آمد و رفت کے لیے نیا نظام

سعودی عرب میں مسجد نبوی کی انتظامیہ نے ریاض الجنہ میں آمد ورفت کے حوالے سے آسانی پیدا کرنے اور راہداریوں کا نیا نظام جاری کرنے کا عزم ظاہر کیا ہے۔ الوطن اخبار کے مطابق مسجد نبوی انتظامیہ کا کہنا ہے’ وزارت حج و عمرہ کی جاری کردہ ہدایات کے مطابق زائرین کو سال میں صرف ایک بار ریاض الجنہ کی زیارت کا پرمٹ ملے گا۔‘ انتظامیہ کا کہنا ہے کہ ’نیا پرمٹ 365 دن گزرنے پر نسک یا توکلنا ایپس کے ذریعے حاصل کیا جاسکے گا۔‘ یاد رہے مسجد نبوی کی انتظامیہ زائرین کو جملہ خدمات کی فراہمی اور زیارت و عبادت میں حائل رکاوٹیں دور کرنے کے حوالے سے موثر جامع حکمت عملی اختیار کررہی ہے۔

[googlynewstv]

جعلی ویزوں پر عمرہ ادائیگی کیلئےجانیوالے6مسافرگرفتار

ایف آئی اے امیگریشن کی اسلام آباد ائرپورٹ پر بڑی کارروائی، جعلی ویزوں پر عمرہ ادائیگی کیلئےجانیوالے6مسافرگرفتارکرلئے۔ ذرائع ایف آئی اے کے مطابق ملزمان عمرے ویزے پر سعودی عرب جا رہے تھے۔شک کی بنیاد پر ملزمان کے سامان اور موبائل فونز کی تلاشی لی گئی۔ملزمان کے قبضے سے یورپ کی جعلی ویزے برآمد کر لئے گئے۔گرفتار ملزمان میں رضوان علی، مظہر عباس، عثمان علی، تنویر خالد، تصور عظیم اور یاسر اقبال شامل…

[urduchronicle]

پی آئی اے نے عمرہ ٹکٹ میں 7 ہزار روپے کمی کا اعلان کردیا

پی آئی اے نےعمرہ کرایوں میں فوری طورپر7ہزاروپے کی کمی کا اعلان کردیا،کراچی اورکوئٹہ سے جدہ کا دوطرفہ کرایہ 79000ہزارروپے ہوگیا۔ ترجمان پی آئی اے کے مطابق کراچی اورکوئٹہ سے دوطرفہ عمرہ کرایہ 79000روپے علاوہ ٹیکس ہوگیا۔ لاہور،اسلام آباد،سیالکوٹ، پشاور،ملتان، فیصل آباد سے جدہ کے لئے دوطرفہ عمرہ کرایہ 87000 روپے علاوہ ٹیکس ہوگیا۔ ترجمان کے مطابق یہ کرائے فوری طورپرنافذالعمل ہوں گے،پی آئی اے عمرہ…

[nuktaguidance]

عمرہ گائیڈ ایپلیکیشن

عمرہ گائیڈ ایپلیکیشن Umrah Guide App عمرہ گائیڈ ایپلی کیشن عمرہ گائیڈ ایپلیکیشن میں عمرہ کرنے کا مکمل طریقہ اور رہنمائی دی گئی ہے۔ جس میں گھر سے روانہ ہونے سے سعودیہ پہنچنے، ہوٹل بکنگ، بس سروس، احرام باندھنا، حرم داخل ہونا ، طواف کرنا، سعی کرنا، اور زیارات مکہ و زیارات مدینہ سمیت تمام معلومات دی گئی ہیں۔ ایپلیکیشن انسٹال کرنے کے لیے یہاں کلک کریں

[emergingpakistan]

ہمارے سیاسی رہنما کن خامیوں کا شکار ہیں؟

کسی ملک میں ڈالرز کی کمی ہونا اتنی بُری بات نہیں ہے جتنی خیالات کا ختم ہو جانا ہے۔ اپنے مستقبل کے رہنماؤں کی صلاحیتوں کو بہتر بنانے کے لیے پاکستان بہت سے راستے تلاش کرسکتا ہے۔ بیلیٹ پیپر پر لوگوں کو ’ان میں سے کوئی نہیں‘ کا انتخاب دے دینا بھی ایسا ہی ایک قدم ہو سکتا ہے اقدام ہوسکتا ہے۔ اس تحریر میں ہم یہ بتائیں گے کہ شہریوں کو اگلے انتخابات کے لیے ’ان میں سے کوئی نہیں‘ کا اقدام کیوں درست محسوس ہوتا ہے۔ تینوں اہم سیاسی جماعتوں کے موجودہ رہنما آٹھ اہم خامیوں کا شکار ہیں جن کی وجہ سے شہریوں کو اپنے آپشنز پر نظر ثانی کرنی چاہیے۔ سب سے پہلی خامی یہ ہے کہ ہمارے موجودہ انتخابی امیدوار فرسودہ ماضی کی میراث لے کر چل رہے ہیں۔ وہ آج تک اپنے آپ کو روایتی نظریات، ذاتی عناد، تنگ نظری، سرکاری خرچ پر عمرہ کرنے کی طرح کے کاموں سے آزاد نہیں کر پائے۔ وہ اب بھی حلف ناموں، فوٹو کاپیوں اور گریڈ 17 سے کاغذات اٹیسٹ کروانے کی دنیا میں رہتے ہیں۔ ان کے پاس ملک کے پیچیدہ مستقبل کے چیلنجز سے نمٹنے کے لیے منصوبے، سائنسی مہارت یا اہلیت نہیں ہے۔ دوسری خامی یہ ہے کہ ہمارے انتخابی امیدواروں میں سے کسی میں بھی اپنی ناکامیوں کی ذمہ داری قبول کرنے کا حوصلہ نہیں ہے۔ 

پچھلی حکومتوں، دیگر جماعتوں یا اداروں پر الزام تراشی اور انہیں قربانی کا بکرا بنانے سے گمان یہ ہوتا ہے کہ انہوں نے ماضی سے کچھ نہیں سیکھا۔ ہم نے کبھی کسی لیڈر کو کھڑے ہو کر یہ تسلیم کرتے ہوئے نہیں سنا کہ ’میں اپنی ناکامی قبول کرتا ہوں، معذرت چاہتا ہوں اور استعفیٰ دیتا ہوں‘۔ تیسری بات، ہمیں ایسے رہنماؤں سے ہوشیار رہنا چاہیے جو اداروں کی تعمیر کے بجائے صرف ’ذاتی وفاداریوں کے ذریعے انتظام‘ یا ’منتخب چند لوگوں کی خوشنودی کے ذریعے انتظام‘ پر یقین رکھتے ہیں۔ بڑے پیمانے پر اعلیٰ سرکاری افسران کی تنخواہوں اور مراعات میں اضافہ اور صوابدیدی فنڈز کے طور پر اربوں کا خرچ رشوت سے بھرے طرز حکمرانی کی صرف دو مثالیں ہیں۔ چوتھا نقطہ، یہ ہمارے لیے خودکشی کے مترادف ہو گا کہ مستقبل میں ایسا کوئی لیڈر ملے جس کے پاس ملک کی شرح پیدائش یا ہماری بڑھتی ہوئی آبادی کے بارے میں کوئی اور اعداد و شمار نہ ہوں۔ کوئی بھی رہنما پچھلے ادوار میں اس مسئلے سے نمٹا نہیں ہے اور نہ ہی آبادی کے حوالے سے تشویش ان کے مستقبل کے ایجنڈے کا حصہ ہے۔ پاکستان آبادی کے حوالے سے فوری اقدامات کے بغیر خطرے میں پڑ جائے گا اور انتخابات میں کھڑے ہونے والی سیاسی جماعتوں کے رہنماؤں کے اپنے قدامت پسند عقائد اس خطرے کو مزید قریب لے آئیں گے۔

پانچویں، انہیں رہنماؤں کو منتخب کرنا تباہ کن ہو گا جن کی پالیسیاں لاپروائی کی وجہ سے 28 لاکھ سے زائد بچوں نے اسکول جانا چھوڑ دیا ہے۔ ان کے پاس اس بارے میں کوئی منصوبہ نہیں ہے کہ کس طرح ��مام بچوں کو معقول تعلیم دیں، موجودہ اسکولوں میں کس طرح اصلاحات لائی جائیں اور ہنر، کام کی اخلاقیات اور تعلیم میں تخلیقی صلاحیتوں کو کس طرح بڑھایا جائے۔ ہم ایسے رہنماؤں کو ووٹ کیوں دیں جو نہ تو ہر روز 17 ہزار 435 نئے بچوں کے اضافے کی رفتار کو کم کر سکیں اور نہ ہی اسکول جانے والے بچوں کو اچھی تعلیم فراہم کرسکیں۔ چھٹا، ایسے لیڈروں کو ووٹ کیوں دیں جنہوں نے 32 ہزار روپے کی کم از کم اجرت کے برخلاف کراچی کی سڑکوں پر 15 ہزار روپے ماہانہ پر جھاڑو دینے والے ہزاروں خاکروبوں (جن میں سے 20 فیصد بچے ہیں) کی حالت زار کے حوالے سے کوئی مؤثر اقدام نہیں کیے؟ ایسے لیڈروں کو ووٹ کیوں دیں جو 10 لاکھ یا اس سے زیادہ پرائیویٹ سیکیورٹی گارڈز کے لیے کچھ نہیں کرتے۔ یہ دن میں 12 گھنٹے کام کرتے ہیں لیکن سرکاری کی طرف سے نافذ کم از کم اجرت کا صرف ایک تہائی انہیں ادا کیا جاتا ہے۔ 

ایسے لیڈروں کو ووٹ کیوں دیں جنہوں نے ریلوے کے ان ہزاروں قُلیوں کے لیے کبھی کچھ نہیں کیا جو اپنی روزانہ کی کمائی کا ایک تہائی حصہ خون چوسنے والے ریلوے ٹھیکیداروں کے حوالے کر دیتے ہیں؟ پاکستانیوں کو ایسے لیڈروں کو ووٹ کیوں دینا چاہیے جو اشرافیہ کی بھاری مراعات اور پنشن کم کرنے کے بجائے غربا پر امیروں کو فوقیت دیتے ہیں؟ ساتویں خامی، موجودہ حکمرانوں کے پاس زرعی ٹیکس لگانے، پینشن میں اصلاحات لانے، تمام شہریوں سے ٹیکس ریٹرن فائل کروانے یا دستاویزی معیشت کو فعال کرنے جیسے سنجیدہ مالیاتی اقدامات کرنے کی کوئی دلچسپی یا صلاحیت موجود نہیں ہے اور اس حوالے سے جو معمولی کام کیا جاتا ہے وہ بھی ڈونر ایجنسیوں کے دباؤ پر بے دلی سے کیا جاتا ہے۔ آخری بات، وہی لیڈر ہیں جو سرکاری محکموں میں ہزاروں ملازمین بھرتی کرتے ہیں اور سیکڑوں سینیئر بیوروکریٹس پر سیاسی احسان کر کے انہیں ترقی دیتے ہیں۔ ہم نے انسانی وسائل کے لحاظ سے ترقی یافتہ ممالک کے سرکاری محکموں کے ساتھ ہمارے ملک کے ہر سرکاری محکمے کا موازنہ کیا، ہم نے دیکھا کہ پاکستان کے ان محکموں میں ضرورت سے کم از کم 5 گنا زیادہ ملازمین ہیں۔

ایک شہری کی جانب سے حال ہی میں ’معلومات کے حق‘ کی درخواست دائر کی گئی جس سے انکشاف ہوا کہ ہماری سپریم کورٹ 16 معزز ججز اور 687 مستقل ملازمین کے ساتھ کام کرتی ہے۔ برطانیہ کی سپریم کورٹ کو ایسی ہی ایک درخواست موصول ہوئی جس میں انکشاف کیا گیا ہے کہ وہاں کی سپریم کورٹ میں 12 ججز کے لیے صرف 64 ملازمین کام کرتے ہیں۔ انتخابات میں حصہ لینے والا کوئی بھی رہنما یہ نہیں سمجھتا کہ ہمارے خراب حکومتی معاملات اور محکموں کی بدترین حالت کی وجہ سے پیدا ہونے والی غیرفعالیت کس حد تک بڑھ چکی ہے۔ ہمیں ایسے لیڈروں کی ضرورت ہے جو اس بڑے بیوروکریٹک نظام کو ازسرِنو تشکیل دیں اور ایک چھوٹا، مؤثر اور ڈیجیٹل حکومتی ڈھانچہ تشکیل دیں۔ بیلیٹ پیپر پر ’ان میں سے کوئی نہیں‘ کے انتخاب کے حوالے سے بھارت کے ڈکوٹا قبائل سے پاکستان کچھ سیکھ سکتا ہے۔ اس قبیلے کا ماننا تھا کہ ’جب آپ کو پتا چلے ہے کہ آپ مردہ گھوڑے پر سوار ہیں، تو بہترین حکمت عملی یہ ہے کہ آپ نیچے اتر جائیں‘۔

نعیم صادق   یہ مضمون 29 دسمبر 2023ء کو ڈان اخبار میں شائع ہوا۔

بشکریہ ڈان نیوز

[kanpururdunews]

عمرہ سے متعلق نئی ھدایت جاری

[alhaqnews12]

عید سے پہلے سے دبئی میں موجود مسلم لیگ ن کے قائد اور سابق وزیراعظم نواز شریف آئندہ چند روز میں سعودی عرب جائیں گے۔شریف خاندان کے ذرائع نے بتایا ہےکہ نواز شریف سعودی عرب میں تقریباً ایک ہفتہ قیام کریں گے، سعودی عرب میں نواز شریف کی اہم شخصیات سے ملاقاتیں طے ہیں۔ ذرائع کے مطابق نواز شریف سعودی عرب میں قیام کے دوران عمرہ بھی ادا کریں گے، سعودی عرب کے دورے میں مریم نواز بھی نواز شریف کے ہمراہ ہوں گی۔نواز شریف کی دبئی میں اہم سیاسی ملاقاتیں جاری، پی پی قیادت سے ایک اور ملاقات ہوگیملکی معاشی نظام کی بہتری کے لیے صلاح مشورے، نواز شریف نے دبئی میں اپنا قیام بڑھادیادبئی: نواز شریف کی پاکستانی معیشت کی بہتری کیلئے غیر ملکی وفود سے ملاقاتذرائع کا کہنا ہےکہ  سعودی عرب میں نواز شریف کی متعدد خصوصی ملاقاتیں شیڈول ہیں، ملاقاتوں میں پاکستان میں سرمایہ کاری پر گفتگو  کی جائے گی، غیر ملکی سرمایہ کاروں کے کئی وفود نواز شریف سے ملاقات کریں گے۔ذرائع کا یہ بھی کہنا ہےکہ  ملکی معیشت کی بہتری کے لیے سعودی عرب اور امارات سے سرمایہ کاری آنے کی توقع ہے۔خیال رہےکہ سابق وزیراعظم نواز شریف گزشتہ کئی روز سے دبئی میں قیام پزیر ہیں اور انہوں نے فیملی کے افراد کے ساتھ عید بھی دبئی میں ہی منائی، مسلم لیگ ن کی چیف آرگنائزر مریم نواز بھی دبئی میں اپنے والدکے ساتھ موجود ہیں۔نواز شریف کی دبئی میں اہم سیاسی ملاقاتیں جاری ہیں، ذرائع کے مطابق نوازشریف پیپلزپارٹی کی قیادت سے بھی ایک اور ملاقات کریں گے۔ذرائع کا کہنا ہےکہ ملاقاتوں میں پاکستان کے معاشی نظام کی بہتری کے لیے صلاح مشورے ہو رہے ہیں۔

[minhajbooks]

🔰 سفر عقیدت (عمرہ و حج کے فضائل و مسائل اور طریقہ)

اس کتاب میں حج اور عمرہ کے مسائل اور احکامات کو انتہائی سہل انداز میں کیا گیا ہے۔ یہ کتاب حجاج و معتمرین کے لیے ایک لازمی زادِ سفر کا درجہ رکھتی ہے۔ یہ کتاب عامۃ الناس کی ضرورت کے پیش نظر جیبی سائز میں ترتیب دی گئی ہے۔

🔹 حج کا پس منظر کیا ہے؟ 🔹 قرآن و حدیث کی روشنی میں حج اور عمرہ کا صحیح طریقہ کیا ہے؟ 🔹 حج اور عمرہ میں خواتین سے متعلقہ مسائل کیا ہیں؟ 🔹 حج میں قربانی کے کیا مسائل ہیں؟ 🔹 اِحرام باندھنے کا طریقہ کیا ہے اور مرد اور عورت کے اِحرام میں کیا فرق ہے؟ 🔹 اگر کسی کے ذمہ قرض ہو تو کیا وہ شخص حج کر سکتا ہے؟ 🔹 کیا عورت خاوند کی اجازت کے بغیر حج ادا کر سکتی ہے؟ 🔹 حضور نبی اکرم ﷺ کی بارگاہِ اقدس میں حاضری کے آداب کیا ہیں؟ ان اہم اور دیگر سیکڑوں سوالات کے جوابات اس کتاب کا حصہ ہیں۔

مصنف : شیخ الاسلام ڈاکٹر محمد طاہرالقادری زبان : اردو صفحات : 200 قیمت : 300 روپے

🌐 پڑھیں اور ڈاؤن لوڈ کریں https://www.minhajbooks.com/urdu/book/415/Holy-Journey/

💬 خریداری کیلئے رابطہ کریں https://wa.me/9203097417163