ibrahim-rajaee

[ibrahim-rajaee]

إن كل أوصاف الفروسية والاستبسال في قاموسنا العربي، لم تعد تكفي للتعبير الوافي عن ما يجترح عمالقة الرجولة في واحة العزة من بطولات وما يسطّرون من أساطير منقطعة النظير، نسأل الله أن يزيدهم من فيوضات فضله.

د.فؤاد البنا

[ibrahim-rajaee]

أمّا أنا ، فإنّيَ لا أرىٰ لما أنا فيه دواءً إلّا أن يتغمدني الله برحمته فيربط على قلبي ويصُب عليه الصبر صبَّاً

أو أن يقبضني إليهِ؛ فما غُدت أُطيق الحياةَ بعد أبي، ولا طاقة لي بها ...

[ibrahim-rajaee]

على ذكر الموضوع ده

وانه مش لازم زي ما اقنعوك ان يبقى ليك بصمه وتبقى مخترع حاجات نوويه وكل الناس عارفاك

تذكرت رجالة الاخضر..الرجاله اللي بيعملوا اعمال بطوليه خارج استيعاب العقل البشري ...وتكتب في التاريخ بماء الذهب

الرجاله اللي ممرمغين أنف الجيش الذي لا يقهر في التراب

الواحد منهم رايح لوحده ع دبابه او ناقلة جند وزنها بالأطنان وفيها مستشعرات حراريه و ٧ ولا ٨ جنوب مدججين باحدث اسلحه وهي نفسها فيها رشاشات واسلحه وأبسط حاجه لو حد اتحرك بالدبابه او ناقلة الجند هيسويهم بالأرض

الراجل منهك يروح ويفتح القنبله و يحطها و يرجع ..عمل اقسم بالله خارج استيعاب العقول

ومع ذلك ؟ محدش يعرفه ولا يعرف اسمه ولا يعرف شكله ..ولا هو مهتم بكده !!

امبارح في لستة العمليات كنت بتكلم انا وأحد الزملاء واحنا شغالين ..عن الحياه والشغل ومعاناة الناس وقصص النجاح

وبعدين الزميل قال لي

"أصل انت لازم يكون عندك A story to tell"

في لحظتها لمع في دماغي قوله سبحانه وتعالى "ورُسُلاً لم نقصصهُم عليڪ"

يعني في رُسُل وأنبياء عاشوا وماتوا ولم نُخبر عنهم

وبعدين بقى تذكرت المقاله العظيمه لعمنا أدهم شرقاوي

واللي بتقول:

‏السّلام عليكَ يا صاحبي،

تقولُ لي: يمضي العمرُ وليس لي إنجازاتٌ تُذكر،

فأقولُ لكَ: ومن قال لكَ أن الإنجازات يجب أن تكون خارقة؟!

ليستْ الإنجازات يا صاحبي هي فقط تلكَ التي تُدوَّنُ في كتبِ التَّاريخ، ويتحدث عنها الناس!

من قال أنّ علينا جميعاً أن نكون مخترعين،

أو فقهاء، أوأدباء، أو ساسة، أو أثرياء، أو مشاهير،

لنكون من أصحاب الإنجازات،

يكفي أن يكون المرءُ إنساناً، فهذا بحدِّ ذاته إنجاز عظيم!

نحن أبطال يا صاحبي،

وإن لم نقد الجيوش ونُحقق النصر،

أو نخترع دواءً، أو نكتشف قانوناً في الفيزياء،

أو نعثر على مركَّبٍ جديد في الكيمياء، أو نضع قاعدةً في الرياضيات،

أو بحراً جديداً من بحور الشِّعر، أو نفوز بجائزة نوبل!

نحن أبطالٌ حين نُجاهد أنفسنا كل يومٍ كي لا نعصي الله سبحانه،

وأبطالٌ حين نعصيه فنعود إليه مكسورين مستغفرين!

نحن أبطال حين نجبر خواطر النَّاس،

وحين نختار مفرداتنا بدقةٍ كي لا نُؤذي أحداً!

نحن أبطال حين نمرُّ بالبائع المتجول المسكين فنشتري منه،

ونتغاضى في السِّعر قليلاً، ونحسبُ هذه الصفقة صدقةً خفيَّة!

نحن أبطال حين نصل إلى آخر الشهر بمرتباتنا الهزيلة ونستر فقرنا عن النَّاس!

نحن أبطال حين نربي أولادنا كي يخافوا الله،

ونلاحقهم على حفظ جزء عمَّ كما نلاحقهم على حفظ جدول الضَّرب!

نحن أبطال يا صاحبي حين نبرّ آباءنا وأمهاتنا،

وحين نحسن إلى جيراننا، ونساعد زوجاتنا، ونصل أرحامنا!

نحن أبطال حين نجاهد على مقاعد الدراسة،

وحين نقتلع رغيف الخبز لأولادنا من الصخر!

دوَّن في خانة إنجازاتك يا صاحبي قيامك لصلاة الفجر!

ودوِّن أيضاً إمساكك بيد أحبائك رغم كلِّ شيءٍ،

فمن أعطاك قلبه فقد ائتمنكَ عليه،

والله يُحبُّ أن تُؤدى الأمانات إلى أهلها!

دوِّن في خانة إنجازاتك تلك اللحظة التي فرحتَ فيها بنجاح غيرك،

فهذا يعني أن لكَ قلباً طيباً!

ودوِّن أيضاً دعاءكَ بالبركة لكل صاحب نِعمةٍ،

فهذا يعني أنكَ تربَّيتَ جيداً، ورضيتَ بقسمة الله!

دوِّن في خانة إنجازاتك كل دمعةٍ مسحتها لمحزون،

وكل كلمةٍ حلوة قلتها لمجروح، وكل تربيتة ربّتها على كتف مكسور!

والسّلام لقلبكَ

[ibrahim-rajaee]

من زمان وانا اعرف الحديث ده وطبعا مصدق ومؤمن به تماما

لكن اول مره اعيش احساسه من بعد موت ابويا الله يرحمه

مش فاكر اي حزن او اي تعب او وجع قبل يوم ٤ / ٤ / ٢٠٢٥ ..

حزني ع موته وفراقه مسح كل الذاكره اللي قبل اليوم ده

ولم يترك الا مايفطر القلب

[ibrahim-rajaee]

عافانا وعافاكم الله، قرأتُ اليوم أنّ العين تصيب الرجل في أخلاقه، وفي سعة صدره وانشراحه، وقد تصيبه في ذكاء عقله فيصاب بالجنون، وأن الحاسد أحب إلي الشيطان من الساحر لأنه يؤذي الناس بدون شرط أو إتفاق مع الشيطان.

فـ بسم الله نرقي نفوسنا، أجسادنا، أهالينا ونعمائنا، من كلّ ش�� يؤذينا، ومن شر كل نفس أو عين حاسد .. اللّه يشفينا.

ونعوذ باللّه أن ترقب أعيننا حياة الغير، فنسلبهم نعمةً أو نذيقهم كدر.

بسم الله الذي لا يضرُّ مع اسمه شيءٌ في الأرض ولا في السماء،

وهو السميع العليم.

[ibrahim-rajaee]

قعدت اتأمل في تصميم ازازة ال orovex واحاول افهم الفكره وايه الجامد يعني والمختلف عن الازازه العاديه بتاعت زمان

اكتشفت انه مفيش هدف ولا فكره ..هو مجرد أڤوره من أجل الأڤوره ... واللي بتندرج تحت بند التحديث والتطوير والتجديد اللي شوّه وخرّب كل حاجه حوالينا...

الانسان كائن متخلف والله ..

[ibrahim-rajaee]

في عشق التفاصيل و المباني القديمه اللي بتدل ع روقان وراحة بال مفتقدينها دلوقتي

[ibrahim-rajaee]

صباحو 🙃🙃🙃🙃

[ibrahim-rajaee]

يارب اجمعني بأبويا في مستقر رحمتك

"أحنُّ إلى دارٍ لا وجع فيها، إلى الجنة.. حيث لا بُكاء، ولا فقد، ولا ألم."

[ibrahim-rajaee]

لما كنا معاه في العنايه ..كله كان بيعيط ..هما بيعيطوا عشان بابا تعبان ومحجوز في عنايه مركزه

لكن انا بعيط عشان عارف انه مش مجرد تعب وخلاص ..وان المره دي مش زي اي مره فاتت

كنت بعيط عشان انا عارف ان جسمه الهزيل بدأ ينهار تدريجيا

ولكن لحد آخر لحظه كان كلي أمل في ربنا انه يرجع تاني ويتفصل من التنفس الصناعي

وقبل م ابويا الله يرحمه يتوفاه الله بأيام قليله

وانا بتكلم مع اخواتي

قولت لهم _ ڪدڪور بيبلغ مرافق مريض بحاجه بثبات_

أبوڪم خلاص .. كلها أيام أو ساعات ..عشان اهيأهم للخبر اللي هيسمعوع كمان كام ساعه

كان يبدو عليا الثبات والهدوء من بره ...لكن من جوه انهيار تام لكل شيء ..بالكاد كنت متماسك وبتكلم بل وعايش أصلا

ولكن لما تم ابلاغي انه توفاه الله ..وبرغم اني لما بصيت عليه قبلها بكام ساعه كان قلبي مقبوض وكنت حاسس ان دي النهايه فعلا ..الخبر نزل ع عقلي وقلبي كالصاعقه ... برغم اني كنت فاكر اني هيأت نفسي للحظه دي والخبر ده ...ولكن هيهات ..مكنتش عارف ان الخبر والفقد هيكون بالثقل ده ..والمراره والألم ده ..

[ibrahim-rajaee]

طول عمري بخاف من الفقد

يخاف افقد حد م اللي بحبهم

في احدى فترات حياتي من سنين كنت بكتئب يوميا واعيط عشان بفكر لو لاقدر الله بابا او ماما حصلهم حاجه

ودايما كنت ادعي ربنا يحفظ لي اهلي وميفجعنيش في حد منهم

لڪن لا نملڪ الاعتراض على قدر الله ..ولا نملك الا التسليم

والحزن والبڪاء

ربنا يرحمك ي بابا

والله ما مستوعب يعني ايه خلاص اختفى للابد عقلي في النقطه دي لا يتعدى عقل طفل ..يعني ايه مش هشوفه تاني ؟ يعني ايه كل حاجه كده خلاص ؟

يارب صُب على قلبي الصبر صبّاً

[ibrahim-rajaee]

إن الله اشترى من المؤمنين أنفسهم وأموالهم بأن لهمُ الجنة......

وعداً عليه حقاً في التوراة والانجيل والقرآن

ومن أوفى بعهدهِ من اللهِ ..

ربنا اشترا منا أنفسنا في صفقة غير متكافئة تماما ...الله اشتري أنفسنا التي هي اسوأ ما فينا ..واعطانا الجنة .. التي هي افضل شيء

فا انت متباع ... ولازم تبقى عارف كده

لو مش مقتنع او مش عاجبك ..اقبض ايدك وقول لربنا انا مش عاوز البيعه ولا عاوز الجنه ...

[ibrahim-rajaee]

الموت ينتزع الروح، والفراق يترك الروح كأنّها منتزعة، فهو موتٌ لا ينتهي.

- مصطفى صادق الرافعي...بتصَرُّف...

[ibrahim-rajaee]

اصل انا عندي شوية وقت فاضي / وقت فراغ ..فبضيعه

ليس في ديننا هذا المصطلح [وقت فراغ / وقت فاضي]

فإذا فرغت فانصب

اقرأ في تفسيراتها...هتعرف ان مفيش حاجه عندنا اسمها وقت فراغ ..انت يا اما بتشتغل شغل مفيد يا اما بتتعبد

[ibrahim-rajaee]

من يوم ما مات ابويا الله يرحمه وانا عايش باحساس مش عارف اوصفه

حاسس ان في حاجه تقيله وحزن كبير جاثم ع صدري وعقلي و عيني

حاسس اني مش عايش بمعناها الحرفي..مجرد آله بينام ويصحى كل يوم يروح الشغل ويرجع ويقضي مشاوير البيت وينام باليل ٤ ٥ ساعات ويصحى وهكذا

عارف احساس ان الانسان مكتوم ؟ ..حتى الهوا النفس اللي داخل وخارج ..حاسس انه مكتوم بردو

[ibrahim-rajaee]

مش عاوز ابقى اغنى انسان ولا اجمد انسان ولا اشهر انسان

ولا اجمد دكتور

انا عاوز اعيش في هدوء بدون قلق وضغوط عصبيه مميته

��ي بيت هادي

حواليا اهلي اللي بحبهم

ويكون دخلي مكفيني

والسلام...

[ibrahim-rajaee]

‏أنا شوفت طيـر من غير جنـاح، بيواسي طيـر من الطير تعِـب.