euphonystar

[euphonystar]

Alam ko na hindi magiging madali ang pagpapatuloy sa buhay lalo na kung wala na ang mga bagay o tao na naging bahagi na ng buhay mo. Ngunit maniwala ka, KAYA MO. Kakayanin mo.

e.s.

[euphonystar]

Sana kung gaano kadaling sabihing mahalin mo ang sarili mo ay ganun din ito kadaling gawin.

[euphonystar]

If you can no longer bear the pain in your heart, give it to God and praise Him.

[euphonystar]

Nawa'y nasa mabuti kayong kalagayan at kalusugan. Huwag kalimutang magdasal. 🙂🙏

[euphonystar]

“Ginambala mo ang katahimikan ko. Kaya’t heto ako hinahanap-hanap ang presensya mo.”

— e.s.

[euphonystar]

Pasensya ka na kung hindi ako tulad ng inaasahan mo, kung iba ako sa ideyang binuo mo sa isipan mo.

e.s.

[euphonystar]

Naguluhan at tila ba hindi na malaman ang dapat maramdaman

Isang araw nagtapat ka ng iyong damdamin

Mahal kita sambit mo sa katahimikan

Na nagpabugso sa pintig ng aking puso

Tila ba ang lahat ay naglaho

At oras ay huminto

Takot, kaba at pangamba ang aking nadama

Alam ko

Hindi dapat ganito

Hindi ko nais na saktan ka

Ngunit patawad

Hindi ko kayang sabihing mahal kita sa paraang nais mo

Dahil ang kaya ko lamang isukli ay salamat

Salamat sa pag-ibig mo.

e.s.

[euphonystar]

Dear heart,

Di pa nadala?

[euphonystar]

Sana'y hindi nalang natin hinayaang makilala pa ang isa't isa.

[euphonystar]

Ano mas iconoconsider mo?? Reason or experience???

Experience :)

[euphonystar]

[euphonystar]

Butterfly, butterfly take me on your wings and fly.

[euphonystar]

Sa tuluyang pagpanaw ng pulang buwan

Nais ko sanang iyong maramdaman

Ang minsang pagpintig para sa'yo ng aking dibdib

Ang minsang pagtitig nang 'di mo batid

Ang minsang pagyakap sa iyong pangalan

Ang minsang pagngiti nang 'yong masulyapan

Ang minsang paghinto ng oras nang 'yong malapitan

Ang minsang paghiling na sana'y iyong maramdaman

Ang pag-ibig na hindi mo kailanman malalaman.

e.s.

[euphonystar]

Maitago mo man ang lungkot sa iyong ngiti, nadarama'y 'di maikakaila sa tingin ng 'yong mga mata.

e.s.

[euphonystar]

Pilit mong nilalabanan ang kaguluhan ngunit naiiwan ka pa ring tulala sa daan.

e.s.

[euphonystar]

Hindi masama ang mabigo. Ang masama ay sumuko kahit na alam mong kaya pa ng iyong puso.

e.s.