#mikomet

[yger1392]

[vixensreiha]

Mikomet 🌸☄️ by oimo buster

[phgq]

Cebuano News: Plant! Plant! Plant! ubos sa Agusan Up alang sa tuig 2021 nanukad na

#PHinfo: Cebuano News: Plant! Plant! Plant! ubos sa Agusan Up alang sa tuig 2021 nanukad na

DAKBAYAN SA BUTUAN, Enero 13 -- Nanukad ang probinsya sa Agusan del Norte pinaagi sa Team Plant! Plant! Plant! (Team Plant3) sa AGUSAN UP! sa inisyal nga lakang aron makatanum sa siyam ka priority crops sa gipunting nga 3,000 ektaryas sa tuig 2021.   Gihatud sa Team Plant3 ganihang buntag ang inisyal nga 1,000 ka seedling sa abaka alang sa mga mag-uuma ug mga sakop sa Indigenous Peoples (IP) nga andam na’ng motanum sa mga lungsod sa Jabonga ug Santiago.    Ang AGUSAN UP! mao ang kampanya sa pagpalambo sa administrasyon ni Gob. Dale B. Corvera inabagan sa buhatan ni Kongresista Angel Amante-Matba. Ang Plant! Plant! Plant! usa sa mga flagship projects niini.   Ang 3,000 ektaryas nga inisyal nga tamnan ning tuiga kabahin sa 125,000 ektaryas nga gipunting tamnan og abaka, saging, cacao, kape, lubi, bulanghoy, rubber, mangga ug uban pang prutas ug commercial trees hangtud sa tuig 2027.   Usa sa nakadawat sa seedling sa abaka kaganiha mao ang Dinarawan Indigenous Peoples Organization (DIPO) sa lungsod sa Jabonga nga mikomiter og 150 ektaryas nga tamnan og abaca, ingon man sa kape ug cacao hangtud sa tuig 2027.   Ang laing nakadawat og seedlings mao ang Pangaylan Indigenous Peoples Organization (PIPO) nga mikomiter og 200 ektaryas aron tamnan og abaca, kape, rubber ug cassava.   Nakadawat usab ang Kitcharao, Jabonga, Santiago, Tubay Hill Tribe nga mikometer og 300 ektaryas alang sa mga crops nga saging, abaca, ug falcatta sa mga luna nga nahimutang sa lungsod sa Santiago.   Sundan ang pagpanghatud sa seedling sa abaka sa mga mag-uuma ug IPs sa lungsod sa Kitcharao ugma. Himoon usab kini sa uban pang mga lungsod sa mosunod nga mga bulan. Gawas sa pagpadangat og seedling ipahiluna usab sa AGUSAN UP! nga makamugna ang grupo nga magbarug unya alang sa Abaca Industry Cluster og nursery sa abaca.   Mahinumdoman nga dul-an sa 500 ka mag-uuma ug IPs ang gihatagan sa Team Plant3 og Farm Planning ug Financial Literacy Seminars sugod sa milabay’ng Septiyembre isip kabahin sa pag-andam kanila alang sa pagpananum nga gisugdan niadtong Disyembre.      Magpadayon gihapon ang maong mga seminar samtang magpadayon na ang pagpananum sugod ning bulana ug sa tibuok na’ng tuig.   Dungan niini, gipahiluna usab karon sa Team Process! Process! Process! (Team Process3) ang Abaca Handicraft Processing Village sa Syudad sa Cabadbaran, ang mahimong pasilidades unya sa advance na nga processing activities sa Abaca.   Himoon ang pagpahiluna sa maong processing village samtang pakusgan usab ang suporta sa abaca fiber consolidation ingon man ang ug primary ug pipila ka secondary processing work sa San Isidro United Farmers Multi-Purpose Cooperative (SIUFMULCO).   Ang nahisgutang mga pagpahiluna sa value chain sa abaca kabahin sa nalatid nga roadmap sa mga stakeholders niini nga kab-oton ang kinatibuk-ang halin nga Php2 bilyones pag-abot sa tuig 2027.   Sa maong pagpadangat og seedling mapasalamaton ang mga mag-uuma ug IPs. Sumala pa kang Datu Randy Catarman, Chairman sa DIPO, daku na og ikatabang sa iyang mga membro ang natunol nga mga seedlings sa abaca. Ilang plano nga ibutang ang maong mga seedling sa sa ilang commonal area aron pasanayon ug magsilbing tinubdan na unya sa uban pang saha nga ilang itanum.   Kaabag sa probinsya sa pagpalambo sa abaca industry cluster ang Caraga Office sa Philippine Fiber Development Authority (PhilFida-Caraga) nga nag-produce sa mga seedling nga inisyal nga giapod apod ug iapod-apod pa unya, ingon man ang Agusasn del Norte Office sa Department of Trade and Industry (DTI-Agusan del Norte) nga mikometer na nga mosuporta pagpahiluna sa mga pasilidades nga kinahanglanon unya sa Abaca Processing Village ug ang Baug CARP Multi-Purpose Cooperative nga maoy nagpahulam sa mga mag-uuma ug IPs alang sa kabahin sa mga galastuhan pagtanum og abaka. (Angel Lyn F. Gaviola & Arnfe Flores, Agusan Up, LGU Agusan del Norte/PIA Agusan del Norte)  

  ***

References:

* Philippine Information Agency. "Cebuano News: Plant! Plant! Plant! ubos sa Agusan Up alang sa tuig 2021 nanukad na." Philippine Information Agency. https://pia.gov.ph/news/articles/1063710 (accessed January 13, 2021 at 05:03PM UTC+08).

* Philippine Infornation Agency. "Cebuano News: Plant! Plant! Plant! ubos sa Agusan Up alang sa tuig 2021 nanukad na." Archive Today. https://archive.ph/?run=1&url=https://pia.gov.ph/news/articles/1063710 (archived).

[vixensreiha]

Mikomet 🌸☄️ by ｽｷﾞﾓﾄ

[vixensreiha]

Mikomet progress by 朝倉拓3

[vixensreiha]

Mikomet 📸｜mei

[phgq]

Cebuano News: IPs sa Tubay malaumong mapasiuli ang kalunhaw sa kabukiran sa lugar

#PHinfo: Cebuano News: IPs sa Tubay malaumong mapasiuli ang kalunhaw sa kabukiran sa lugar

DAKBAYAN SA BUTUAN, Disyembre 18 -- Gumikan sa kahadlok nga maupaw ug maapektuhan sa operasyon sa mina ang ancestral land sa mga Indigenous Peoples (IPs) sa Brgy Binuangan, lungsod sa Tubay, buot mananum og kahoy ang mga lumad sa tabang sa Lunhaw’ng Agusan Program ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera inabagan sa buhatan ni Congwoman Angel Amante-Matba.

Sa gihimong area validation sa CADT-237 sa Agusan UP Coordinating Center, niadtong Disyembre 14, mikometer si Datu Dario Plasquita, ang nangulo sa maong area, nga motanum ubos sa Plant! Plant! Plant! Project sa Agusan UP! sa inisyal nga 40 ektaryas sa ilang ancestral land og saging, abaca ug agro-forestry.

Sumala ni Datu Plasquita nga nabalaka siya sa posibleng dangatan sa kabukiran sa maong barangay kon mobalos na sa pagpanukot ang kinaiyahan rason nga malaumon kining matabangan sa Agusan UP aron mapasiuli ang kalunhaw sa bukid, og mihangyo kini og mga binhi sa mangium ug mahogany nga itanum.

Adunay kinatibuk-ang 3,000 ektaryas sa ancestral land ang nahisakop sa lugar og kapin 600 ektaryas niini ang production area samtang ang nahibilin mao ang minahan ug protection areas.

Dugang pa ni Datu Plasquita nga nabahin ang pangita sa ilang komunidad sa pangisda ug panguma sanglit ang Brgy Binuangan anaa man kini nahimutang sa baybayon, diin oras nga mokusog ang haros sa balod ug dili sila makapangisda, didto kini sila mag-uma sa bukid isip alternatibong pangita sa mga lumad. (Angel Lyn F. Gaviola, Agusan Up, LGU Agusan del Norte/PIA Agusan del Norte)

***

References:

* Philippine Information Agency. "Cebuano News: IPs sa Tubay malaumong mapasiuli ang kalunhaw sa kabukiran sa lugar ." Philippine Information Agency. https://pia.gov.ph/news/articles/1061982 (accessed December 18, 2020 at 04:19PM UTC+08).

* Philippine Infornation Agency. "Cebuano News: IPs sa Tubay malaumong mapasiuli ang kalunhaw sa kabukiran sa lugar ." Archive Today. https://archive.ph/?run=1&url=https://pia.gov.ph/news/articles/1061982 (archived).

[phgq]

Cebuano News: Ikaduhang hugna sa mga konsultasyon, road mapping ug organizing sugdan na

#PHinfo: Cebuano News: Ikaduhang hugna sa mga konsultasyon, road mapping ug organizing sugdan na

DAKBAYAN SA BUTUAN, Pebrero 4 -- Sugdan na ning semanaha ang ikaduhang hugna sa mga konsultasyon sa nagkalaing-laing sektor kalabot sa AGUSAN UP, ang kampanya sa paglambo ubos sa administrasyon ni Gobernador Dale B. Corvera nga nagpunting pagmugna og mga oportunidad aron moangat ang kahimtang sa pagpuyo sa mga residente sa Agusan del Norte.

Sundan kini sa katapusan semana ning bulana sa roadmappng ug organizing sa industry players sa siyam ka nag-unang crops nga tutokan dayon na sa pagpahiluna sa mga kinahanglanon aron masugdan na ang pagpananum ug pagpahiluna sa mga processing projects nga nakitang andam na’ng i-develop.

Sa panagtigum sa technical working group (TWG) sa Agus 3Ps o ang Plant and Process for Prosperity Flagship Program, gipahibalo sa AGUSAN UP coordinating unit nga himoon karong Martes, Pebrero 4, ang consultative conference kalabot ning maong kampanya sa paglambu uban ang mga indigenous peoples (IP) sa probinsya.

Sundan kini sa consultative conferences sa mga micro, small and medium enterprises (MSME) sa Pebrero 6 ug sa kabatan-onan sa Pebrero 12. Himoon usab sa ulahing semana sa Pebrero ang konsultasyon sa mga mangingisda ug sa civil society organizatizations.

Gawas nga magkabinayloay ug hunahuna kalabot sa mga tinguha, programa ug proyekto sa AGUSAN UP, buot usab sa probinsya nga makuha ang commitment sa matag sektor sa mahimo nilang tampo sa kampanya sa kalambuan, apil na ang mga luna sa yuta nga makomiter nilang tamnan og mga processing projects nga giplanohan nilang ipundar.

Una nang gihimo ang mga konsultasyon tali sa mga kooperatiba ug mag-uuma pipila ka semana human gilunsad ang AGUSAN UP niadtong Nobyembre 8. Sa konsultasyon sa mga kooperatiba mikometer ang 28 kanila nga magsilbing conduit sa mga bangko aron magpahulam sa kwalipikadong mga mag-uuma.

Mikometer usab ang Land Bank of the Philippines (LBP) ug Development Bank of the Philippines (DBP) nga mopadangat og pundo sa mga kwalipikado nga mahimong conduit aron ipahuwam sa mga mag-uuma nga dili pa kwalipikado nga direktang manghulam sa bangko.

Sa konsultasyon usab sa mga mag-uuma, mikometer ang 78 ka mga organisasyon og mosuma sa 8,000 ektaryas nga mahimong kasugdan sa Plant! Plant! Plant! Project ubos sa Agus 3Ps. Dul-an sa katunga niini ng mga luna na ocular inspection na ug gisugdan na pagpahiluna nga mahimong panukaran sa pagpananum nga sugdan sa tungang bahin ning tuiga. (Agusan Up/LGU Agusan del Norte/PIA Agusan del Norte)

***

References:

* Philippine Information Agency. "Cebuano News: Ikaduhang hugna sa mga konsultasyon, road mapping ug organizing sugdan na." Philippine Information Agency. https://pia.gov.ph/news/articles/1033919 (accessed February 04, 2020 at 04:56PM UTC+08).

* Philippine Infornation Agency. "Cebuano News: Ikaduhang hugna sa mga konsultasyon, road mapping ug organizing sugdan na." Archive Today. https://archive.ph/?run=1&url=https://pia.gov.ph/news/articles/1033919 (archived).

[phgq]

Cebuano News: Breeder stock farm sa Las Nieves, gipursige in Gob. Dale

#PHinfo: Cebuano News: Breeder stock farm sa Las Nieves, gipursige in Gob. Dale

LUNGSOD SA LAS NIEVES, Agusan del Norte, Pebrero 4 -- Gipursigi ni Gobernador Dale B. Corvera sa nagsunod-sunod nga panagtigum sa milabayng duha ka bulan nga mapahiluna na gyod ang halos duha ka dekada nang nag ung-ong nga Breeder Stock Farm Project ning maong lungsod.

Sa pinakaulahing panagtigum sa milabay nga Lunes ug Martes iyang gipanghingusgan nga bisan kon magsugod og pipila lang ka breeding stocks gamit ang indigenous materials nga mga pasilidades basta makasugod na kini ug mahimong kabahin sa kampanya sa kalambuan sa iyang administrasyon nga mao ang AGUSAN UP!

Niini, ilatid sa Provincial Planning and Development Office (PPDO) ug sa Provincial Engineering Office (PEO) ug sa Provincial Veterinarian’s Office (PVO) sa mosunod nga tulo ka semana ang detalye sa proyekto ug pagpatuman niini.

Apil usab sa tun-an kung probinsyal ra ba o himoong rehiyonal ang maong stock farm.

Mikometer usab og suporta niini nga proyekto ang nagkalain-laing ahensya atol niini nga mga panagtigum, usa niini mao ang 50 ka baka isip inisyal nga stock nga ipadangat sa Department of Agriuclutre (DA) sa 3rd quarter ning tuiga.

Ang stock farm nag-cover og 1,513 ektaryas sa Maningalao, Las Nieves ug giproklama alang niini nga gamit ni presidente Gloria Macapagal-Arroyo niadto pang 2002. (Karen V. Decamotan/Jenny Fabian, Agusan Up/LGU Agusan del Norte/PIA Agusan del Norte)

***

References:

* Philippine Information Agency. "Cebuano News: Breeder stock farm sa Las Nieves, gipursige in Gob. Dale." Philippine Information Agency. https://pia.gov.ph/news/articles/1033911 (accessed February 04, 2020 at 04:29PM UTC+08).

* Philippine Infornation Agency. "Cebuano News: Breeder stock farm sa Las Nieves, gipursige in Gob. Dale." Archive Today. https://archive.ph/?run=1&url=https://pia.gov.ph/news/articles/1033911 (archived).

[phgq]

Cebuano News: Luna alang sa proyektong ubos sa AGUSAN UP mukabat na sa 3,358

#PHinfo: Cebuano News: Luna alang sa proyektong ubos sa AGUSAN UP mukabat na sa 3,358

DAKBAYAN SA BUTUAN, Enero 21 -- Mokabat na sa 3,358 ektaryas ang na-cover sa ocular inspection sa mga luna nga gikometer nga tamnan ubos sa Plant! Plant! Plant! Project sa AGUSAN UP!, ang development program sa Agusan del Norte ubos sa administrasyon ni Gob. Dale B. Corvera.

Ang nahisgutang mga luna kabahin sa 8,000 ektaryas nga inisyal nga gikometer sa grupo sa mga mag-uuma sa unang konsultasyon kalabot sa AGUSAN UP! sa milabay’ng Disyembre. Padayon ang ocular inspection sa mga luna nga gisugdan duha ka semana na ang milabay sa mosunod nga mga adlaw.

Gihimo ang ocular inspection aron matino asa ang lokasyon niiini nga mga luna ug unsa ang ilang mga panginahanglan sama sa kalsada ug ubang suporta sa mga mag-uuma sa pagsugod sa pagpananum nga gipunting sa tungang bahin niining tuiga.

Sa 3,358, ang 2,735 ektaryas ang bag-ong nadugang sa miaging semana. Ang laing 823 una nang nataho sa unang semana sa Enero.

Ang nadugang nga 2,735 ektaryas gilangkoban sa mosunod: Nasipit, 500 ektaryas; Carmen, 850 ektaryas; Kithcarao, 510 ektaryas; Jabonga, 160 ektaryas, ug; Santiago, 715 ektaryas.

Apil sa mga mikometer nga grupo salungsod sa Nasipit mao ang mosunod: Nasipit Cacao Farmers Ventures Association (NACAFAVA), 500 ektaryas; Camagong Farmers MPC, 50 ektaryas.

Ang mikomenter nga grupo sa lungsod sa Carmen mao ang Carmen Coconut Farmers, 800 ektaryas.

Sa Kitcharao mikometer ang mosunod: Barangyan Lakeview Association Agrarian Reform Coop (BLA-ARB COOP), 200 hectares; Hinimbangan Farmers Agrarian Reform Beneficiaries, 150 ektaryas, ug; Small Coconut Farmer Builder Beneficiary Multi-Purpose Coop (SCOFARBIMULCO), 160 ektarya.

Sa Jabonga, mikometer ang mosunod: Magdago-oc Agrarian Reform Beneficiaries and Fisherfolk Organization (MARBFA), 20 ektaryas; Baligyan Small Coconut Farmers Org. (BASCOFO), 100 ektaryas, ug; Libas Farmers Multipupose Coop, 40 ektaryas.

Ang mikomenter sa Santiago: United Small Farmers Association (USFA), 100 ektaryas; Mamanwa Manobo Mapaso Tribal Sectoral Org. Inc., 15 ektaryas; Talafga Farmers and Workers Association (TAFAWA), 100 ektaryas, ug; San Isidro Upland Farmers Multipurpose Coop (SIUFMULCO), 500 ektaryas.

Ang planong itanum ning maong mga grupo sa mag-uuma mao ang abaca, saging, cacao ug kape nga apil sa mga crops nga tutokan ubos sa AGUSAN UP!

Ang AGUSAN UP! mao ang walo ka punto nga development agenda sa Agusan del Norte nga gilangkuban sa upat ka flagship programs: 1. Agus 3Ps o Plant and Process for Prosperity (alang sa ekonomikanhong kalambuan), 2. Amumang Agusanon (alang sa sosyal nga kalambuan), 3. Lunhaw’ng Agusan (alang sa pagpasiuli sa kabaskug sa kinaiyahan), ug 4. Hiniusang Lihuk Agusan (alang sa mga serbisyo pagpalambu sa sistema ug proseso sa pagdumala).

Pinaagi niini nga mga programa gipunting nga makab-ot sa probinsya ang panglantaw niini nga mahimong agri-forest processing center ug economic zone sa Caraga pag-abot sa tuig 2027, makunhoran ang gidaghanon sa mga pobreng pamilya, mapaangat ang kalidad ug maabot sa katilingbanong serbisyo, mapahimsog ang kinaiyahan ug matagamtam sa mga Agusanon ang haruhay nga kahimtang sa pagpuyo. (Angel F. Gaviola/Albert Libre, Agusan UP, LGU Agusan del Norte/PIA Agusan del Norte)

***

References:

* Philippine Information Agency. "Cebuano News: Luna alang sa proyektong ubos sa AGUSAN UP mukabat na sa 3,358." Philippine Information Agency. https://pia.gov.ph/news/articles/1033079 (accessed January 21, 2020 at 11:55AM UTC+08).

* Philippine Infornation Agency. "Cebuano News: Luna alang sa proyektong ubos sa AGUSAN UP mukabat na sa 3,358." Archive Today. https://archive.ph/?run=1&url=https://pia.gov.ph/news/articles/1033079 (archived).

[phgq]

Cebuano News: Laing 370 ektarya na-cover sa ocular inspection alang sa Agusan Up project

#PHinfo: Cebuano News: Laing 370 ektarya na-cover sa ocular inspection alang sa Agusan Up project

DAKBAYAN SA BUTUAN, Enero 10 -- Laing 370 ektarya nga gikomiter nga tamnan ubos sa Plant! Plant! Plant! Project sa AGUSAN UP! ang na-cover sa ikaduhang adlaw sa ocular inspection nga gihimo sa probinsya kaganiha, Enero 9.

Niini, 623 ektaryas na ang total karon sa giandam nga tamnan pag-arangkada sa pananum nga gitakda sa tungang bahin ning tuiga.

Ang nadugang nga 370 ektaryas naglangkub sa inisyal nga na-cover sa inspection sa lungsod sa Las Nieves nga 210 ektaryas ug sa Kitcharao nga 160 ektaryas. Nauna niini niadtong Enero 7 ang 253 ektaryas sa Buenavista.

Mahinumdoman nga mokabat sa 8,000 ektaryas ang nakuhang commitment sa inisyal nga batch sa grupo sa mga mag-uuma nga miapil sa konsultasyon sa milabayng Disyembre ug magsilbi kining panukaran sa Plant! Plant! Plant!.

Ubay-ubay pa sa mga mag-uuma ang mipadayag usab og interes nga moapil sa kampanya ug nalantaw sa probinsya nga makab-ot ang gipunting niini nga 125,000 ektaryas nga matamnan pag-abot sa 2027.

Gihimo ang mga ocular inspection sugod ning semanaha pag-determinar sa mga gikinahanglang kalsada ug ubang mga panginahanglan sa mikomiter nga grupo o indibidwal aron masugdan na ang pagtanum.

Apil sa mga mikometer nga grupo sa lungsod sa Las Nieves mao ang mosunod: Casiklan Wheels Farmers Association Incorporated (CAWFAI), 100 ektaryas; Palmavera Small Coconut Farmer Beneficiaries Cooperative (PASCOFBC), 50 ektaryas; Ibuan Agro Forestry Farmers Association ( IBAFA) 30 ektaryas, ug; Cassava Farm Association (CFA), 30 ektaryas.

Sa Kitcharao, mikometer ang Small Coconut Farmers Builder Beneficiary Multi-Purpose Cooperative (SCOFARBIMOLCO) og 160 hectares alang sa nagakalain-laing crops.

Ang planong itanum ning maong mga grupo sa mag-uuma mao ang abaca, saging, cacao, kape, ug balanghoy nga apil sa mga crops nga tutokan ubos sa AGUSAN UP!.

Ang AGUSAN UP! mao ang walo ka punto nga development agenda sa Team Agusan del Norte nga maoy gihimong gambalay sa kampanya sa kalambuan sa administrasyon ni Gob. Dale B. Corvera. Gipunting niini nga makab-ot sa probinsya ang panglantaw niini nga mahimong agri-forest processing center ug economic zone sa Caraga pag-abot sa tuig 2027, makunhoran ang gidaghanon sa mga pobreng pamilya gikan sa 34% karon ngadto sa 15% na lang ug matagamtam sa mga Agusanon ang arang-arang nga kaimtang sa pagpuyo. (Annalie Jean A. Mag-aso, Agusan up, LGU Agusan del Norte/PIA Agusan del Norte)

      ***

References:

* Philippine Information Agency. "Cebuano News: Laing 370 ektarya na-cover sa ocular inspection alang sa Agusan Up project." Philippine Information Agency. https://pia.gov.ph/news/articles/1032584 (accessed January 10, 2020 at 01:44PM UTC+08).

* Philippine Infornation Agency. "Cebuano News: Laing 370 ektarya na-cover sa ocular inspection alang sa Agusan Up project." Archive Today. https://archive.ph/?run=1&url=https://pia.gov.ph/news/articles/1032584 (archived).

[phgq]

Cebuano News: Tuig 2020 tahakon sa probinsya pinaagi sa Agusan Up – Gob. Corvera

#PHinfo: Cebuano News: Tuig 2020 tahakon sa probinsya pinaagi sa Agusan Up – Gob. Corvera

DAKBAYAN SA BUTUAN, Enero 3 -- Tahakon sa probinsya sa Agusan del Norte ang tuig 2020 ug mosunod pang mga tuig nga naay klarong panglantaw sa kalambuan pinaagi sa "AGUSAN UP!" ug gihangyo ni gobernador Dale B. Corvera nga suportahan kini sa mga Agusanon.

Gihimo ni Gob. Corvera ang maong panawagan sa post sa iyang Facebook page niadtong Disyembre 31, 2019. Sa iyang mensahe, gipadangat usab niya ang iyang pasalamat sa suporta nga gihatag kaniya sa mga Agusanon isip gobernador sa probinsya sulod sa unang unom ka bulan sa iyang termino.

“As we are about to bid goodbye to the old year and say hello to the new year, let me take the opportunity to thank each and every Agusanon for their support in my first six months at the Provincial Capitol of Agusan del Norte. We covered a lot of grounds under the “Hiniusang Liderato” or a unified leadership of team Agusan del Norte with Cong. Angel Amante-Matba, Cong. Law Fortun, the provincial, city and municipal officials at the helm,” sumala pa ni Gob. Corvera sa iyang post.

“The challenges in the coming years will be faced with a clear vision through our program called AGUSAN UP! Continuity and teamwork run the game but the same support that you gave us in 2019 is the key to make things happen in 2020 and beyond,” dugang pa sa iyang gipadangat nga mensahe.

Mahinumdoman nga susamang mensahe ang gipadangat ni Gob. Corvera sa nakalabay’ng pasko. Sa iyang mensahe sa mga empleyado sa kapitolyo atol sa ilang Christmas Party, iyang gihangyo ang suporta sa tanan sa AGUSAN UP!

Sa samang Christmas Party giawhag usab ni Cong. Angel Amante-Matba ang 100 percent nga suporta sa mga Agusanon alang sa AGUSAN UP!.

Ang AGUSAN UP! mao ang walo ka punto nga development agenda sa team Agusan del Norte ubos sa administrasyon ni Gob. Corvera. Nagtinguha kini pagmugna og mga oportunidad aron mapalambo ang kinabuhi sa mga residente sa probinsya.

Gilangkuban ang AGUSAN UP! og upat ka flagship programs: 1) Agus 3Ps o Plant and Process for Prosperity (alang sa ekonomikanhong kalambuina); 2) Amumang Agusanon (alang sa sosyal nga kalambuan); 3) Lunhaw’ng Agusan (alang sa pagpasiuli sa kabaskug sa kinaiyahan); ug 4) Hiniusang Lihuk Agusan (alang sa mga serbisyo pagpalambu sa sistema ug proseso sa pagdumala).

Gilunsad ang AGUSAN UP! niadtong Nobyembre 8, 2019 ug sa kapin sa usa ka bulan pa lang nga pagpatuman niini nakatikang na kini og mga panukaran alang sa malampusong implementasyon sa mga proyekto niini ning tuiga ug sa mosunod pang mga tuig.

Sa pagka karon mokabat sa 8,000 ektaryas na ang gi-enroll sa 78 ka mga organisasyon sa mag-uuma mismo alang sa siyam ka mga nag-unang crops nga gipunting nga itanum ilawom sa Plant! Plant! Plant! Project ubos sa Agus 3Ps. Pagproseso sa bulanghoy, lubi, ug cacao usab nga mga proyekto ubos sa Process! Process! Process! ang naa nay mga interesado.

Mokabat sa 30 usab ka mga kooperatiba na ang mikometer nga magsilbing conduits sa Land Bank Of the Philippies ug Development Bank of the Philippines alang pinansyal nga panginahanglan sa mga mag-uuma ug entereprenuers nga mananum o mo-proseso sa abot sa kaumahan.

Nagdagan na usab karon ang mga Amomang Agusanon Centers sa Provincial Hospital ug sa Cabadbaran District Hospital. Gipunting nga ang tanang lungsod naa nay Amomang Agusanon Center sa tuig 2020. (Angel F. Gaviola, Agusan Up, LGU Agusan del Norte/PIA Agusan del Norte)

***

References:

* Philippine Information Agency. "Cebuano News: Tuig 2020 tahakon sa probinsya pinaagi sa Agusan Up – Gob. Corvera." Philippine Information Agency. https://pia.gov.ph/news/articles/1032254 (accessed January 03, 2020 at 06:56PM UTC+08).

* Philippine Infornation Agency. "Cebuano News: Tuig 2020 tahakon sa probinsya pinaagi sa Agusan Up – Gob. Corvera." Archive Today. https://archive.ph/?run=1&url=https://pia.gov.ph/news/articles/1032254 (archived).