#اصيلة

[marmarika-world]

فكر بره الصندوق ...اصيلة يا اختى 🙈🤣🤣

[amolas-blog]

- النهاردة عيد جوازنا ياصابر

-- يانهار ابيض كده بقى عندنا كام سنة

- قصدك بقالنا كام سنة ، فضلة خيرك خمس سنين

-- يا دين النبي يا بت ياسعاد اوام كده

- العمر بيعدي خفيف وياك ياصابر

-- خفيف ايه بس ده انا لحد الوقت مش عارف اتويكي انتي والواد في اربع حيطان تمليك

- وانا حيطاني ضلوعك ودول اللي بتحاوطني بيهم كل ليل مش عايزه حيطان من حديد وخرسانة

-- لسه بتحبيني بعد الشقى اللي شايفاه معايا يابت لا اصيلة والله

- انا مش أصيلة انا بحبك ومرتاحة معاك ولو هشحت كده محبش الا انت يا صابر ♥️

[sam-amr]

فلاحة مصرية اصيلة ايديها تتلف فى حرير 🙏

[kaiseralil19]

وتستمر الحياة بدروسها وإن قست ..

بظروفها وإن أوجعت ..

تستمر الحياة.. إن تقبلنا وتأقلمنا ..إن تألمنا وواجهنا ..

فاليأس لا يحرك ساكنا

والظروف لا تجامل إنسانًا ...

ومهما كان الخريف قاسياً ..

تبقى دائما بعض الاوراق اصيلة ..

لا تسقط وتهجر فروعها ..

وبعد..

يا حبّ.. لا هدف لنا في حروبك سوى الهزيمة فانتصر….

[halwagy]

للأسف انا مقضتش طفولتي بسمع ف كارتون زيكوا ولا أعرف شخصيات الكارتون اللي بتتكلموا عنها ولا حتى قنوات الكارتون دي..لأن ف الوقت اللي انتو كنتوا بتسمعوا فيه كارتون ده انا كنت بفضل م العصر لعشرة بليل كده ف الشارع بلعب كورة وبلي واستغماية والسمكة والصياد وثبت صنم والسبع طوبات وكهربا وباكو الوان وملك وكتابة وكيلو بامية وكان في فقرة غُنى وبعد اليوم الجميل دا أروح اتفرج ع لن اعيش ف جلباب ابي وحضرة المتهم ابي والحقيقة والسراب والست اصيلة وحارة العوانس وعائلة الحاج متولي والدالي

[somaas-world]

اصيلة تعشق من الخيل اصيله ماهو بعيبٍ العشق بين الاصايل بعيـونهـا شف للمحبـة دلايل حشمة وزين ورمش عينٍ ظليله

يا جمال يا كمال انتي للعزه مثال يا اصيله وتاج فوك الراس عال 👑💞😍

ربنا يعزك ويرفع قدرك ويجبر خاطرك

حلوتى الجميله سارة ❤❤

[maco313]

قواعد_الحياة_الـ44

1- متربطش فرحتك بالناس .. الناس واطية.

#قواعد_الحياة_الـ44

2- امسك في تلاته حد بيسأل عليك من غير مصلحة ، وحد بيقف جنبك من غير ما تطلب ، وحد بتروحله متضايق ترجع مبسوط.

#قواعد_الحياة_الـ44

3- حاول تكتر لحظاتك الحلوة ، دي الحاجه الوحيدة اللي بتعيشها مرتين ، مرة وقتها ، ومرة لما بتفتكرها . #قواعد_الحياة_الـ44

4- مفيش حاجه مالهاش لزمة ، حتي الناس الزبالة في حياتك ، بتعرفك قيمة الناس النضيفة

#قواعد_الحياة_الـ44

5- النوم سلطان لو مش هتفكر قبله بنص ساعة ، والحب حلو لو مش هيعكنن عليك بزيادة ، والصحاب جمال لو هيبقوا سند ليك مش حمل اكتر . #قواعد_الحياة_الـ44

6- انت عايش عشان تتنفخ ، والحب هو اختيارك بكامل قواك العقلية والنفسية للشخص اللي ينفخك .

#قواعد_الحياة_الـ44

7_ احسن حاجه في المشاكل واﻷزمات انها بتعرفك مين وقف ضدك ، ومين وقف ضدك اوي

#قواعد_الحياة_الـ44

8- ما تاخدش رأي بنت في بنت .

#قواعد_الحياة_الـ44

9- اتقي شر الطيب لما يقفش ، واﻷخ لما يفتن ، والواطي لما ينضف ، والصاحب لما يفضح ، والبنت لما تخاصم .

#قواعد_الحياة_الـ44

10- مجهودك اللي بتبذله في انك تلوم الناس انها مبتسألش ، ممكن توفره وتتعرف علي ناس جديدة احسن .

#قواعد_الحياة_الـ44

11_ لو هتعمل جميل واحد في نفسك ، ما تتعلقش بحد مش ليك من اﻷول ،هتقرب عشان تكمل اللي ناقصك فهترجع ناقص اكتر.

#قواعد_الحياة_الـ44

12- قدس هُدوءك،ضع حدًا لكُل شيء ابقى مُتزنًا مُستقيمًا،أجعل راحتك في اولويتُك ولاتجعل شيئًا يُحبط مابنيته لِـنفسك.

#قواعد_الحياة_الـ44

13- عارف ايه اﻷسخف من المشكلة الناس اللي بتعمل مهتمة

#قواعد_الحياة_الـ44

14- اتعود ان الناس لطيفة الي حد ما تقربوا ، طيبة لحد ما تتعاشروا ،اصيلة لحد ما تتخانقوا .

#قواعد_الحياة_الـ44

15- الدنيا صغيرة لدرجة اننا بنرجع لنفس اﻷماكن والمشاعر واﻷشخاص

#قواعد_الحياة_الـ44

16- أجمل لحظات بتعيشها ف حياتك بتكون نتيجة لحظة طيش أو جنون مؤقت أولاد الكئيبة كلهم عاقلين

#قواعد_الحياة_الـ44

17- رضاك عن نفسك يبدأ من رضاك عن حجم مناخيرك .

#قواعد_الحياة_الـ44

18- هي هي نفس البلونة اللي فرقعت ، بس واحد قعد يلعن الظروف ، والتاني عمل منها زوقزيقة .

#قواعد_الحياة_الـ44

19- احتفظ دايماً بالرسايل اﻷولي ، اصدق رسالة هي اللي بتكتبها في اﻷول وبعدين تمسحها عشان تكتب واحدة تانية بعقل اكتر ومشاعر أقل .

#قواعد_الحياة_الـ44

20- ﻻزم تستوعب ان الناس اللي هتمشي من حياتك ، هتمشي لحاجات عملتها عشان ما يمشوش .

#قواعد_الحياة_الـ44

21 - الغبي اللي قرر يستني حد ما قالوش يستناه .

#قواعد_الحياة_الـ44

22- كل يوم جديد في حياتك مش هيغير حاجه فيك ، بس انت قادر تعمل 100 حاجه تغير بيهم اليوم

#قواعد_الحياة_الـ44

23 - الحقيقة اللي هتكتشفها مع الوقت ، ان زعلك علي ناس مشيوا من حياتك ، كان اهون بكتير من زعلك لو كانوا لسه موجودين فيها لحد دلوقتي

#قواعد_الحياة_الـ44

24- خليك فاكر ان انت اللي باقي ، وكل اللي وقفوا سعادتهم علي حد انبسطوا شوية وكملوا بقية حياتهم مكتئبين

#قواعد_الحياة_الـ44

25- ﻻزم تقتنع ان صاحبك بشر ولما يغلط تعديله من غير ما تبهدله ، وﻻزم تقتنع ان الحياة واخدة الناس فعلا ومش متعمدين ميسألوش ، وﻻزم تقتنع ان الحياة اقصر بكتير من اننا نضيعها في التفكير ف بكرا ، ﻻزم تقتنع علي اﻷقل عشان تقنعني .

#قواعد_الحياة_الـ44

26- مفيش حاجه بترجع زي اﻷول ، مهما بان انها رجعت زي اﻷول .

#قواعد_الحياة_الـ44

27- مفيش ذكريات بتتنسي .. بتستخبي بس .

#قواعد_الحياة_الـ44

28- انت محتاج تتعامل كل فترة مع الناس اللي بتكرههم ، عشان تستمر في كرههم وضميرك مستريح .

#قواعد_الحياة_الـ44

29- فيه اوقات بيبقي من الاحسن انك متفهمش

#قواعد_الحياة_الـ44

30- اعرف ان اللي بيتعور في الدنيا دي تلاته : اللي بيتعلق بالناس بسرعة،واللي بيبدي الناس علي نفسه،واللي بيعتمد علي الناس يبقوا مصدر امان له.

#قواعد_الحياة_الـ44

31- ما تتعشمش واقلم نفسك ان محدش هيسألك مالك غير لما يكون تعبك خلص ، ومحدش هيحس بزعلك غير وانت في اعماق الاكتئاب .

#قواعد_الحياة_الـ44

32- لما هتقع ، فيه ناس كتير هتنفض ، وناس قليلة هتقولك معلش ، بس فيه واحد بس اللي هيمدلك ايده ، هو ده اللي تمسك فيه.

#قواعد_الحياة_الـ44

33- نجاحك ف الخروج اﻵمن من علاقاتك بناس كانوا قريبين منك من غير خساير نفسية ، ب��لظبط زي نجاحك تمشي علي إزاز مجروش من غير ما تتعور .

#قواعد_الحياة_الـ44

34 - في الحب ، ما تصدقش الكلام اللي بيتقال ف اول العلاقة .. وف آخرها .

#قواعد_الحياة_الـ44

35- بإختصار : انت محتاج حد يحبك ، عشان ساعات بتكره نفسك

#قواعد_الحياة_الـ44

36- اللي مستنيلك غلطة روح اغلطها في عينه

#قواعد_الحياة_الـ44

37- مهم انك تعرف ان كل حاجه بتعدي بالوقت ، بس اﻷهم تعرف الوقت هيعدي ازاي ؟

#قواعد_الحياة_الـ44

38- غالباً اللي بيوحشوك تلانه: حد بقي صعب تقوله وحشتني ، وحد مبقاش ينفع تقوله وحشتني ، وحد خسارة فيه كلمة وحشتني .

#قواعد_الحياة_الـ44

39- فيه حاجات كده بتتكسر ، ﻻ بتعرف تصلحها وﻻ بتعرف ترميها ، وفيه ارقام ﻻ هتعرف تكلمها وﻻ هتق��ر تمسحها ، مش عشان انت ضعيف علي قد ما فيه صفحات اقوي من انك تقلبها بسهولة .

#قواعد_الحياة_الـ44

40- السعادة زي القهوة .. هشوفها في حياتك سادة .. وهتشوفها في حياة الناس زيادة .. بس في الحقيقة هي مظبوطة.

#قواعد_الحياة_الـ44

41- حاول تخلي درجة اهتمامك بالناس بنفس درجة اهتمامهم بيك .. او علي اﻷقل حاول .

#قواعد_الحياة_الـ44

42- نجاحك ما يتحسبش بالوقت اللي فضلت واقف فيه على رجلك، بيتحسب بالوقت اللي بتاخده عشان تقف على رجلك بعد كل وقعة

#قواعد_الحياة_الـ44

43- لا تكن تحت رحمة الأشياء العابرة، لا تتعلّق بأي شيء قد يؤلم قلبك فيما بعد؛ عوّد نفسك على الأكتفاء ولا تكن ضعيفًا أمام عاطفتك.

#قواعد_الحياة_الـ44

44- وبالنهاية…….تجد أنك تحتاج رَغم راحتك ف وحدتِكَ إلى مُؤنِس يشارِكك دون أن يصبح عبئا عليك ، تحتاج رَغم ثقتك بقدراتك إلى من يُشجعك على المسير حين تخور القوى ، و تحتاج رغم قوتك من تشكو له ضعف روحِك الذي لا يُرى ، تحتاج و نحتاج مهما كنَّا مُكتفين ، تُدرِك تماما كيف تخطو وحيدا لكنَّهُ لم يكُن أبدا اختيارا أفضل .

#قواعد_الحياة_الـ44

[jasmindasworld1]

انا صاحبتي بطلة، قوية و جميلة و اصيلة ❤️

ادعولها ربنا يعوضها و يسعد قلبها 🤲

[jojou2]

أنتي يا مهرة اصيلة يا بدوية

خارجة تحت جناح رجالك بالبواريد المدوية

عزك و شموخك كالخيل العربية

تحزن و لا تبوح تتألم و لا تنكسر

الخيل

جزائرية

الجزائر

سفر

رحالة

بدو

#traveler

#algeria

#algeriantraveler

#algeriangirl

#womentravelers

#traveling

#horse

#travelergirl

#Djelfa

#boussada

#msila

#tradition

[hisham-hero]

عاتبوا الخيل فإنها تعتب هكذا قال رسول الله صلى الله عليه وسلم فـلا تلقي عتابك إلا في قلوب اصيلة تدرك معناه و لا تعاتب لأجل حب فالحب لايطلب ولاتعاتب لأجل إهتمام فقد لايأتي الإهتمام خالصاً لوجه الله.. بل عاتب لأجل الإحترام وبقاء الود...

[marmarika-world]

في موضة غريبة جدا يا جماعة إن البنات بقة بترتبط برجالة و تصرف عليها سواء بشكل مباشر او بشكل غير مباشر، يعني ساعات بتبقي بيبقي كويس و فجأة وقع في مشاكل و طبعا هيبقي مش اصيلة لو ما ساعدتوهش و ساعات بيبقي نطع بقي اصلا ما بيفكر اصلا ولا بيحس

[lucid-dreamer-0]

3 حاجات افسدت متعة الكتاب بالنسبالي:

1- عدم وضوح الغرض من الكتاب، الكاتب في المقدمة قال إنه ينقصه الكثير عشان يكون باحث وان الماتريال اللي جمعها هيتم التعامل معاها بشكل أدبي، وده اصلا عملي ايرور من الأول، كأنك رايح لطباخ بيقولك من قبل ما يعمل الأكل إنه هيزود الملح في الطبخة، طب طالما انت عارف المشكلة من الأول ليه مقدم الكتاب كأنه دراسة بحثية وكاتبها على الغلاف؟!

والنتيجة إن الكتاب اللي بدأ كدراسة عن العنف وصناعة الوحش اتحول في النهاية إلى نسخة غير اصيلة من كتب اخرى لم يضف ليها الكاتب أي جديد، بالرغم من قدرته على إنه يخلي الكتاب احسن من كده 100 مرة.

2- الاقتباس الزائد عن الحد والتكرار المخل، عدم وضوح الرؤية في الغرض من الكتاب اتحول مع التعمق في القراءة إلى عدم وضوح رؤية الغرض من كل فصل ذات نفسه، واللي هو انت اتكلمت عن الجزئية دي في فصلين قبل كده، ليه تعمل فصل كمان بعنوان مختلف بيتناول نفس الفكرة ونصه اقتباس كامل من كتاب آخر؟ من وجهة نظري ده افسد ستراكشر الكتاب نفسه.

3- كونك مواطن في احدى دول العالم التالت بالوطن العربي، فده معن��ه أنك الريدي عايشت 3 أرباع اللي في الكتاب، وهنا بتتوقع من الكاتب إنه يقدملك حاجة جديدة، يمكن أنا محستش بأنه اضاف اي شئ عشان معظم الكتب اللي اقتبس منها انا قريتها قبل كده، خصوصا كتاب سيكولوجية الانسان المقهور للدكتور مصطفى حجازي، اللي من وجهة نظري لو قريته هيغنيك عن قراءة الكتاب ده بنسبة 90%، خصوصا إن كتاب حجازي كان بغرض التحليل النفسي وتوضيح جذور المشكلة، إنما "التناول الأدبي" ده لامؤاخذة كالقبض على الماء.

سبب نجاح النوعية دي من الكتب وشيوعها المبالغ فيه هو سبب نفس السلوكيات اللي النوعية دي من الكتب بتحاول تنقدها (طبعا دي مش غرض الكاتب، لكن للأسف دي الطريقة اللي بيتم الترويج بيها له جماهيريًا) وهي تجريد المرء من الشعور بالمسؤولية من خلال تسويد كل حاجة في عينه، والترويج ل اتيتيود الناس كلها كده والعيب مش فيك، العيب في المجتمع المقهور والإنسان المقموع، وانا هفضل اوصفلك كل ده في الكتاب وهسيبك في الآخر بدون تقديم أي بديل، أي حلول، أي مهرب أو منفذ نور، واتصرف انت بقى يا قارئ يا ملول.

[mibrahimf11]

- النهاردة عيد جوازنا ياصابر

-- يانهار ابيض كده بقى عندنا كام سنة

- قصدك بقالنا كام سنة ، فضلة خيرك خمس سنين

-- يا دين النبي يا بت ياسعاد اوام كده

- العمر بيعدي خفيف وياك ياصابر

-- خفيف ايه بس ده انا لحد الوقت مش عارف اتويكي انتي والواد في اربع حيطان تمليك

- وانا حيطاني ضلوعك ودول اللي بتحاوطني بيهم كل ليل مش عايزه حيطان من حديد وخرسانة

-- لسه بتحبيني بعد الشقى اللي شايفاه معايا يابت لا اصيلة والله

- انا مش أصيلة انا بحبك ومرتاحة معاك ولو هشحت كده محبش الا انت يا صابر ♥️

[hobaz]

بقيت أم مصرية اصيلة واحاسيسي بقت مرهفة أوي لدرجة اني بدمع كل ما بشوف بوست أو صورة لأمهات اللاعبين المغاربة وهما فرحانين بولادهم 😭

[anawii]

اكتر حاجة بشوفها الفترة دي كتير وحقيقي عقدة عندي من زمان وبحسها بتيجي على الجرح وتدوس وتعصر لمون هي "قهر الرجال"

يا جدعان الكلمة دي كبيرة اوووووووي

افتكر و انا عيل صغير عمري ما شوفت راجل بيعيط

لدرجة اني كنت فاكر اني لو عيطت يبقا انا كدة فيا حاجة مش مظبوطة داخلياً ومش راجل

كمية الرجالة اللي زي الجبل طول بعرض بشوفهم بيعيطو بقت كتيرة اوي

وربنا ما يوريكم ان الراجل بنته او ابنه يطلب منه حاجة وهو مش قادر يجيبها

وربنا ما يوريكم الست اللي مش اصيلة اللي بتعاير راجل علشان مبقاش مكفي بيته

"اللهم إني أعوذ بك من الهم والحزن، وأعوذ بك من العجز والكسل، وأعوذ بك من البخل والجبن، وأعوذ بك من غلبة الدين وقهر الرجال"