5005-2

[5005-2]

هتقولي لربك ايه لو كنت موتي دلوقتي؟ هتقولي اصل انا ضعيفة؟ اصل غصب عني؟ احنا مش كنا خلصنا من القرف ده و ربنا تاب عليكي؟ ماشية بكل كبر فخورة بنفسك على شوية طاعات بتعمليها و لا فاكرة نفسك بقيتي حاجة و بتمني على ربنا الغني بعباداتك الزيادة اللي اصلا هو اللي خلاكي تعمليها و الكبر دخل قلبك و بقيتي شايفة انك الجامدة اللي مفيش ذنوب تقف قصادها و الي ارادتها من حديد و بتحاول وفخورة اوي بمحاولاتك و انتي منيلة بستين نيلة و تستاهلي الخسف بدماغك و ذنوبك اللي لولا ستره عليكي كان زمانك من الهالكين.. اتغريتي بكلام الناس على اخلاقك و أدبك و ان ااه دي بتصلي مش عارفة ازاي اااه خليها تتدعيلك دي دعوتها فيها خير ايه؟؟ هو حد من التاس دي عارف انتي ايه ولا كنتي ايه؟؟ اتبسطتي من نفسك عشان قربتي خطوة واحدة بعد كل الضلمة اللي كنتي فيها ليه؟ و ده مش شيطان و انتي عارفة انه مش شيطان دي نفسك مش عاملة فيها الناصحة اللي بتعرف تفرق بين الاتنين و بتقفي بكل غرور في الصلاة تعاندي الشيطان ؟ ها عرفتي ان نفسك هي اللي حقيرة و مش الشيطان السبب؟ هو خرج عشان أستكبر يسجد وانتي شوفتي الكبر اللي دخل قلبك و رجعك كام خطوة ورا؟ هتعملي ايه من غيره؟؟ هتروحي اصلا تقوليله ايه؟ أنقذني تاني من نفسي؟ ما شالك من المستنقع اللي كان جواكي و رجع فيكي الروح محافظتيش ليه على النعمة؟ مش بتحوشي للعمرة ها كنتي بتحوشيلها عشانه ولا عشان كبر في نفسك برضو؟ هتعملي حسنات أد ايه عشان يضيعو السيئات دي؟؟ هو الغفور الرحيم بس انتي مش مكسوفة من نفسك؟؟ و متجريش على الأدوية انتي عارفة انها مش هتعمل حاجة وعدم نومك من احساسك بالذنب مش هيغير حاجة انتي حتى دعاكي على نفسك زي الغبية بالموت دلوقتي مش هينجيكي يا متخلفة كنتي متي و انتي كويسة على سجادة الصلاة زي ما بتدعي تبقي زي ابوكي بس انتي فين اصلا ولا تيجي شعرة منه؟ انتي مين اساسا؟ هتجري عليه تقوليله أنقذني و نجيني من نفسي و انا مليش غيرك و هترجعي تعملي نفس الذنب تاني لحد أمتى؟؟ كتب علم النفس اللي فرحانة بيها بتقولك متجلديش نفسك و انتي حاليا محتاجة مش جلد بس انتي محتاجة نار تفكرك باللي بيحصل للي زيك لما يروحو يقابلوه هو الرحيم لكنه المنتقم برضو ولا نسيتي القرآن هو انتي اصلا القرآن ده دموعك وانتي بتقريه كانت حقيقية ولا رياء؟؟ وقت الصلاة لما كانت بتلمسك الآيات كان احساس حقيقي ولا بتنافقي نفسك؟؟ في ايه حقيقي و ايه رياء و نفاق؟؟ هتقومي تصلي دلوقتي و تستغفريه ولا هتفضلي مكسوفة من نفسك؟؟ اااااه اجري بقى هاتي القرف ده و فكري انك تخلصي من حياتك كلها عشان انتي مضغوطة و خبطي دماغك في الحيطة و يمكن تظبط معاكي المرة دي بجد و تخلصي من الدنيا و فوق عنده لا هتروحي لأبوكي ولا اخوكي و هتروحي جهنم بغبائك و ضياعك لكل حاجة كويسة هو انعم عليكي بيها

هتقوليله انا مستاهلش النعم اللي انت مغرقني فيها انا بعصيك بنعمك عليا؟؟ هتفرق دموعك في حاجة؟ لزمتها ايه؟ بعد ما أنعم عليكي بتقواها بتختاري بأيدك فجورها ليه؟؟

[5005-2]

يا روح قلبي ❤️

[5005-2]

[5005-2]

الواد مصطفى ابن اخويا بيفكرني بمحمد الله يرحمه اوي، و كل ما بيقعد يتكلم معايا بحس إني بكلم محمد و ده احساس حلو لأن محمد على طول واحشني لكن بخاف على مصطفى و بدعيله ربنا يبارك في عمره و يحميه. امبارح لما حلمت بمحمد صحيت من النوم بضحك من كتر ما كان جميل و زي ما حضنته في الحلم كنت حاسة إني حضنته بجد و ضحكته الجميلة صاحية شايفاها و يا الله على جمال ضحكة محمد إد ايه كانت طيبة لكن هو اكيد دلوقتي في مكان أحسن و اوقات بقعد أتخيل انه قاعد مع بابا و متونسين و مفيش وحشة ولا ضلمة زي اللي بخاف اروح المقابر بسببهم عشان قلبي مبيتحملش فكرة انهم جوة و بعدين بفكر نفسي ان الجسد فاني لكن هي روحهم عند ربنا و مبسوطة و بدعي ربنا يحسن خاتمتي و أبقى معاهم... الحبايب اللي فارقو دول مبيتنسوش مهما عدت السنين بحس إني محتاجة بابا و من يوم ما محمد مشي ولا عمري عرفت أعمل صحاب ولا عرفت اصلا يعني ايه صداقة و كل الناس من بعدهم خسارتهم مش مهمة و بالوقت بيتنسو مكنش فيه أغلى منهم لكن إنا لله و إنا إليه راجعون كلنا هنمشي

ربنا يرحمهم و يغفرلهم و يارب يكونو سوا

[5005-2]

كتاب الداء و الدواء من أحلى الحاجات اللي قريتها السنة دي و خلصتو مرتين و كل شوية لازم أرجع لأجزاء منه من كتر ما هو مفيد

بأمر الله هشتري نسخة ورقية منه و هكمل باقي مؤلفات أبن القيم

[5005-2]

[5005-2]

[5005-2]

في معظم مراحل حياتي، كان خوفي الأكبر أن أكون سبب حزن لشخص أحبه، أن أكون الشخص الذي يجرح قلبه أو يشوّه صورته في أعين الآخرين. بدأ مع والدي، ثم مع الرجل الذي أحب، ومستقبلًا، أخشى أن يكون ذلك هو مصيري مع أبنائي.الحب بالنسبة لي هو التزام بأن لا أكون عبئًا عليهم، بأن لا أُحبطهم. ولكنني أيضًا لا أريد أن أختنق بتوقعات الآخرين، أن أعيش تحت ضغط أن أكون ما يريدون مني أن أكون. وسط كل هذا، أشعر أنني فقط أحتاج لأن أكون أنا، بكل تمردي، بكل قوتي، ولكن دون أن أسبب لهم الحزن.

[5005-2]

ايامي الفترة دي هادية الحمدلله صحتي بقت أحسن رجعت الچيم بحدود بس الحمدلله، رجعت للشغل، رتبت دماغي و مشاعري(بحاول) ختمت القرآن في فترة قليلة بعد انقطاع بسبب التعب اللهم لك الحمد و يديمها نعمة

كل دعائي من شهر كان يارب مش عايزة أبقى لوحدي و من بعدها ربنا بيخرج كل الناس من حياتي😅 و عامة انا لما بدعي بحاجة في القيام ببقى متيقنة انها هتحصل فا المرة دي استغربت ليه يارب!!! لقيت إني بدعي دايماً ان ربنا يحبني و يقربني منه و يبعدني عن اي حاجة تشغل قلبي عنه فا جمعت ان ده السبب في ان كل الناس دي بتختفي لوحدها كدة لكن في نفس الوقت مش زعلانة انا واثقة حبيبي الحكيم الخبير هو أدرى بالأصلح ليا

كنت عايزة أقعد في المكان ده تحت الوردتين و حد يصورني عشان كنت لابسة نفس لون الورد 😂

مش باكل درة بس الست كانت عايز تبيع و طلبت مني فا اتحرجت اكسر بخاطرها فا اشتريت و الغريبة انها طلعت تحفة و انا مبحبهاش بس دي كانت جميلة ❤

بودكاست عماد رشاد ده لطيف لكن مش قوي زي الفيديوهات اللي كان بيعملها في بيته و مكتبته بطريقته و أسلوبه

الكتاب ده لطيف و سهل لكن برضو هيفضل بالنسبة لي الأجانب اكتر ناس بحب أسلوبهم وشرحهم في اي حاجة ليها علاقة بعلم النفس

الحمد لله على نعمة اليوم العادي الهادي، الحمد لله على نعمة الصحة اللي بتخلينا نقدر نمشي و نتحرك و ندوق أكل حلو، الحمدلله على نعمة أستشعار الجمال و الأحساس بنسمة الهوا و رؤية الألوان، الحمدلله على القلب الكويس اللي بيتمنى الخير لكل الناس حتى اللي زعلان منهم او اللي مبقوش موجو��ين

[5005-2]

الحقيقة ان انت لوحدك في الدنيا و هتفضل لوحدك و ملكش غير ربنا حتى لو حواليك أهلك و حبايبك انت برضو لوحدك، محدش عارفك ولا حاسس بيك ولا داري باللي جواك و مهما شرحت او اتكلمت في حاجات كتير ميعلمهاش غير ربك فا البشر اوقات كتير ملهاش لزمة و الأذية بتيجي منهم كتير... فا أحبب من شئت فأنك مفارقه و مش هتفرق الفراق ده يبقى النهاردة او بعد سنة ولا شكله ايه المهم انه هيحصل، فلان شايفني شخص كويس و فلان التاني ظالمني و فلان ده غلط في حقي.. مش مهم أنك لميت و أنهم لميتون هتفرق في ايه هو شايفني ازاي؟ و انا هكسب ايه لما اناقشه و أقوله انت ظلمتني و أصلحله الفكرة اللي واخدها عني؟.... مش هيبقالك غير ربك وحده أعلم بنفسك. و وحده في ايده يهديها او يشقيها، وحده في ايده كل حاجة في حياتك و وحده أولى بكل وقتك و طاقتك و مجهودك عشان يحبك إنما البشر وحشين و كل ما هتقرب حد لقلبك كل ما بتديلو فرصة أكبر لوجعك بعد كدة و محدش بيطلع طيب في الآخر انت اللي بتتطلع عبيط و باقي على العشرة وبتدلدق حنية وشايف الناس بسذاجة قلبك و مع أول وقعة او غلطة او حتى سوء فهم كل واحد بيبان وشه الحقيقي، هتلاقي اللي يكسرك بكلام فضفضت بيه و اللي هيعايرك بذنب حتى لو بطلته و اللي هيدوس عليك عشان يستغلك و اللي حتى مش هيديك فرصة تدافع عن نفسك فا ليه؟؟ خليك مع ربك هو الباقي و الأحن و الأرحم و الأعلم بيك

[5005-2]

[5005-2]

- إنك لا تستطيع أن تتصور كم عذبوني جميعًا الأعداء والأوغاد والأصدقاء ، حتى أن الأصدقاء عذبوني أكثر من الأعداء.

-الشياطين

- دوستويفسكي هنحاول نديلو فرصة و اتصالح مع الاسامي 🤦‍♀️

[5005-2]

اللهم أرنا الأشياء كما هي و الأشخاص كما هم

[5005-2]

هو ده اللي بيقوله عليه عبيط في الآخر

[5005-2]

[5005-2]

[5005-2]