a7ebshamsek - Tumblr blog

[a7ebshamsek]

اخذي حياتي ولكن عطيني وعود

انك لو يطول الفراق بترجعين

الله خذا عيوني وجابك يالعنود

تكفين لا توخذ عيوني مرتين

[a7ebshamsek]

غيرك لو انه فرش فدروبي ورود

وفرض قبل مقدريته احترامه

اقول له ما على مشاعرك زود

لكن خلك على فراش الكرامة

أما انت ولا بلاش معاشر الخود

ماني مبدل شدادي بالمسامة

[a7ebshamsek]

خلّيت الأحزان بأقصى القلب منثبرة

ياكثر كذبي على نفسي وأنا داري

قم ياقصيدٍ يعزّي لا إنتثر حِبره

إليا حداني زماني تفزع أشعاري

[a7ebshamsek]

‏وطمنوا قلبه وقلبه هو مظنّة داري

‏هو بشاير نور صبحي هو دفاوة ليلي

‏اهيفن كن البراري في يديه اسواري

‏اغيدن كن الغمايم في يده قنديلي

[a7ebshamsek]

ياقو قلبك على الصّـده ويـا صُبـرك

وياوسع صدري على صدك ويا صُبري

وياطـول عمـرك بذاكرتـي وياكُبـرك

وياشيب عيني بشيّب عـاد ذا كُبـري

[a7ebshamsek]

وشفتك تناظرنـي وأنـا عنـك قفيـت

مقهور راحت منـك عشـري ثمانـي

ياليتنـي مــا جـيـت شـفـقٍ ومـريـت

وما شفت شوفٍ زاد منه إمتحاني

[a7ebshamsek]

عطيتك قلب لو غيرك خذاه

‏ماينام الليل من حرصه عليه

[a7ebshamsek]

كل عام وانت بخير

ياغلا البشر ياسيد الساده

تكفى وسامحنا على التقصير

والله يزود بعمرك اعياده

وانا اللي احبك محبه غير

من قلبي وفودة افواده

[a7ebshamsek]

باقي على عيد الأضحى عدة أيام

‏متشفق لشوفتك لو هي بصوره

‏العيد لا يعدي مثل عيدي العام

‏عيد ما شوفك فيه باهتَ شعوره.

[a7ebshamsek]

ما جيت أسومك مثل هالناس بالمال

‏ولا جيتك أصغر في عيونك ولا أطيح

جيتك بلهفة عاشق وعقل رجّال

‏وقلبٍ يشوف أن الحنايا مراجيح

‏في نظرتي حلمٍ قطفته من البال

‏وفي خطوتي عمرٍ خطفته من الريح

[a7ebshamsek]

العفو دام العفو للمقتدر

قدرك ربي على قلبٍ يبيك

اما يذبحني جميلك وتغفّر

ولا انا ذابحني ذنبي قبل اجيك

انت ياللي اوسع الدنيا صدر

احلى من الاحباب لا جيت ارتجيك

[a7ebshamsek]

هو صحيح انك حبيبي اللي دله

‏واستوى عندك فراقي والوصال

‏‏كل جرحٍ غير جرحك بقبله

‏وكل ظلمٍ غير ظلمك لي عدال

[a7ebshamsek]

مرحباً والـدار دارك ومحبوبـك فـداك

تـو ماجـرد المحانـي تبسـم ريفهـا

هينه كل الليالـي قبـل يصعـب لقـاك

رحت عشاق الليالـي وجيـت معيفهـا

علمتني فرحة العمر كيف العـب معـاك

وضيعتني رحلة العمـر فـي تصريفهـا

[a7ebshamsek]

‏وش تبي بي؟ ماوراي الا الضياع

‏وذكرياتٍ من ربيع اليا ربيع

لاتغرك مفردات الاطّلاع

‏فلسفاتٍ جبتها من كل ريع

الغرام أوهام والدنيا متاع

‏وأنت لاتتبع هوى نفسك تضيع

[a7ebshamsek]

يا ضايق الصدر بالله وسع الخاطر

‏دنيـاك يا زين ما تستـاهل الضيقه

‏الله على مـا يفرج كربتـك قـادر

‏والله له الحكم في دبرة مخاليقه

[a7ebshamsek]

اموت بنظرةٍ منّك وينبـت فـي دروبـي عشـب

إلـى منّـه شربنـي صوتـك الفتّـان واحيابـه

عظيمه هالقلـوب اللـي تحـب وخافـقٍ ماحـب

حياته وش حياته ل��و يمـوت فراقـه أولـى بـه

[a7ebshamsek]

على الهون ياجرح المفارق وضيق البال

‏على الهون ياهمٍ سطابي وقدّرته

‏اعزك لو انك جرح ومجاهدك قتال

‏وروضت جسمي لاجل سقمك صبّرته