hantarisha

[hantarisha]

رحلات الحنتريشة : المانيا

نعود اليكم بعد غياب طويل فى رحلة جديدة من رحلات الحنتريشة ... بلد اليوم هى المانيا فهيا بنا

المانيا أو 'مهندستان' هى دولة منحصرة فى منتصف القارة شبه الاوروبيه و تشتهر بصناعة السيلوتيبن و حلاوة المولدن و الممبارن الافرنجى و السيارات المحفزة للحقد الطبقى

تشتهر المانيا بالانتصارات المجيدة فى كل من الحروب العالمية و كأس العالم بضربات الجزاء امام انجلترا و استيراد البشر من الدول التى لديها منهم فائض

كانت المانيا قديمة عدوة للجميع لكنها مؤخرا و تحت القيادة الحكيمة للامبراطورة المكعبة انجيلا مرقل اصبحت صديقة لأى حد... بما فيهم روسيا و طالبان و جنوب افريقيا

على حدود المانيا الغربية تقع دولة باتونساليه-ستان و همام-ستان و فى الجنوب غالية-ستان و من الشرق مزيكا-ستان و موروستان و دجاجستان و من الشمال بحر الظلمات و ليجوستان

المانيا تاريخيا مثل القط بسبعة ارواح حيث نجح الاخرون فى تدميرها تماما عدة مرات و لكنها كانت دوما تعود اقوى مما كانت عليه

فى منطقة الغابات السوداء فى المانيا حدثت جميع قصص الاطفال التى ابطالها ذئاب و مخالب و اقزام و تعالب .. و هناك ايضا ان تجد الخنازير المتكلمة الساحرة الشريرة و ربونزل و الاميرة اللى عندها حساسية من البسلة

كان قدامى الالمان يحبون القرائة و لذلك سمو انفسهم الجنس الارى و يظهر ذلك بشدة فى كتابات نيتشه عن الاوبارمنش و قد انشئوا شبكة القطارات خصيصا للقرائة

يتكون المواطن الالمانى المتوسط من مجموعة لا تقل عن ١٢ متوازى مستطيلات و مليون تريليون خلية مخ و بشره صلدة يقومون بصقلها كل صباح اثناء تناول الفرانكفورتر

الالمان من الشعوب القليلة فى العالم التى تمارس الحب عن طريق النقاشات العلمية و التراشق بكؤوس الجعة و لعب التيليماتش اثناء الاستماع لموسيقى رامشتاين

يستطيع المواطن الالمانى المتوسط استخدام تباديل و توافيق من حروف الخاء و التاء و الشين و الراء للتعبير عن نفسه و هو ما يعرف شعبياً بإسم اللغة الالمانية

الوجبة المفضلة للألمان هى البيض الاوملاوت و البيض البرشت و اللب الاسمر و الطواجن بأنواعها

تحاول تركيا نقل عاصمتها الى داخل المانيا تدريجيا عن طريق ارسال شحنات متتالي�� من مواطنيها إلى هناك مسلحين بأسياخ الشاورما و البيتزا الرخيصة

من اشهر المدن الالمانية : فرانكفورت : مسقط رأس الهوت دوج ، هامبورج : مسقط رأس الهمبورجر ؛ برلين : اكبر مدينة تركية فى العالم

لمعرفة باقى اسماء مدن المانيا يكفى ان تختار اى ٣ الى ٥ حروف و اضف إليهم كلمة 'بورج' و سيكون لديك اسم مدينة المانية : بقلظبرج - عباسبرج - الخ

من اشهر الشخصيات فى تاريخ المانيا الفنان و الشاعر و المخترع ادولف هتلر و الذى حرر بولندا من الاحتلال الصهيونى و حرر فرنسا

من القردة اكلة الجبنة و حرر النمسا من النمسا و اخترع الهولوكوست و كتب اغنية 'يا رايخ'

حاول هتلر ايضا تحرير الاتحاد السوفيتى من الاشتراكية لكنه فشل فى هذا مما جعله يقدم على خطوة الزواج من حبيبته ايفا براون لينتحر بعدها مباشرة

يشتهر الالمان بالمؤلفين الموسيقيين ذوى الأضطرابات النفسية مثل لطفي بيتهوفن ، عم باخ ، عم هاندل و سيجموند فرويد

من اهم المؤلفين الالمان نيتشه ، و هو السوبرمان الاصلى و صاحب المقولة الشهيرة :

ادى شنبى ان فلحتو و امضي حياته فى النضال ضد الفاشية الماركسية و البوذية و المهلبية مرتديا الزاراسوترة الواقية

و إلى اللقاء

[hantarisha]

ازيك يا محسن انا تامر

[hantarisha]

هيثم و اكرم الشكمان

‏هحكيلكم حكاية حصلتلى سنة ١٥٦٨ و انا فى خامسة اعدادى ... ‏كنت انا و ٦٥ واحد صحابى راكبين مركب شمسى فى ترعة المريوطيه و رايحين نشترى محشى من سوق الاطباق الطائرة اللى فى كفر طهرمس... ‏المهم لقيت هناك راجل ماشى فى الشارع ... شكله غريب شويه... براسين فوق بعض يعنى جسمه و رقبته و راسه و بعدين من قرعته رقبة كمان و راس تانية ‏فقربت منه و لاحظت ان الراس اللى فوق بتشرب سجارة و باصه الناحية التانية و الراس اللى تحت بتبصلى شزرا اكنى جاى من الفضاء ‏المهم قاللى سلامو عليكو نعرفك بنفسنا انا هيثم و اللى بيشرب سجاير فوق دا اخويا ... اكرم الشكمان ... ‏قلتله تشرفنا انا المهندس ---- زغلول خبير مواشى و محاشى و جميع برامج وائل الابراشى و حابب اعمل معاكو لقاء صحفى تحكولى فيه حكايتكم ‏اكرم لف راسه ناحيتى و قالى انت هتصاحبنا ولا ايه ... ايه يا عيثم البلاوى اللى انت حايبها دى ... و راح مطلع من بقه زلومة فيل عملاقة !! ‏بسرعة مهولة لقيت الزلومة بقى طولها اكتر من ١٥ متر و لفت حوالين جسمى زى الاناكوندا و انا مش واخد خوانة فزعقت بصوت عالى : بطيييخ بطيييخ ! ‏بطييخ بطييخ دى الكلمة السحرية اللى بتخلينى اتحول لشقة بطيخ فى ثانية و دى طريقتى الخاصة للهروب من المواقف المرعبة او المحرجة اللى زى دى ‏المهم يعنى بعد ما اتخذت شكل شقة البطيخة وجهت كلامى لأكرم و قلتله انا بكلم هيثم على فكره مكلمتكش .. فسحب زلومته جوا بقه و قاللى : انا اسف .. ‏قلتله حصل خير انت زى اخويا... و هيثم قاللى حقك عليا انا قلتله خلاص حصل خير بس يا ريت الزلومة دى ما تطلعش تانى .. و رجعت لشكلى البشرى تانى .. ‏قلتلهم فيه قهوة قريبة تعالو نقعد نشرب حاجة و تحكولى حكايتكم .. قالولى ماشى.. هيثم طلب ��حلب و اكرم طلب شيشة تفاح و انا طلبت البوليس ‏التفت اليا هيثم قائلا : لقد حان الوقت لنكشف كل الحقائق و نضع على المائدة جميع المستندات و التقارير و شهادات الشهرد التى توثق حالتنا المذهلة ‏تزامنا مع قول هيثم كان اكرم يلفظ ادخنة الشيشة و يرسم بها فى الفراغ ثعابين ترتدى مرايل الحضانة و ترقص مكارينا و لكن بثقة و تؤده ‏دخلت ايدى فى جيب البالطو و اخرجت جرامافونى المحمول المزود بخاصية التسجيل و ضغطت الزر الأحمر و انا استمع بأنتباه لقصة هيثم و اكرم الشكمان ‏و يا لها من قصة ! ‏هيثم : احنا يا سيدى ضحية تجربة علمية عملها المماليك فى محاولة منهم لإفزاع نابوليون دليسبس لدرء المفاسد و منع نشوب الحرب العالمية الثانية ‏و اللى حصل انهم كانوا بيجربوا يعملوا اباچورة على شكل راس بشرية من غير بنى ادم ممكن تنحط على الكومودينو منها تنور و منها تونس الواحد فى وحدته ‏لكن التجربة دخلت النفق المظلم بعد ما البرادعى تدخل فى الأبحاث وأصر ان لازم الاباچورة البشرية تبقى مزودة بزلومة عملاقة زى الاناكوندا جوا البق ‏و التحاليل اثبتبت ان اراس ممكن تعيش لوحدها لو ركبنالها جسم و بما ان مفيش جسم من غير راس فممكن تركب على جسم براس عادى ... و قد كان ‏مسحت دمعتى من التأثر و وقفت التسجيل و قلتلهم : انا هنسر فصتكم للعالم كله ... بس انا دلوقتى جعان تعالو اعزمكو على كشرى ... ‏و دى كانت حكاية أول لقاء ليا مع الثنائى الملتصق رأسيا : هيثم و اكرم الشكمان

[hantarisha]

مأساة انسانية

ليا صديق عنده مشكلة صحية غريبة ابتدت من كام شهر … يا ريت نركز مع بعض عشان الموضوع دا ابتديت اسمعه تانى…

ليا صديق عنده مشكلة صحية غريبة ابتدت من كام شهر … يا ريت نركز مع بعض عشان الموضوع دا ابتديت اسمعه تانى…

بيبص فى التواليت اللى نزله لقى حاجة بتتحرك…. لما ركز اكتر اكتشف ان فيه برص نزل… برص كامل و صاحى و بيلعب… راح شادد السيفون عليه

لما حكى لمراته مصدقتوش… و هو نفسه شك فى نفسه و قال يمكن بيتهيألى…. المدهش ان تانى يوم على طول تكرر نفس الموقف و فوجىء ببرص تانى

مراته اول ما شافت البرص و عرفت ان الموضوع بجد خدت العيال و راحت عند اهلها و رفعت قضية خلع… يعنى مش بس سايبه جوزها فى مرضه و محنته لا…

عاوزة كمان تحرمه من ولاده…

راح لدكتور حاتم عبد الشكور استاذ الامراض الشرجية بجامعة بنى سويف الدكتور قاله دى حالة نادره جداً اسمها borsfeacosis بتحصل لواحد فى المليون

الدكتور نصحه انه يتعامل مع الموضوع بشكل عملى و كل ما ينزل برص يحتفظ بيه و يربيهم… و فعلا ابتدى صاحبى مشروع مزرعة الابراص

الدكتور نصحه انه يتعامل مع الموضوع بشكل عملى و كل ما ينزل برص يحتفظ بيه و يربيهم… و فعلا ابتدى صاحبى مشروع مزرعة الابراص

و كان بيدى محسن دوا اسمه hagsospazmin كان بيؤدى لاستفحال الامر بزيادة… و ابتدت الابراص اللى بتنزل كل مرة حجمها بيتضخم لحد ما حصلت المفاجأه

من اسبوعين بالضبط نزل اغرب برص فى العالم … كان طوله ٦٦ سم بس مش دى المشكلة .. المشكلة انه بيتكلم…

البرص اسمه تامر و اول ما انزل بص لمحسن و قاله : ازيك يا محسن انا البرص تامر… ايه الخرا اللى انت عملته ده ؟

محسن ولع سجارة ميريت وعزم على البرص … البرص قاله انا بشرب مارلبورو اخضر … دا الافضل للابراص و راح مولع سيجاره بديله و قعدوا يتكلموا

تامر سأل محسن انت مشروع الابراص دا ايه لازمته؟ محسن شرحله انه بيبيعهم لكوك دوور على انهم جمبرى.. و انه مسمع قوى خصوصا السوبر فياجرا

تامر قال محسن : حد يعمل كدا فى اولاده؟ انت مش فاهم الخدعة اللى حصلت؟ انت مش عارف انت عملت ايه؟ مش عارف الخدعة؟

وهنا كانت المفاجاة… محسن طب على الدكتور فى العيادة و لقى مراته هناك… و طلع ان مرات محسن و الدكتور هما اللى اتفقوا انهم يخدعوه

مرات محسن اتفقت مع الدكتور انهم يعملو فتحة خفيه ينزل منها برص كل مره يدخل الحمام عشان محسن يفتكر انهم جم من جواه

المهم مرات محسن اعترفتله بالحقيقة و كده… المشكلة ان الموضوع قلب بجد و بظهور البرص المتكلم الموضوع خرج عن السيطرة.. الدكتور مستحملش الصدمه

وانتحر

قدامهم فجأة

القصة منتهتش … بس انتو اكيد عارفين ان البرص اللى اسمه تامر دا بعد كدا تنكر فى شكل انسان و اتجه للفن و بقى الفنان تامر حسنى

اسف انى قرفتكو.. بس دى هى الحقيقة اللى عاهدتكم انى عمرى ما هخبيها عنكم

[hantarisha]

وداعاً صلاح فتحى

عاجل : وفاة الفنان القدير صلاح فتحى بعد صراح ٥٦٧٤ سنة مع المرض

ولد الفنان القدير الراحل صلاح عبد الحميد فتحى فى قرية كالاماجا فى محافظة الابراهيمية عام ١٩٧٩و كان والده يعمل ضفدع بشرى بسيط فى وزارة النقل

اشتهر صلاح فتحى منذ ايامه الاولى بعشقه لفن التمثيل و الاخراج و البانتومايم و قد كان الاخ الثامن بين اربعة هم احمد و سناء و صلاح

فى سن العاشرة ارتكب صلاح فتحى جريمة القتل الخامسة فى حياته و قرر بعدها الهرب إلى القاهرة عام ١٩٩٨ ليلتحق بالمعهد الفنى للعلوم المسرحية بإدفو

و فى المعهد بدأ صلاح رحلته مع الفن حيث تتلمذ على يد اباطرة الفن المصريين مثل حماده الغريب و اكرم شمشون و سناء الخربوطلى و الفنانة زنوبة مخ

و قد كانت الفنانة زنوبة مخ لها الفضل فى ابراز موهبة صلاح للجمهور المصرى للمرة الاولى عام ٩٩ حين قام بالبطولة امامها فى فيلم : لهيب الشموع

لاحظ المخرج المصرى العبقرى وليد عبد المقصود موهبة صلاح فتحى و اصر ان يكون هو بطل فيلمه العالمى التاريخى : ابن فطوطه .

كان فيلم ابن فطوطة من انتاج ٢٠٠٠ اول فيلم من انتاج مصرى نيو زيلاندى يحصد ثلاث ميداليات اوليمبية فى سيدنى و كان مدخل صلاح فتحى للعالمية

فى عام ٢٠٠٢ اصبح صلاح نجم الشباك الاول فى مصر و قام بافلام مثل : المزعج ، النجفه الملعونة ، صابون السعادة، عودة بائع الفجل التائه و فيلم ‘ة’

فيلم 'ة’ ( و هو الجزء الثانى من فيلم 'ه’) من بطولة صلاح فتحى و النجمه نسرين هلال و اخراج فلفل معجون ( ٢٠٠١) حقق ٤٤ مليون جنيه فى يومه الخامس

و اصبح فيلم 'ة’ هو الفيلم صاحب الرقم القياسى للايرادات مقسومة على عدد حروف الاسم متفوقا على فيلم ET

اثناء تصوير فيلم 'ة’ وقع صلاح فى حب الفنانة نسرين هلال التى قررت ان تخلع زوجها الفنان القدير غراب كمال لكى تتزوج صلاح و قد رحب غراب بهذا

بعدها اصبح صلاح و نسرين اهم ثنائى رومانسى فى السينما المصرية و قد قاما سويا ببطولة اروع افلام الحب التى عرفتها الشاشة الكبيرة مثل ….

فنجان البرتقال (١٩٨٤) ، لست انا من سرق المسقعة (١٩٨٧)، خيار خيار خيار (١٩٩٨) ، و فيلم 'ء’ (٢٠٠١) و هو الجزء الثالث فى سلسلة افلام 'ه’ و 'ة’

كان طلاق صلاح و نسرين عام ٢٠٠١ بعد ٧ ايام من زواجهما حديث الوطن العربى فى نهاية الستينات و قد انجبا ٦ بنات هم مؤمن و هانى و معتز

مر صلاح بفترة مؤلمة و عانى من الاكتئاب بعد خلعته نسرين لتتزوج من الفنان الشعبى الشهير انذاك : مايكل زينهم ، انقطع صلاح و انعزل فى بيته بشبرا

بعدها بعامين و فى عام ٢٠٠٤ اتى لصلاح عرض للمشاركة فى فيلم عالمى فى هولويود من اخراج المخرج العالمى : جوزيف نيتل Joseph Knittle

رشح جوزيف نيتل صلاح فتحى لاداء دور الكاهن الاغريقى فيسيليديس فى الفيلم العالمى the ultimate wrath of the fallen magnet ( زنقة التسعات)

و انطلق بعدها صلاح الى العالمية و م��ل امام كبار نجوم هوليود مثل : جورج لالا ، مايكل المقدونى ، براز شت ، سيجارتى ويفر ، و سناء جميل

الفنان الراحل صلاح فتحى كان مشهور انه مبيحبش يتصور و لا حد يسجل صوته عشان كده مظهرش و لا حد سمع صوته طوال حياته الفنيه ....

دا غير انه كان كومبارس صامت فى الاذاعة فى المسلسلات الاذاعية التى كانت بتتعمل مخصوص للصم و البكم فى اواخر الثمانينات

رحل صلاح فتحى ، لكن ستبقى اعماله خالده فى ذاكرة المصريين ، شاهدة على عبقرية هذا الفنان التى نادراً ما يجود الزمان بمثلها #وداعاً_صلاح_فتحى

[hantarisha]

الزمزمية

انا اللى كان بياكل فراخ انا اللى مات فى كيس المخدة انا اللى من الحب داخ انا اللى كلكس لا فرمل ولا هدى فى قعر الطريق لقيت كنافه و قولت لسمير ما تبطل سخافة رمى فى وشي طبق الخشاف و قال لى انا هعلن الاكتشاف لقيت حياتى بقت مرجيحة و ايامى بقت كارتون مازنجر قدامى قطة شرودنجر و فى ايدى الشمال سندوتش زنجر فركبت فى الكارتة لقيت الساعة سته لمحت من بعيد عفريت لابس جاكتة بينده من سكات تعالى ادينى حته ... اندهشت ! اندهشت و قلت لأ... اندهشت و قلت لأ و صرخت بعلو السكات مش انا اللى كنت فى الشقة ساعة ما السقا مات دالكشرى ناقصه دقه و خطبة احمد ديدات فكانت الحقيقة ان مفيش ارتجال و ان كل اللى كانوا هناك كانوا زينة الرجال صرخت و قلت ايوه انا الريس متقال ، محتاج شبشب بفتلة او كومودينو تيفال لقيتنى فى الزمزمية ، ببلبط بزعنفات قلت خير و بركة لايمونى عالفيونكات اتلم عليا شلة شبه الزبحتشات عمالقة زى السينامون بس من غير شنبات زعلت جداً طبعاً زعلت جدا طبعا وانخرطت فى البكاء نزلت قعر الزمزميه يمكن انعم بالهناء حسيت حياتى فاضية مجرد صرخة شعواء وقفت مع نفسى وقفة و فكرت فى الانتماء وكانت دى حكايتى مع سلاحف الارتواء من يومها كتفى واقع و بعانى من الانحناء و عينيا سودا كحلى لونها لون الهواء حرمت يا ماما اخرج من غير الغذاء انا فعلاً محتاج اعيط محتاج اعبر عن حاجات الشيف شربينى سمانى انور وانا اسمى فتكات يا ناس قولولى ايه الحقيقة انا سلحفة نايلون ولا قطة بحلمات ؟

[hantarisha]

Hint : #الشمنخروفية : بتبدل فيها كل حرف على الكيبورد بالحرف اللي على يمينه .لو مفيش هات اول حرف على الشمال #hantarishacode #شفرة_الحنتريشة

[hantarisha]

.... هناك ما يختبئ في الصورة.. لو عرفت تحل اللغز وتشوفو.... هتعرف مفروض تعمل إيه بعد كده .... في إنتظار أكثركم ذكاء...

[hantarisha]

حقيقة ما حدث فى مصر فى ٢٠١٣-٢٠١٤

حقيقة ما حدث فى ٢٠١٣ - ٢٠١٤ اللي حصل فى خط الزمن الاصلي قبل تعديله هو ما يلي ... هقول الكلام ده مره واحدة و لن يكرر هذا الكلام... فى ٣٠ يونيو فى خط الزمن الاصلي تم اعتقال جميع قيادات الجيش المصرى... و بمعجزة كان الوحيد اللى عرف يهرب هو عبد الفتاح السيسي و هرب سرا الى مقر سرى جداً ... تم اخفاء امره عن مرسي و لم يعلم عنه مكتب الإرشاد شيء ٣ يوليو ٢٠١٣ : تم اعتقال جميع الاعلاميين و تم اغلاق جميع القنوات ما عدا الناس و الحافظ و مصر ٢٥... ٦ يوليو ٢٠١٣ : تعيين حازم صلاح ابو اسماعيل وزيرا للداخلية، و خيرت الشاطر وزيرا للدفاع و الانتاج الحربي و البلتاجى رئيسا للمخابرات العامه ٩ اغسطس ٢٠١٣ : بدء المحاكمات العسكرية لجميع الاعلاميين و كانت المرة الاولى اللي يتم فيها حكم اعدام بالسلخ فى ميدان عام و عودة الاعدام بالخوازيق ١٨ اغسطس ٢٠١٣ : اعدام خيري رمضان و لميس الحديدي و توفيق عكاشة بالسلخ و عمرو اديب و احمد موسي و رولا خرسا بالخازوق الكهربائي فى ميادين عامه ٥ سبتمبر ٢٠١٣ : مرسي يعلن تأسيس الحرس الثورى الاسلامى و الغاء القضاء المدنى و استبداله بالاسلامى و بدء اصطياد كل من نزل يوم ٣٠-٦ و السماح لاى من معتصمى رابعه بإعدامهم ١٢ سبتمبر ٢٠١٣ : اعدام الناشط زياد تحريراوى بالشنق فى ميدان التحرير بتهمة ممارسة الليبرالية و ممارسة اشياء غير لائقة مع الكلاب ١٧ سبتمبر ٢٠١٣ : ما سمي بيوم النصر المبين حيث بدأ من كانوا معتصمين فى رابعة بتنفيذ الضبطية الاسلاميه التى منحهم اياها مرسي و اقتحام منازل كل من شاركوا فى ٣٠ يونيو و تصفيتهم بالكامل و قرر مرسي جعله عيدا قوميا ١٠ نوفمبر ٢٠١٣ : عبد الفتاح السيسي فى المكان السرى ينجح مع الفريق السري فى تشغيل اول الة زمن فى التاريخ..هترجع شخص واحد بس لورا لوعيه فى جسمه... ما زال الامر طور التجربة و لا يعمل بكفائه ٥ ديمسبر ٢٠١٣ : اعدام اخر نشطاء ما كان يسمى بثورة ٢٥ يناير اللي بقي اسمها الثورة المصرية الاسلامية حيث شنق كلا من وائل عباس و علاء عبد الفتاح و اخرون وسط سعادة جماهيرية بالغة ٧ يناير ٢٠١٤ : ينجح الفريق السرى فى تجربة الة الزمن .. اللي هتشتغل مرة واحدة بس و على شخص واحد بس... السيسي... بالعودة لوعيه الذاتى يوم ٢٦ يونيو ٢٠١٣ عبد الفتاح السيسي يعود ليعدل الاحداث ... و تحديدا يوم الخطبة الطويلة بتاعة مرسي... يدرك السيسي فى تلك اللحظة اثناء خطبة مرسي حقيقة ما سيحدث و ضرورة تغيير الاحداث و تعديل مجرى زمن الاحداث السابق ذكرها تم تغيير التاريخ فى هذا اليوم و تعديل خط الزمن لما نحن فيه الان ... والف مبروك لمصر و الله الموفق و المستعان

[hantarisha]

رحلات الحنتريشة : ٨ : هولندا

هولندا : تعرف دولياً بأسم :'البلد الواطية' او ايضا 'چوينتلاند ' هى دولة هامشية تقع فى شمال جنوب كوكب الولايات المتحدة الاوروبية يتمتع ابناء هولندا بشكل و خصائص و اسماء المانيه الا انهم يرفضوا بشده ان يعترفوا بهذا و يصروا انهم جنس مختلف يتراوح طول الذكر الهولندى ما بين ١٩٩ و ٢٣٤ سم محدب و الانثى ما بين ١٨٩ و ٢١٢ سم مكعب و ذلك كى تبقى رؤوسهم دوما فوق مستوى سطح البحر اغلب الهولنديون ليسوا ضفادع بشرية و ليس عندهم زعانف بشراشيب كما يشاع عنهم فى دول العالم الثابت هولندا هى اكبر مركز تجارى عالمى لتجارة ورق العنب ذو الاطراف الرفيعة و زهور التيوليب و البطاطس المحمرة بالجبنة و البسكلتات بنوعيها : العادية و الادميه هولندا بها عدد كبير من المصريين يفوق عدد الهولنديين نفسهم و قد حاول الهولنديون بالسماح رسميا بتداول المخدرات على امل التخلص منهم لكن للاسف لم تنجح تلك الخطة نبده تاريخية عن هولندا : عند قيام حرب البيرة الاولى فى القرن السادس عشر قرر الالمان القاطنون فى الشمال الشرقى انهم اكثر تميزا من باقى الالمان و من ثم قرروا التميز عن باقى الالمان بنزع حرف ال e من deutch لتصبح dutch و المبالغة فى استخدام حروف ال شين و الخاء بشكل هستيرى اثار هذا حنق و سخط باقى الالمان مما اضطر الهولندييين الي سرقة جميع البسكلتات و الهروب بها الى الارض المخفضة فى اللي فوق عالشمال بعد الهروب الجماعى بالبسكلتات استقروا فى الاراضى المنخفضة و اقاموا دولتهم المستقلة و عاصمتها انستجرام الديانة الهولندية القديمه تنبأت بقدوم الهمام المتتظر فى منتصف التسعينات الى انستجرام لكن لم يتوقع احد انه سيكون محمد هنيدى يعتبر ديڤي جونز هو مؤسس الدولة الهولندية الحديثة و قد تم تمجيده الي الابد بوضع قلبه فى صندوق و اخفائة عند نهاية العالم مما اضطره الى تصميم سفينته الطائره الشهيرة شخصيات هولنديه: من اهم الشخصيات فى تاريخ هولندا جون كلود فان جوخ مؤسس منظمة المخمورون المجهولون (alcoholics anonymous) عاش فان جوخ حياة بائسه كان مهووسا فيها برغبته ان يصبح رساما رغم عدم وجود اى مبرر حقيقي لهذا كان فان جوخ يرسم فى كل وقت و على اي شيء و تميزت الوانه بالتدفق الرقراق المتشدق بالانسيابيه و هو صاحب فكرة رسم قصرية الزرع بعد فشله كرسام اتجه فان جوخ الى موسيقي الروك مما اضطره الى قطع اذنه لأنها كانت تمنعه من الاستماع جيداً قام فان جوخ بالاحتيال على زوجته و اوهمها انه مات منتحرا و سافر الى مصر سرا ليبدا رحلته مع الموسيقي بأسم جديد : محمد العزبي ترك فان جوخ بصمته فى تاريخ الموسيقي بالعديد من الروائع نذكر منها اغنية 'زهرة الخشخاش' و الذى قال فيه 'انا شايف الارض بتتمرجح تحت الخشخاش' بعد هروب جوخ و اقناع زوجته بوفاته قامت زوجته بتجميع لوحاته و الترويج لها انها لوحات ذات اهمية مفرطة فى تاريخ الفن فى نهاية حياته اعتزل جوخ (العزبي) الفن و اتجه للصيدلة و افتتح سلسلة صيدليات شهيرة فى مصر و من اهم الشخصيات الهولندية ايضا توماضر صواغريس مكتشف الكسكسي و البرت هنتفرايش مخترع السربنتينه انستجرام: انستجرام هى عاصمة هولندا و بها تطحن طيور التيوليب و تركب البسكلتات بالقباقيب و تشرب المخدرات على اللهيب و يباع الحب و الحليب يحتوى كل متر مربع من انستجرام على كمية من المخدرات يحتاج الانسان العادى ل٧٠٠ عام لتعاطيها و قد حاول البعض تحطيم هذا الرقم و لا داعى لذكر ما حدث لهم لمدينة انستجرام علم مميز جدا يحتوى على الحروف xxx و ذلك للدلالاة على غزارة المواقع الاباحية بها من اهم المعالم السياحية العائلية فى انستجرام معبد الجنس و قد شيد هذا المعبد بأعمده لا داعى لوصف شكلها يمكنك ايضا زيارة متحف فان جوخ و التعرف على اعماله الفنية المتواضعة فى مرحلة قبل اتجاهه للموسيقى و يمكنك ايضا زياره متحف انستجرام المقابل لمتحف فان جوخ و الذي سرقت فكرته فى موقع على شبكة الانترنت منذ بضع سنوات كنتم مع رحلة الحنتريشة فى هولندا @hantarisha و الي اللقاء مع رحلات اخرى @

[hantarisha]

اختاااه ٢ : الجزء الثانى

اختاه ٢ : الحلقة التانية المشهد الخامس ٢ يونيو ٢٠١٣...الساعة الرابعة فجرا توكتوك يقف بجوار احد اسود كوبرى قصر النيل و ينزل منه مخيمر ماسكا مسطرة حرف تى و جردل فزدقى اللون القاهرة خاوية تماما و يقترب مخيمر من الاسد و يضع الجردل امامه ثم يصعد فوقه رافعا المسطرة و يبدا فى ترديد بعض الكلمات غير المفهومة يظهر خرم فى مناخيرالاسد و يضع مخيمر المسطرة به وهو فى ذهول تام مما يحدث و صوت موسيقي ترقبيه فى الخلفيه.. تنزلق المسطرة كالمفتاح ليبدا الجردل الموضوع امام الاسد فى التمدد ليكون فجوه عملاقه فى الارض و المزيكا تصل إلي الذروه يصيح مخيمر بصوت عالى : 'جعباص حماظو' ثم يقفز الى الجردل ليجد نفسه فى دهليز شاسع الاطراف... و يشم رائحة تقلية ( او موكروكروم ) يسمع مخيمر صوتا من وراء الباب يقول له بصوت ابله فاهيتا : افتح الباب يا مخمورى بلاش لكاعه يفتح الباب ليجد امامه ابله فاهيتا فى المطبخ و هى تعد الكشرى ابله فاهيتا : ادخل متخافش يا مخمورى و ماتتكدرشي من القله اللى اتكسرت يتلفت مخيمر حوله فيرتطم طرف كم جلبابه الاسود الفضفاض بقله فتسقط على الارض و تنكسر بصوت مهيب مخيمر ؛ انتى عرفتى ازاى ان ... فاهيتا : منا قلتلك ميهمكاشي من القوللا مخيمر يجلس على كرسي صغير تغرف فاهيتا الكشرى و تعطي مخيمر طبقا فاهيتا : بص يا سيدى و ما ستك الا انا مخيمر وهو يمضغ الكشرى فى نهم : همم ؟ فاهيتا : انت لسه فى الغيبوبا و لازم ندخلك فى غيبوبة تانية لما تفوق منها تقدر تفوق من الاولانية و و تقدر تلاقى اختك الحقيقية و تصلح اللي انكسر مخيمر فى دهشة : ايه ده هى الممرضه مكنتش هى اختى الحقيقية ؟ فاهيتا : لا ... اختك الحقيقية هى ام السيد اللي انت سيبتها فى المستشفى بس المشكله هى ان الدراعات اللي انت جبتها حركة واكلينكم سافروا بالزمن لسنة ١٩٨٤ و بدلوا الدراعات بدراعات تانية اللي انت لقيتها فاهيتا : لازم الاول نغيبيبك و بعدها تفوق مرتين ، و بعدها هنديك الة الزمن بتاعتنا عشان تقدر تصلح الغلطة الفظيعة دى مخيمر : الكشرى بتاعك تحفة على فكره فاهيتا : يللا اتلهوج و روح العنوان ده هتقابل اتنين من رجالتنا هيساعدوك تتغيبب يا مخمورى ينظر مخيمر فى الورقة و يجد بها نجمة صفراء اللون يجد مخيمر نفسه فجأة على كوبرى قصر النيل امام الجردل ، الساعة تقريبا ٩ مساء و هناك زحام غير طبيعى و ليزر اخضر و ضجيج ... لا يعبا كثيرا بهذا مخيمر و يتجه الى حيث يعرف ... مقهى ستيللا المشهد السادس : فى وسط البلد يصل مخيمر الى احدى مقاهي وسط البلد المكان مظلم و مزدحم و يعج بعدد كبير من الاشخاص يجلسون على موائد صغيرة فى ساحة المقهى الضيقة الكل يتابع التليفيزيون فى شغف مما يوحى ان شيئا مهما يحدث يجلس مخيمر فيجد فى الحال زجاجة خضراء توضع على المائدة امامه و طبق صغير به بعضاً من الترمس و ليمونه و ٥ حرنكشات الكل يتابع بشغف ما يحدث فى التليفيزيون و يتفحص مخيمر الموجودين من المكان ليجد العديد من الوجوه المألوفة يجلس المواطن المصرى ذو الرأس الميكروسكوبية وامامه على الترابيزة قط سيامى نحيف و هو يجادل للجرسون انه عاوز عسير مش عاوز البتاعة الخضرا دى فى جانب اخر يجلس كاظم الساهر مع الدبدوب الاخير و يتابعا بشغف ما يحدث على التلفيزيون و على مائده اخرى يجلس كلا من احمد المغير و عبد الرحمن عز و هم يحتسيان الفيروز و على وجوههم علامات الحسرة و التألم على مائده اخرى يجلس شخص يشبه الضيف احمد و معه شخص اخر فى منتصف جسده ثقب كبير من الممكن ان يعبر من خلاله ذراع ادمى و هو المعروف باسم خرم بمجرد دخول مخيمر الي المكان يلمحه شبيه الضيف احمد و يشير له فى صمت ان يجلس معهم يجلس مخيمر معهم فيقول له شبيه الضيف : هما جابوك ؟ مخيمر : مين اللي جابونى رودريجز : اللي جابونا ، اعرفك بنفسي ، انا عمرو رودريجز و ده خرم بيه ، احنا مستيينك هنا بقالنا يومين باوامر عليا مخيمر : عارف ، بس حضرتك شبه الضيف احمد رودريجز : اسمه الضيف احمد عليه السلام و انا مجرد رسول له لحد ما يرجع فى اخر الزمان و يقضى على المسيخ البقال بس ده مش موضوعنا حاليا خرم : انت عارف انت هنا ليه ؟ مخيمر : اللي فهمته انكو مفروض هتساعدونى انى ادخل في غيبوبة .. و لا انا فاهم غلط خرم : مظبوط ، يللا بينا من هنا... يخرج الثلاثة الى شارع جانبي مظلم فى وسط البلد و يستمروا فى السير فيه حتى تصبح الضوضاء بعيده فى الخلفية ، يفتح خرم شنطة ظهره و يخرج منها عصايتين بيزبول عملاقتين و يناول احداهما الى رودريجز و يبتسما فى خبث قائلين : احنا هنوديك الغيبوبة.. ثم تظلم الشاشة تدريجيا على صوت صراخ مخيمر : لااااا متفقناش على كده المشهد السابع : يجد مخيمر نفسه فجاة على الشاطىء فى مدينة الاسكندرية فجراً فوق كوبرى ستانلي كوبريك تقف سيارة لامبرجينى ديابلو يقودها فتى ملتحى مفتول العضلات و يشير له فى ثقة ان يركب معه - اعرفك بنفسي : انا ترنز و انت دلوقت فى مستوى رقم ٢ فى الغيبوبة و ناقصلك خضة كمان و تفوق يا مخيمر - مخيمر : مش مشكلة معنديش مانع تنتطلق السيارة الصاروخية بسرعة مذهلة على كورنيش اسكندرية ثم يضغط ترنز زرا فى اعلى عجلة القيادة فتتحول السيارة الى طائرة f-16 و تبدأ فى التحليق فوق البحر مخيمر : هو ايه اللي بيحصل ترنز : قبل ما تفوق محتاجك فى مصلحة كده مخيمر : اامرنى انا رقبتى سداده ( يقولها و هو ينظر من شباك الطائرة التى ارتفعت حتى بدى كوكب الارض من كحباية ترمس خضراء ) ترنز : غزو الارض بيتم الاعداد فيه على قدم و ساق من كوكب خلبوص و السفينة الام بتاعتهم مستخبية وراء المشترى و بين البايع و المشترى يفتح الله مخيمر : كلام مظبوط بس انا دورى ايه فى الموضوع ده ؟ ترنز : احنا دلوقتى فى طريقنا للمركبة الام و محتاجك تساعدنى عشان نخترق شبكة الاتصالات بتاعتهم و نشلهم .. مش انت مهندس برضه؟ مخيمر فى توجس :... نظرياً ترنز : مش مشكلة لما نوصل هناك انا واثق انك هتتصرف تظهر المركبة الام للخلبوصيين و هى تشبة ثمرة الاناناس لكن مقعرة قليلا من الجانبين ولها شراشيب عملاقة على شكل ورق كرنب ارجوانى اللون يضغط ترنز زر الاختفاء الذاتى للطائرة التى قد تحولت الى عوامة فضائية فيجد مخيمر نفسه قد اصبح خفيا و كل شيء خفي فبدا اكنه يسبح فى الفضاء من ثقب اسفل الاناناسه تنزلق حركة الكاميرا الى داخلها فيما يبدو انه كهف عظيم ذو بوابة تشبة بوابة مغارة على بابا تعود العوامة للظهور بعد ان همدت حركتها و يهبط مخيمر و ترنز امام البوابة ترنز : يللا ... افتح باب المغارة مخيمر : بس انا مش علي بابا ترنز : مفيش وقت للهزار .. انت الوحيد اللي يقدر يفتحها ينظر مخيمر الي باب المغارة مبحلقا فى ذهول ثم يتذكر شيئا ما ... فيصيح : جعباص حماظو ! يبتسم ترنز فى رضا مطبطا على كتف مخيمر قائلا : شكراً كنت عارف انك مش هتخذلنى مخيمر فى رضا متواضعاً: دى اقل حاجة عندى ترنز : انا هكمل مهمتى هنا و انت بقي هتخرج من مستوى الغيبيوة دى اول ما اطرقع صوباعى .. بص في عينيا ... يبحلق مخيمر فى عينه التى تبدا فى الاتساع ثم يسمع صوت طرقعة اصابع ... يتلاشي بعدها كل شيء... تنور انوار قاعة السينما و علي الشاشة مكتوب : انتهى الجزء الثانى و الى اللقاء مع الجزء الثالث

[hantarisha]

اختاه الجزء الثانى - الحلقة الاولى

بعد النجاح العالمى لفيلم اختااه فى عام ٢٠١١ قررت شركة الحنتريشة الزغلولية للانتاج السينمائي انتاج الجزء الثانى اختااه ٢ : الضباب افيش الفيلم خلفية سوداء عليها صورة ذراعان بشريان و ماكدونالز المعادى و جمجمة تبدأ تترات الفيلم على هذه الموسيقي

الحنتريشة للانتاج السينمائي تقدم قصة و سيناريو و حوار و اخراج الحنتريشة الزغلولية اختااه ٢ : الضباب على الموسيقي نرى مشاهد متقطعة من احداث الجزء الاول ... رجل اعمى. سيدة مشلولة . راقصة . اذرع بشرية تطير. رجل يسقط فى بلاعة لامة تفاحة ابل ... دكتور سمكرى يركب اذرع .. شخص يشترى مسدس .. يصوب المسدس الى راسه و يضغط الزناد .. ثم مشهد اطباء و غرفة عمليات المشهد الاول : الزمان : ٣٠-٦-٢٠١٣ المكان : ماكدونالدز المعادى يستيقظ مخيمر و يفيق من غيبيوبته التى طالت حوالى عامين و يفتح عيناه فى بطء ليتفقد المكان حوله فى بطء يدرك على الفور انه فى ماكدونالدز ينظر الي المنيو متعجبا من الاسعار و التى قد تضاعفت كثيرا من اخر مره ثم يعتدل فى السرير ليجد امامه رونالد ماكدونالد فى سرواله الاحمر الشهير

يجلس رونالد ماكدونالد على كرسي مرتديا نظارة و فى فمه غليون و في يده دفتر و يدور بينه و بين مخيمر هذا الحوار ... رونالد : حمدللا عالسلامة مخيمر : انا فين ؟ و انت مين ؟ و بكام البيجماك كومبو؟ رونالد : انت كنت فى غيبيوبة بقالك سنتين و لما زهقوا منك فى المستشفى مفيش حد رضي يستضيفك غير ماكدونالدز المعادى رونالد : متخافش انا هرجعلك ذاكرتك و هجيبلك هابى ميل *يخرج رونالد فلاشاية صغيرة من جيبه و يقترب من مخيمر * رونالد : معلش لفلى راسك كده .. مخيمر بعطي قفاه لرونالد و هو يتحسسه بيده قليلا... فيجد ان هناك فتحة usb صغيرة فى خلف راسه فوق قفاه بحوالى ٤ سنتيمترات فيندهش قليلا

يدخل رونالد الفلاشاية فى الفتحة و يصرخ مخيمر فى الم : جعاااان جعااان ثم تبدا صورة الفيلم فى التموج امام اعين مخيمر و يفقد الوعى مرة اخرى المشهد الثانى @seksek منظر شاشة ايباد مضيئة اضائه خضراء خافته و تظهر عليها عبارة " قوم فز يا مخيمر" يفتح مخيمر عيناه تدريجيا ليجد نفسه فى غرفته امام شاشة الايباد التى يلمح عليها عبارة : التوكتوك الابيض يناديك و هتاكل حمام بالفريك يفرك عينيه مرة اخرى فتختفى العبارة من على الشاشة ، فيبسمل مخيمر و يقوم من نومه ليبدأ يوم جديد . فيضع فى رجله الشبشب الزنوبة و يطرقع اصابعه يتحسس مخيمر راسه فيجد الفلاشاية زى ما هى فى فتحة الusb فيطمئن انه لم يكن حلما فيرشف رشفة اخرى من الميلك شيك ثم يبدا فى التفكير فى اللاشيء يدق جرس الباب فيفتح مخيمر ليجد امامه شابا ، يرتدى تي شرتا عليه هذه الصورة و مكتوب تحتها seksek

مخيمر : انت مين ؟ سكسك : انا سكسك و جاى عشان اقولك حاجة مهمة مخيمر ؛ مهمة ايه؟ سكسك : مهمة فى تل ابيب مخيمر : ماله عمرو اديب ؟ سكسك : بعيد قريب ملوش حبيب مخيمر : انت عاوز ايه بالضبط ؟ قصر! سكسك : عندك حاجة طويلة تحب اقصرهالك ؟ مخيمر : سيادتك عاوز منى ايه يا سيدى الفاضل ؟ سكسك : خلاص مش فاضل كتير .. هقولك مخيمر : قول .. سكسك : قول و طعميه مخيمر : طعميه خمسة و ستين عفريت اما يركبوك سكسك : ليه شايفنى اتوبيس ؟ مخيمر : اغرب عن وجهى سكسك : ليه هو انا اشرقت عليه ؟ مخيمر : كده كتير كده اوفار سكسك : الدنيا برد البس بلوفر مخيمر : مفروض انك جاى تقولى حاجة سكسك : حاجة مخيمر : ....... امام هذا الصمت يشعر سكسك بالارتباك فيدخل يده فى جيب الجاكت ليخرج اجنده صغيره و يعطيها لمخيمر قائلا : انا كان مطلوب منى اوصلك دى . يمسك مخيمر الاجندة و يتفحصها فيجدها اجندة بنية اللون عليها زخارف فرعونية و مكتوب عليها بحروف ذهبية داخل خرطوشة فرعونية : ح ز ينظر مخيمر امامه فيجد سكسك قد تلاشي فيغلق باب الشقة و يجلس لكى يتفحص الاجنده... مع موسيقي هادئه و انحسار الصورة تدريجيا الى اللون الاسود المشهد الثالث : الارشيدوق قرنى @LeGrandBahnas يجلس مخيمر على مكتبه و يبدأ فى تفحص الاجندة بامعان . الطباعة الفاخرة لا يمكن ان تكون الا فى مطابع معبد الكرنك الفاخرة وعلى اطراف الاجندة توجد تلك النقوش المطرزة بعناية تدل على دقة متناهية و حرفية لا يمكن تجاهلها يفتح مخيمر الاجنده فيجد بداخلها محشوراً بين الغلاف و الورق قلم حبر صغير فيخرجه فيجد مكتوب عليه : انا حبرى هو شاى الشيخ الشريب يتجه مخيمر الى المطبخ الذى يلاحظ وجود بوستر عملاق به لفيفي عبده ثم يحضر مخيمر برادا من شاي الشيخ الشريب

يضع مخيمر القلم الحبر فى براد شاي الشيخ الشريب و يسحب منه الي القلم ثم يفتح اول صفحة فى الاجندة و يكتب : انا مخيمر يصدر صوت حشرجة من الاجنده و تتصاعد موسيقي السيمفونية التاسعة لبيتهوفن و يتموج الحبر الذى كتب به مخيمر فى صفحة الاجندة ثم يبدا فى التحرك

يستمر حبر شاى الشيخ فى التموج على صفحة الاجندة امام اعين مخيمر ليكون جملة جديدة : طء طء طء انا الارشيدوق قرنى مخيمر : اهلا بسيادتك و حضرتك عاوز منى ايه ؟ الارشيدوق : عاوز افتح عينيك و اعرفك الحقيقة... هء مء طبله . رء مخيمر : حقيقة ايه ايه جو الاشتغالات ده الارشيدوق : حمبصه .. د ه د ه د ه د ه انت مش عارف انك مش عارف حاجة ولا ايه ؟ مخيمر : نورنى الارشيدوق:حركة واكلينهم بتحاول تسيطر على العالم و انت الامل الوحيد، انت المخيمر المنتظر امل البشرية الاخير انت وحش بحيرة البرلس و بحيرة ناصر مخيمر : كل ده انا عارفه ايه الجديد ؟ الارشيدوق: انت دلوقت متخيل انك فقت من الغيبوبة لكن الحقيقة انك دخلت من الغيبوبة جوا غيبوبة تانية جواها و اتقفل طريق العودة و الحل الوحيد .. اتقفل طريق العودة و الحل الوحيد هو انك تدخل جوا غيبوبة ثالثة تقدر منها انك تطلع ليفيلين الغيبوبات من سكه تانيه زى ما ليوناردو ديكابريو عمل هنا تقترب الكاميرا من وجه مخيمر الذى بدا يظهر على وجهه علامات الصدمة ... و فجأة يرن تليفونه السامسونج فيخرجه من جيبه فيجده قد تحول لموزة

تستمر الموزة فى الرن حتى يرفعها مخيمر الى اذنه فيجد صوتا رخيما هادئا يكلمه قائلا : انت متراقب ، اعمل زى ما بقولك بالظبط.. المشهد الرابع : أولفياس @olva منظر خارجى للعمارة التى بها مخيمر و عدد كبير من التكاتك يصل فى سرعة و ينزل منه الرجال يرتدون جلاليب خضراء و عمم صفراء و نظارات شمس حمراء تنتقل الكاميرا سريعا الى مخيمر و هو يتحدث الى الصوت الغامض فى الموزة و هو يسمع صوت الرجال و هو يصعدون السلالم سريعا الصوت : حياتك فى خطر و لازم تعمل بالظبط زى ما هقولك مخيمر : اعمل ايه و انت مين ؟ الصوت : انا اولفياس ... افتح البلكونه مخيمر يفتح باب البلكونه فى الدور السبعتاشر و نسمع صوت دقات عنيفة على باب الشقة اولفياس : انا عاوزك تثق فيا .. نط من البلكونة يقفز مخيمر من الدور السابع عشر ليجد نفسه امام عجلة قيادة احد التكاتك و اولفياس يقول له من الموزه : انطلق الان على بركة الله انا فى انتظارك يضغط مخيمر الزر الاحمر اللي جنب الفتيس فيتحول التوكتوك الى صاروخ عملاق ينطلق فى سرعة فى شوارع القاهرة و يصل الى مكان لقاء اولفياس

يصل مخيمر الى المكان المحدد فى احدى عمائر وسط البلد ، يصعد الدور الثانى فينفتح الباب ليجد مخيمر نفسه وجها لوجه مع اولفياس olvieus اولفياس هو شاب اسمر يرتدى نظارة سوداء و هو بالطو جلد طويل و يجلس على كرسي اوبيسون و يطلب من مخيمر الجلوس قائلا : اشرب ايه يا معلم ؟

مخيمر : اي حاجة اولفياس : تشرب شاى احمر و لا شاى اخضر ؟ مخيمر : ايه الفرق ؟ اولفياس : الشاى الاحمر يبقي هتكمل معانا ... اشرب الشاى الاحمر لو عاوز تكمل معانا و تعرف حقيقة اللي بيحصل اما لو شربت الشاي الاخضر هتصحى من النوم و مش ها تفتكر اى حاجة مخيمر : انا عايز جريب فروت اولفياس : ممتاز ! انا كده اجتزت اول اختبار ... واضخ جدا ان انت المخيمر المنتظر بس احنا لازم نوديك للعرافة اولفياس : فى يوليو ١٩٥٢ استطاع الظباط الاشرار السيطرة على عقول الكون و العرافة تنبأت بقدوم مخيمر المنتظر فى ٢٠١٣ ... هى قالتلى كده بنفسها مخيمر : والله انت راجل سكره ... و انا اقدر اقابل العرافة دى امتى ؟ انا هبعتك ليها بس انت محتاج تستريح شوية اولفياس : استعد لمقابلة العرافة اللى هتعرفك كل حاجة من طقطق لسلامو عليكو ... ثم يعطيه هذه الصورة قائلا : دى العرافة

ثم تنطفيء شاشة السينما و عليها عبارة : استراحة الجزء الاول To be continued...

[hantarisha]

رحلات الحنتريشة : ايران

ايران : و تعرف دوليا باسم قمعستان و فى بعض الاحيان شيعاستان هى اكبر مصنع للعمم والقراطيس و ادوات التعذيب فى العالم تقع ايران فى قارة استراليا الوسطى حيث يحدها من الشمال فنزويلا الاتحاديه و من الجنوب ممكلة نيوزيلاندا العربية المتحدة الإشتراكيه البرتقاليه المزخرفه عاصمة ايران هى طهران و قد سميت بهذا الاسم لغزارة حفلات طهور الاطفال التى تقام بها تعتبر ايران اكثر دول الشرق الاوسط تطورا فى المجال النووى حيث يستخدم نوى البلح هناك فى جميع مجالات الحياة وهم ايضا أول من استخدمه كلبوس من اهم المنتجات الايرانية القمع و القرع و الشيع بابونج و ام على و خس اليورانيوم المعروف سوقيا باسم الكابوتشي وحسن نصر الله تعتبر ايران مهد الحرية و الديمقراطية فى العالم حيث ان قامت بها ثورة تعتبر برأي الفقهاء الدستوريين ملهمة ثورات الربيع العربى في العصر الحديث يتحدث الايرانيون بلغة تستخدم الحروف العربية بشكل مبعثر لمجرد الغلاسة مش اكتر ...هي مجرد اشتغالة مش أكتر ... متخدش فبالك نبذة عن تاريخ ايران ... كانت إيران تسمى فى قديم الزمان بلاد الفرس و لقد اسماهم العرب بهذا الاسم لانهم كانوا مفروسين جدا منهم بعد وليمة الفتة الكبرى حدث انقسام بسبب اصرار البعض على غسيل اسنانهم و البعض الاخر على الاستمتاع باشعة الشمس وتجاهل نظافة الاسنان فلما اشتد الخلاف راحوا اللى غاويين اشعة الشمس فى حتة فوق لوحدهم و سموا نفسهم الشيعة و اللي بيغسلوا سنانهم فضلو في مطرحهم و سموا نفسهم السنة وكانت هذه بداية الظاهرة الجيولوجيه المعروفة باسم المد الشيعي وهي ببساطة انزلاق اشعة الشمس وامتدادها لمسافة بعيدة خارج المسموح به بوليا و مر الزمان و بقت ايران بيحكمها كائنات فضائية الكبير ببتاعهم اسمه الشاه اللي بيبصبص لإمبراطورة النمسا...ومدام اسمه الشاه...يبقي مسيره في يوم يندبح و كما حدث فى يناير 2011 فى يوم من الايام قرر الايرانيين بسذاجه انهم زهقوا من الشاه و عاوزيين نغير و بتاع....وقد كان وكان هناك شخصية لطيفة جدا ذات وجه بشوش مشرق اسمها الخومينى و كان شاب صغير فى التمانين من عمره يعيش في المنفى واول لما الثورة حصلت راح راجع الخميني عشان يركب عليها زى جماعة صحابنا كده و كان ذو شعبيه راسبوتينيه جعلت هذا الامر سهل مثل الخابور الاسفنجي مما لا يعرفه الكثيرون ان الخوميني هو الاخ غير الشقيق للفنان الانجليزي شين كونري ويمكنك ان تري وجه الشبه بينهما بالبحث عن صوره له الآن في جوجل

المهم ...لما حصل المعطوب والدنيا اتكحوشت هرب الشاه هو والنسوان وكان في استضافة الفنان النوبي الاصلع أنور الصاجات ومن ساعتها وهم منفسنين علينا و فى يوم و ليلة الثورة بقت اسلامية و الهتاف بقى الله اكبر .. و الخومينى بقي "اية الله"وعملوا حفلة كبيره دبحوا فيها كل اللي مش من الاهل والعشيره بعد نجاح الثوره الايرانيه عرض علي الخميني دور جندلف في فيلم ملك الخواتم لكنه رفض لانشغاله بشنق المعارضين و اضافة اللمسات الاخيره لاختراعه الجديد : الجلاشه وتربع علي العرش ونصب نفسه المنصب الجديد اللي اسمه "المرشد العام للثوره السلاميه" ويا محاسن الصدف ويا بخت من زار المقطم وخفف يوجد في إيران منصب مضحك اسمه رئيس الجمهوريه و يشغله حاليا سائق البيجو المدعو محمد احمدي نجاة الصغيره محمود احمدي نجاة الصغيره هو الشخصيه التي استوحى منها نيكو بليك لص السيارات الشهير و يلاحظ التشابه الكبير بينهما

كل ده حصل بسرعة جدا لدرجة ان امريكا ملحقتش حتى تلبس بيجامتها وتقوم من السرير فقفشت عليهم وقررت تطبيق حد الحظر البولي إيران هي أول دوله تدخل مجال صياعة الفضاء حيث كانت المدعوه انوشكا الانصاري أول واحدة تدخن الشيشه وهي بتصيع في الفضاء من اشهر مواليد طهران ليلى طاهر وطاهر القويري و سيدة الاعمال أم المطاهر التي كانت أول من رش الملح سبع مرات علي حديثي الولادة من الهوايات المفضلة للرجال في إيران تخصيب اليورانيوم واخيرا هنا تنتهي زيارتنا إلى بلاد الايران سعدنا بصحبتكم ونرجو ان نكون قد اسعفناكم.... واحب أعرف رايكم

[hantarisha]

رحلتى من الشك إلى اليقين في ماهية "القلب"

بعد متابعة و استماع و شك لسنوات و سنوات للاغانى اللى بالعربي توصلت الى حقيقة انس حسنية فى ما يقصد بالقلب فى جميع هذه الاغانى لقد كانت رحلة طويلة من الشك إلى اليقين اقتنعت بعدها تماما ان اينما ذكر القلب فى اى اغنية فإن المقصود في واقع الامر هو (عذرا) العضو التناسلى سواء للراجل او للست وفقا لسياق الاغنية و فى ضوء هذا التحليل سوف ينكشف غموض و بوهيمية كل الاغانى التى لم يكن مفهوم تحديدا ما المقصود منها سوف اذكر الأن بعض الامثلة التى تثبت هذا الامر و بالدليل : يا قلبى يا خالى جاوب عن سؤالى . مشغول من ايه و شاغلنى ليه ؟ - وصف دقيق لمعاناة شاب مراهق كل صباح اسبقنى يا قلبى اسبقنى ، عالجنة الحلوة اسبقنى - لهفة و ترقب للمرة الاولى يا قلبى خبي ليبان عليا - موقف محرج فى مكان عام عندما طلبت هيفاء من رجب ان يقول لصديقه ان يترك قلبها - الأن فهمت    مقدرش احب اتنين علشان ماليش قلبين . حبيبي جوا فى قلبى . و ده اجيبلو قلب منين - لا تعليق يا قلبى كفاية دق ، مادام حبيبك رق - معاناة ما بعد ال... القلب الطيب ...قلب حنين .... قلب كبييير  و عندما قال حكيم : اااااه يا قلبى اااااه يا قلبى كان هذا لتألمه الشديد نظرا للضيق الشديد الذى مر به قلبه  و الامثلة لا تنتهى . عندما تستمع الى اى اغنية يذكر فيها 'القلب' تذكر كلماتى و سوف يتضح لك فورا المعنى الحقيقي للاغنية انا على تويتر  @hantarisha

[hantarisha]

رحلات الحنتريشة : الرحلة رقم ٥ : الوليات المنتحرة الامريكية

امريكا : هى اكبر مطعم وجبات سريعة فى العالم و هى ايضا الكيان الذى يمثل كوكب الارض عند التواصل مع حضارات الكواكب الاخرى  امريكا هى افضل و اجمد مكان على وجه الكوكب و هى البلد التى حمت كوكب الارض اكثر من مرة من الاحتلال الفضائي كما رأينا فى افلامهم امريكا هى مهد الديموقراطية و الحرية فى العالم و لقد اختارها الله لنشرهما فى جميع انحاء الارض سواء بالذوق او بالعافية الا لو فيه بترول على الرغم من ان امريكا تزعم الحرية السياسية الا انها مفيهاش غير حزبين اغلبية كل شوية واحد فيهم يدخل الاوضة مع الرأسمالية و يقفل الباب  يعتقد العرب ان بتعليم ابنائهم فى امريكا يصبحوا افضل ولكن للأسف احيانا ما يؤدى هذا الى نشوء شخصيات واخدة بومبه فى نفسها او عندها مشاكل مثل ارار سندود من يتعلم فى امريكا يصبح اذكى و اقوى و افشخ انسان فى الارض و من حقه ان يتنطط على الناس اللى متعلتموش زيه بإعتبراهم متخلفين  اكتشفت امريكا عام ١٤٩٢ بالصدفة البحته عندما كان محقق الجرائم البرتغالى كريستوفر ك��لومبو تائها فى المحيط الاطلسي فى يخته الخاص ضل كولومبو طريقه فى المجيط  بعد ان سرح طويلا مفكرا فى احدى الجرائم التى يحقق بها حتى وجد نفسه على شاطئ غريب به ناس عجيبة سكان امريكا الاصليين هم الاندونيسيين الزرق و لكن كولومبو اطلق عليهم الهنود الحمر لأنه ما يعرفش الفرق بين الهند و اندونيسيا دا غير ان كان عنده عمى الوان قامت الحرب العالمية الثانية اساسا بين الامريكان و الالمان و ذلك نظرا للصراع بينهما فى نشر السوسيس و الهمبورجر فى انحاء العالم   الجيش الامريكى هو اجمد جيش فى العالم فهو الجيش الوحيد الذى يستطيع ان يغزو الفضاء و يجعل الجميع  يصدق الهراء نجح الجيش الامريكى فى نشر الحرية و الديمقراطية فى جميع انحاء العالم كما رأينا  فى فيتنام و افغانستان و العراق كأدلة قاطعة على هذا يمتلك الجيش الاميريكى حاملات لمحلات كنتاكى و ماكدونالدز فى جميع محيطات العالم بالإضافة إلى مجموعة لا بأس بها من طائرات الريموت كونترول و ستيفن سيجال اثناء حكم الامبراطور بوش الثانى اصبح الهامبورجر و السوسيس الديانات الرسمية هناك و قد انتشرت اصنام للمدعو رونالد ماكدونالد فى كل مكان تشغل الوليات المنتحرة الامريكية حوالى ٤٠٪ من مساحة قارة امريكا الشماليه او ما يمثل الحته اللى ليها لازمة فيها شمال امريكا توجد دولة تسمى كنكه و هى بالمناسبة دولة تعانى من انقصام فى الشخصية ما بين انجليزية و فرنسية سنتحدث عنها بالتفصيل فى رحلة اخرى  اما جنوب امريكا فتوجد دولة اخرى تسمى المكسيك و هى البلد التى اتى منها فيفا ظالاتا و ابله فاهيتا ليشاهدا حلقة البروس ويليس  امريكا تنقسم الى ٥٢ ولية (ليست ولاية و هذا خطأ شائع) كل ولية منهم قوية و مفترية و محدش يعرف يقف قصادها حاولت الوليات ان تتحد و لكن نظرا لأن كل واحدة فيهم مختلفة اكنها بلد تانية فجالهم اكتئاب و فكروا ينتحروا و لهذا سميو بالوليات المنتحرة عاصمة امريكا هى واشنطون دابليو سي و فيها يقع البيت الابيض اللى فيه التواليت الابيض الشهير الذى يستخدمه امبراطور امريكا و عندما يذهب شخص الى البيت الابيض فانه عليه ان يجلس منتظرا فى اللوبى اليهودى قبل ان يسمح له بالتحدث مع احد من بلاط الامبراطور الاميريكى و ��ناك ايضا نيفادا و بها مكان يدعى لاس فيجاس يقال ان من يذهب هناك لا يعود الا مليونيرا لكن غالبا ينتهى الامر بالإنتحار و ايضا هناك كاليفورنيا حيث اكبر مصنع للقرع العسلى فى العالم و الذى يعرف بأسم هوليوود و هى محاولة رخيصة لتقليد السينما الهندية بوليوود و هناك فى امريكا شلالات فياجرا حيث يذهب الرجال من جميع انحاء العالم لحل مشاكلهم الاجتماعية فى امريكا مدينة اسمها نيويورك و هى اول مدينة حقيقية تبنى بالكامل محاكاة لمدينة افتراضية هى ليبرتى سيتى فى سلسلة العاب چى تي ايه الشهيرة هناك العديد من الامريكان الذين كانت لهم بصمات فى تاريخ البشرية مثل مستر اكس و ميكي ماوس و رون جيريمى يشتهر السياسيون الامريكيون بحبهم للبترول جدا لدرجة انهم ياكلون البترول و يشربونه بل انهم بيستحموا فيه احيانا و به ينسون  الحرية و الديمقراطية يحتفل الامريكان بما يسمونه يوم الاستهبال فى الرابع من يوليو كل عام و هو العام الذى حرروا فيه الارض من غزو الفضاء كما رأينا فى الفيلم الذى يحمل نفس الاسم للامريكان عيد اخر يسمى يسمى عيد الشخر ، حيث يكون اليوم الذى تسمح فيه الولية الامريكية ان ينام و بيشخر براحته و تاكل هى الديك الرومى  للامريكان عادات غريبة مثل ركوب البقر و استكشاف الفضاء و تحضير الارواح و السفر عبر الزمن و اختراع الشخصيات الخارقة  فى امريكا رجل يدعى ستان لى و هو رجل لديه  قدرة خارقة على ابتكار شخصيات خارقة بمعدل  عشر شخصيات فى الثانية و يعمل ايضا كومبارس يرجع للأمريكان الفضل فى تقديم اختراع الكرش للبشرية و ذلك بنشر اكلاتهم التى تؤدى الى نشؤءه بكل شراسة فى جميع انحاء العالم من الشخصيات المنحرفة فى امريكا رونالد ماكونالد و هو شخص شاذ مهووس بمداعبة الاطفال و قد افتتح سلسلة المطاعم الشهيرة ماكدونالدز خصيصا لإستدراج الاطفال هناك ينقسم الاميريكيون التقليديين الى كروش و بايكرز و ابطال و مبرمجين و لصوص و عصابات و زنوج و ليدي جاجا و ايضا هناك الكولونيل صندل فى ولية كنتاكى  الذى اكتشف انه بوضع صندل زوجته القديم فى خلطة الدجاج يصبح طعمها خرافيا وهو ما عرف فيما بعد بخلطة كنتاكى السرية من اشهر الامريكان حاليا شخص يقلد النجم احمد سبايدر و يطلق على نفسه اسم جستن بيبر و هما سويا من  اهم اسب��ب انخفاض الخصوبة فى كوكب الارض المخترع الامريكى الشهير توماس اديسون يرجع له الفضل فى ابتكار المصباع الكهربائي و هو الإختراع الذى ساهم فى انتشار حركة الصباع الشهيرة فى جميع انحاء العالم من اهم الاختراعات الامريكية الكومبيوطر و هو جهاز يسكنه الشيطان و الارواح الشريرة و قد طوره الامريكيين خصيصا لإحتلال العالم يعود الفضل لإنتشار جهاز الكمبيوتر الشيطانى الى رجل يسمى نفسه بيل جيتس و هو المسيخ الدجال و شيطان الاجيال و بياكل العيال  و بعد انتشار جهاز الكمبيوتر قام الامريكان بالاختراع الاكثر شيطانية و هو شبكة الانترنت و هى الوسيلة الجهنمية للسيطرة على كل حاجة فى كل حته انقذ العالم ذات يوم اليهودى الامريكى و الخامورجى الامريكي و الطيار الامريكى اللى مراته رقاصة اباحية كما رأينا فى يوم الاستهبال فى هوليود تصور الافلام الاميريكية  قليلة التكلفة فى محاولة رخيصة و حقيرة لتقليد السينما الهندية و لكن بلا جدوى من اهم الممثلين فى امريكا براد بيت و هو يشتهر ان الزمن بيمشي عنده بالعكس مثل عمرو دياب هذا بجانب هوايته فى ترجمة الافلام للعربية على الانترنت وايضا النجم  العلمانى توم كروز و هو مصاص دماء متقاعد يستطيع تفجير طائرة بلبانة و يهوى القفز على الكنب فى العروض التلفيزيونية  و هناك ايضا الممثل الاميريكى ليونادرو ديكابريو و الذى يقال انه هانى سلامة الامريكى المخرج الامريكى ستيفن سبيلبرج يرجع له الفضل فى نشر معلومات خاطئة بشأن الكائنات البحرية المسالمة الوديعة ..اسماك القرش و يذكر لستيفن سبيلبرج ايضا انه كان اول واحد فك المفترس و معرفش يركبه تانى فى امريكا فقط تسقط الاطباق الطائرة و تشرح جثث الكائنات الفضائية و يستطيع سيد بدريه ان يمثل الإرهابيين العرب بدون مشاكل فى امريكا فقط تصور حلقات البروس ويليس و ترقص رقصة السيندى لوبر بدون الحاجة الى الذهاب إلى جلوييس حتى لو  كانت باروكتك إتمت من الشخصيات اللطيفة المحببة الى القلب فى السينما الاميريكة ليزرفيس و هو شخص ودود يهوى استخدام المنشار الكهربائي  و ايضا هناك چيجسو و هو شخصية مرحة تحب ان تلعب الالعاب اللطيفة مع الناس اللى مش كويسين اللى مش بيفهموا اللعبة و يموتوا نفسهم شاك نوريس الاميريكى هو محاولة رخيصة و مفقوسة لتقليد الاسطورة المصرية ممدوح فرج كانت هذه الرحلة الاولى لأمريكا و نظرا لغزارة هذا الامر فاعدكم برحلات اخرى الى ارض الامريكان لاحقا   انا على تويتر @hantarisha

[hantarisha]

الفيلم السينمائي العالمى : اختااه

المشهد الأول : السر الرهيب : اضائة خافتة فى غرفة معيشة لعائلة من الطبقة الوسطى مخيمر.. طالب فى كلية الهلوسة .. يدخل فى احد ليالى شتاء نوفمبر على والده المشلول و والدته الكفيفة فيجدهما فى حالة من الشجن ترك الاب المشلول ذراع البلاىستيشن ونظر الى مخيمر نظرة ذات معنى وقال له : احنا يبنى قررنا انا و امك نعترفلك بسر خطير  نظرت الام العمياء له و وضعت الاى فون جانبا وقالت له : احنا يبنى ايام الشقاوة جيبنا بنت و سبيناها على باب الجامع و استكمل الاب :  اسمها نانسي و فى كتفها علامة على شكل تفاحة شركة اپل و لازم تلاقيها يا مخيمر  انهار مخيمر وصاح : ازاى تخبوا عليا كل السنين دى؟ الاقيها ازاى و فين دلوقتى ؟  قالت له الام الكفيفة و هى تستكمل دور الانجرى بيردز : هى يا إما بقت رقاصة فى شارع الهرم او بتشتغل شغالة فى بيت واحد صاحبك ينظر مخيمر الى كادر الكاميرا بخبث قائلا : خلاص انا هنزل شارع الهرم ادور عليها  المشهد التانى : كباريه اخناتون بشارع الهرم .. جو ضبابى معبا بالدخان و موسيقي صاخبة لا يفهم منها شئ مخيمر يحتسي زجاجة البيرة ال٢٥ و ينظر الى الراقصة الحلزونية و هنا يدرك انها هى بلا شك اخته وقف مخيمر فوق الترابيزة صائحا للراقصة : اختااه ... حبيبتى ... اخيرا لقيتك احمدك يااا رب... و قفز من فوق الترابيزة عليها ليحتضنها فى تأثر فزعت الفتاه و صاحت فيه : انت مين يابن الهبلة ؟ اختك ايه و نيلة ايه الحقووونى و فجأة نشأ من العدم مجموعة من الرجال مفتولى العضلات و رحبوا بالبطل مخيمر ترحيبا يليق به ... حتى فقد الوعى من حرارة الترحاب المشهد الثالث : مستشفى القصر العينى : غرفة ٧٠٧: مخيمر فى الفراش متجبس بالكامل و يدخل عليه صديقه عباس عباس : مخيمر ! الف سلامة عليك .. ايه اللى حصل بس؟ فحكى له مخيمر ما حدث بإقتضاب و على مضض وكده "فلاشباكات سينمائية سريعة" سمع عباس القصة المؤثرة فأنفرط من البكاء و قال له ازاى اقدر اساعدك بس ؟ فقال له مخيمر : معندكوش شغالة فى البيت ؟ قال عباس : ايوه : عندنا ام حسين الغسالة بس دى معندهاش دراعات ده غير ان هى عمياء فقال مخيمر : غسالة و عمياء ازاى؟ فرد عباس بثقة: اصلها بتغسل بطريقة برايل للمكفوفين   فقال مخيمر : اختااه ! اخيرا لقيتها ارجوك خدنى لأم حسين دلوقتى حالا المشهد الرابع : ام حسين و قصة الدراعين ... يدخل مخيمر مهرولا على ام حسين فى غرفتها صائحا : اختااه اختااه و يحتضنها و يبقلها فى لهفة .. اخيرا لقيتك اخدت ام حسين نفسا عميقا من السيجارة و قالت له : اختك ازاى بس يابنى . قال لها اختى و الدليل علامة التفاحة اللى فى كتفك ام حسين : يا ابنى انا دراعاتى الاتنين مش موجودين بالكتاف من زمان !  مخيمر : مش مهم قوليلي فين الدراعين و انا مستعد اركبهملك تانى و مستعد اتكفل بتكاليف العلاج بس ترجعلى اختى حبيبتى ام حسين : انا لازم احكيلك حكاية الدراعين.  ام حسين  : وانا راجعة من الحضانة فى كى جى تو كنت بتمشي و تعبت شوية فنمت على شريط المترو وانا فاتحة دراعاتى. عدى المترو.  صحيت لقيتنى كده المشهد الخامس : محطة مترو حلوان : مخيمر و عباس يبحثان فى شغف عن ذراعين بشريين فجاه نسمع صياح عباس : اه ه ه ! مخيمر : عباااس! انت فين ؟؟؟ عباس : انا وقعت فى البلاعة . مخيمر : طب انت كويس؟ عباس: انا تمام فيه تلاتة كانوا واقعين هنا و كده كملنا اربعة و بنلعب ترنييب .. دور انت على الدراعين لحد ما نخلص استكمل مخيمر البحث عن الدراعين حتى وجد مجموعة من اطفال الشوارع يدحرجا كاوتش سيارة باستخدام ذراعين ادميين اعطى مخيمر لكل منهما خمسة جنيه و اخذ الذراعين رجع الى صديقه عباس و حكى له ما حدث من فتحة البلاعة  فقال عباس : يا خسارة انا كنت خلاص بفكر استقر هنا دى الكهرباء و المياه وصلت . انى واى يلا بينا عالمستشفى المشهد السادس : مستشفى الحرفيين دكتور يدعى عوكشة يرتدى العفريتة و ملطخ بالزيت يتفحص الذراعين و ام حسين فى تشكك و يقول فى ثقة :العملية دى هتكلفكوا كتير  مخيمر متأثرا : مش مهم الفلوس. المهم نتأكد انها اختى نانسي و نركب الدراعين و نلاقى علامة التفاحة فى كتفها  باب غرفة العمليات مغلق و اصوات لحام و شواكيش عالية و حالة ترقب من مخيمر و عباس تخرج ممرضة حسناء من الغرفة ترتدى فستان يحمالات يظهر كتفها العارى و عليه تاتوو علامة تفاحة ابل الشهيرة و تقول لهم : مبروك العملية نجحت يحتضن مخيمر الممرضة صائحا : اختااه اختااه .. اخيرا لقيتك يا نانسي ! و فى نفس الوقت يتبادل النظرات كلا من عباس و نانسي المشهد السابع :  يرجع مخيمر الى والديه و يخبرهم بالانباء السارة وهنا يصيح الاثنان و تحطث المعجزة  يقف الاب المشلول للمرة الاولى على قدمية ثم يفقد بصره و الام العمياء تفتح للمرة الاولى  ثم تصاب بالشلل المشهد التامن : عباس مخاطبا مخيمر : انا عاوز اعترفلك بحاجة يا مخيمر ... مخيمر : خير يا عبس؟ عباس: انا بحب نانسي و عاوز اعيش معاها فى البلاعة  يصدم مخيمر و يصيح فى عباس : انت بتخوننى يا ندل و مع مين ؟ مع نانسي؟ انا لازم اقتلك و اشرب من دمك المشهد التاسع : يذهب مخيمر بالمسدس و يطلق طلقة على عباس فتخطئ الطلقة فيقرر عباس التدرب على ضرب النار فى شارع الشيخ ريحان فى نفس الوقت كان الثوار فى شارع ريحان و محمد محمود .. مما كان يمثل فرصة ليتدرب مخيمر على الرماية يقبض على مخيمر بتهمة ان هو الطرف التالت فتقرر اخته نانسي ان تدخل كلية الحقوق لكى تترافع عنه يصاب مخيمر بالإكتئاب الشديد و يقرر ان ينهى حياته بنفسه... يصوب المسدس الى رأسه ثم تسود الشاشة و تظهر كلمة النهاية  و بعد تترات النهاية ... مشهد اخير قصير ... الدكتور الأول : تفتكر ممكن يعيش ؟ الدكتور التانى : اه طبعا ده دماغه ناشفه  قوى ! النهاية حقوق النقل محفوظة ... يا ريت تسمعوها انا على تويتر @hantarisha

[hantarisha]

من الإعجازات العلمية : الحنتريشة الزغلولية

كثر الحديث مؤخرا فى الشارع و على صفحات الجرائد القومية و الخاصة و شاشات الفضائيات و صفحات الانترنت  عن الحنتريشة الزغلولية نظرا لحساسية و غموض و خطورة هذا الأمر به فإن الضرورة تستوجب فى هذه المرحلة الدقيقة  من تاريخ البلاد كشف بعض الحقائق عن الحنتريشة الزغلولية و سوف نعرض الأن بعض الحقائق و الطرائف عن تاريخ الحنتريشة الزغلولية و قصة اكتشافها المدهشة التى ما زالت حتى اليوم تحير العلماء و تلهم العشاق و سوف نعرض ايضا بعض المعلومات الخطيرة عن الحنتريشة الزغلولية التى ننفرد بنشرها للمرة الاولى و التى سوف تحمل مفاجأت من العيار الثقيل لقطاعات كبيرة من المجتمع نرجو من الاطفال واصحاب الاحاسيس المرهفة و مرضى القلب و الضغط عدم الاستمرار فى قراءة هذه المعلومات فى عام ١٣٦٦ و تحديدا فى صباح يوم السابع و الخمسون من شهر طهرمس كان الرحالة النرويجى الشهير عبد الشكور حبروش فى رحلة استكشافية  كان حبروش فى رحلة استكشافية فى بحر قزوين و قد تعطلت اجهزة الملاحة فى الچت سكى و فقد طريقة حتى وجد نفسه فى مغارة كبيرة ذات حوائط قرمزية اللون و يعيش بها نوع نادر من الحلزونات عديمة الصدفه بدا حبروش فى استكشاف المكان و فى احد اركان المغارة وقع بصره على ما لم تقع عين بشر عليه من قبل : الحنتريشة الزغلولية كانت لحظة اكتشاف الحنتريشة من اهم اللحظات فى تاريخ البشرية مثل يوم هبط ارنولد شوارزنجر على الارض بأول دينر بوكس كنتاكى سبايسي لحم ابيض  من المعروف بعدها ان العالم قد تغير كليا بعد هذا اليوم فكيف يكون العالم كما كان قبل الحنتريشة ؟ وضع حبروش الحنتريشة الاولى فى صندوق و خبأها جيدا و اصلح الچيت سكى ثم رجع إلى النمسا ليقضي بعض الايام هناك عن صديق له يدعى مكروش اثناء العشاء حكى حبروش لمكروش عن ما وجده فى المغارة و عن قلقه الشديد نظرا لخطورة هذا الامر الجلل لم يكن فرديناند مكروش مدركا لمدى خطورة الحنتريشة الزغلولية ولا ما الذى يمكن ان يتمكن منه الشخص الذى يمتلكها بعد هذا ذهبا سويا ليفتحا الصندوق و هنا كانت المفاجأة : لم يجدوا الصندوق و لكن وجدوا الحنتريشة كما هى فى بهائها و عنفوانها الحنتريشة الزغلولية الاولى كانت تختلف تماما عن التى هى موجودة اليوم .. فقد كانت كبيرة الحجم و ثقيلة الوزن و كانت ايضا مونوكروم و ليست اتش دى كما هى الأن  نصح مكروش صديقه حبروش ان يذهب بالحنتريشة الى صديقه الإيطالى جاليليو عبد الجليل الذى يعمل فى محل بيتزا بروما من المعروف تاريخيا ان جاليليو عبد الجليل من الناس اللى عندهم خبرة فى هذه الأشياء كان جاليليو اول من نظر إلى الحنتريشة الزغلولية من منظور علمى بحت بعيدا عن الأهواء و المطامع و المصالح الشخصية كما يحدث الأن قبل ان يبدا جاليليو ابحاثه على الحنتريشة لم يكن يعلم احد بعد انها 'زغلولية' و كانت تذكر فقط بأسم : الحنتريشة فى واقع الأمر كان جاليليو مغرما و مولعا بالبلح الزغلول و هذا هو الرأى المرجح تاريخيا لسبب تحول الحنتريشة من مجرد حنتريشة اعتيادية إلى حنتريشة زغلولية علم جاليليو ان الحنتريشة الزغلوليه كان لها دور اساسى و محورى فى جميع الأحداث المهمة فى تاريخ البشرية حتى فى العصور السحيقة كانت الحنتريشة الزغلولية هى السبب الحقيقي لحرب طرواده و عرف فيما بعد ان اخيليس كان يحاول الهروب بالحنتريشة عندما اصيب فى كعبه كان الفراعنة اكثر من اهتموا بالحنتريشة و كانوا يبنون اهرامات فقط لوضع الحنتريشة بداخلها و هى السبب الحقيقي لبناء اهرامات سوسو و لولو و خوفو و اعد جاليليو الأمور لكى يستمر دور الحنتريشة الزغلولية فى تحديد مصير تاريخ البشر كما كان الحال فى العصور القديمة  و كانت الحنتريشة الزغلولية  هى السبب الحقيقي وراء الحرب العالمية الأولى و السابعة و هى ايضا سر الارض و سر شويبس كانت الحنتريشة فى الطابق الاربعين فى مركز التجارة العالمى صباح الحادى عشر من سبتمبر ٢٠٠١ ظهرت الحنتريشة فى الكثير من الاعمال الفنية ... ففى فيلم پالپ فيكشن كانت الحنتريشة فى الشنطة التى كانت مع چون ترافولتا و سامويل چاكسون عندما غنى عبدالعزيز محمود : يا تاكسي الغرام يا مقرب البعيد ... كانت الحنتريشة هى المقصودة بالبعيد و ايضا عندما غنى عبد العزيز محمود يا شبشب الهنا ياريتنى كنت انا كان المقصود بالشبشب هنا الحنتريشة و هناك ايضا  هذه الإمراة التى ترغب فى الحنتريشة الزغلولية و لكن بلا جدوى على اليوتيوب و فى عام ٢٠١١ كانت الحنتريشة لها وجود محورى فى مجريات الأحداث ... كانت الحنتريشة الزغلولية مع الثوار فى ميدان التحرير فى يناير ٢٠١١ و كانت هى السبب الحقيقي وراء عنف النظام الذى كان يحاول انتزاعها منهم و قد حاول شخص غريب الاطوار يدعى الروينى تشتيت الثوار بنشر شائعة  ساذجة ان الحنتريشة الزغلولية متحفظ عليها فى سجن طره و عندما كان وائل غنيم فى السيارة مع حسام بدراوى بعد خروجه من امن الدولة كانت الحنتريشة بداخل التابلوه لكن لم يلحظها احد و كانت الحنتريشة الزغلولية وراء الرجل الذى وقف وراء المطرب عمر سليمان فى اغنيته الفيديو كليب الشهيرة التى اذيعت يوم حداشر فبراير  كانت الحنتريشة فى كواليس مبنى ماسبيرو يوم إذاعة اغنية عمر سليمان و يمكن ان تراها بوضوح فى الفيديو الذى تسرب مؤخرا على اليوتيوب كانت الحنتريشة ايضا تحت منصة القضاة يوم لعب مبارك فى مناخيرو و لكن لم يلحظها احد و كل الناس ركزت مع المناخير الحنتريشة الزغلولية الأن تحت تصرف المجلس العسكرى و هناك تكتم شديد على هذا الأمر بإعتباره امن قومى برغم هذا فانه لا يمنع حقيقة انها تظهر من حين لأخر فى اماكن عشوائية كصلعة عمرو اديب و باروكة مفيد فوزى و بق مصطفى شعبان    من اشهر من تعامل مع الحنتريشة الزغلولية ابله فاحيته و ابنتها كارو و ايضا كائن خرافى جدا يطلق على نفسه اسم ارار سندود المكالمة التى انتشرت بأسم هبه سكس كول هى فى واقع الامر حديث مشفر بين زميل و زميلة يعملات فى المخابرات و موضوعها الحقيقي هو الحنتريشة الزغلولية الحنتريشة الزغلولية كانت الشئ الوحيد الذى اشترط محمد البرادعى ان يكون تحت تصرفه و هى السبب الحقيقي وراء رفض تولية الوزارة الحنتريشة الزغلولية لا علاقة لها بزغلول النجار كما يزعم البعض لا احد يعلم ما مصير الحنتريشة الزغلولية فى المرحلة القادمة من تاريخ البشرية فمن الممكن ان يشبكها محمد سلوفان فى لحيته او يخبئها صبحى أخوان فى جعبته او سامى عسكران فى بيادته او البردعان فى نضارته  و اخيرا يا اعزائي و بعد الكشف عن هذه المعلومات التى ننشرها للمرة الأولى نرجو توخى الحذر عند ذكر الحنتريشة الزغلولية  و لو لقيت نفسك اتخطفت بسبب المعلومات اللى عرفتها عن الحنتريشة ما تنساش تتويت انك اتخطفت عشان يجيلك فولوارز و لقد اعذر من انذر  و الله الموفق انا على تويتر @hantarisha