#avropada

[azimzadee]

Dünyanın ən bərbad manifestini etmişəm illərdi - Əsas odu gedim Avropada darıxdığım üçün ağlayım)

Darıxmağın nə olduğunu bilmirmişəm, onun qədər ağrılı ikinci duyğu tanımıram artıq)

[elsevar-hajiyev]

1 Aprel-Ümumdünya Gülüş Günüdür.

Ümumdünya gülüş günü — Avropada və bir sıra Asiya ölkələrində aprelin 1-i gülüş, zarafat günü kimi qeyd olunur.

Üzünüzdən gülüş heç zaman əskik olmasın!#gülüşgünü

[seslikitab]

André Gide - Pastoral Simfoniya

Yazar: André Gide Janr: psixoloji roman, fəlsəfi ədəbiyyat, dram, Əsərin mahiyyəti və konteksti: “Pastoral Simfoniya” əsəri 1919-cu ildə Birinci Dünya müharibəsinin yaratdığı mənəvi böhrandan sonra yazılıb. Fransa və Avropada dini inanc, əxlaq və insanın mənəvi dəyərləri ciddi şəkildə sorğulanırdı. Bu kontekstdə André Gide öz qəhrəmanları vasitəsilə dinin, mərhəmətin və sevginin təhrif olunmuş…

[gunayagamali]

Ulu Öndər Heydər Əliyevin müəyyən etdiyi milli enerji strategiyası Azərbaycan tarixinin parlaq səhifələrindəndir - ŞƏRH

Ulu Öndər Heydər Əliyevin müəyyən etdiyi və həyata keçirdiyi milli enerji strategiyası Azərbaycan tarixinin parlaq səhifələrindən biridir. Ümummilli Liderin uzaqgörənliyinin və siyasi iradəsinin təntənəsi hesab edilən “Əsrin müqaviləsi" beynəlxalq neft kontraktı sayəsində Azərbaycanın zəngin enerji resursları dünya bazarına çıxarıldı. Məhz bu tarixi hadisə nəticəsində ölkəmizin iqtisadi müstəqilliyinin əsası qoyuldu və regionda yeni geosiyasi reallıqlar formalaşdı. Bu strateji yol xəritəsi Azərbaycanı beynəlxalq enerji bazarında etibarlı tərəfdaşa və Cənubi Qafqaz regionun aparıcı güc mərkəzinə çevirdi.

Bu sözləri Milli Məclisin deputatı Günay Ağamalı söyləyib.

O bildirib ki, ölkəmizin Ulu Öndər Heydər Əliyevlə başlayan enerji strategiyası bu gün Prezident İlham Əliyev tərəfindən uğurla davam etdirilir: "İyunun 2-də Bakı Ekspo Mərkəzində Bakı Enerji Həftəsi çərçivəsində keçirilən 30-cu Yubiley Beynəlxalq Xəzər Neft və Qaz Sərgisi “Caspian Oil and Gas”, 13-cü Xəzər Beynəlxalq Energetika və Yaşıl Enerji Sərgisi “Caspian Power” və 30-cu Yubiley “Baku Energy Forum”un rəsmi açılış mərasimi öz möhtəşəmliyi ilə yadda qaldı. Tədbirin açılış mərasimində çıxış edən Prezident İlham Əliyev bir daha ölkəmizin qlobal enerji bazarındakı strateji rolunu və qabaqcıl mövqeyini nümayiş etdirdi. Dövlətimizin başçısının qeyd etdiyi kimi, Azərbaycan olduqca genişmiqyaslı islahatlar həyata keçirir. Neft və qazın bizim Ümumi Daxili Məhsulda payı təqribən 30 faizdən artıqdır və Azərbaycanın strateji maliyyə ehtiyatları ölkənin xarici borcunu 14 dəfə üstələyir. Bu isə analoquna çox nadir rast gəlinən bir faktordur".

Deputatın sözlərinə görə, Azərbaycanın həyata keçirdiyi beynəlxalq enerji layihələri - Cənub Qaz Dəhlizi, TANAP, TAP və digər təşəbbüslər çərçivəsində ölkəmiz Avropanın da etibarlı enerji tərəfdaşına çevrilib. Təsadüfi deyil ki, istehsal etdiyimiz təbii qaz bu gün enerji böhranı yaşayan Avropada Rusiya qazının əsas alternativi kimi qiymətləndirilir. Bununla yanaşı, yaşıl enerji sektoruna keçidin zəruriliyini vurğulayan Prezident İlham Əliyev ölkəmizin bu sahədə apardığı məqsədyönlü siyasəti xüsusi olaraq qeyd etdi. Qarabağ və Şərqi Zəngəzurda yaşıl enerji zonalarının yaradılması, Xəzər dənizinin külək enerjisi potensialının reallaşdırılması və ekoloji təmiz mənbələr hesabına əldə olunan elektrik enerjisinin ixracı Azərbaycanın enerji siyasətinin çevik və dinamik xarakter daşıdığını bir daha sübut edir. Nəticə etibarilə Prezident İlham Əliyevin Bakı Enerji Həftəsi çərçivəsindəki çıxışı ölkəmizin enerji sektorunun uğurlarının məcmusu və ekoloji tarazlığa əsaslanan yeni enerji strategiyasının təqdimatı idi.

05 İyun 2025-ci il

"Azertag.az" saytı

https://azertag.az/xeber/ulu_onder_heydar_aliyevin_mueyyen_etdiyi_milli_enerji_strategiyasi_azerbaycan_tarixinin_parlaq_sehifelerindendir____serh-3597115

[gusein00]

5 Noyabrı xatırla, partlamanı, xəyanəti və sui-qəsdi.

Film 1605-ci ildə Guy Fawkes adlı şəxsin həbs edilməsi və öldürülməsi səhnəsi ilə başlayır. Guy Fawkes(1570 1606) katolik bir ailənin övladı kimi, katoliklərə qarşı təzyiqlərin çox olduğu bir dönəmdə yetişdirilmiş və bir müddət sonra ölkəni tərk edərək Protestant İngiltərəyə qarşı döyüşən katolik ordularında xidmət etmişdir. 1605-ci ildə İngiltərə Parlament binasını partlatmaq istəyirdi. Bu sui-qəsd avtoritar İngiltərə rejimini yıxmaq məqsədi daşıyırdı. Məhz bu səbəbdəndir ki, Guy Fawkes, xüsusilə avtoritar rejimə qarşı mübarizə aparan anarxist tərəflərin simvolu halına çevrilib. Lakin sui-qəsd hökumətə xəbər verildi və ifşa edildi. Guy Fawkes Noyabrın 5-də həbs edildi və o, 1606-cı ildə vətənə xəyanət ittihamı ilə edam edildi.

“Remember, remember, the fifth of November”, bu sözlər İngilis xalq mahnısına aiddir. Beləki, Guy Fawkes hazırda hər il 5 Noyabrda İngiltərədə Guy Fawkes Gecəsi(Bonfire Night) adı ilə keçirilən tədbirlərdə yad edilir. Bu tarix həm də İngiltərə tarixində Katolik Protestant münaqişələrinin ciddi bir mərhələsi kimi yadda qalıb.

Protestantlıq, Xristianlığın üç əsas qolundan biridir(digərləri Katoliklik və Provaslavlıqdır). 16-cı əsrdə Martin Luther və digər reformatorların Katolik Kilsəsinə qarşı başlatdığı Reformasiya Hərəkatı nəticəsində yaranmışdır. Luther məşhur 95 tezis(qanun) ilə tanınır. Bu tezislər Protestantlığın əsasını qoydu. Buu yenilik, Avropada Qaranlıq Dövrü(Dark Ages) bitirməklə yanaşı Renessans və Reformasiyanın təməlini atdı.

Necə oldu İngiltərə Protestant oldu?

İngiltərənin Protestantlığa keçidinin başlanğıcı Kral 8-ci Henri ilə əlaqəlidir. 8-ci Henri, Roma Papasından ilk həyat yoldaşı Ketrin ilə nikahını ləğv etməsini istədi, çünki Ketrin oğlan övlad dünyaya gətirməmişdi və Henrinin soyu davam etmə təhlükəsi ilə üz-üzə idi. Lakin Papa bu boşanma tələbini rədd etdi. Bu rəddən sonra Henri Roma Katolik Kilsəsinə qarşı çıxmışdı.

1534-cü ildə Üstünlük Aktı( Act of Supremacy) qəbul edildi və Henri özünü İngiltərə Kilsəsinin başçısı elan etdi.

Beləliklə, İngiltərə Roma Papasından müstəqil bir kilsə yaratdı. Bu isə öz növbəsində İngilis Reformlarının əsasını qoymuş sayılır. Katolik Kilsədən ayrılmaq Anglikan Kilsəsini ortaya çıxardı və bu reforma görə kilsə birbaşa krala tabe oldu.

Orta əsrlərdə kralların hakimiyyətinin Tanrı tərəfindən verildiyi inanışı geniş yayılmışdı. Bu konsepsiyaya görə, kral Tanrının yer üzündəki nümayəndəsi sayılırdı. Katolik Kilsəsi, bu anlayışı dəstəkləyərək kralların taxta çıxmasını leqallaşdıran əsas dini güc idi. Roma Papası və ya yüksək rütbəli kilsə rəsmiləri krallara tac qoyur, bu isə kralın Tanrının lütfü ilə hakimiyyətə gəldiyini simvolizə edirdi. Tacqoyma mərasimi olmadan bir çox hallarda kralın hakimiyyəti qeyri-legitim sayılırdı. Papalar çox vaxt siyasi münaqişələrdə də iştirak edir və kralları dəstəkləmək və ya onlara qarşı çıxmaq üçün öz nüfuzlarını istifadə edirdilər. Kilsə bəzi hallarda kralları taxtdan endirmək üçün digər siyasi gücləri təşviq edirdi. Papa bir kralın qanunsuz olduğunu elan edərək digər liderlərə, krala qarşı müharibə elan etmə haqqı verə bilərdi. İngiltərədə, kilsə reformları Katolik Kilsənin və Papaların bu gücünü əlindən almış oldu.

Daha sonra hakimiyyətə gələn krallar dönəmində də bir sıra islahatlar keçirildi və Katolik Kilsədən daha da uzaqlaşdılar. 6-cı Eduard(1547-1553) hakimiyyəti dönəmində Anglikan Kilsəsi tamamilə Protestant ideologiyalara uyğunlaşdırıldı. Kraliça 1-ci Elizabet(1558-1603) taxta çıxdıqdan sonra Protestantlıq rəsmi şəkildə ölkənin dininə çevrildi. Bu dəyişikliklər nəticəsində İngiltərə Protestant bir ölkəyə çevrildi.

Bütün bu dəyişiklikdən sonra Katoliklər və Protestantlar arasında uzun müddət dini qarşıdurmalar yaşandı. Guy Fawkesin uğursuzluqla nəticələnən sui-qəsd cəhdi də bu münaqişələrin ən ciddi nümunələrindən biridir.

"V for Vendetta" filmi Guy Fawkesi yenidən populyar mədəniyyətin mərkəzinə gətirib. Guy Fawkes kimi, filmin əsas qəhrəmanı "V" də avtoritarizmə qarşı çıxır və filmdə hadisələr bu yöndə cərəyan edir. Film eyni zamanda Guy Fawkes Maskası deyilən bir anlayışın da formalaşmasında böyük rol oynayır hansı ki, bu maska günümüzdə anarxist ideologiyada tez-tez istifadə edilir. Film 2005-ci(təqdimatı 2006-cı il) ildə eyni adlı qrafik romandan ilhamlanaraq çəkilib. Filmin çəkilməyə başlama və təqdimat illəri də xüsusi detallardan biridir. Ssenaristlər, film çəkildiyi vaxtlarda Wachowski qardaşları(sonralar wachowski bacılarına çevirdilər özlərini) adı ilə tanınırdılar, daha dəqiq desək Matrix filmləri ilə mükəmməl məşhurluğa sahib idilər. Bu filmdə də hadisələr Wachowskilərə uyğun şəkildə, gələcəkdə və distopik şəkildə cərəyan edir.

Yaxın gələcəkdə İngiltərə avtoritar rejim tərəfindən idarə edilir və Sutler(adı tanış gələ bilər) adlı diktatorun rəhbərlik etdiyi "Norsfire" hökuməti, xalqı qorxu və təzyiq altında saxlayır.

Bu hökumətin təhlükəsizliyindən məsul şəxs Peter Creedy, reala yaxın, gözəl düşünülmüş personajdır.

Maskalı karizmatik baş qəhraman V, bu rejimə qarşı təkbaşına mübarizə aparır. O, Guy Fawkes maskası taxaraq hökumətin törətdiyi bütün zülmlərə qarşı çıxır və 5 Noyabrda Parlament binasını partlatmaq istəyir.

Filmin çatdırmaq istədiyi əsas fikirlərdən biri, Azadlıq və dirəniş(etiraz).

Fərd şəklində vəya kütlələr şəklində insanlar öz azadlıqları üçün zülmə qarşı mübarizə aparmalıdırlar. İnsanlıq tarixi boyunca azadlıq və dirəniş hər bir cəmiyyətin mərkəzi mövzularından biri olmuşdur və bunlar fərdi və kollektiv kimliyin qorunması, ədalət uğrunda mübarizə və ən əsası avtoritarizmə qarşı çıxışın əsas sütunlarını təşkil edirlər.

Sadə dillə desək, azadlıq insanın öz həyatını idarə etmək hüququdur:

istədiyi kimi düşünmək(düşüncə azadlığı)

istədiyinə inanmaq(vicdan azadlığı)

istədiyini danışmaq(söz azadlığı)

istədiyi kimi hərəkət etmək(fərdi azadlıq).

Rousseauya görə insan, yalnız öz iradəsini və ağlını istifadə edərək həqiqi azadlığa nail ola bilər, yenə qeyd edirki, insanlar öz fərdi azadlıqlarının bir qismini ümumi rifah üçün qurban verir və bununla da cəmiyyətin tələblərinə uyğun şəkildə birgə yaşamaq mümkün olur, cəmiyyətin qanunları ümumi iradəyə əsaslandıqda, fərdlər həm qanunlara tabe olur, həm də azad qalır, çünki bu qanunlar onların ümumi maraqlarını ifadə edir. Bu mövzuda Russonun The Social Contract kitabını məsləhət görürəm. Mən Türkcə oxumuşdum, Hasan Ali Yücel Klasikleri seriyasında var Toplum Sözleşmesi adında.

Bütün bu azadlıqların məhdudlaşdırıldığı bir cəmiyyətdə hərzaman fərdi və kollektiv şəkildə etirazlar olmuşdur. Totalitar və Avtoritar rejimlərdə bütün bu azadlıqlar məhdudlaşdırılır və müxtəlif metodlarla etirazların qarşısı alınır. Hər iki rejimdə təbliğat və repressiyalardan istifadə edilərək öz hakimiyyətlərini möhkəmləndirirlər və bu rejimlərdə hakimiyyət bir grup şəxsin əlində cəmləşir. Bu iki rejimin oxşar cəhətlərlə yanaşı fərqli cəhətləri də var. Ən önəmli fərqli cəhətləri isə Totalitarizmdə məcburi ideologiyanın ön planda olmasıdır, misal üçün faşizm, kommunizm, şəriət kimi. Avtoritar rejimdə isə ön planda olan məsələ hakimiyyəti qorumaqdır, ideologiya ikinci plandadır. Avtoritarizmin tətbiqi və dərəcəsi ölkədən ölkəyə dəyişir. Avtoritar ölkəyə misal çəkməyəcəm, özünüz başa düşün. Filmdə təsvir edilən rejim Avtoritar rejimi bütün tərəfləri ilə izləyiciyə təqdim edir. Və zamanla Avtoritar rejim Totalitar rejimə çevrilir.

İzləyiciyə çatdırılmaq istənən fikirlərdən biri də bu rejimin ən önəmli idarə metodu, Qorxu və Təzyiq metodudur. Rejim, insanları qorxu vasitəsilə idarə edir, daim bir düşman var və ona qarşı hökumətin yanında olub, hökuməti dəstəkləmək lazımdır. Nəticədə azadlıqlarından məhrum edilmiş itaətkar fərdlər yaradılmış olur. Təzyiqlər nəticəsində insanlar öz ölkələrini tərk etməyə məcbur qalırlar və cəmiyyətdəki etirazın müqaviməti pozulmuş olur.

Buna bənzər bir rejimlə idarə edilən distopik bir cəmiyyətə 1984(George Orwell) romanında şahidlik edirik. Əsas qəhrəman Winston Smithin gözündən, qorxu və təzyiqin cəmiyyətdə necə tətbiq edildiyini görürük.

Gələk əsas məsələyə.

İdeyanın gücü:

Filmin sonlarına yaxın əsas personaj V, Sutlerin adamları tərəfindən əhatəyə alınır və güllələnir, amma, ayaqüstədir yıxılmır və belə bir ifadə işlədir:

Fikirlərə güllə işləməz.

Bu replika əslində filmin bütün mahiyyətini ortaya qoymuş olur. Bu ifadə eyni zamanda insanların düşüncələrini və ideyalarını məhv etmək üçün tətbiq edilən zorakılıq və şiddətin uğursuz olacağını vurğulayan dərin mənalı ifadədir. Film boyunca V tərəfindən xalqın azadlığını, müstəqilliyini və düşüncə azadlığını qorumağa yönəlmiş bir ideya ön planda dayanır. O, totalitar rejimin qarşısında dayanıb xalqın yuxusundan oyanmasını istəyən bir şəxs olaraq, insanların öz azad fikirlərini qorumasını istəyir və buna görə mübarizə aparmağı təklif edir. Bu deyim, həm də filmin sonlarına doğru, V-nin öz həyatını və mübarizəsini sona çatdırarkən, azadlıq, bərabərlik və ideya mübarizəsinin hər zaman davam edəcəyini vurğulayan, simvolik bir cümlə halını alır. V for Vendetta, totalitarizm(avtoritarizm) və azadlıq; mübarizə və qorxu; ideallar və güc arasında gedən fəlsəfi bir mübahisədir. Film, həm də azad fikirlərin gücünü və rejim qarşısında insanların müqavimətini göstərən dərin bir fəlsəfi mesaj verir. Ortaya bəzi suallar çıxır:

İnsan azadlığının qiyməti nədir?

Düşüncə və şəxsiyyətin əsl gücü nədir?

Rejimin qarşısında necə dayana bilərik?

Son olaraq, Vnin mübarizəsinin, yalnız dövlətin dağıdılması üçün deyil, eyni zamanda insanların içindəki azadlıq və şəxsi gücü ortaya çıxarmaq üçün olduğunu öyrənirik. Filmin sonunda, Evey(V-nin sonradan tanış olduğu və öz dəyişimi ilə xəyal edilən cəmiyyəti təmsil edən ikinci əsas personaj) öz şəxsiyyətini, fikirlərini və azadlığını tapır, bu isə hər bir insanın daxili gücünü kəşf etməsi və azadlıq uğrunda mübarizə etməsi mesajını verir.

Bu filmdə işin texniki tərəflərindən danışmağın mənası yoxdur, danışılması lazım olan nüanslar başqadır, alınması lazım olan dərslər başqadır. Buna görə işin texniki tərəflərindən bu filmdə danışmaq mənasızdır.

Bunun əvəzinə filmdən bir neçə replika oxuyaq:

📍İnsanlar hökumətlərindən qorxmalı deyil, hökumətlər öz xalqından qorxmalıdır.

📍Bu maskanın altında yalnız ət yoxdur. Bu maskanın altında bir ideya var, cənab Creedy və ideyalara(fikirlərə) güllə işləməz.

📍İdeyalar təkcə qanla deyil, həm də təfəkkürlə yaşayır.

📍Sistemi dəyişmək asan deyil, amma, heç nə heç vaxt dəyişilməz deyil.

📍Qorxu insana nəzarət etmək üçün ən güclü vasitədir, lakin özünə inam insanı qorxudan daha güclü edir.

📍İnsanların qorxduğu şeylərdən çox, onları gizlədilən şeylər qorxudur.

📍Bəzən ən gözəl şeylər ən böyük mübarizələrdən sonra gəlir.

📍Yekun olaraq, maskanın altında kim olduğunu tapmaqdan çox, kim olacağımızı tapmaq daha vacibdir.

Mövzu ilə əlaqədar mənim də oxuduğum kitabların ətraflı siyahısı:

1984(George orwell)

The Social Contract(Jean Jacques Rousseau)

On Liberty(John Stuart Mill)

Brave New World(Aldous Huxley)

The Trial(Franz Kafka)

The Communist Manifesto( Karl Marx və Friedrich Engels)

Escape From Freedom(Erich Fromm)

V for Vendetta IMDb: 8,1/10

Xoş izləmələr.

[politiciansstuff]

FRANSA BÜTÜN KÖRPÜLƏRİ YANDIRIB: PARİS AZƏRBAYCANA QARŞI DÜŞMƏNÇİLİK APARIR (ŞƏRH)

“Fransa bütün körpüləri yandırıb. Diplomatik etiketlərdən, beynəlxalq hüquqdan və prinsiplərindən kənara çıxaraq Azərbaycana qarşı düşmənçiliyi davam etdirir”. Bunu Qaynarinfo-ya açıqlamasında Milli Məclisin deputatı Fəzail Ağamalı Fransa XİN-in Azərbaycandakı səfirini məsləhətləşmələr üçün geri çağırmasını şərh edərkən deyib.

“İstər Vətən müharibəsi dövrü, istərsə də ondan sonrakı dövrdə də Paris Azərbaycana qarşı qərəzli mövqe sərgiləyib. Paris Ermənistana dəstək olmaqla Azərbaycana qarşı ən müxtəlif təxribatlara belə imza atır. Bu ölkə BMT Təhlükəsizlik Şurasında dəfələrlə Azərbaycana qarşı qətnamələrin qəbul edilməsinin müəllifi rolunda çıxış edib. Avropa məkanının ən müxtəlif platformalarında da ölkəmizə qarşı qərəzli mövqe sərgiləyib. Fransanın qanunverici orqanı da Azərbaycana qarşı qərəzli yanaşma tərzi sərgiləyib, onlar erməni separatizminin “müstəqilliyini” qəbul ediblər. Amma onun bütün bu oyunları hər zaman puça çıxıb”, deyə deputat bildirib.

Fəzail Ağamalı bildirib ki, Fransanın ölkəmizdəki cəsusluq şəbəkəsi, onun neokolonializm siyasəti ifşa olunub, amma Paris yenə də nəticə çıxarmayıb:

“Səfirin məsləhətləşmələr üçün geri çağrılmasının arxasında Azərbaycanla diplomatik münasibətlərin kəsilməsi cəhdi dayanırsa, olsun. Dünya tək Fransadan ibarət deyil. Heç Avropada Fransadan ibarət deyil. Avropa məkanının siyasi, diplomatik, informasiya və hərb meydanında da Parisi məğlub etmişik. Azərbaycanın çəkinəcək yeri yoxdur. Paris ölkəmizə qarşı bundan sonra da düşmənşilik mövqeyini davam etdirsə, heç şübhəsiz adekvat cavabını alacaq”.

“Qaynarinfo.az” saytı

Rüfət Sultan

17 aprel 2024-cü il

[yesmilletinsesiinfo]

#Cahangir Hacıyevin arvadının Londondakı İQTİSADİ CİNAYƏTLƏRİ – Avropada BANK DƏRSLİKLƏRİNƏ salındı gönderdi

[fikamal9]

Avropada da depressiyaya girdimsə halaldı mənə

[iambayramli]

Cəmiyyətdə hər hansı haqsızlıq gördükdə qınamaq və etiraz bildirmək cəmiyyətin inkişafı üçün çox önəmlidir. Amerika və Avropada bu çox yüksək səviyyədədir. İnsanlar haqsızlıq, ədalətsizlik, tərbiyəsizlik, mədəniyyətsizlik gördükdə dərhal fikirini bildirir. Bir növ cəmiyyət özü normaları qoruyur. Təbii olaraq bəziləri qınağa fikir vermir hansı ki, onları da sərt qanunlar əhilləşdirir.

Bizdə təssüflər olsun ki, ictimai qınaq yalnız qonşu Rühəngizin geyimi qısa olduqda işə düşür. Digər məsələlərdə "əşiii" deyib üzərindən keçirik.

[mmar1ia]

Sənə hər addımında sərhədlər qoyan ailən, başqa ailənin uşaqları Avropada təhsil alanda komplimentlər edir. İnsan bunu dərk edəndə, çoxdan hər şeydən məhrum olduğunu anlayır. Daha nə deyəsən ki ? Anlamaq onlar üçün əlçatmazdır…

[seslikitab]

Paul Lafargue - Tənbəllik Haqqı

Yazar: Paul Lafargue Janr: satirik, sosial tənqid. utopik. 1. Tarixi və İdeoloji Kontekst 19-cu əsrin sonları Avropada kapitalizmin genişləndiyi, sənaye inqilabının cəmiyyətləri tamamilə dəyişdirdiyi dövrdür. Bu dövrdə fəhlələr gündə 14-16 saat işləyir, lakin bu əmək onların həyat şəraitini yaxşılaşdırmırdı. Paul Lafargue bu sistemə qarşı çıxaraq, işə məcburiyyəti “insanlıq faciəsi” kimi…

[gunayagamali]

Deputat: “Azərbaycan Cümhuriyyətin siyasi varisi kimi dünyada layiqli yerini tutub”

"Azərbaycanın dövlətçilik tarixi zəngin və qürurvericidir".

Bu sözləri Milli Məclisin deputatı, "Ana Vətən" Partiyasının sədr müavini Günay Ağamalı "Cebheinfo.az"-a açıqlamasında deyib. O bildirib ki, bu tarixin ən parlaq səhifələrindən biri də 1918-ci ildə qurulmuş Azərbaycan Xalq Cümhuriyyətinin (AXC) adı ilə bağlıdır:

"Şərqdə ilk parlamentli respublika olan Azərbaycan Xalq Cümhuriyyəti müsəlman dünyasında demokratik dəyərlərin və hüquqi dövlətçiliyin təməlini qoymaqla inqilabi yeniliklərə imza atmışdır. Məhz bu səbəbdən, 28 May hər bir azərbaycanlının qürurla xatırladığı müqəddəs bir gündür.

Azərbaycan Xalq Cümhuriyyəti qısa müddətli fəaliyyəti dövründə Şərqdə ilk, Avropada isə bir çox dövlətdən qabaq qadınların səsvermə hüququnu təmin etdi. Bununla yanaşı, təhsil islahatları çərçivəsində yeni məktəblərin açılması və ən əsası Bakı Dövlət Universitetinin yaradılması ölkə elminin inkişafında mühüm rol oynadı".

Millət vəkili vurğulayıb ki, Azərbaycan Xalq Cümhuriyyəti 1920-ci ildə Sovet işğalı nəticəsində süquta uğrasa da, onun azadlıq və müstəqillik ideyaları xalqın yaddaşından silinmədi:

"1991-ci ildə Sovet İttifaqının dağılması ilə ölkəmiz yenidən öz m��stəqilliyini bərpa etdi və Azərbaycan Respublikası AXC-nin siyasi varisi kimi dünya arenasında öz layiqli yerini aldı.

Azərbaycan Xalq Cümhuriyyətinin təməlini təşkil edən dəyərlər, milli özünüdərk, xalq hakimiyyəti, hüquqi dövlət quruculuğu bu gündə müasir Azərbaycanın siyasi kursunun əsas istiqamətlərini müəyyənləşdirir".

Deputat diqqətə çatdırıb ki, müstəqilliyin ilk illərində qarşıya çıxan çətinliklər, erməni təcavüzü və daxili hərc-mərcliyə baxmayaraq, Azərbaycan Cənubi Qafqazın siyasi, iqtisadi və hərbi gücünə çevrilməyi bacardı:

"Təbii ki, əldə olunan uğurlar, ümumiyyətlə, dövlətçiliyimizin varlığı məhz Ulu Öndər Heydər Əliyevin uzaqgörən siyasəti və onun layiqli davamçısı cənab Prezident İlham Əliyevin məqsədyönlü rəhbərliyi ilə bağlıdır.

Əsrin müqaviləsi ilə başlanan enerji siyasəti Azərbaycanın iqtisadi dirçəlişinin təməlini qoyuldu, Bakı-Tbilisi-Ceyhan, Bakı-Tbilisi-Ərzurum, TANAP kimi nəhəng layihələr sayəsində ölkəmiz dünya enerji xəritəsində mühüm mövqeyə sahib oldu. Eyni zamanda, qeyri-neft sektorunda aparılan islahatlar, rəqamsal iqtisadiyyatın inkişafı və aqrar sahənin müntəzəm olaraq dəstəklənməsi iqtisadi şaxələnməni təmin etdi".

Günay Ağamalı qeyd edib ki, bütün bunlar xalqın rifahının yüksəldilməsi ilə yanaşı, erməni təcavüzünü dəf etmək üçün zəruri olan institusional addımlar idi:

"Keçən dövr ərzində Azərbaycan ordusunun gücləndirilməsi məqsədilə atılan addımlar öz məntiqi nəticəsini 2020-ci ilin Vətən müharibəsində göstərdi. Cənab Prezident, Ali Baş Komandan İlham Əliyevin rəhbərliyi ilə müzəffər Silahlı Qüvvələrimiz 44 günlük qısa zaman kəsiyində ərazi bütövlüyünü bərpa etdi. 2023-cü ilin sentyabrında həyata keçirilən lokal antiterror əməliyyatları ilə də, 200 ilə yaxın tarixi olan ədalətsiz və planlı şəkildə qurulan münaqişə tarixin arxivində öz yerini tutdu.

Bu Zəfər siyasi və milli iradənin təntənəsi idi. Ordumuzun gücü, xalqımızın birliyi və cənab Prezidentin diplomatik bacarığı sayəsində Azərbaycan regionda yeni geosiyasi reallıqlar yaratdı. Böyük fəxr hissi ilə qeyd edirəm ki, ilk dəfə Cümhuriyyət dövründə dalğalanan şanlı üçrəngli bayrağımız bu gün müstəqil və qüdrətli Azərbaycan Respublikasının hər bir güşəsində şərəflə dalğalanır. Bu uğurda tökülən qanlar, siyasi sabitlik, iqtisadi tərəqqi və hərbi güc bir daha sübut edir ki, xalqımızın azadlıq uğrunda mübarizəsi və müstəqil yaşamaq əzmi sarsılmazdır".

"Cebheinfo.az" saytı

Elmir Mustafa

28 may 2025-ci il

https://cebheinfo.az/siyaset/deputat-azerbaycan-cumhuriyyetin-siyasi-varisi-kimi-dunyada-layiqli-yerini-tutub_883

[senetseverq1z]

FRİDA KAHLO 1907-1954.

Frida Kahlo haqqında son illər çox yazılar yazılıb, film çəkilib, amma zənnimcə, azdır... Bu qadın rəssamdan daha bir neçə film çəkmək, kitablar, məqalələr yazmaq olar. Onun həyatı o qədər məşəqqətli, eyni zamanda rəngli və parlaq keçib ki, bu cəlbedici təzaddan yan keçmək mümkün deyil.

Cəmi 47 il ömür sürmüş Frida Kahlo (16 iyul 1907 – 13 iyul 1954) məşhur Meksika rəssamıdır. O, ölümündən az əvvəl tanınmağa başlamışdı, elə ölümündən az sonra da yaddaşlardan silindi. 2002-ci ildə rejissor Culi Teymor Frida haqda eyni adlı film çəkdi. Ekran əsəri uğurlu alındı və böyük maraqla qarşılandı. Məhz bu filmdən sonra rəssam yenidən kəşf edildi, tanınmağa başladı və əsərləri hərraclarda baha qiymətə satıldı.

Bu qəribə rəssamın yaradıcılığı demək olar ki, yalnız avtoportretlərdən ibarətdir. O, portretlərində öz fiziki və mənəvi ağrılarını əks etdirirdi. Ömrünün son 10 ilində gündəlik yazırdı, amma məncə, onun avtoportretlərinin özü əvəzedilməz bir gündəlik idi. Sənətkarın fırçası sözlərdən və cümlələrdən daha güclü idi. Bu rəsmlərə baxıb rəssamın əzab dolu daxili dünyasını görmək daha asandır.

Frida uşaqkən keçirdiyi xəstəliyin nəticəsində axsamağa başlayır və biri o birindən qısa olan ayaqlarını həmişə uzun ətəklər altında gizlədir. 15 yaşında o, Meksikanın ən yaxşı tibb məktəblərindən birinə daxil olur.

18 yaşında avtobus qəzasına düşür və bu, onun bütün həyatını alt-üst edir. Çox ciddi qəza idi, həkimlər onun yaşamaq şansının az olduğunu deyirdilər. Gənc qızın belində, ayaqlarında, çiynində çoxsaylı sınıqlar vardı. Qəza nəticəsində qadınlıq orqanları da zədələnmişdi, buna görə də sonralar çox istəsə də, ana ola bilmədi.

Frida bir-birinin ardınca bir neçə dəfə əməliyyat olundu, aylarla çarpayıdan qalxa bilmədi. Bitmək bilməyən bu uzun günlərin birində o, rəsm çəkmək istəyinə düşür, qələm və kağız istəyir. Onun üçün ayaqları olan xüsusi çərçivə düzəldirlər, Frida güzgüyə baxaraq öz portretini çəkir, bununla da qeyri-adi yaradıçılığının qapılarını açmış olur.

Keçırdıyi ağır qəza sanki onun içində gizlənmiş həssas və çılğın rəssam ruhunu üzə çıxarmışdı... Sonralar deyərdi: "Mən öz portretimi daha çox çəkirəm, çünki bu mövzu mənə daha yaxındır".

Frida bütün həyatı boyu fiziki ağrılardan əzab çəkirdi, amma o yaşamağı sevirdi, məğlub olmaq istəmirdi. Bu temperamentli qadın kənardan çox xoşbəxt görünürdü – içki içməyi sevirdi, dayanmadan papiros çəkirdi, ucadan mahnı oxuyurdu, qəhqəhə çəkib gülür və bəzən hətta söyüş də söyürdü.

Yalnız rəsm çəkərkən o, reallığın qaçılmaz olduğunu anlayırdı. Onun əsərləri ilə özü, həyat tərzi təzad təşkil edirdi. Avtoportretlərin hamısında ana tərəfdən hindəsilli Fridanın üzündə, gözlərində dərin bir kədər var. Real həyatdakı şaqraq qadından fərqli olaraq rəsmlərdəki Frida həmişə hüznlüdür.

22 yaşında Frida özündən xeyli böyük – 43 yaşlı rəssam Diyeqo Rivera ilə evlənir. Bu şışman və kobud insana vurulur və həyatını onunla birləşdirməyə qərar verir. Onları bir-birinə yalnız incəsənət deyi, həm də siyasi baxışları cəlb edirdi – hər ikisi kommunist idi. Diyeqo arvadını sevsə də tez-tez ona xəyanət edirdi. Frida da ona xəyanət edirdi; bu iki dəlisov rəssam bir-birlərini sanki qəsdən incidirdilər. Bir dəfə Frida demişdi: “Mənim həyatında iki qəza baş verib – birinci avtobus, ikincisi Diyeqodur”.

Bu iki qəzadan yaranan sarsıntılar onu yaratmağa, yeni rəsmlər çəkməyə vadar edirdi. Beləcə maraqlı, bəzən də seyr edilməsi asan olmayan avtoportretlər kətan üzərinə çıxırdı. Frida hər şeyi – fiziki və mənəvi acılarını, baş tutmayan analıq sevdasını, ərinin xəyanətlərini, sevgi romanlarını əsərlərinə köçürürdü.

Frida geyimlərini, saç düzümünü, bəzək əşyalarını milli meksika üslubunda seçirdi və bu ona çox yaraşırdı. Zədələnmiş ayaqlarını örtmək üçün geyindiyi uzun paltarlar isə bu tərzi tamamlayır və bunlar hamısı bir yerdə özünəməxsus bir üslub yaradırdı.

O, sanki keçirdiyi saysız əməliyyatları, kəskin ağrılarını saçlarına düzdüyü çiçəklərlə, əlvan geyimlərlə və bu kimi qadına məxsus xırda sevinclərlə unutmaq istəyirdi. Frida fırçası ilə əslində iztirablı həyatını da boyamağa çalışırdı.

Kahlo vətənpərvər rəssam idi, öz millətinin tarixini, adətlərini, etnoqrafiyasını yaxşı bilirdi və sevirdi, bu onun əsərlərində də nəzərə çarpır.

1939-cu ildə Frida Kahlonu ilk dəfə Avropada tanıdılar. Parisdə Meksika mədəniyyəti sərgisində onun bir neçə əsəri nümayiş olundu, hətta Luvr muzeyindən onun bir əsərinə təklif də gəldi. Meksikalı rəssamın yaradıcılığı Avropalıları heyrətə gətirmişdi.

Zaman keçdikcə Fridanın səhhəti daha da kəskinləşiridi, o, dəhşətli ağrılarını narkotiklərlə ovundurmağa məcbur olurdu. 1952-ci ildə Fridanın sağ ayağı qanqrena olur, dizdən aşağı kəsilir və o, artıq yataqdan qalxa bilmir.

1953-cü ildə rəssamın ilk sərgisi açıldı, onu sərgiyə xərəkdə gətirdilər və xüsusi hazırlanmış çarpayıya yerləşdirdilər. Bu sərgidən bir neçə ay sonra Fridanın əzablarının sonu çatdı, o, ağciyərlərinin soyuqdəyməsindən vəfat etdi.

Frida Kahlonun yaradıcılığına və həyat tərzinə münasibət heç vaxt birmənalı olmayıb, onu sevənlər kimi, sevməyənlər, hətta ondan ikrah hissi duyanlar da tapılıb. Bütün bunlara baxmayaraq, bu qəribə rəssamı dahi adlandırmaq olar. Yalnız qeyri-adi rəsmlərinə görə yox, həm də əzablarla dolu həyatından mümkün qədər zövq almağı bacaran güclü bir qadın olduğuna görə...

2003-cü ildə Frida Kahlonun Moskvada rəsmlərindən və fotolarından ibarət sərgisi keçirildi. 2005-ci ildə Londondakı sərgi həmin qalereya üçün tamaşaçı sayına görə ən uğurlu sərgilərdən biri idi, tədbirə 370 min insan qatılmışdı.

Sərgilərdə onun rəsmləri ilə yanaşı fotoşəkilləri də nümayiş olunur. İnsanlar bu fotolardakı saçında iri güllər, boynunda mirvarilər olan qadının – Frida Kahlonun uğursuzluqdan doğan uğurlu yaradıcılığına tamaşa etmək üçün sərgilərə axışırlar...

[politiciansstuff]

DEPUTATLAR “QARABAĞ”I BELƏ TƏBRİK ETDİLƏR...

Məlum olduğu kimi, “Qarabağ” UEFA Avropa Liqasında növbəti mərhələyə yüksəlib.

Təmsilçimiz pley-off mərhələsində Portuqaliyanın “Braqa” komandasına 3-2 hesabı ilə məğlub olmasına baxmayaraq, ümumi hesabda 6-5 qalib gəlib.

Bununla da Ağdamın "Qarabağ" klubu UEFA Avropa Liqasında 1/8 final mərhələsinə yüksəlib. Bu isə Azərbaycan futbolunda yeni tarix deməkdir. Tarixdə ilk dəfə olaraq komandamız Avropada bu mərhələyə yüksəlməyə nail olub. Bu inanılmaz zəfər isə bütün Azərbaycan xalqını sevindirir.

“Cebhe.info” “Qarabağ”ın bu tarixi zəfəri ilə bağlı Milli Məclisin deputatlarının təəssüratlarını öyrənib.

Ana Vətən Partiyasının sədri, deputat Fəzail Ağamalı də bu möhtəşəm qələbəyə görə “Qarabağ”ı və Azərbaycan xalqını təbrik edib:

“Bu qələbə münasibətilə Qurban Qurbanov başda olmaqla, bütün “Qarabağ” heyətini və azarkeşlərini təbrik edirəm. Əminəm ki, komandamız sona qədər gedə biləcək. Çünki onlar üçün kifayət qədər motivasiya var. Qələbə bizimlədir, bizimlə də olacaq. Qarabağ Azərbaycandır! “Qarabağ” futbol komandası da öz uğurlarını davam etdirməlidir. Hər kəsi təbrik edirəm”.

“Cebhe.info” saytı

Elmir Mustafa

23 fevral 2024-cü il

[yesmilletinsesiinfo]

#Azərbaycanın Peyvənd Sertifikatını Avropada oxuya bilmirlər: Hökumət hərəkətə keçdi gönderdi

[melikeagha]

Avropada saatların üzərinə latınca ," omnes vulnerant ultima necat " yazılır. Mənası - " hamısı yaralayar, sonuncu isə öldürər " kimi tərcümə olunur.