#عافر

[fozdoaa]

هو كل يوم معافرة؟ مفيش فيلم حلو وكوباية شاي؟ سهرة في البلكونة طيب؟ تغيير جو ونزول؟ ولا هو كله عافر والكلام ده وواجه وبتاع

[the-punisher9]

عافر او متعافرش كدا كدا مش هتوصل للي انت عايزه

[mrvictive]

Act VII

Day 19

We Survived. I'm a Royal Wolf After all..

بالرغم من الكهربا عملتها معانا النهاردة 3 ساعات متواصلة. وان الواحد عافر و كمل طول الليل مذاكرة. علي قد ما الواحد مكمل علي قد ما كل شيء حقيقي وصل لنقطة كدا اللي هو ايه؟ وبعدين؟

بقالي 19 يوم ب code with Js و الموضوع مش عارف رايح لفين. بس انا مركز و متابع وبحل كل quiz بيجيلي بطريقة كويسة.

الفكرة ان الطريق مش سهل. وطويل اوي. بس الواحد بيعمل اللي عليه. و ربنا اللي بايده كل شيء.

الموضوع في الصيف صعب. وفي الكهربا اللي بتروح دي اصعب. وفي الحر المميت ده صعب جدا. بس we have to keep fighting.

مش فدماغي غير فكرة واحده مسيطرة عليا. اللي هو لازم تسيب البلد دي وتمشي بجد.

There's nothing left to stay....

طلعت علي السطح اخد break في وقت المذاكرة واخدت صورة للقمر عشان موبايلي القمر بيصور القمر.

وطبعا بعد 5 shots of espresso انا مش قادر اسهر اكتر من 7 الصبح. انا هنام وهكمل بكره ان شاء الله.

To Be Royally Continued

Mr. Act V

[zahraa17]

هو كل يوم معافرة؟ مفيش فيلم حلو وكوباية شاي؟ سهرة في البلكونة طيب؟ تغيير جو ونزول؟ ولا هو كله عافر والكلام ده وواجه وبتاع

-ملك حامد

[sama-dai]

واتكلم. اتكلم كتير، ومتخافش. ومتسكرش كتير، عشان متبعدش عن نفسك. وإن كانت كل تجاربك سيئة فمتيأسش لأن لسه جاي كتير حلو أو وحش. ومتتأسفش على وجودك. انت مهم. انت روح. عافر، وأن تعبت خد نفَسك وبعدين كمل.

[roo2ah]

ع قد ما ماما وحشتني ع قد ما النجاة من الاكتئاب والحزن عليها واني رجعت اعرف احس تاني عادي زي الناس محسسني اني حابة الحياة اكتر وهعيش اكتر وهجرب حاجات اكتر وهحب الحياة اكتر وهتفائل اكتر

لان بجد بعد ما جربت اني اعيش بس عشان غريزة البقاء لكن كل حاجة حواليا بتفكرني بالموت واني انا كمان لازم انهي حياتي كان اكتر احساس صعب عدى عليا ف حياتي .. باختصار كانت كل اعراض الاكتئاب من اضطراب الاكل والنوم والحزن الشديد والتفكير الكتير والنوم بالايام او العكس اصحى بالايام .. لتعب المعدة والترجيع والخسسان الشديد وحاجات كتير اوي كانت اعراض اكتئاب واضحة ..

مكنتش حاسة بطعم الحياة وكنت فاكرة ان الحزن ده كله بقى حتة مني وان غياب ماما هيفضل طول عمري يخليني عايزة اروحلها لكن الحقيقة انا معرفش هي لما ماتت راحت فين ومش ضامنة هقابلها تاني ازاي ده لو روحتلها بالانتحار زي ما كنت بفكر .. لكن بجد دي مكانتش النهاية ولا كانت نهايتي ولا كان الحزن بقى حتة مني ..

واتغلبت ع الحزن ورجعت لحياتي وصحابي ورجعت اسراء اللي بتحب الحياة والمغامرة والتجربة واخدت كورس رسم وعرفت ناس جميلة ف الاستوديو اللي بتعلم فيه رسم .. ورجعت اقرا تاني وحبيت شخص جميل وقربت من ناس جميلة جدا وبقى حواليا ناس بيحبوني بجد ومش عايزين مني حاجة ..

ف كل اللي عايزة اقوله من كل الرغي ده مش تنمية بشرية ولا عافر وبتاع وكدة انا مجرد بفضفض وفخورة بنفسي بجد من كل قلبي وحاسة اني محتاجة احب نفسي اكتر واثق اني امي ربتني مقاتل بجد وقدها وقدود .. 🥰✨

[marmarika-world]

عمرك ما هتدخل قلب حد بالعافية.. ولا عمر حد هيقنعك تطلع من قلبك حد بالعافية.. لا هتستلطف حد بالعافية ولا هتقفل من حد بالعافية

الروح بتنجذب بمزاجها.. والقلب بيحب بمزاجه.. وعينك بتشوف صورة غير صورة أي عين تانية

ماتعافرش عشان تحب.. ماتعافرش عشان تقنع غيرك.. ماتعافرش عشان تتحب.. عافر عشان توصل للي انت مصدق فيه وحاسس بيه وبس

[khaled-eid]

قالك عافر وبتاع.

[fozdoaa]

عافر واتعب لعند مربنا ياخدك

[moonheart201996]

عافر ف الحياة مش عيب

و لا الشغل ف اي شىء عيب

العيب تعيش عال ع غيركً

أنـــــت تـــحــاول والله يراك وهــذا يـكـفـي

[mrvictive]

الفتره اللي فاتت كلها متوسط نومي بالظبط ٤ ساعات و نص ممكن كان يزيد و ممكن كان يقل و ده في المجمل يوميا قليل جدا.

الغريب خالص اني من التعب ال App بتاع الساعه بيقولي اني بروح ف النوم ف ٢٠ ثانيه ؟ 💔💔💔💔

انا لما بروح انام فعلا ببقي خلاص جايب اخر اخري و مش بستسلم غير لما بكون بلا طاقه

يعني بشتغل ١٢ ساعه و مذاكره و جري و workouts طول اليوم.

دا حقيقي شيء كارثي.

بس الموعظه انك مش هتموت لو نومك قل كمل و عافر مهما كان السبب.

[boodyebrahem]

صباح الخير

الانتكاس جزء من الوصول

عافر

[deerrm]

عافر وبتاع

[deepkingdomdaze]

عارفين ليه محدش بيعرف يتكلم هو حساس بإيه علشان محدش عارف ايه اللى جواه صدقني إحنا ناس غامضه حتى مع نفسها ، مش قادره تستوعب من الصدمات ممكن تكون تافه بس بتأثر علشان مش كُلنا زى بعض ، و مودك اللي بيتغير فى اليوم سبع تلاف مره من الجو المُحيط بيك مش جنون زى ما الناس فاكرة ، إحنا كُلنا كُلنا بنحاول بس فى إتجاهات مش شبه بعض فى نهاية كُل محاولة فى حفرة مُتصلة بنفق بيطلعك على أول المحاولة من تانى وهكذا المهم عافر زى ما أنت بس بلاش تقسو على نفسك علشان صحتك بتتنهار

[zahraa17]

هو كل يوم معافرة؟ مفيش فيلم حلو وكوباية شاي؟ سهرة في البلكونة طيب؟ تغيير جو ونزول؟ ولا هو كله عافر والكلام ده وواجه وبتاع

[marmarika-world]

انا شاكة ان الmotivational speakers

اللي علي السوشال ميديا بتوع "سافر انت مش شجرة" و "النور قطع استغل الوقت ده" و"عافر واعرق" هما اللي سودوا حياتنا ...