saraikinewss

[saraikinewss]

افغانستان توں امریکی فوجیاں کوں کڈھݨ دا عمل شروع کابل ۔ امریکا دا طالبان دے نال امن معاھدے دی طرفوں پہل کریندے ہووے افغانستان توں فوجی کڈھݨ شروع کر ݙیتے۔

[saraikinewss]

سندھ، کورونا وائرس دے مزید ٢ کیس، پاکستان ءچ تعداد ١٨ تھئی گئی صوبہ سندھ ءچ کورونا وائرس دے مزید ݙو کیس سامنڑیں آ گئے جیندے بعد صوبے ءچ کیساں دی مجموعی تعداد ١٥ تھئی گئی ھِ

[saraikinewss]

ایف بی آر دا ریونیو دی مد ءچ وݙی کامیابی حاصل کر گھیدی اسلام آباد ۔ فیڈرل بورڈ آف ریونیو ایف بی آر دا جولائی ٢٠١٩ توں جنوری ٢٠٢٠ دے درمیانی عرصے ءچ ٣٤٥ ارب روپے دی زائد وصولیاں کیتیاں ھن ، ایف بی آر نے ریونیو دی مد ءچ ١٧ فیصد پچھلے سال دے مقابلے ءچ زیادہ وصولیاں کیتیاں ھن، نجی ٹی وی دے مطابق پہلے ست مہینیاں ءچ ٩٢٠ ارب دے ھدف دے مقابلے ءچ ٥۔٨٩٧ ارب دا انکم ٹیکس کھٹا تھئیا انکم ٹیکس دی اے وصولیاں پچھلے سال دی نسبت ١۔٧٥٩ دے مقابلے ءچ ١۔١٨ فیصد زیادہ ھن ایں عرصے ءچ ١٠٣٩ ارب دی سیلز ٹیکس وصولیاں دے ھدف دے مقابلے ءچ٦۔٩٩٦ ارب کٹھے تھئے سیلز ٹیکس دی مد ءچ پشھلے سال ١۔٧٩٩ ارب دے مقابلے ءچ ٧۔٢٤ فیصد زائد کٹھے تھئے ایف بی آر کوں ست مہینیاں ءچ ٢٥٠٩ ارب روپے دے مقابل ءچ ٧۔٢٤٠٨ ارب دے ٹیکس کٹھے تھئے ھن اے ٹیکس وصولیاں پچھلے سالاں دے مقابلے ءچ ٧١٦ فیصد زیادہ ھن ۔ ایف بی آر ءچ ٢٩ فروری تک ٢٤ لکھ ٨٣ ھزار آٹھ سو ٦٦ ریٹرنز داخل تھئیاں ، ایف بی آر ءچ داخل تھیوݨ والی اے ریٹرنز پچھلے سالاں دے مقابلے ءچ تریھ لکھ ٧٣ ھزار آٹھ سو ٧٧ ودھ ھن ۔

[saraikinewss]

حکومتی کوششاں دے نتیجے ءچ چیزاں ءچ کمی آوݨ شروع تھئی گئی اسلام آباد ۔ حکومتی اقدامات دء نتیجے ءچ اشیاء خوردونوش دی قیمتاں تلے آوݨ شروع تھئی گئیاں ، بی بی سی سرائیکی دے مابق محکمہ شماریات دی مہنگائی دی شرح گھٹاوݨ دی تصدیق کریندے ہووے وزیر اعظم دی کوششاں دے عبد آٹا ، دال ، گھیو ، سبزیاں تے فروٹاں دی قیمتاں ءچ کمی تھئی ھِ ، معاشی استحکام آوݨ دے بعد ھک ہفتے دے اندر مہنگائی تریھ فیصد گھٹی ھِ ، بیورو سٹیٹکس دے مطابق ھک ہفتے ءچ مہنگائی ٦ توں ١١ فیصد تے آ گئی ھِ قیمتاں ءچ تھیوݨ والی کمی دے بعد شہریاں اطمینان دا اظہار کیتا تے وزیر اعظم عمران خان دے اقدامات کوں سوہنڑاں آکھے

[saraikinewss]

چھیڑ چھاڑ صرف جسمانی نی ھوندی بلکہ ذھنی طور تے وی متاثر کیتا ویندے، زرتاج گل اسلام آباد ۔ وفاقی وزیر برائے موسمیاتی تبدیلی زرتاج گل وی تریمتاں دے مارچ دی حامی ھن انہاں دا آکھݨ ھا کہ ھر کہیں کوں اپنڑیں آواز چاوݨ کیتے مارچ دا حق ھِ ، ہر ݙینھ تریمتاں دا ہونڑاں چاھیدا ھِ تے اساں کوں انہاں کوں عزت ݙیونڑی چاھیدی ھِ اساں کوں خوشی ھِ کہ ھک ݙینھ عورتاں کیتے رکھا گعے ، نجی ٹی دے مطابق اسلام آباد ءچ عالمی یوم خواتین دے حوالے نال تقریب ءچ خطاب کریندے ہووے انہاں آکھیا کہ چھیڑچھاڑ صرف جسمانی نی ھوندی بلکہ دماغی وی ھوندی ھِ جئیں ویلے عورت آکھیندی ھِ کہ چھیڑ چاڑ ھِ تاں لوگ صرف ایکوں جسمانی چھیڑچھاڑ سمجھدن، عورتاں کوں ذہنی چھیڑ چھاڑ دا ذکر کیوں نی کریندیاں لوغ غلط مطلب گھن گھیندن، انہاں آکھیا کہ اما حوا حضرت آدم دی پسلی توں جمی ، پسلی کوں خود توں جدا کیویں کر سکدے ھیں ۔ زرتاج گل آکھیا کہ گھراں ءچ کم کرݨ والی عورتاں وکں نی بھلنڑاں چاھیدا ، سارے حقوق دی گالھ کیتی ویندی ھِ وراثت دی گالھ نی کیتی ویندی ۔ دیھاں کوں آکھا ویندا ھِ کہ وراثت دا حق معاف کر ݙیو ، زبردستی شادیاں تے گالھ کرنی ہوسی ، عورتاں کوں کاروکاری دے ناں تے قتل کر ݙتیا ویندا ھِ جئے معاملات تریمتاں دے نال تھیندے پئن تے تریمتاں حق رکھیندیاں ھن ریلی کڈھݨ دا۔

[saraikinewss]

پنجاب پولیس ءچ ھزاراں بھرتیاں دی منظوری ݙے ݙیتی گئی لاہور ۔ پنجاب حکومت نے پولیس ءچ ھزاراں خالی آسامیاں کوں پُر کرݨ دا فیصلہ کریندے ہووے بھرتیاں دی منظوری ݙے ݙیتی ، وزیر اعلی پنجاب نے ھدایت کیتی کہ پولیس ءچ میرٹ تے بھرتی کیتے صاف ستھرا طریقہ وضع کیتا ونجے

[saraikinewss]

شادی دءِ خواھشمند دل تے جیب تکڑی کر گھنن کراچی ۔ ملک ءچ سونے دی قیمت کوں ھک واری ول پَر لگ گئے ، سونے دی فی تولہ قیمت ءچ ١٥ سو دا اضافہ تھئی گئیا ۔ تفصیل دے مطابق سونے دی قیمت ءچ مسلسل اضافہ ݙیکھدے ہووے شادی دے خواھشمند دل پکڑ تے بہہ گئے ، جیب ڈیڈھ تے جیب کوں مزید سخت کرنا ہوسی ، مارکیٹ ءچ ڈھا گرام سونے دی قیمت ءچ ھک ھزار ٢٨٧ سونے دی ھک تولہ قیمت ءچ ١٥٠٠ دا اضافہ تھئی گئیا قیتماں ءچ اضافے دے بعد ١٠ گرام سونے دی قیمت ٨٢ ھزار ٤٧ روپے تے فی تولہ ٩٥ ہزار ٧ سو روپے تھئی گئی

[saraikinewss]

کراچی ، پورٹ قاسم ءچ کیمیکل فیکٹری ءچ گیس لیکج نال ٧٠ بندیاں دی حالت غیر

کراچی ، پورٹ قاسم ءچ کیمیکل فیکٹری ءچ گیس لیکج نال ٧٠ بندیاں دی حالت غیر

کراچی ۔ پورٹ قاسم دے علاقے ءچ اینگرو پولیمر تے کیمیکل پلانٹ ءچ گیس لیک تھیوݨ دی وجہہ نال ٨٠ بندیاں دی حالت غیر تھئی گئی ایں حوالے نال اینگرو دے باضابطہ بیان ءچ آکھا گئیا کہ وقوعہ وینٹ دے ذریعے کلورین گیس دے خارج تھیوݨ وی وجہہ توں پیش آئے۔

اخباری رپورٹ دے مطابق معاملے کوں فوری طور تے ݙیٹھا گئیا تے متاظرین کوں ضروری طبی امداد کیتے نیڑے ہسپتال پھجا ݙیتا گئیا ، نال ھی اے وی ݙسایا گئیا کہ مریضاں کوں…

[saraikinewss]

افغان چیف ایگزیکٹیو عبداللہ عبداللہ تے قاتلانہ حملے ، ٢٧ بندے ھلاک

افغان چیف ایگزیکٹیو عبداللہ عبداللہ تے قاتلانہ حملے ، ٢٧ بندے ھلاک

افغانستان دے چیف ایگزیکٹیو عبداللہ عبداللہ دارالحکومت کابل ءچ تھیوݨ والی تقریب ءچ مسلح حملے آوزراں دے قاتلانہ حملے ءچ بچ گئے حملے ءچ ٢٧ بندے ھلاک تے ݙو درجن توں ودھ زخمی تھئ گئے

افغان حکام دے مطابق افغانستان دے دارالحکومت کابل ءچ تقریب دے دوران کیتے گئے حملیاں ءچ گھٹ توں گھٹ ٢٧ بندے ھلاک تھئی گئے تے ݙو درجن توں ودھ زخمی تھئے وزارت صحت دے ترجمان وحید اللہ مایر نے حملے ءچ ٢٧ بندیاں دے مرݨ دی تصدیق…

[saraikinewss]

کرونا وائرس 30 کروڑ بالاں تے تعلیم دے دروازے وقتی طور تے بند کرڈتن , یونیسکو پیرس (اے پی پی) اقوام متحدہ دے ادارہ سائنسی تعلیم وثقافت ’یونیسکو‘دے مطابق کورونا وائرس دے کھنڈنڑ تے قابو پاونڑ دی کوشش دے دوران 12 توں ودھ ملکاں اچ تعلیمی سرگرمیاں معطل کرڈتیاں گن جیں دے نتیجے اچ گھٹ توں گھٹ3 کروڑ طلباءکئی ہفتیں توں سکول نی ونج سگے ۔غیرملکی ذرائع ابلاغ نال گال مہاڑ کریندے ہوئیں یونیسکو دے ڈائریکٹر جنرل آڈری ایزولے ڈسائے جو صرف ڈو ہفتے پہلے چین واحد ملک ہئی جتھاں سکول بند کیتے گے ہن مگر ہنڑ ہک درجن ملکاں کوں سکول بند کرنڑیں پئے گن ،انہاں آکھیے جو آندے ڈینھاں اچ ودھارا تھی سگدے ۔

[saraikinewss]

ہوا تے سِجھ نال بجلی بنڑاوݨ دے منصوبیں تے پیشرفت جاری ، وزارت بجلی اسلام آباد   (اے پی پی) ملک اچ سستی بجلی دی پیداوار ودھاونڑ کیتے ہوا تے سنجھ نال بجلی پیدا کرنڑ دے منصوبیں تے پیشرفت تکھے جاری اے تے 2030تئیں انہاں منصوبیں توں بجلی دی پیداوار 24ہزار میگاواٹ تئیں پجنڑ دا امکان اے ۔ وزارت بجلی دے ذرائع دے مطابق 2017-18ءاچ ہوا تے سجھ دی روشنی نال بجلی دی پیداوار 902 میگا واٹ ہئی جیرھی جو 2018-19ءاچ ودھ تے 2231 میگا واٹ تھی گی ۔ایں ویلھے انہاں منصوبیں تے کم جاری اے ۔2020-21ءاچ ہوا تے سجھ دی روشنی نال بجلی دی پیداوار 4732 اتے 2024-25ءاچ ہوا اتے سجھ دی روشنی نال بجلی دی پیداوار 9ہزار 582 میگا واٹ تئیں پجنڑ دا امکان اے جڈاں جو 2029-30ءاچ زیر تکمیل منصوبیں دے پورا تھیونڑ نال بجلی دی پیداوار 24 ہزار میگا واٹ تئیں پج ویسی۔

[saraikinewss]

آندے 24گھنٹے ملک دیاں مختلف جہیں تے مینھ وسنڑ دا امکان اے ، محکمہ موسمیات اسلام آباد  (اے پی پی) محکمہ موسمیات آکھیے جو آندے 24 گھنٹے اچ اسلام آباد، پنجاب، خیبر پختو نخوا،کشمیراتے گلگت بلتستان اچ کھمنڑ تے ہوا گلھنڑ دے نال مینھ وسنڑ دا امکان اے ۔ ایں دوران کجھ جہیں گڑھا وسنڑ دا وی امکان اے تاں جو ملک دیاں بیاں جہیں تے موسم رکھا رہسی ۔ کشمیر، اتلے خیبر پختو نخوا اتے خطہ پوٹھوہار اچ کجھ جہیں تے ودھ سارا مینھ وسنڑ دے نال برف پوونڑ دا وی امکان اے ۔ رپورٹ دے مطابق گزریل 24 گھنٹے اچ خیبرپختونخوا، پنجاب، شمالی بلوچستان، کشمیر، اتلے سندھ تے اسلام آباد اچ کھمنڑ نال مینھ وسیا مالم جبہ اچ برف پئی ۔ محکمہ موسمیات دے مطابق گزریل 24گھنٹ اچ مالم جبہ اچ 49 ملی میٹر، دیر 29، سیدو شریف، تخت بائی 24، چیراٹ 20، دروش 17، کاکول 16، پٹن 12، پاراچنار، میر کھانی، ڈی آئی خان 15، چترال 14، کالام 10، پشاور 8، بالاکوٹ 2، سیالکوٹ 45، اوکاڑہ 45، گوجرانوالہ 42، بہاولپور 39، لاہور 38، چکوال 37، قصور 31، خانیوال، سرگودھا 30، ٹوبہ ٹیک سنگھ 26، جھنگ 24، حافظ آباد 22، ساہیوال 21، ملتان، نور پورتھل، مری، منڈی بہاﺅالدین 20، فیصل آباد 18، جوہرآباد 17، کوٹ ادو، لیہ، اٹک 15 ، اسلام آباد 14، بھکر 12، نارووال، منگلا، جہلم 11، گجرات 10، راولپنڈی 10، بہاولنگر، رحیم یار خان 9، ڈی جی خان 8، خان پور 7، راولاکوٹ 28، مظفرآباد 25، کوٹلی 17، گڑھی دوپٹہ 15، ژوب 24 ، سبی 22، بارکھان 17، کوئٹہ 6، قلات ہک، سکرنڈ 8، جیکب آباد 4، دادو، چھور 3، شہید بینظیر آباد 2، روہڑی، پڈعیدن اتے ٹنڈوجام اچ ہک ملی میٹر مینھ وسیا جڈاں جو مالام جبہ اچ 17 انچ برف باری ریکارڈی کیتی گی ۔جمعے کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق قلات اچ درجہ حرارت منفی5 ڈگری سینٹی گریڈ، کالام، پاراچنار منفی 2 اتے مالم جبہ اچ منفی ہک ڈگری سینٹی گریڈ ریکارڈ کیتا گیا ۔محکمہ موسمیات آکھیے جو ژالہ باری تے تکھی ہوا پاروں کنڑنک دی فصل کوں ضیان تھیونڑ دا ڈر اے ۔

[saraikinewss]

چیئرمین سینیٹ نال تیونس اتے ایران دے سفیراں دی ملاقات اسلام آباد ۔  (اے پی پی) چیئرمین سینیٹ محمد صادق سنجرانی نال تیونس اتے ایران دے سفیراں جمعے کوں اتھاں انجھ انجھ ملاقات کیتی جیں اچ ڈو پاسے تعلقات ، سانجھی اہمیت دے امور تے گال مہاڑ کیتی گی ۔سینیٹ سیکرٹریٹ دے مطابق چیئرمین سینیٹ محمد صادق سنجرانی تیونس دے سفیر برھان الکامِل نال گال مہاڑ کریندے ہوئیں آکھیا جو پاکستان تیونس نال تعلقات کوں قدر دی نگاہ نال ڈیکھدے ۔ انہاں آکھیا جو گوادر پاکستان دا ابھردا ہویا پورٹ سٹی اے ۔ تیونس دے سرمایہ کار گوادر اچ موجود سرمایہ کاری دے موقع توں فائدہ چا سگدن انہاں آکھیے جو پاکستان اچ سرمایہ کاری کیتے ماحول سازگار اے۔ پارلیمانی وفداں دے تبادلے ، تجارتی و اقتصادی ررابطے کوں مزید ودھاونڑ دی ضرورت اے ۔ چیئرمین سینیٹ محمد صادق سنجرانی ایرانی سفیر سید محمدعلی حسینی نال گال مہاڑ کریندے ہوئیں آکھیے جو کرونا وائرس عالمی مسئلہ بنڑ گے ۔ انہاں آکھیا جو ایران اچ کرونا وائرس پارو تھیونڑ آلے جانی ضیان تے ڈکھ اے ۔ ایران دی حکومت اتے متعلقہ اداریں دی وائس تے قابو پاونڑ دے حوالے نال کوششاں قابل تحسین ہن ۔ چیئرمین سینیٹ آکھیے جو پاکستان ایران سرحد تے سکریننگ کیتے بہترین انتظامات کیتن ، ایران اتے پاکستان وچال بہتر تعاون ڈیکھنڑ کوں ملیے ۔

[saraikinewss]

ترائے دہائیاں تئیں قوم تے مسلط رہنڑ آلے اج اپنڑی ناکامی قبول کریندے پن ،سابق وزیراعظم شاہد خاقان عباسی دا بیان اعتراف جرم اے ، ڈاکٹر فردوس عاشق اعوان اسلام آباد  (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو ترائے دہائیاں تئیں قوم تے مسلط رہنڑ آلے اج اپنڑی ناکامی قبول کریندے پن ‘ سابق وزیراعظم شاہد خاقان عباسی دا بیان اعتراف جرم اے‘ پاکستان دے عوام ڈو خانداناں دے موروثی وسیاسی ماڈل توں بیزار ہن ، عوام عمران خان کوں وزیراعظم منتخب کرتے نواں رستہ گول گھدے ۔اے گال انہاں جمعے کوں سابق وزیر اعظم شاہد خاقان عباسی دے بیان دے بعد جاری اپنڑے ہک ٹویٹ اچ آکھی اے جیں اچ انہاں آکھیا ہئی جو ”ماضی دے ماڈل ملکی مسئلے حل نہ کرسگیے نویں رستے گولنڑ دی ضرورت اے “۔ ڈاکٹر فردوس عاشق اعوان آکھیا جو شاہد خاقان عباسی دا ��ے بیان دراصل اعتراف جرم اے۔ انہاں آکھیا جو ترائے دہائیاں توں قوم تے مسلط رہنڑ آلے اج قوم دے سامنڑے اپنڑی ناکامی قبول کریندے پن ۔ وزیراعظم دی معاون خصوصی اطلاعات و نشریات آکھیے جو پاکستان دے عوام عمران خان کوں وزیراعظم منتخب کرتے نواں رستہ گول گھدے ، پاکستان دے عوام ڈو خانداناں دے موروثی سیاسی ماڈل توں بیزار ہن، عوام دی دہائی اے جوہنڑ انہاں تے ولا مسلط نہ تھیون ۔انہاں آکھیے جو اج جمہوریت دیاں گالھیں کرنڑ آلے اپنڑے دور اچ آئینی ترمیم کرتے بادشاہ سلامت بنڑنڑ دی کوشش کریندے رہیے ۔ ڈاکٹر فردوس عاشق اعوان آکھیے جو ”کمپنی سیاست“ اچ سارے شیئرز خاندان ڈے ہی رہندن، انہاں دی جمہوریت اے ہئی جو وڈا بھرا خود وزیراعظم، چھوٹا وزیراعلی، بھتریجا سایں توں وڈے سوبے دا مختاراعلی بنڑیا رہیے جڈاں جو صاحبزادی ”سوپر وزیراعظم“ دا درجہ رکھیندی ہئی ‘ عمران خان عوام دے او قبول رہنما ہن جنھاں حقیقی عوامی راج قائم کیتے ،انہاں آکھیے جو وزیراعظم کل کراچی ویسن جتھاں او عوامی منصوبیں دا افتتاح کریصن تے کراچی دے مسلیں دے حل کیتے طے کیتی گئی ترجیحات دا جائزہ گھنسن ۔

[saraikinewss]

وزیراعظم عمران خان دا معروف کامیڈین امان اللہ دے انتقال تے اظہار افسوس اسلام آباد  (اے پی پی) وزیر اعظم عمران خان معروف کامیڈین امان اللہ دے انتقال تے ودھ سارے ڈکھ تے افسوس دا اظہار کیتے ۔جمعے کوں اپنڑے تعزیتی پیغام اچ انہاں مرحوم دے اچے درجے تے لواحقین کیتے صبر دی دعا کیتی اے ۔ وزیراعظم مرحوم دی خدمات تے آکھیے جو مرحوم امان اللہ اسٹیج، مزاحیہ اداکاری اتے ڈرامہ انڈسٹری دا قیمتی اثاثہ ہن۔

[saraikinewss]

قومی اسمبلی دی قائمہ کمیٹی برائے اطلاعات تے نشریات ‘ پی ٹی وی تے بھاری معاوضہ تے ڈو اینکرز دی بھرتی دے معاملہ دے جائزہ سانگے چار رکنی ذیلی کمیٹی بنڑا ڈتی اے اسلام آباد  (اے پی پی) قومی اسمبلی دی قائمہ کمیٹی برائے اطلاعات تے نشریات ‘ پی ٹی وی تے بھاری معاوضہ تے ڈو اینکرز دی بھرتی دے معاملہ دے جائزہ سانگے چار رکنی ذیلی کمیٹی بنڑا ڈتی اے ۔خمیس کوں کمیٹی دے اجلسا اچ تحریک انصاف دے رکن آفتاب جہانگیر اے معاملہ چاتا جو انہاں کوں اطلاع ملی اے جو وڈے معاوضے تے ڈو اینکرز رکھیے گئن۔انہاں آکھیا جو ایں بارے ایم ڈی پی ٹی وی نال واٹس ایپ تے رابطہ کیتے اتے ایم ڈی ولوں میسج وی پڑھیا گئے جڈانجو انہاں دا جواب کائنی آیا ،ایں تے چیئرمین ’ آفتاب جہانگیر، ناز بلوچ، اکرم چیمہ اتے ندیم عباس تے مشتمل ذیلی کمیٹی بنڑا ڈتی اے۔

[saraikinewss]

مقبوضہ کشمیر اچ انسانی حقوق دی سنگین خلاف ورزیاں تے عالمی برادری دی چپ معنی خیز اے،مقبوضہ کشمیر دے سنگین حالات نال دنیا دے سارے ملکاں اتے متعلقہ اداریاں کوں سنجانڑ کراونڑ دی لوڑھ اے،مقبوضہ کشمیر اچ بھارتی مظالم اتے جارحیت نال خطے دے امن تے استحکام کوں خطرات لاحق ہن،وزیر خارجہ شاہ محمود قریشی دی صدارت اچ جموں تے کشمیردی صورتِحال تے مشاورتی اجلاس اسلام آباد  (اے پی پی) وزیر خارجہ شاہ محمود قریشی آکھیا جو مقبوضہ کشمیر اچ انسانی حقوق دی سنگین خلاف ورزیاں تے عالمی برادری دی چپ معنی خیز اے،مقبوضہ کشمیر دے سنگین حالات نال دنیا دے سارے ملکاں اتے متعلقہ اداریاں کوں سنجانڑ کراونڑ دی لوڑھ اے،مقبوضہ کشمیر اچ بھارتی مظالم اتے جارحیت نال خطے دے امن تے استحکام کوں خطرات لاحق ہن۔اے گالھ انہاں خمیس کوںوزارت خارجہ اچ جموں تے کشمیردی صورتِحال تے مشاورتی اجلاس دی صدارت کریندیں ہوئیں آکھی۔اجلاس اچ چیئرمین کشمیر کمیٹی سیّد فخر امام، سینیٹر مشاہد حسین سیّد اتے وزارتِ خارجہ دے اعلیٰ حکام وی موجود ہن۔اجلاس اچ جموں تے کشمیر سانگے خصوصی نمائندےاں بارے گالھ مہاڑ کیتی گئی ۔