linahhamouda

[linahhamouda]

حتى النجمة اللي بتقلب نور ف السما مش موجودة انهاردة :((

[linahhamouda]

لا شئ يفعل بي مثل ما تفعل خيبة الأمل

[linahhamouda]

حوار إن ممكن بس مش سهل بس ممكن بسسسس مش سهل بسسسسسس ممكن ده بيفففففععععصصصنيييي، دايمًا بخاف أحاول عشان مبفتكرش غير كل المحاولات اللي كُللت بفشل فادح رغم المجهود البذول ودايمًا بنسى أي مرة حاولت فيها تفة محاولة وربنا كبير وكرمني فيها، الإنسان جحود بشكل، وأنا فعلًا محاولتش المرادي، وده العدل ودي الرحمة

بس يارب المرة دي كمان، المرة دي كمان يارب أرجوك

[linahhamouda]

رسميًا بعت القضية، هرمي الvision board ف الزبالة وأبطل أحط أحلام واهية وأنزل على أرض الواقع أسيب نفسي للحياة تصفععععني بالرياليتي تشيك كعادتها، أنا تعبت من كل حاجة

[linahhamouda]

حاسة بالطعععععععععععععغعععععععننة وااااااااااااااااااء

[linahhamouda]

انهاردة وأنا داخلة البليسمو شوفت الباشا القطقوط حارس البليسمو كان أنضف وأتخن -ما شاء الله عليك يانونووو بالهنا والشفا- من المرات اللي فاتت، تساءلت عن سبب التغيير؟ هل حد قرر يتبناه ويعتني بيه؟ أتمنى

وأنا خارجة شوفته تاني ولقيت إجابة سؤالي لقيته واقف مع المزة بتاعته، كنت فاكراها قطة عادية لغاية لما قربنا عشان نحسس عليه هي امتعضت وقربت منه هي وقعدت تدلع عليه (مرفق صورة للقطاقيط ف الحب) القطة الغيورة بتقول شيلي ايدك عن الولد بتاعي😾

أحب رؤية مشاهد الحب حتى لو كان حب قططي، يابخت الباشا القطقوط حارس البليسمو حظى بحب حياته

شوفت حصان أصحابه واضح مش معتنين بيه، كان شكله حزيييييين أوي صعب عليا، بيصعب عليا الأحصنة والحمير أوي بحس الناس قاسية معاهم وبتحملهم دايمًا فوق طاقتهم بالذات الحمير، حتى الحيوانات تعاني من البيوتي بريڤليدچ ياوجع القلب

امبارح قررت أنهي سلسلة الأرق وروحت بعيون دموية الصيدلية من قلة النوم وأخيرًا جبت ميلاتونين

استعديت للنوم، خدت الحباية نمت أخيرًا أخييييرًا نمت، صحيت بعدها بساعة ونص بالظبط، وكالعادة هموت وأنام ومش عارفة أنام

كلمت ماما عشان تفضل معايا لغاية لما أنام، بردو معرفتش خدت الحباية التانية، نممممممممت تاني أخيرًا، وحلمت بأغنية لمنير، مش عارفة الصوت ده جاي منين أنا بهلوس؟ أنا مشششش فاهمة حاجة أنا عايزة أصحى، فوقت ولقيت أخويا اللي ماما سايبة الموبايل معاه لغاية لما أنام عشششششان مشششششش عارفففففة أناممممممم عامل حفلة عنده ف الأوضة لمنير مكنتش على الضيق خالص وكمان بيغني مع الاغنية؟

نمت تالت والمرادي الحمدلله نمت أوي، نمت فوق ال٤ ساعات yaaaaayyyyy yuuupppiieeeeee ياعممممم رقصصصصنيييي

روحت الراوند كنت فاكرة إنه مهم، الدكتور قرر إنه هيعرض pdf ويخلي الإجابات بالدور little did he know إن الpdf محلول معانا كلنا وفاتحينه وبنرتب دورنا، اااااه افتكرت أيام دروس ثانوي كنت دايمًا بتقفش وأنا بعمل الحركة دي، الدور وقف وقت مستقطع لpdf قرر هو إن الإجابة تكون جماعية، ثم عرض pdf آخر بأسئلة MCQ وسأل الدور كان وقف عند مين؟ صوت صرصورررر الحقل وقال نبدأ من عند الولاد انت جاوب، أيوة الدور كان وقف عندي، ولو ضغط شوية كمان كنت هشاور على لم��س وأقول هنا يادكتور الدور وقف هنا، أشعر اني أذكى حد ف العالم أنا داهية زماني، أنا العقل المدبر ف هذا المكان

وأنا ماشية كنت عايزة أأكلش المتبقي عندي ولكن على حظي السكرتيرة ات��يرت وأكلشت لكل واحد أكلشة واحدة بس -وااااااااء- خرجت وأنا بدبدب ف الأرض لواحدة صاحبتي ورتني بتاعها متأكلش كله وادتني كل الورق اللي كانت مأكلشاه باسمها قالتلي اقطعي اسمي واكتبي اسمك، انهاردة هو يوووميييي أعشق عندما يكون الحظ حليفيييي

رجعت خدت حاجتي ونزلت أذاكر، نعععععسانة، نعسانة أوي، نعسانة بجد واضح مكنش اختيار حكيم قرار الحبايتين، شربت قهوة -كده دخلت برجلي لوب الأرق؟ يارب أرجوك لا- ذاكرت شوية نونووووو ولكن قررت أكتفي بهذا القدر انهاردة

انهاردة كنت ماشية حاسة أعصاب رجلي بترتعش وحاسة إني مش قادرة أتزن، تجاهلت الموضوع عشان أكيد بيتهيألي لكن بصيت على ايدي لقيتها هي كمان بترتعش، ازاي أقدم أكون بيشنت ف الباطنة عايزة أوري العيال الfine tremors وآخد عشرة جنيه من كل طالب وأجيب عربية أحلامي العربية الدابليوووو

بتصعب عليا نفسي أوي وبعرف إن الوضع تأزززممم لما أضطر أنا اللي آخد بالي من نفسي، روّحت اتغديت غدا صحي متكامل حتى قطعت لنفسي خضار، خدت دوا الأعصاب فاضل حباية الحديد مستنية آخدها كمان كام ساعة مع كوباية عصير ليمون مثثثللللجة كمصدر لڤيتامين سئ لتحسين الإمتصاص (بحثت لقيت كلامي صح واوووو شطوررةةة براڤوووو ولك كفووووووو)

دلوقتي قاعدة مستلقية بتفرج على المسلسل حلقة ورا حلقة لغاية لما يجي ميعاد النوم، وقت المسلسل ف السرير بيخليني أحس الحياة بتحياة شوية نونووووو بحس مبسوطة

ناقصني بس علبة أيس كريم ضخمة، نفسي أفتكر أجيب وأنا مروحة كان زمان الحياة بتحياة شوية أكبر من الشوية النونووو بشوية دلوقتي

أو ممكن أطلب؟ بفكر أطلب؟ هل أطلب؟

[linahhamouda]

صوت أذان الفجر مرتبط معايا ب-بابا

أيام الدراسة لما بابا كان بيجي من الصلاة كان بيعملنا اللبن، كل واحد فينا مج ضخمممم -طقس من الطقوس الغير قابلة للتفاوض ف البيت- أنا بنسكويك عشان موووووستحيل أشربه سادة مهما اتخانقنا على إنه بيضيع فوائد اللبن أم لا، والباقي سادة، بيدخل الأوضة بيسيب النور مطفي عشان منفوقش بس يسيب الباب مفتوح عشان يدخل نور خافت نعرف نشوف بسيط، بيصحينا بلطف ويدي كل واحدة فينا المج بتاعها ف السرير، بنشرب واحنا نايمين بعدين يغطينا كويس يقولنا كملوا نوم لسة بدري

لسبب ما كنت بحب الحركة دي أوي، كنت بحس مطمئنة فكرة إنه لسة بدري معايا شوية نونو كمان أنامهم، بتقلب وأبص على الباب وهو مقفول وأدخل ف سبات عميق لغاية لما نصحى تاني للمدرسة -ده لو معنديش موضوع تعبير أكتبه-

أما لو عندي موضوع تعبير/مقدمة أو كلمة في إذاعة المدرسة كنت بصحى ف الوقت ده، أشرب اللبن وبابا بيشرب الشاي وقاعدين قدام اللابتوب بندور على موقع ننقل منه بعدين نهز راسنا بإنه همممم منطقي جدًا أوكي خلاص فهمنا الدنيا لو جالنا موضوع التعبير ده هنعرف نكتبه لوحدنا، بعدين يسيبني أكتبه لغاية لما يصحي الباقي

بابااااا تعالي اقفلي زرار القميص مش عارفة أقفله، بابا ممكن تربطلي الكوتشي؟ أصلًا بعد كده مش هجيب كوتشي بيتريط هجيب بيتلزق

أيام الأجازة كنت أنا وريم بنكون مطبقين على mbc2 أول ما الفجر يأذن بنقلب ونشغل قناة المجد للقرآن، ونغمض عيننا ونمثل إننا نايمين من ساعتها، بابا بيصحى بيدخل الأوضة يتطمن إننا نايمين كويس ومستغطين بيبوس راسنا ويطلع يروح يصلي ويرجع يكمل نوم

أما لو ده اليوم اللي مسافر فيه للشغل بنفضل صاحيين ف السرير لغاية لما يجي يلبس يجهز شنطته وينزل، بنسمع صوت الباب وهو بيتقفل ونشوف العربية وهي ماشية من الشباك، ثممممممم نكمل السهرة أفلام ولعبة عالم الأسرار أو woozworld لغاية لما ماما تصحى ونجهز حاجتنا ونروح عند تيتا ثم نناممممممممم

وحشني أوي كل حاجة ليها علاقة ب-بابا، شئ مؤلم أوي بحاول أفضل فاكرة كل الذكريات الممكنة، قبل ما أنام بحاول أسترجع اللحظات اللي فاكرها عشان منسهاش، في حاجات كتير ناسياها وفي حاجات كنت فاكراها ونسيتها مع الوقت بعدين تحصل حاجة تفكرني، حتى مقصرة معاه ف الدعوات، وحشتني أوي يابابا

ساعات كتير بفكر ف شكل الحياة كان هيكون ايه لو هو لسة موجود وأحيانًا مبقدرش أقاوم التفكير ان كل حاجة كانت هتكون زي الفل كل حاجة كانت هتكون تمام لو بس كان موجود، تفكير على طفوليته وسذاجته إلا إنه مبيفارقنيش، أتمنى ميكونش ده نوع من أنواع الاعتراض على قضاء ربنا

بحبك يابابا وحششششتني بجنوووووون

[linahhamouda]

no matter how hard i try i always end up feeling painfully useless

[linahhamouda]

دودو يادودو حبيب الكل قلبك أبيض زي الفل ولا بيعيط ولا بينام وعشان كده .. مش فاكرة باقي الأغنية

كالي كالي دودوووو كالي كاليييي

فاكرة أول ما عبدالرحمن أتولد كنت مبسوووووووطة بجنووووون كنت ببوسه وأشيله وألاعبه وأقعد أغني الأغاني اللي يغنيها ف المدرسة جنبه، من أول ما أتولد وهو أجملللل حاجة حصلت ف حياتي

تعالي نلعب على الكمبيوتر مع بعض؟ بابا هياخدني انهاردة من المدرسة بدري هياخدك انتي كمان ولا لا؟ على ��كرة قولت لماما تجيبلنا "غراء وطلاء" وهي جاية عشان نعمل حاجات السيد بارع أنا متحمسسسسة أوي اختار نعمل ايه أول حاجة، ايه ده بتتفرج على كرتون ايه احكيلي قصته، ااااههه هععييططط من الضحك شوفت الڤيديو ده؟ لا مش بعيط اطلع برا،عبدالرحمن قولتلك اطلع برا مفيش حاجة، طيب ماشي حصل واحد اتنين تلاتة، بتلعب ايه ممكن أقعد معاك وانت بتلعب أتفرج عليك؟ دودو بص كده أنا قد القلبوظة؟ متطلبششششششش ياكذذذذذاب

يمكن ساعات بيكون مستفززززز وباردددد وبجح وقليل الأدب وبحس عايزة أكسسسسر دماغه ولكن بحبه فشخ، بحب أي حاجة بنعملها سوا، بحب إنه أكتر شخص بحس عايزة أشاركه كلللل الأبديتس الحياتية وآخد رأيه واعمل بيه، بحب لما بناكل مع بعض ويشغل ڤيديو للدحيح نشوفه وف النص يوقف ويقولي فهمتي حاجة؟ عامة انتي غبية بصي ال كذا كذا كذا ويستفيض ف الشرح، بحب لما بنتشارك ڤيديوهات الحيوانات سوا ونقول بصصص كيوت ازاي ونبص للڤيديو بأعين🥹، بس أكتر حاجة بحبها هي لما بياخد باله مني مالك اخلصصصيييي شكلك متضايق قولي فيه اييييه

أيام امتحاناتي كان دايمًا بيسهر جنبي، كان بينقل كل حاجة ويجي يقعد جنبي يلعب على البلايستيشن، يسمع بودان واحدة عشان الودان الأخرى يركز معايا إذا كنت بذاكر أو لا، ليييينة ذاكررررييييي، آسف والله والله آسف مش قادر أكمل هنام بس بصي هنام جنبك هنا على الكنبة عشان متقعديش لوحدك، ومهما اتخانقت معاه انه لا روح نام كويس ف اوضتك هينام بردو على الكنبة ويفضل لغاية لما يروح ف النوم بيقولي ليييينة ذاكررريييي

ممكن لو قرأ الكلام ده ف يوم من الأيام يحسّه كليشيه مووووت أو إنه عادي مش بيعمل حاجة فظيعة، بس ال��قيقة إنه أنا ممتنة فشخ انه أخويا، ممتنة لكل تفصيلة صغيرة بيعملها أو بياخد باله منها وبيهتم بيها، ممتنة انه ساعات كتير اوي بيجي على نفسه عشاننا، ممتنة لإني اتعلمت منه حاجات كتير، أهمهم ازاي أحاول أكون أخت كويسة لأخ مثالي زيه، ممتنة أوي

و مهما حصل ومهما هيحصل بحبك أوي يادودو وفخورة بيك دايمًا❤️

[linahhamouda]

تم التمرد على العنوان

لإنه هو نعممممم ترا بكيفيييي

[linahhamouda]

الباشا القطقوط حارس البليسمو صعبان عليا أوي خس خالصصصصص وشكله بقى غلبان اوي اوي، انهاردة كنت باكل بسكوت جنبه ووقف حبيبي زي المؤدب وقالي ممكن تديني آكل؟ قطععععع قلبي إربًا إربًا يؤلمني عندما لا يكون بحوزتي أكل للقطط الجائعة أو عندما لا أستطيع أن أدل أحد المارة على وجهته، عندما لا أستطيع المساعدة بشكل عام

بحب أركز مع الناس حواليا ف المكان، وبقسمهم طيبين أو أشرار على حسب فتحهم للباب، لو فتحوه لجوا عشان ميزقوش القطقوط لبرا ويزعجوه = طيبين، لو بيفتحوه لبرا باستهتار ويزعجوه = أشرار، ولما بيقفوا لو بيقفوا عشان يصوروه فقط ويمشوا = أشرار، بيقفوا عشان يلقوا التحية = طيبين

آخر يوم كنت ف البيت قلقت من النوم صحيت قعدت معاهم كانوا بيتكلموا عن قصص مرعبة، كملت بسبب الفضووووول، لو الفضول قتل القطة ف الفضول منعني من النوم بسلام من غير ما أقلق كل ثانيتين من الخوف، ماما حاولت تصلح الموضوع بإنها ادتني قبل ما أسافر راديو نونو عشان أشغل عليه إذاعة القرآن جنبي، لكنه مشتغلش أعتقد محتاج حجارة؟ أو ياترى ليه مشتغلش؟

مؤخرًا مبقتش بعرف أنام غير وحد معايا على الموبايل، رؤى كان هي اللي معاها الموبايل انهاردة كانت بتلعب عليه، قالتلي يلا نامي وارتاحي🥹 ترا عادي بس حسيت حنوووونة شكرًا يانونوووو

هموت على بنادول الان راسي تعووووررنيييي من الصداع والمفروض أنام دلوقتي عشان أصحى بدري للكلية ولكن قاعدة سهرانة بكتب أحيانًا لا أستطيع النوم من إزدحام الأفكار أحس محتاجة أعبرررر عنها

انهاردة وأنا نازلة من على السلم ف فتح الله قابلت أكتر واحدة من أصدقائي القدامى أذتني، كانت واقفة مع جوزها عيني جت ف عينها كملت جري على السلم ثم أكملت باقي الطريق أحدث تفسي بأن أحيانًا لا أستطيع أن أتفهم جدية الحياة، حقًا كنت أحبها، لم يكن لدي أي مانع في أن أعود أنا وهي أصدقاء مرة أخرى

لا أحب فراق الأشياء أو الأشخاص أو حتى رمي الأقلام الفاضية الخلصانة، بحس بزعل، حتى لو الحاجة دي بتأذيني حتى لو الشخص ده بيزعلني ومش كويس ليا، هفضل دايمًا متمسكة، هفضل دايمًا عايزاهم ف حياتي، لا أحب الفراق ولا أقوى عليه

بفكر ف جملة everything i let go of has claw marks in it and yet i don’t even seem to have a scratch on me بحس بتفتت قلبي مليون حتة، ساعات بتصعب عليا نفسي إني ��ايمًا الشخص اللي بيحاول، لإنه يمكن أيوة محاولات فاشلة ف أحيان كثيرة ومش باينة ومش مسموعة غالبًا بس طيب إنه على الأقل بحاول ليه محدش بيحاول طيب واااااء

حوار لو ايدي عرقانة مش هعرف أنام أبدًا ده مجنوووون، نفسي أنام دلوقتي ومششششس عارفة ومعتقدش هعرف لساعة قدام مثلًا لكن الحمدلله ؛(

وأنا صغيرة كنت بكشف كتير عشان ايدي، بابا كان بيجيبلي أدوية كتير من أمريكا، ماما كانت بتقلق عليا وتسمع شكوتي عن أعصابي بعناية، كنت بعيط كتير وكنت بتضايق أوي أوي أوي وأتعصصصصب موت، لغاية ف مرة كنت راجعة من عند الدكتور أنا وماما، السواق كان مشغل الراديو، الراجل كان بيسأل الشيخ ياشيخ أنا ايدي مقطوعة و و و، بصيت لايدي وعطيت وحمدت ربنا، أحيانًا الإنسان بيكون قمة ف الجحود

بطلت أدبدب ف الأرض من يومها، تيتا بتمسك ايدي وتمسحها بايديها بحنية وتقولي ألف سلامة عليكي ياحبيبتي، ان شاء الله ربنا هيشفيكي خالص ومش هتعرق تاني أبدًا ولا توجعك أنا بدعيلك، دودو مرة لقاني بعيط من الوجع اتوتر مووووت رغم إنه chill guy وبيخاف على الأورا بوينتس بتاعته، ريم بتشيل الأكياس كلها واحنا خارجين عشان ايدي متوجعنيش، ولما بحقن بوتوكس بتعرض عليا جديًا تأكلني ف بوءي بالمعلقة، بحس الحمدلله ممتنة❤️❤️

النجمة اللي كنت ببصلها كل يوم ف السما لغاية لما أنام كان بقالها فترة مبتظهرش بس شوفتها دلوقتي، مش أشطر حد ف علم الفلك لكن أعتقد النجمة دي موجودة خصيصًا ليا

ما أجمل وأحن التجمعات العائلية، بحب هيا أوي، يمكن مكناش قريبين لبعض ف فترة الطفولة ولا حتى المراهقة، ولكن دلوقتي بحبها أوي، ممتنة لوجودها ف حياتي، كنت بكلمها إني زعلانة وحاسة اني متأخررررةةة ف ركب الحياة وإني فشششلوووو أنا أفشل من أنجبت الأرض ف الكلية قالتلي بس كونتي صداقات جميلة؟ بس عيشتي حياة جامعية حلوة؟ بس روحتي وجيتي وعملتي ذكريات كتير، ده وقته دلوقتي، حسيت أيووةةة صح عندك حق مبسوووطة ان ده السيناريو اللي عيشته

اتعلمت أخيرًا مونوبولي -اللي هي بنك الحظ يعني😏- عمري ما عرفت ألعبها واحنا صغيرين، كبرت واتعلمتها ولعبتها مع الأطفال وبردو فازوا عليا هو نعممممم، حظ المبتدئين فين طيب؟

أحب التجمعات العائلية وأحب الفعاليات، احتفلنا كلنا بعيد ميلاد كل الأطفال اللي صادف إن عيدميلاد أغلبهم ف شهر ٧، كل طفل نعيد الأغنية من الاول خصيصًا ليه، خلصوا بعدين انتقلت الأنظار ليا وقالوا واللي ف شهر ٦ كمان، هابي بيرث داي تو يو هابي بيرث داي تو يو هابي بيرث داي تو لينة هابي بيرث داي تو يووووو

الدفء العائلي الجميل، الله لا يحرمنا منه❤️

صباح الخير منمتش امبارح غير ٣ ساعات ونص، ولكن لدي من انضباط النفس القدر ا��كافي اللي صحاني الآن ف تمام الساعة ٨ إلا ربع عشان ألحق أفطر -آكل زبادي- قبل ما أنزل عشان مقعدش طول الخروجة يامممما راسي بتلفففف سندوني يارجالة أنا ماتت، وبدأت أدور على أققققققوى نوع حديد ف الدنيا، لو أطول أركبه محاليل وأخلص هركبه

انهاردة المفروض هدخل فيلم سوبرمان حاسة متحممممممممسسسسسة بجنوووووووووووووون متحمممممممممسسسسسسسة هبللللللل كم أحنننن لأيام السينما الشقية

أيضًا لا أعلم لمَ أصبحت أفكر بالعربية الفصحى، زمان كنت بعبر عن مشاعري ف دماغي بالإنجلش وقرأت إنه المخ بيعمل كده كنوع من أنواع تخفيفففف وطأة المشاعر عشان متكونش باللغة الأم ف نحس بيها بعمممممق -أوتششششش- ولكن لا أعلم لمَ أبديت اللغة العربية الفصحى الآن؟

أجد نفسي احيانًا أتكلم بها، أشعر أني ف بوست لبيدچ احتواء، عمق ، 11:11

امتلكت من ضبط النفس القدر الكافي للاستيقاظ مبكرًا، ولم امتلك القدر الكافي للتوقف عن تحديث المدونة بتاعتي وبعدين هقعد أصوت أنا والطرحة والميكاب الآن

بخصوص المدونة، دايمًا كان نفسي يكون عندي واحدة، ودايمًا كان نفسي تكون حياتي شيقة بالقدر الكافي اللي يخلي عندي حاجة أكتبها ف المدونة، أعتقد الموضوع كله طلع متعلق بمدى قدرة المرء على رومانتسيزة حياته وليس بكونها شيقة أم لا

أخر معلقة زبادي، مع أخر كلمة، يسسسسسس (بصراحة فاضل شوية ولكن ولك خلاصصصص تشبعتتتتتتت)

[linahhamouda]

الأسبوع للأول

لو هختار حياة من حيوات الروم كومز أتممممممممنى اني أعيشها كانت هتكون حياة أندي أندرسون في how to lose a guy in 10 days او چين في الرائعة 27 dresses او الأروع حياة ريبيكا بلومود في الفيلم المجنووووون confesssions of a shopaholic، احزر العامل المشترك بين جميع هذه الشخصيات وكل هذه الافلام

أمنية حياتي كانت اني أكون writer لدى مجلة معروفة أقعد ف الصباح الباكر أنكب على اللابتوب -كبديل للالة الكاتبة- على يميني السبانيش لاتيه اللذيذ وعلى شمالي قطي الفضولي باصصلي بعلامات استفهام على راسه ثم يرضخ ويمدد جنبي، أكتب كلمة ثم أقعد ألعب ف شعره، أعتقد حياتي كانت هتكون ألذ كتير من احساسي الدائم بالفشششلوووو في الكلية والمجال ده

حلم حياتي طول عمري منذ نعومة أظافري كان اني أكون دايمًا محاطة بالحب، دايمًا حواليا الناس اللي بحبهم وبيحبون��، أعيش قصة حب مجنووووونة زي الأفلام وبعدين نفضل أنا وحبيبي سوا لآخر العمر، أتساءل هل ف الأفلام دي فضلوا مع بعض سوا لآخر العمر؟ أي دووونتتتت نووووو

انهاردة خدت قرار حزين، لكنه وعلى صعوبته واستحالته ف بعض الأحيان إلا إنه القرار الصح للأسف، قعدت شوية ف السرير بعدين كفكفت دموعي ولبست ونزلت أقابل أصدقائي عشان أذاكر معاهم، بصراحة مكنتش نازلة أذاكر كنت نازلة محتاجة ديستراكشن بس

كنسلت فكرة المذاكرة -ايموچيز ممتعضة- وقعدت ف جنب أحدث الdigital journal بتاعتي كنوع من أنواع محاكاة الحلم الحياتي الذي كنت أطمح اليه -ومازلت الصراحة-

ف النص تيتا اتصلت بيا، كانت على بالي من كام يوم حاسة إن رغم اختلافاتنا مع بعض إلا إنها ف الأول وف الآخر جدتي وبتحبني وعارفة إني مقصرة معاها، طلعت كانت سألت ماما عني وماما قالتلها على آخر خناقة ليها معايا كانت بسبب اني دعيت على نفسي من غير قصد، اتصلت وهي بتعيط قالتلي لو بتحبيني متدعيش على نفسك تاني، لو بتدعي على نفسك عشان عايزة بابا ف اللي بيروح مبيرجعش، ولا هو هيجي ولا انتي لو متي هتروحيله، متدعيش على نفسك وتحرقي قلبنا عليكي، وقفت أعيط ف الشارع زي الطفل الصغير، حاسة مبقتش عارفة أستحمل تعبت

دلوقتي قاعدة بكمل كتابة، بكتب كلمتين وأبص للسحب وأكمل كتابة وأبص للسحب وهكذا دواليك، لو مكنتش إنسان كنت أحب أوي لو كنت سحابة، بحسها الصبح بتحاول تكون شئ مثالي رغم إن بالليل بتكون تايهة وزعلانة كده حاسة فاهماه أوي مش عارفة أشرح

يمكن معملتش حاجات كتير الأسبوع تنقلني من الفات آسسس وتقربني للباد آسسس ولكن ذاكرت كويس للامتحانين اللي فاتوا وحليت فيهم كويس الحمدلله ف حاسة مبسووووطة شوية نونوووو، على المستوى الدراسي حاسة كفووووو

على المستوى الشخصي بدأت أخطو خطوات في الcommunication يمكن خطوات نونوووو مش مؤثرة ومش باينة ولكن بيبي ستيبس وهنوصللللل

أكتر حاجة بفكر فيها الفترة دي غير الايت جيرل باد آسسس وكل هذه المسميات الروشة هبلللل هي إني عايزة أكون شخص سهل طيب وحنون على اللي حواليه وموجود دايمًا عشانهم

ولو شوية ايت جيرل باد آسسس بوس باد بيتش لنلون مش هيخسر بردو الصراحة

[linahhamouda]

7/7/2025

وأنا ف ابتدائي كنت طفلة متفوقة، متكلمة، مبدعة وذكية، ونشيطة موووت اعدادي وثانوي بدأت أهدى أهدى لغاية لما بقيت على الإنعاش ف الجامعة ف ثانوي أكتر جملة سمعتها كانت انتي ذكية انتي اللي مضيعة نفسك بنفسك، أكتر مدرس كنت بعزه قالي ف مرة ف لحظة درامية موووت بعد ما تنهد تنهيدة عميقة لينة انتي اختي الصغيرة ولولا الملامة وانه مينفعش كنت خدتك بذات نفسي حبستك وأجبرتك تشتغلي على نفسك يارب تفوقي قبل فوات الأوان جبت مجموع، دخلت الكلية المطلوبة لكن ده مكنش بسبب اني فوقت لنفسي ولا حاجة، ده بسبب تدخلات أفراد العائلة الكرام، لولاهم ولولا المدرس ده مكنش زماني هنا آخر مرة فاكرة فيها اني فوقت لنفسي شوية كانت امتى؟ مش فاكرة ممكن اتعدلت شوية وركزت ف حياتي ف فترة الباطنة من سنة؟ بس حتى دي مكنتش عدلة حياتية، كانت عدلة دراسية بس ولكن يجي منك على راسي

طيب آخر مرة حاولت فيها أدلع نفسي؟ همممم ممكن لما غيبت من الكلية عشان أنام شوية أكتر وبعدين صحيت أسكرول على تيك توك لما لا نهاية؟ شئ مثير للشفقة موووووت دي مش حياة ايت جيرل باد اسسسس دي حياة ايت جيرل فات اسسسس -سوري كيدو نوت سوري-

ويستد بوتينشال على كافة نواحي الحياة ولا دراسة ولا دلع ولا أي حاجة بليز اوئديني مش عايزة أكون محبوسة جواكي أكتر من كده ايييووووو

بقول ده ليه؟ وبكتب التاريخ ده ليه؟ لاني من أول انهاردة ومن اللحظة دي هبطل أكون هذه الفات اسسسس وهمشي نحو الباد اسسسس، عارفة ان الواحد عجز والدنيا نالت منه والخطوات دي غالبًا هتكون خطوات عرجاء بطيئة متعثرة، لكنها ف الأول والآخر خطوات مش عارفة الخطوات دي ازاي مش معايا حتى خارطة الطريق ولكن الأكيد انه هحاول أوصل، أتمنى للمزة الايت الجيرل الباد أسسسسسxD

[linahhamouda]

واو كمان في عنوان؟

بيقول ايه البتاع ده؟