#معملتش

[luly21]

عظميتو ♥️

[sarrah]

تاخدوا كام وتأجلوها؟مستعدة أديكم ال٤.٧٥ ج اللي حيلتي، بوشكاش بيضحي

والله جه في بالي انهاردة أبص بصة عالكتب كدا اتفسح فيها أخد فكرة يمكن اشتري بكرة وكل الكلام دا، لقيت في وشي "النظام المالي…" حتى مكملتش اسم الكتاب اتقفلت 😂💔

[ebrahimx]

حابب احكي حاجه كدا مريت بيها الأسبوع اللي فات دا الحمد لله بفضل الله مبسبش صلاة غير لما اصليها في وقتها الاذان يأذن اتوضى واصلي على طوب مفيش كلام والاذكار بعد الصلاة وورد بالليل وقيام وصلاة الفجر في ميعادها وكنت مبسوط اوي ومرتاح ومش بتعب وحياتي كلها نجاحات وكل يوم بتطور من نفسي وكل يوم ربنا بيفتحها عليا بفلوس وكتير اوي مكنتش متوقعها الاسبوع اللي فات دا بقى كل دا اتقلب كل حاجه من اللي قلتها دي بقصر فيها واحده واحده لغاية ما وصلت ل يوم اني معملتش اي حاجه نايم على السرير من اول اليوم لاخره واليوم اللي بعده كدا اسمع الاذان عادي شروق تكلمني للورد اقولها اني هنام ومعرفش ايه السبب وكل ما بسأل نفسي هو في ايه وليه كدا مبلاقيش مبرر لغاية ما وصلت لاني هخسر كل حياتي بسبب اني قصرت في طاعة ربنا بقلب في المحفظه بتاعتي لقيت ورقة واحد صاحبي كان جايب لي هدية وكاتب عليها

من وجد الله فماذا فقد ومن فقد الله فماذا وجد ابراهيم اتق الله حيثما كنت

ومن بعدها ربنا اعني تاني اني ابدء ارجع اسمع الاذان اصلي وواحده واحده هرجع تاني للورد والاذكار

انا بحكي الكلام دا علشان لو في حد وقع في نفس المشكلة يلحق نفسه لانه حقيقي ان العبد اذا قصر في طاعة الله سلبه الله ما يؤنسه وربنا يهدينا جميعا

[joe-4-u]

فيه ناس كده لو انت نورتلهم تسع صوابع يسألوك العاشر مش منور ليه ! ، مهما تعمل ليهم حاجات حلوه شايفينك معملتش حاجه ! ، الناس دي صعب التعامل معاها بتستهلك طاقتنا بطريقه رهيبه ، الأسهل اننا نبعد عنهم ونريح نفسنا منهم .

[escapzarzory]

‏محزن اوي شعور انك معملتش اي حاجه في حياتك غير انك عايش بتستحمل، عايش بتتجاوز، عايش بتصبر، عايش بتقول بكره احسن وربنا شايلي الخير، ف يارب عوض قلوبنا قد صبرها واكرمنا في حياتنا .

[alpostagy]

‏مهما عملت مش هتعرف تغير طبع انسان حتى لو قدمت من الود والحب اطنان هتضيع وقت وطاقة بدون نتيجة او هيعاملك كويس مؤقتا وفجأة هيلدغك بدون مقدمات وهتسأل نفسك انا عملت ايه عشان يعمل معايا كدا... والاجابة انت معملتش حاجة ...

هو اللى طبعه كدة مزاج متقلب لا يعرف حب ولا بيعرف يصون الود..👌

[un-known97]

واللي زهق من أيامه يعمل ايه بجد !

ليه عموما تقديرك لغيرك مش بيكون محسوس ولا متقدر وكأنك معملتش حاجة رغم إنك محتاج اللي يساعدك ويفضل معاك طول الوقت ..

ليه الحزن مبينتهيش ؟ .. ليه المشاعر السيئة بتفضل موجودة ؟

ليه مش عارف تنبسط بسهوله .. أو تفرح بأي انجاز بتحققه ولو بسيط ..

ليه الدوامة دي مبتنتهيش .. طيب هي ليها نهاية اساسا ؟

[ffatma45]

ارجوك لما تحس انك ضعفت قدام حاجه ودماغك بدأت تفكر فيها، اشغل نفسك وشتت تفكيرك وابعد عن الحاجه الل فكرتك بالحاجه، علشان لو معملتش كدا هتعمل حاجه تندم عليها عمرك كله، علشان في الوقت دا انت ضعيف ومش في وعيك، فاهم حاجه؟

[thedosky]

للعقلِ فيما يبدو أساليب دفاعية كثيرة لحماية الإنسان من الإنهيار، اختبرتُ كثيرًا منها ولكن أشد ما لفت نظري هو طمس العقل لأجزاء من الذاكرة في محاولة لتجنب الألم الناتج عن التذكر، ومن ذلك أن عقلي حجب عني أحداث يناير للعام ألفين وأحد عشر وما تلاها من أحداث وسنين قريبة.

على مدار سنوات مررتُ على ميدان التحرير وما يحيطه من أماكن عشرات المرات ولم أشعر بشيء، لأنني لم أتذكر شيئًا، انمحت التفاصيل كافة، غريب والله! غريب ولكن جيد. انتهت الأحداث وانتهت الأحلام وتحولت إلى كوميكس على الفيسبوك، يسخر الناس بقسوة من المشاهد التي كانت تبكيني سعادة ونشوة، كمشهد الناس وهم يكنسون الشوارع لأنهم شعروا بامتلاكها والانتماء إليها أخيرًا. كل شيء تمت السخرية منه وكل هذه السخرية لم تجعلني حتى أبتسم. ثم فجأة فرغت الحياة.

 ذلك لأنني كنتُ ابتعدتُ عن كل شيء، لا قراءة ولا كتابة ولا حتى كرة قدم لأنني بعد أحداث الأهلي والمصري في بورسعيد قرر عقلي أن يغلق على كرة القدم كما أغلق على كل شيء آخر، فأصبحت لا ألعبها ولا أشجعها ولم أكن وقتها أجرؤ على الاقتراب من أي مستطيل أخضر، وهكذا استمر عقلي في حجب كل شيء كان يمثل لي السعادة.

بدأت الحياة تعود تدريجيًا وعدت للعب كرة القدم وتشجيعها، ثم عدت للفيفا والفانتاسي ووضعت طاقتي الانتمائية في الكرة، بينما استمر عقلي في الردم على ما دون ذلك، حتى رجائي الحرية والحياة الكريمة.

ولكن هذه الأيام يبدو أن النظام الدفاعي أصابته بعض الأعطال، فسمح لبعض الومضات أن تلمع في الذاكرة المعتمة:

بابا أنا عايز انزل الميدان ومش عايز اعمل كده من وراك.

يا بني الدنيا شكلها خطر جدًا.

أنا عايز انزل

أنا مش عايز احرمكوا من حاجة زي كده يا بني، بس الدنيا خطر.

أخرج من الغرفة غاضبًا ومتوترًا. أقرر أن أغافلهم وأترك المنزل في الليل وليكن ما يكون، ولكنني فجأة أسمع صوت أبي ينادي باسمي، أذهب إلى غرفته فيتحاشى النظر إليّ:

أنا سايبلك فلوس على الكومودينو عشان مشوارك. اتكل على الله وخليك معايا على التليفون على طول.

ومضات من داخل الميدان، هتّيفة مهرة وهتافات مبدعة وشباب قوي. خفة دم وسخرية غير مسبوقة. الشتاء القارس. نومي على الأرض مرتجفًا لأنني استحيتُ أن أطلب من الشباب استضافتي في خيمة. موقعة الجمل. مصادفة أن عيد ميلادي كان أثناء الثورة. ابتسامي للمجاز في الميدان كأنني أولد من جديد كما تولد مصر من جديد، كل سنة واحنا طيبيين كلنا، كل سنة وانتي طيبة يا مصر! خطاب التنحي، بكائي الهيستيري وأنا أهتف، يحملني شخص لا أعرفه، وأهتف وأبكي إلى أن يذهب صوتي مصر يا أم ولادك أهم! ركضي في الميدان فاردًا يدي ّبطيارة أبو تريكة كما وعدت أصحابي.

"والله لتحصل بدال النكسة ميت نكسة"

 أقولها لأصدقائي بعدها بسنين على القهوة فيسألني أح��هم: لو رجع بيك الزمن كنت هتنزل تاني؟ أقول، لو الثورة معملتش حاجة غير إنها أصلحتني فردًا هفضل ممتن لها طول عمري برضه ولو رجع بيا الزمن ألف مرة هنزل ألف مرة.

[fozdoaa]

‏مؤخرًا تصالحت مع فكرة اني مش لازم أبرر وانه عادي ناس تكون شيفاني حد سيئ طالما انا متاكد اني معملتش فعل مؤذي

خلاص مفيش داعي للتبرير.

[ahmedworldstuff]

أنت و معاك كم واحد من صحابك و بتضربوا حواوشى سوا و الحواوشي طلع معمول كويس مش لحم كلاب يعنى فانبسطوا و قررتوا تروحوا للرجل إللى بيعمل الحواوشى و تشكروه أنه عمله بلحمة بقرى مش لحم كلاب و الرجل قال أنا معملتش حاجة غير إنى اتقيت ربنا فى شغلى فواحد من صحابك اخدته الجلالة ونزل على أيد الرجل يبوسها و قاله هسميك من النهاردة مولانا و الطريقة إللى بتعمل بيها الحواوشى هسميها الطريقة الحواوشية وأنا وصحابى هنبايعك ان مفيش حد فينا هيضرب حواوشى غير من عندك فقام واحد تانى من صحابك قال للرجل أنت تستحق يتعملك مقام ونلف حواليه و أنت عليت عليهم فقولت أنا رأيت نور الله بين عينيك و الرجل صدق كل ده و فرح جدا و راح اشترى سبحة كبيرة علقها على صدره و كم طاقية ألوان يبدل فيهم و غرق نفسه مسك و بقى له اتباع من كل ناحية للطريقة بتاعته و الغريب ان كل ده حصل والبقر بيضحك والكلاب الله يرحمها

[btotaa]

ازاي لسه معملتش فولو علي اكونتات الشغل بتاعي يلا بسرعة خش اعمل follow بسرعة تويتر وانستا خلال يومين الشغل هينزل وان شاء الله نعمل احلي شغل سوا يحبايب بطة 🥰❤️

https://x.com/Batotastore_

[joe-4-u]

فيه ناس كده لو انت نورتلهم تسع صوابع يسألوك العاشر مش منور ليه ! ، مهما تعمل ليهم حاجات حلوه شايفينك معملتش حاجه ! ، الناس دي صعب التعامل معاها بتستهلك طاقتنا بطريقه رهيبه ، الأسهل اننا نبعد عنهم ونريح نفسنا منهم و سلامنا النفسي

[quotesart]

ما هو ما ينفعش أما تقابل حد بجح في حياتك تعامله بكسوف.

عامل البجح بأسلوبه، رُد عليه بطريقته، إياك تكون لقمة سهلة، وإن اتساهلت معاه بأي شكل، هتقع في شبكته وهتبقى صِيدته المفضلة؛ بالعكس بقى خليك انت المصيدة والفخ اللي جاه�� في أي لحظة توقع على وشه وتمسح بيه الأرض وتعمله عبرة لغيره.

لو معملتش كده: محدش هيعملك اعتبار، ولا هتحس بقيمة نفسك، وهتبقى مُهمش أي حد هيقابلك هيلطش فيك، وهيقل منك، وهتحس وقتها إنك قليل، وهتشوف نفسك ضعيف، وممكن تكون عكس كده نهائي، بس عيبك إنك بتتعامل باحترام وشياكة مع البجح المهزق.

- محمد سعد دانيال

[itsziizou]

متزعلش لو الدنيا مشيّت عكس توقعاتك، هو أصلًا مش من الطبيعي إنها تمشي بناءًا على توقعاتك .. المفروض ان ده بيحصل عشان يخلينا نحاول تاني، عشان يخلينا نكمل، عشان يبقى عندنا سبب للحياة من الأساس .. تخيل لو كل حاجة حصلت زي ما انت عايز؛ هتعيش ليه؟ عشان تحقق ايه؟ ماهو كده كده انت مش محتاج تعمل حاجة..

كنت فـ مرة قاعد مع حد من صحابي بيلعب لعبة، فـ كان بيدور على شفرة ليها عشان يكسب ويطلع الأول.. انا استغربت من جوايا بصراحة وقولتله ايه فايدة انك تفوز وأنت معملتش حاجة عشان تفوز؟ ولا فكرت ولا تعبت ولا حتى كسبت بمجهودك؟ لقيته رد وقالي ان عادي ودي مجرد لعبة وبيتسلى شوية وقت فراغه .. بس هو ميعرفش انه كده بيهيَّأ عقله أنه يفضل كسلان وميفكرش لحد ما هينتهي به الحال فـ مكان هو مش حابب يكون فيه..

لكن فالحقيقة الإنسان مننا بيدوَّر على أسهل طريق لمجرد الوصول لوجهته، يمكن المعظم أصلًا مبيفكرش انه لما توصل هتكون إستفدت ايه وخدت معاك ايه وأستغنيت عن ايه مقابل ايه أثناء رحتلك دي؟ فـ لما وصلت المجمل بتاعك كـ إنسان طبيعي لقيت انك كسبت؟ ولا إتعلمت؟ وفالحالتين انت كسبان ومفيش خسارة، ازاي ياعم الكلام ده؟

ماهي الخسارة هتيجي لو انت مشيت زي صاحبنا ده، بشفرة .. اه زي ما بقولك كده والله .. الحياة كمان بنمشيها بشفرات زي الألعاب والكلام ده، عشان فالأول والأخر ده مبدأ .. أستخدمته فـ حاجة صغيرة هتستخدمه فالكبيرة، يعني توصل بدون تعب او ألم أو أي مجهود شخصي، هتلاقي نفسك خسرت وقتك، عقلك، مجهودك، فرصتك وجايز تكون خسرت نفسك وانت مش واخد بالك!

[waelahmedsblog]

‏المستشفى الوحيدة اللي معملتش اعلان تبرعات في رمضان هي:

مستشفى المجانين

مع ان المستقبل كله هناك