#اكل صحي لكل الناس

[lucid-dreamer-0]

كل ما بكبر كل ما بعرف قيمة الصحة اكتر (انا لسه عيل صغير بس معلش سيبني اعيش الدور)، كتفي في ذمة الله بقاله يومين بسبب حوار من كام شهر كده، وحرفيًا كل لمسة بألم ف بقيت بقعد احسب كل حركة قبل ما اتحركها عشان كتفي ميصيحش على قد ما اقدر .. وده الوقت اللي بتقعد فيه تفكر انا كان المفروض اهتم بصحتي اكتر انا كان المفروض استريتش اكتر وبلا بلا بلا.

بقرا اليومين دول كتاب "متشردًا في باريس ولندن" بتاع جورج اورويل وأول مرة ألاحظ بشكل مقرب العلاقة بين الفقر والصحة، في حياة التشرد كل المتشردين جسمهم مكسر واكلهم قليل ونومهم شبه معدم، وبالتبعية عايزين يفضلوا نايمين طول اليوم ومفيش طاقة لأي حاجة. ممكن نقول ده نتيجة الفقر اللي مش موفرلهم اكل كويس ومكان مناسب يناموا فيه، لكن اكشلي ممكن نتبع argument تاني إن الفقر نتيجة مش سبب.

يعني هما اصلا كان اكلهم مش صحي ونومهم قليل وحركتهم مش قد كده، وبالتبعية صحتهم انهارت، وبالتبعية البروداكتفتي بتاعتهم بقت في النازل، مبقوش بيشتغلوا كويس، مبقوش بيفكروا كويس، مبقوش بيسوشياليز كويس، والنتيجة الحتمية لكل ده إنهم بقوا فقرا ومتشردين!

خناقة الفقر نتيجة للصحة الخايبة ولا سببها، عاملة زي علاقة الحياة ذات الكواليتي الواطية بصفة الامبولسيفنيس، الناس الimpulsive هما ناس معندهمش صبر على رغباتهم، عايزين النهارده وبس، مش بيعرفوا يتحكموا في نفسهم وانفعالاتهم وتصرفاتهم. وبالتبعية بياكلوا كتير، مبيقولوش لأ، اكثر عرضة لمرض السكر، اكتر عرضة للتدخين، اكتر عرضة لكل انواع الادمان باختلافها، غير قادرين على انهم يكونوا لويال في العلاقات العاطفية، وبالتبعية غير قادرين على تكوين علاقات عاطفية طويلة المدى.

تقدر تقول إن ده كله في الاخر بيخلي حياتهم طين، عشان كده المارشميلو تيست بيعرفوا يتنبأوا بيه بمستقبل الاطفال نوعا ما .. لكن في نفس الوقت الفقر ممكن يكون سبب في تكون الصفة دي برضه، تخيل انت واحد فقير عايش في الشارع مش لاقي تاكل، بتفطر وتتغدى وتتعشى برغيف عيش واحد، وهوب فجاة لاقيت بيتزا تشيكين رانش لارج (اشمعنى رانش؟ عشان دي الفيفورت بتاعتي انت بتسأل اسئلة غير منطقية)، المهم هتاكل حتتين وتسيب الباقي لبكره ولا تاكلها كلها النهارده وبكره تموت من الجوع؟ الاجابة المنطقية هي الاولى، انما اجابة رجل الشارع هي التانية عشان هو ما صدق لاقاها، قيس على ده كل حاجة في حياته، وعشان كده علماء اجتماع كتير شايفين إن الفقر مش حله الفلوس، لو رحت لواحد هومليس في الشارع واديته الف جنيه يمشي نفسه بيها لاخر الشهر، اكبر احتمال انه هيصرفها كلها في نفس اليوم،

(اكشلي في تجربة زي دي اتعملت والهومليس راح اشترى بيها مخدرات وفضل يشرب لحد ما مات اوفردوس، مش قولتلك مش مشكلة فلوس!)

المهم يعني حاول تتحرك، تتمرن، تستريتش، تشرب مايه كتير، تفرد ضهرك، وتنام كويس، بقول الكلام ده وفيه صوت في دماغي بيصرخ كان القرد نفع نفسه بجددد، فخليك احسن مني واعمل اللي مبعملوش.

[alltimevexed]

تعالوا نتكلم ف حاجه ..

من المسؤول عن تربية عقائد الشحص ؟ ... دراسات وابحاث السلوك الاخلاقي كتير وكل بحث بيتوصل لنتيجه تنفي سابقتها وفي النهايه اعتقد الانسان مسؤول عن تقرير ما اذا كان عقائده بيربيها على ما يزعمون ولا ليه نظرة اخرى..

طيب هل العمليه فطريه؟؟ الوالدين؟ التجارب والخبره؟ المجتمع؟ الدين؟ العلم البحت؟ كل ده ليه دور بس هل العمليه نسبيه ولا ثابته عند الكل .. معظم  ما ذكر ملقن مش فطري اذا العمليه مش فطريه؟؟ لما الانسان بيبني قيمه واخلاقه اللي هينبني عليها افعاله بعد كده بيجيب منين وثيقة انه انا هعمل الحاجه دي عشان “ينفع “ او “مينفعش” ؟؟ ايه اللي نفعه وايه اللي منفعوش ؟؟ الدين لا مجال للشك ليه اكبر الدور “ بس ده مش موجود عند كل الناس “  بس خلينا نقيس انه ان وجد فله الدور الاكبر في تحديد جزء كبير من شريحة الإفعل ولا تفعل .. في النهايه الحلال بَيِّن والحرام بين طيب غير الدين ؟؟ الأسره ؟؟ لاشك .. الموثق الاساسي لكل خطوه اولى ف حياة اي حد .. تلقين الصح والخطأ للطفل بيبني جوه اللاوعي عقائد ثابته يقاس بيها بعد كده ده انا اتعلمته صح اذا صح فهعمله .. تعزيز ده بتصرفات الوالدين كقدوه لأبنائهم قادر على ترسيخ العقائد وتجذيرها اكثر من التلقين .. لنقل انه انت الحمدلله اتربيت ف بيئه  اسريه صالحه وعندك بنسبه كبيره مقياس صحي للصح و الخطأ يخليك تحكم ايه يتعمل وايه  ميتعملش طيب واللي لأ ؟؟ هل كده معندوش عريضه اخلاقيه يرجعلها ام ان تصرفاته بيقودها اللحظيه في التفكير وبس ؟؟ طيب في النهايه هو مش معندوش خلفيه عقائديه لأ هو عنده .. لا ننفي انها خطأ بس موجوده .. اذا محدش معندوش عقيده اخلاقيه النقطه انها تحتمل الصح والخطأ .. طيب التجارب المصحوبه بمختلف المراحل العمريه وبتربي عقائد اتبنت بفعلك انت وبفعل تجاربك؟؟ مين هيحددها اذا صح او غلط؟ حكمك لعقائدك اللي انت جربتها ف اتعلمتها ف بنيتها لنفسك شهادتك هتبقى مجروحه فيها مين هيقرر صحتها من خطئها ؟؟ ممكن ف النهايه تلاقي تصادم مع الوالدين مثلا في حجات اتربت عندك بس لا هما شايفينها غلط .. نرجع لنقطة انه طب يعني هما كده مش المسؤولين عن توريث كل الخلفيه الأخلاقيه هما مجرد بيرموا الأساس وهما المسؤولين عن كون كل ما هيتبني عليه هيكون صح ولا خطأ اذا ف هما مش المكون الرئيس تمام وصلنا للنقطه دي ..

اللإعلام ؟؟؟ لا شك .. الاعلام قادر على عرض وجهة نظر بطريقه سلميه جدااا بيوريك انه ايه احنا بنعرض الرأي والرأي الاخر غلطنا ؟ مغلطناش .. ثم مره تانيه يعرض الراي الاخر ثم تالته ويوريك الصوره من الجانب بس اللي عايز يوريهولك لحد ما لا اراديا انت هتيجي تتحط ف امتحان اخلاقي هتلاقي ان الفكره دي انغرست ف عقلك الباطن وبتتصرف بيها لا شعوريا و ف النهايه الاعلام مأجبركش عليها ف هنا نقدر نقدم تبرير مضاد لكل حد بيقلل من قيمة انه الاغاني الشعبي مثلا كمثال او افلام البلطجه والسرسجيه بتدمر المجتمع ودي مجرد عرض واقع موجود وسطينا بس انت مش شايفه لأ بتدمر وكل حد بيستهين بالفكره ايه الهبل ده لأ هي بتدمر ايوه .. قياسا كل حاجه تندرج تحت مسمى السم الحلو اللي بيندس خفيا حجات قادره على تفجير الخلفيه العقائديه مش تخريبها بس .. هنا بتختلف قوة عقيدة احدهم عن الاخر بس ده برده بيصب انها اصلا صح او خطأ .. لو الاساس صح مش سهل هتأثر بده كله غير لو هي خطأ ومقوماتها هزيله وبعيده كليا عن ربنا ف سهل تنمحي .. ف النهايه رجعنا لنقطة انها صح او خطأ .. المدرسه ؟؟؟؟ جدا وحقا وبشده .. المناهج الدينيه/الأخلاقيه اللي درست في المدرسه ممكن تبقى اكتر حاجه مرافقه الانسان ف كل حاجه بيعملها .. المجال المعرفي للطفل/ المراهق فترة المدرسه بيبقى defaulted على التلقين .. تَشرُّب كل ما بيقدم له وتقبل كل ما سيقدم من المعلم عشان الأسره ودت الطفل المدرسه وقدمت المعلم للطفل في مقام التقويم ودعم الـأساس اذا ف هو حد حلو ف ايا كان اللي المعلم بيقدمه الطالب بيتأثر بيه تأثر كبير جداا جدااا .. وده حاجه المفروض يستميتوا ف البحث عن المدرسه اللي هتضيف لولادهم ف المجال الأخلاقي قبل الكلمتين الإنجلش والمستوى الاجتماعي المحيط .. عشان كده بحس اننا اللي اتربينا ف الخليج غير تماااماا اللي اتربوا ف مصر .. عقائديا ودينيا وفكريا وكله .. احنا اتربينا على قيمة الصدق والصلاه والايات اللي ربنا بيخاطب بيها المؤمنين ومراقبة الله وجزاء المؤمن الجنه والكافر النار وقيمة المجتمع ووجودي كفرد فيه هيأثر علىيه ومسجد المدرسه و و و ده كله مش مو��ود هنا ف مصر .. ده كله بلح .. المناهج الدينيه الهزيله الي ف المدرسه اللي مبتضافش للمجموع ناهيك عن المدرسه اللي مبتتراحش بينتج عنه خواء فكري .. مبقولش اننا فشيخين بس ع الاقل مش بنغش الايه ف اخر الترم عشان منشيلش الدين .. طيب رجعنا تاني لنقطة الدين كمحفز أساسي للتقييم العقيده الأخلاقيه اذا صح او خطأ ف اذا هنضيف للدين نقطه زياده عن سابقيه ..

نتوصل ف النهايه لإيه !! معرفش والله انا هسيب الموضوع مفتوح النهايه دلوقتي وهروح اكل كحك وقراقيش امي على أنغام اغنية قلبك بحر مالح قلبي فيكي سايح قلبي مش مسامح قلبي مات امبارح عشان دي مبتدمرش الأخلاق عادي..😌

[prof-ghada-amer]

لكل من ينشر أن الاكل في بعض الدول العربية غير صالح و أن كله أمراض، و اننا بسبب الأطعمة المحليه التي تناولها معرضين لا قدر الله للأمراض الخطيرة، احب انشر لكم تقرير نشرته منظمة الصحة العالمية لأكثر دول فيها أمراض سرطانية، ليس من بينها اي دوله عربية!!!!!!! إنما معظمها الدول التي تتشدقون انها دول إنتاجها الغذائي أكثر صحي من اوطانكم، لقد توفي العالم القدير أحمد زويل بالسرطان و قد قضى معظم عمره في أمريكا، لم يأكل الا أفضل اكل و لم يعيش عيشتنا، نعم عندنا مشاكل، لكننا لسنا الأسوء، و بدل من زعزعة ثقة الناس في إنتاج اوطانكم لضرب اقتصادكم، اعملوا انتم على إصلاح الوضع ولو بكلمه.... و لا تقلقوا الموت و المرض و الصحه كله بيد الله و ببركة عملكم ترزقون

[ihaircareblog]

انواع الرجيم والافضل بينهم وحقائق اخرى عن خسارة الوزن

اليوم سنكمل مقالتنا حول خسارة الدهون بشكل مفصل وسنتحدث عن حقائق وتفاصيل اعمق عن الدهون وخسارة الوزن وانواع الرجيم المختلفة والمنتشرة بشكل كبير بفوائدها ومضارها. كيف نخسر (الوزن) بسرعة؟؟ في هذا الجزء سنتحدث عن أكثر الطرق شعبية في خسارة الوزن ولكنها لن تكون الأفضل على المدى الطويل, وفي نهاية المقال سأعطي توصيات عديدة للحصول على أفضل الطرق لخسارة الدهون والمحافظة على الوزن. الطريقة الاولى: معالجة المياه سبق وان سمعنا عن اهمية الماء في خسارة الوزن وما يدعى بـ رجيم الماء وغيرها, وأنه أفضل الطرق لخسارة الوزن دون عناء, ولكن الحقيقة أن هذه الطريقة لن تؤثر شيئا على خسارة الدهون الفعلي نحن فقط سنرى فرقا بالوزن كلما صعدنا على الميزان. التلاعب بالمياة, والتقيد والافراط في الترطيب, هي وسيلة رهيبة (بمعنى اخر سيئة) لفقدان الوزن لانك لن تحدث اي فرق في شكل وتكوين الجسم, ببساطة هي دورة لا نهائية من فقدان واكتساب السوائل مرة اخرى دون اي تأثير على الدهون. وجميع الطرق الخاصة بتطهير الجسم والصيام عن العصائر تقع تحت مسمى معالجة الماء لانها لا تفعل شيئا مع خسارة الدهون. الطريقة الثانية: رجيم منخفض الكربوهيدرات( بالاضافة للحمية الكيتونية المعروفة Ketogenic) حمية منخفضة الكربوهيدرات والتي تحظي بشعبية كبيرة بين الرياضيين والراغبين في التنحيف على حد سواء, لا عجب لانها تساعدك على خسارة الوزن بسرعة لسببين: الاول انك تلقائيا ستقلل عدد سعراتك الحرارية  سواء الغيت الكربوهيدرات من نظامك الغذائي او الدهون او البروتين وهي المصادر لكسب السعرات الحرارية من الطعام غرام واحد من البروتين او الكربوهيدات يساوي 4 سعرات بينما غرام من الدهون يساوي 9 سعرات حرارية. ثانيا:يمكنك تقليل مستوى الجليكوجين المخزن في العضلات وهذا يقلل من كمية المياه في الخلايا, تماما كالبروتبن فإن الكربوهيدرات لها دور كبير في الحصول على عضلات كبيرة, ولان المياة والجليكوجين لها دور كبير في وزن الجسم أي ان تقليل او زيادة المياة والجليكوجين يحدث فرقا اما بنقصان او زيادة الوزن الكلي وليس الدهون. في كثير من الاحيان نجد الحمية الكتونية توصي الفرد بتقليل نسبة الكربوهيدرات الى اقل من 50 غرام يوميا وهذا على حسب حاجة كل فرد من الكربوهيدرات يوميا على اساس العمر والوزن والطول والجنس تماما كحاجتنا للماء والبروتين والدهون أيضا, وعند تقليل الكربوهيدرات فان الجسم يبدأ بانتاج الكيتونات والتي تجعل الجسم يبدا بكسر الدهون لاستخدامها كوقود. ملاحظة الحمية الكيتونية ليست الخيار الافضل لحرق دهون الجسم, ساشرح ذلك بالاسفل في الجزء الخاص باكاذيب الرجيم. الطريقة الثالثة:حمية منخفضة الدهون كرجيم منخفض الكربوهيدرات وغيرها, فإن الغاء الدهون من حياتك سيقلل عدد السعرات الحرارية لا سيما ان 1 غرام من الدهون يساوي 9 سعرات حرارية, فان ذلك سيساعد في خفض الوزن تلقائيا مع انخفاض السعرات الحرارية المفاجيء. الدهون تعطي للاكل طعما الذ, كما انها تساعد على امتصاص الفيتامينات الرئيسية المتواجدة في طعامنا, وهي مهمة لبعض الهرمونات في الجسم. الخلاصة:أن رجيم الدهون المنخفضة هو طريق سيء وغير مناسب لخسارة الدهون وسأشرح ذلك لاحقا. الطريقة الرابعة:حمية عالية البروتين العديد من الحميات الشعبية المعروفة حول العالم توصي بتناول كمية كبيرة من البروتين سواء لبناء العضلات او تخفيف الوزن او كلاهما معا ولكن نحن لسنا بحاجة لعدد أكبر من حاجتنا الموصى بها وهي 0.6 لكل كيلو غرام من وزن الجسم بدون دهون الى 2.2 وهي تناسب الاشخاص الراغبين في بناء العضلات وخفض الوزن اقصد 2.2 لكل كيلو غرام من وزن الجسم بدون دهون. الان عند رفع كمية البروتين الخاصة بك فان ذلك يؤدي الى عدة امور: يزيد الشبع والذي سيمنعك تلقائيا من الافراط في الطعام يحد من معظم الاطعمة التي تتناولها يوميا وخصوصا ان معظم الاطعمة اللذيذة تحتوي دهون وكربوهيدرات. وهو يؤثر على النزول في الوزن بشكل تلقائي سواء كنت تضع نسب محددة من العناصر الثلاثة او انك تلتزم ب ما هو موصى به من حاجتك من السعرات الحرارية المقسمة على الثلاثة عناصر السابق ذكرها. وتماما كالحمية منخفضة الكربوهيدرات او الحمية منخفضة الدهون, اتباع نظام غذائي عالي البروتين له مضار وعيوب خاصة. وذلك اساسا لانة يحد من تناول العناصر الاساسية الاخرى والمهمة بشكل كبير للجسم وهي الكربوهيدرات والدهون ويحد من المواد الغذائية التي يمكن الحصول عليها منها وسيكون شاق جدا على الجسم ان يكسر البروتين الى جلوكوز اذا قللت كمية الكربوهيدرات بشكل كبير. هناك طرق صحية وامنة لانقاص الوزن بسرعة, ولكن القضاء على مجموعة غذائية كاملة او التلاعب فيها كما ذكر سابقا ليس امرا صحيا. الطريقة الخامسة:عليك اكل المأكولات الصحية فقط والوزن ينخفض بسرعه هذا الفكرة الشائعة بين الناس, عليك فقط ان تبدا بحياة صحية واكل صحي فقط وعندها سينخفض الوزن لوحده, ولكن هذه الفكرة خاطئة وغير صحيحة 100%. في حالات معينة وقليلة, كثير من الناس سوف تغير نظامهم الغذائي من الوجبات السريعة الى الاطعمة الصحية, مثل اللحوم الخالية من الدهون والقرنبيط واللفت والخيار والبطاطا الحلوة المسلوقة وزيت جوز الهند وغيرها, وفقدان الوزن سيحدث بشكل طبيعي نتيجة تقليص عدد السعرات الحرارية. ولكن بالنسبة لجزء من الناس هذا الامر لن يعمل, وهم يستبدلون بعض الوجبات بكمية كبيرة من السلطة او اختيار عشاء كامل وصحي معد في المنزل, قد يقضون شهور او حتى سنين دون رؤية اي فرق. وذلك لانهم لا يفعلون شيئا في تقليل عدد السعرات الحرارية وانما هم فقط يأكلون اكل صحي وسعرات حرارية مماثلة لما كان عليه الوضع سابقا. انتظرونا في الجزء الثالث