me-rv

[me-rv]

عايزة حد أقدر اتكلّم معاها ب إريحية بس

[me-rv]

مفيش أي سبب ل الثقة الجامدة دي ف الوقت الحالي بس أنا واثقة إن كل ده هيتظبط وهعمل ريمونتادا وكل شيء هيبقى عظيم، أتمنى يعني

[me-rv]

أنا كنت عايزة أبقى شارلوك هولمز 🕵🏻‍♀️

[me-rv]

أنا عايزة دماغي القديمة وطريقتي القديمة ف كل حاجة ومع كل الناس، أنا زهقت،  ٢٠١٧/٧/١٢ وثانوية عامة ونتيجتها

[me-rv]

المانيفستو | شعر: مصطفى إبراهيم

 ——————-(م)——————— 

ماسبيرو أخطر م الرصاص و القصر

ملّى عنيك بالدم…قبل الطلوع قدام

ما تسيبش جيشك تِقسمه الأعلام

مش كل مين جنبك….جواه بيهتف مصر

———————(ا)———————-

الوقفة جنب النار ..بتقلل الدخان

- إهتف هتاف إبن المكان و الظرف

- إضرب بعزمك … أو ما تضربشى

إرجع بضهرك … أو ما تهربشى

إمسك عصاية ثورتك م الطرف

التاريخ ضمن الغنايم ..و بيكتبه الكسبان

———————(ن)———————

نقى دايما طوب صغير حدفتك توصل بعيد

نفترق ساعة المطاردات ..أربعات

نشّن الباراشوت ناحية الصف العريض

نجرى فجأة.. نردّ فجأة.. نص قوتنا المفاجأة

ندّم اللى يعورك……..و إقطعله إيد

———————(ي)———————

يؤتَى الحِذر من مكمنُه

يأتِى الغبى باللص ثم يحلّفه

يؤتَى الهتاف… رَّجاً بممن يَهتِفه

- يؤتَى الجدع… قلبا بمما إتجَدعنُه

———————(ف)———————

فّرق ما بين….الجرأة و القلب الحديد… و الرمى جوا التهلكة

فتش بإيد ع المستفيد ..و بإيد عن الصاحب الجدع

فتح اذا الناس غمضت….غمض إذا نظرك خدع

فرّغ عياطك ع الصحاب… دم و خميرة… مش بكا

———————(س)———————

سمى الحاجات دى بإسمها…الكدب… و الخوف… و الخيانة

سجادة المسامير… تتحط ع الناصية …غطّيها بالدخان ..ولّع قصادها كاوتش

سد الطريق لورا علشان ما تترددش

سيب باب لجيشهم يهربوا منه

سلّم رايات الحلم لحد من سِنُّه

سلّم قراركوا لأكتر كفّ عرقانة

———————(ت)———————

تبّت يدا من ساب رفاق المعركة بطولهم

تمن القضية اللى اندفع مبقاش يجوز يرجع

تتعب تبص ف عين.. إصحابك الطايرة….شوف مين من الآخر دفع….لو زيهم… إدفع

تلت الرصاص نحو العدو… .تلتينه للخاين..الطعنة جاية من هنا مش من هناك

تعب النهاردة غير تعب بكرة….الوقت مش دايما معاك.

تحتك فيه ناس عاوزة الأمل…مش عاوزه؟… سيبهولهم

———————( و )———————

وسّع الجبهة لو إنتوا كتير… و .ضّيقها لو إنتوا أقل

ولع شماريخ وسطكوا اول ما تلقى الرتم قل

وقّع لمض كل العواميد اللى كاشفة ناحيتك

وّدى الإعاشة قبل ما تدوق لقمتك

وجّب مع السكان و أهل المنطقة…حتى لو فاهمين غلط…فيه ناس كتير متلخبطة …إكسب عدد ….و إكسب غطا

وزع عيونك فوق و تحت….و خاف من اللى يصورك

وطّى و عينك باصّة فوق ع الطوب و إلا يعوّرك

وقّف إذا سحبوك على شارع طويل

وفّر بديل

وافق على الهدنة إذا سحبوا الكلاب

لو سابوا خليك انتا آخر حد ساب

واحد بيفرق ف العدد جدا

و عشان كده….

 أول ما تلقى إن الصفوف ناقصاك …

 وسع مكانك… للى جاى وراك

[me-rv]

[me-rv]

والعمل؟ إيه العمل؟ ها؟

[me-rv]

أنا قولت إن 2016 دي كانت عظيمة وصاحبة نصيب الأسد ف الأحداث الحلوة والصح ف حياتي والله:’D أنا حاليًا معتش فاكرة أخر مرة الفترة دي جت وتقريبًا نسيت الإحساس ده عامل ازاي يعني :’DDD

كل فترة كده بيجيلي وقت ببقا مبسوطة من نفسي بطريقة لطيفة وحاسة بإني حلوة وقوية بطريقة ألطف، أنا بحب الوقت ده بقا 💖

[me-rv]

If not now, then when? ha?

[me-rv]

ليه؟

[me-rv]

طبيعي الإنسان لما يتوقّع حاجة ويتعشّم ف حاجة معينة بصورة معينة ومتجيش بالصورة اللي عايزها دي يزعل ويتضايق بس اللي يفضل أكتر من سنة ف المود ده ومصمم يخلّي اختلاف الصورة دي يأثّر عليه مع إن النتيجة والمحصّلة كانت واحدة يبقى غبي لا محالة أنا غبية.

[me-rv]

الناس ف معظم الأحيان بيشوفوا اللي بيتكلّم عن إنه وحش أو بيقول عيوب  فيه عامةً ما هو إلا اتنشن هور مع إن مش علطول بيبقى كده، ولا مرة كتبت حاجة بالمعنى ده عشان اسمع كلام حلو بالعكس معظم الوقت مبكتبش عشان مسمعش الكلام اللي المفروض جميل وبيهوّن ده عشان وللأسف معظم الوقت معايا مبيهوّنش وتأثيره لحظي جدًا إلا ف مرات قليلة أنا مثلًا مش فاكرة منها أي مرة دلوقتي -ودي مش حاجة حلوة باي ذا واي- ومتأكدة إني أكيد في ناس غيري بيفكّروا كده، السؤال هنا والحل؟ الحقيقة لغاية دلوقتي معرفهوش بس هو أكيد موجود، ساعات بفكّر إني نفسي أحب حد ويحبني بس عشان يديني ثقة ف نفسي سواء ف شكلي أو ف شخصيتي زي ما اللي حبوا بيكتبوا بس لو ده بس الحل بس ف ده أهطل أوي، وإيه الحلو إن ثقتي ف نفسي ترتبط بس ب ارتباطي ب شخص؟ وليه استناه؟ ليه منامش وأصحى النهاردة ألاقيني حاسة بالثقة دي لوحدي؟

[me-rv]

أمنيات ال5:32 :

يا سلام لو أفقد الذاكرة فعلًا!

[me-rv]

الإنسان حزين..

ف مرة من أكتر من سنة كنت كاتبة هنا حاجة بمعنى إن الناس اللي حوالينا لو مش بيفيدونا يبقى أولى نحوّلهم مكرونة بالباشميل وأكل أحسن، الحقيقة أنا مش فاكرة أنا كنت كاتبة كده عشان موقف أو مواقف إيه تحديدًا وأساسًا كنت ناسية إني كتبت كده هنا بس أنا بقالي فترة بالفعل بفكّر ف كده تاني :’D قريب كان في حاجة ف نظر أي حد غيري يعني تافهة ومتزعّلش بس أنا زعلت واللي هو مش زعل عادي لأ ده جامد وعياط يعني وقتها كنت فكّرت أنزل أو أكلّم حد من اللي أعرفهم أعيطله ويواسيني وبتاع بس ملقيتش، أي حد كنت هقوله ده حصل كذا زعّلني كنت شبه متأكدة إنه هيقولي أو حتى هيبصلي إن إيه التافهة دي وهي منزّلاني ولا مكلّماني عشان كده بس بجد؟ ساعتها فكّرت ف الفكرة اللي فوق تاني، بردو كتير جدًا بشوف حاجة أو يحصل معايا حاجة حلوة عادي بس مش اللي هي مهمة أو ممكن حد غيري يعتبرها حدث ولا حاجة يتعلّق عليها أصلًا ف بقوم أحتفظ بيها ل نفسي ف الأخر وخلاص وبردو أفكّر تاني إن أومال أنا أعرف الناس دي ليه، والحقيقة دي حاجة تحزن فعلًا لمّا أبقى مصاحبة كل الناس دي وكل مرة أفكّر كده، الحقيقة بردو أنا مش قادرة أ��دد المشكلة من مين وإن كنت غالبًا أعتقد إنها مني بس أيّا كان أنا بجد وفعلًا وحقيقي حزينة والله وزهقت. يا رب الناس تتحوّل أكل.

[me-rv]

عودة

الابلكيشن الأهدى والأنسب دائمً وأبدًا والله

[me-rv]

سر، أنا بحب ضحكته جدًا وعينه لما تلمع او لما نكون سوا وياخد باله منى وانا بعمل حاجه ويصورنى عندى فولدر على اللاب لصوره الى مصورهانى وانا مش مركزه معاه بكون هبله وطايرة لفوق رجلى مش لامسه الارض لما بيحكيلى و نكون سوا بحبه لما يبقى شكلى وحش ومش رايقه يكتبلى ورقة انى احلى البنات وانى حلوة جدًا النهارده لما يجبلى وردة ونحطها ف نوت جايبنها سوا بنكتب فيها كل حاجه حلوة بتاريخ و وقت بيعرف يحتوينى كويس جدًا هو الى بينطبق عليه احساس He's my home <3

:)))))))))))))))

[me-rv]