Last Seen Blogs
Photo
Labaw Donggon, Hari Manawari, Prinsesa Ganda, at Saragnayan take Twitter by Storm as @DonggonLabaw, @ManawariHari, @ganda_prinsesa at @Saragnayan123
Sino ang magttrend?
Abangan.
0 notes
Quote
Be Careful With My Kasaysayan
isang blog tungkol sa seryeng Be Careful With my Heart na ipinalabas noong July 9, 2012.
***ser, sa pinaka-baba po ng pahina nagsisimula ang aking blog patungo sa taas hehe salamat po
0 notes
Quote
Bakit ako kasaysayan?
adobongspaghetti15
Kung sasagutin ko ang tanong na ito pagkatapos pagnilayan ang lahat ng aking napag-usapan, siguro, masasabi ko na kaya ako nagiging kasaysayan ay dahil sa pamamagitan ng aking panonood ng buong seryeng ito, nakabubuo ako ng sarili kong kasaysayan ang mundo base sa kung ano ang nakukuha ko mula sa kuwento. Dahil ang BCWMH ay isang paglilikha din ng mga awtor at manunulat ng serye, ang aking panonood nito ay lumilikha ng panibagong interpretasyon at kuwento base sa kung paano ko ito naiintindihan sa pamamagitan ng pagsasakonteskto nito sa totoong buhay. tulad ng paggawa ng blog na ito, ang naibabahagi ko sa inyo ay hindi na yung orihinal na kuwento ng BCWMY kundi ang aking kasaysayan ng kwuentong ito. Ako ay nagiging kasaysayan dahil nabibigyan ko ng halaga at sariling interpretasyon ang mga problemang naranasan ng mga tauhan sa kuwento at kahit papaano, ay natututo ako mula rito. Ngayon, ako na mismo ang gumagawa ng sarili kong kasaysayan sa konteksto ng aking mga napanood dahil naihahalintulad ko na rin ito sa aking mga karanasan sa buhay. Hindi ko aakalaing noong 13 taon palang ako, ang simpleng panonood sa crush kong si Janella Salvador ay uuwi sa pagtatanto sa aking pagtatangkilik sa kung ano ang popular noon, aktibo akong humuhulma sa kasaysayan ko at ng mundo. Kung kaya’t, mas malalim na ang aking nosyon ng pagiging isang simpleng tagasubaybay lamang dahil ngayon, ako na mismo ang nagiging kasaysayan. : )
0 notes
Quote
ano ang implikasyon nito?
ang adobongspaghetti15
Ngayon at nasilayan na natin kung paanong naisasalamin ng mga kaganapan sa kuwento ng BCWMH ang mismong konteksto noong panahon na ito, marahil, mahihinuha natin na ang mga problemang hinarap ng pamilya ni Maya sa probinsya ay tunay ngang mga suliranin noon. Bukod pa rito, ang mga problema ring naranasan ng pamilya ni RIchard ay mga bagay na pinagdaanan din ng mga mayayaman noon at pati na rin ngayon.
Para sa problema sa kontksto ng probinsya, laganap talaga ang pagnanais na lumuwas papuntang Maynila upang makahanap ng trabaho dahil sa paniniwala nila, ang pagluwas ay isang oportunidad upang makapagsimula. Ang mga kaugalian din siguro ng isang pamilyang nagmula sa probinsya ay replektibo sa karakter ng mga tao sa paglipas ng panahaon sa ating kultura. Ang pagiging magalang, madasalin at pagtatanaw ng utang na loob ay ilan sa mga bagay na kitang-kita sa kung paanong nakikisalamuha ang mga tauhan sa kuwento. Kung babalikan din ang kasaysayan ng Pilipinas, tiyak na ang mga bagay na ito ay pinahahalagahan mula pa noong sinaunang panahon kung saan ang utang na loob ay malaking bagay. Ang pagpapatuloy ng kulturang ito ang siyang dahilan kung bakit kitang-kita pa rin sa mismong mga uri ng literatura na nakikita natin ngayon.
Sa kabilang dako, ang konteksto ng siyudad ay nagpapakita na kahit na tila mas maginhawa ang buhay ng mayayaman, marami rin silang kailangang lagpasan na suliranin. Sa kaso ni Ser Chief, ang mismong estado niya sa buhay ang naging hadlang sa kanya para sa kanyang relasyon kay Maya. Maraming tao ang hindi sumang-ayon dito dahil magkaiba nga talaga ang kanilang pinanggalingan at pinansyal na estado. nariyan din ang mga problema na naka-ugat sa pagpapatakbo ng kanyang malaking negosyo at ang kanyang responsibilidad bilang tatay. Dahil nga sa tunggalian ng mahirap at mayaman, ang binary na ito ang isang konsepto na hindi lang natin maiuugnay noong panahon na ipinalabas ang seryeng ito sapagkat kahit ngayon, ito pa rin ang pangunahing pinagmumulan ng problema. Kung babalikan muli ang kasaysayan, ang hindi pagtanggap kay maya dahil sa sosyo-ekonomikong estado ay maihahalintulad natin sa kung papaanong mayroong antas ng lipunan noong unang panahon. Noon, hindi rin magiging katanggap-tanggap ang pagkakasal sa isang maharlika sa isang alipin.
0 notes
