#bbseries

[rosetan]

Bud Brothers Unlimited Series The Bloomer Bandits (Tranquilino) 2013 Hindi matanggap ng kalooban at sikmura ni Paulette ang balitang nagtanan si Tranquilino ng babaeng dugyot kaya sumugod siya sa pinagtataguan diumano ng dalawa. At naabutan niya si Tranquillo na nasa bingit ng kamatayan sa mga kamay ng kanyang abnoy na pinsan. Wala siyang inaksayang sandali. Iniligtas niya ang buhay ng lalaking malabong ibigin siya. Pero wala pang dalawang oras pagkatapos niyang iligtas ito, niligawan siya nito. Mahirap itong bastedin kaya sinagot niya ito… afte around four hours. Bigla na lang umeksena ang kanyang KJ na BFF. Tumatanaw lang daw ng utang-na-loob si Tranquilino kaya niligawan siya nito. Napaisip siya. Kaya ba hindi pa siya hinahalikan ng kanyang awesome boyfriend?

[weerd1]

‘Mechs. #starwars #toyphotography #astromechs #Rseries #CHseries #BTseries #BBseries #droids #astromechs https://www.instagram.com/p/CANs7Q5AXi3/?igshid=10gvkx6nnyj3z

[gadgettrish]

If you like gadgets and toys, I would likely recommend visiting the Droid Deport at the Star Wars “Galaxy’s Edge” in Disney World.”
=========================== 👽 
 https://www.instagram.com/p/B3KXVLnjFbH/?igshid=a8xv9c8xievb

[worldofpollux]

"BB-9E": an evil astromech droid unit from the upcoming Star Wars VIII: The Last Jedi. Ink and watercolor piece. #bb9e #astromechdroid #bbseries #starwarsviii #illustration #watercolor #drawing #thelastjedi

[ciorodv]

M.O.P. x J HART - Greatest and Newest Cold As Ice

[rosetan]

Bud Brothers Unlimited Series Baby's Breath 2013 Dahil sa vintage wine ng kliyenteng Hapon, nalasing si Ging-ging at nawala ang hiya at pinakawalan ang lihim na pagnanasa kay Aldis. Nakainom din ito kaya pinatulan siya. Ang resulta: trending topic siya ngayon ng mga tsismosa ng bayan: Atin-atin lang ‘to ha? Si Ging-ging buntis. Ang masaklap, totoo ang tsismis. Ang mas masaklap doon: hindi siya pakakasalan ni Aldis dahil hindi naman daw siya nito mahal. To save her pride, she declared war against her baby’s daddy. Ni kuko ng anak niya, hindi niya ipapahipo kay Aldis!

[rosetan]

Bud Brothers Unlimited Series Guido 2013 Nagising na lang isang umaga si Guido na tatay na siya ng isang baby gil. Pero hindi niya alam kung sino ang nanay ng bata. Sa pagtuklas sa misteryo ng pagkatao ng anak niya, hiningi niya ang tulong ni Madam Sonia. Ang kaso, nang makita ng matagal nang dalaga si Sonia ang anak niya, natuwa ito. Nabuhay yata ang mammary glands nito at gusto na rin nitong magkaanak, sa pamamagitan niya. Anakan daw niya ito, sa lalong madaling-panahon. May prinsipyo siyang lalaki, hindi siya basta-basta magbibigay ng semilya kahit pa maiksing-maiksi ang damit at ovulating in the next room si Sonia. Hindi talaga. Promise. So help me, God.

[rosetan]

Bud Brothers Unlimited Series Badong 2013 “Atsay-killer” ang naging bansag ng lahat kay Badong nang biglan niyang patulan ang maid nilang si Doray. Pero hindi alam ng lahat, maging ni Doray mismo, na hindi atsay ang turing niya rito. Kinakapatid niya ang babae at inihabilin ito sa kanya ng yumao nitong ama. Iyon nga lang, hindi niya napigilang “salakayin” ang pinababantayan sa kanya. At nagbunga ang “pananalakay” niya. Wala namang problema. Handang-handa siyang panagutan ang responsibilidad. Pero si Doray, umepal. “Nagbabayad lang ako ng utang-na-loob sa ‘yo! Alam ko na, na ikaw ang nagpapaaral sa akin. Tumatanaw lang ako ng utang-na-loob kaya kita pinatulan, Badong.” Ang sakit n���on.

[rosetan]

Bud Brothers Unlimited Series Corgy 2013 Nang makilala si Corgy ng kaibigan ni Lupe ay napakanta ito ng “The Search is Over”. Hindi naman ito masisi ni Lupe. Out of this world kasi ang kaguwapuhan ng lalaki. Maginoo pa ito. Kaya tinulungan niya ang kaibigan na mapasagot si Corgy. Pero nabalitaan niya, siya raw ang type nito. Kinilig siya. At sa isang resort, isinugal ni Lupe hindi lang ang friendship, pati puso’t kaliliwa niya. Ipinagkaloob niya ang lahat-lahat kay Corgy. Subalit pagkatapos niyon, iniwasan na siya nito. Maging magkaibigan na lang daw sila. Anyare?

[rosetan]

Bud Brothers Unlimited Series Rook 2013 Napasugod sa basurahan si Laurel dahil may nagtapon doon ng mga damit niya. Pikit-matang nag-dive siya sa dumpsete at muntik nang malunod sa basua. Mabuti na lang at may nakakita sa kuyukot niya at naisipan nitong sagipin siya sa mga nabubulok at di-nabubulok. Si Rook. Simula noon, hindi na siya tinantanan ng matatamis na boladas at malalagkit na titig nito. Malas nito. Allergic siya sa mga mambobola. Kakain na lang siya ng panis na bubog with uod kaysa maniwala kay Rook. Pero nang mangailangan ito ng pekeng pregnant girlfriend, guess who kung sino ang pumapel?

[rosetan]

Bud Brothers Unlimited Series The Bloomer Bandits (Luisito) 2012 "Sure ka, hindi mo na naaalala ang maaalab nating tagpo sa kubo? Durog na durog ang puso ni Mandy nang magtungo siya sa London. Ang rason, pinagtaksilan siya ni Luis, ang kanyang pinakaiibig na boyfriend. Ipinagpalit siya nito sa babaeng mas maganda sa kanya—nang sampung beses. Ngayong nakabalik na siya sa Pilipinas, parang gustong makipagbalikan ng taksil. Hindi pa ito patay pero panay ang paramdam. Maya’t mayang ipinapaalala sa kanya ang kanilang maalab na nakaraan. Ano ito, sinusuwerte? Pagkatapos siyang pagtaksilan, ibaon na lang daw niya sa limot ang kahapon. Ah, babalik na lang siya sa London kaysa amining tanga ang puso niya na payag sa mungkahi ni Luis.

[rosetan]

Bud Brothers Unlimited Series The Bloomer Bandits (Rehan) 2012 "Ang lakas ng loob mong makipagrelasyon sa akin. Baka hindi mo kayanin ang powers ko." Wala na sigurong mas ideal pa kaysa sa boyfriend ni Pansy kaya ganoon na lang ang pagtutol ng mga magulang niya nang sabihin niyang hindi na niya mahal ang lalaki at gusto na niyang makipagkalas dito. Wala na raw hihigit pa sa boyfriend niya at kung ipipilit niya na mayroon, iharap niya sa mga ito. Di iharap. Umarkila siya ng isa pang maginoo para magpanggap na bagong boyfriend niya. Ang kaso, at the last minute ay proxy ang sumulpot para sa grand presentation: si Rehan. Anak ito ng landlady niya. Crush daw siya nito kaya ito na lang ang papapel na ideal boyfriend niya. Wala na siyang choice. Duda man siya sa katauhan nito, iniharap niya ito sa mga magulang niya bilang bagong “love interest.” Pero ang tinamaan ng magaling, pagkatapos harapin nang isang beses ang mga magulang niya, umurong na. Wala na raw itong balak panindigan ang papel ng ulirang boyfriend dahil bukod sa weird daw ang pamilya niya, lasang-baha pa ang nilaga ng mama niya. Hayun, siya pa ngayon ang nagmamakaawa sa bubuli!

[rosetan]

Bud Brothers Unlimited Series The Bloomer Bandits (Islaw) 2011 "I’m your friend. Pero kung gusto mo akong gawing lover, puwede rin. Kaladkarin ako, eh." Nang mahuli si Mayumi at malaman ni Islaw kung saan niya isinangla ang kubyertos ng mama nito, napaniwala niya ito na tapos na ang papel niya sa buhay ng lalaki. Nagkamali si Islaw. Wallet naman nito ang pinitik niya. Ipinatubos niya rito ang lisensiya at iba pang laman ng pitaka nito. Pumayag ito. Ngunit nang makaharap niya si Islaw, dinala siya nito sa presinto at ipinakulong. Ngunit hindi rin siya natiis nito. Pinakawalan siya ni Islaw at sinabi sa kanyang tutulungan siya nitong baguhin ang nakasanayan niyang buhay. Bakit kaya?

[rosetan]

Bud Brothers Unlimited Series The Bloomer Bandits (Buboy) 2011 "Magpaligaw ka na lang, puwede? Kailangang mapasagot kita on or before Friday." Isang makating-dila ang nagsabi kay Patsy na may lihim na pag-ibig sa kanya si Buboy, partner ng pinsan niya sa Blooms at part-time DJ. Convincing ang makating-dila kaya lahat ng love songs na pinatutugtog ni Buboy, akala niya ay para sa kanya. Hindi pala. At ang masaklap, siya ang nagkagusto sa lalaki at nalaman nito iyon. Kaya ang herodes, ginamit ang matchmaking skills. Isinali siya nito sa animo dating game na segment ng programa nito sa radyo. Nakabuti naman iyon dahil nakilala niya ang lalaking sa tingin niya ay magpapaligaya sa kanya. Ang akala niya ay tapos na ang problema niya kay Buboy, hindi pa pala. Dahil may kung anong nakain ito at bigla na lang dumating sa bahay nila isang gabi. May dala itong mga bulaklak at tsokolate. Aakyat daw ito ng ligaw...

[rosetan]

Bud Brothers Unlimited Series The Bloomer Bandits (Drick) 2011 "Liligawan pa rin kita kahit labag ang panunulot sa paniniwala ko." Parang keso ang pag-ibig ni Sam kay Drick—habang tumatagal ay lalong sumisidhi ang flavor. Pero mukhang aamagin na lang ang pagsinta niya dahil wala nang nakitang maganda sa kanya ang binata. Kahit sa mga bagay na walang kabagay-bagay ay inaaway siya nito na para bang may sinumpaan itong tungkulin na hanapan siya ng mali. Pero minsan ay dumadapo rin ang suwerte. Drick needed her help and asked her to pretend they were live-in partners. Sinunggaban niya ang pagkakataon. Ang kaso, nagkamali pala siya sa akalang maaakit niya ito kapag magkasama na sila sa iisang bubong at magkatabi sa iisang higaan. Kasi, kahit split ends niya, ayaw nitong salingin. Sagad sa bone marrow ang pagka-gentleman nito. 'Sarap patayin...

[rosetan]

Bud Brothers Unlimited Series The Bloomer Bandits (Victoriano) 2011 ”Masarap akong magmahal. Kapag natikman mo, baka i-surrender mo pati trust fund mo." Tinamaan ng matinding krisis sa pananalapi si Victoriano at nagising na lang siya isang umaga na boarder na lang siya sa sariling pamamahay at ang kanyang landlady ay si Dee. Inaangkin nito ultimo chandelier ng na-foreclose niyang bahay. Siyempre, napikon siya at inaway ang babaeng maaskad ang pag-uugali. Pero nang maisahan niya ito, gumanti ito at ninakaw nito ang lahat ng karsunsilyo niya. "Ah, hinahamon ako." Para ano pa at tinagurian siyang "Bloomer Bandit"? Ninakaw rin niya ang mga bikini nito. Hayun, pareho na silang walang underwear sa ilalim ng isang bubong.