ahmedabdelsalam

[ahmedabdelsalam]

كل عام والمرابطين على ثغور الإسلام بكل خير

[ahmedabdelsalam]

'‏كانت اغلي مُهرة في سوق الرهاوين بعديها بسنتين بقت نمرة واحد في سبق الحصالة و بعدين تتعلق و تتشد كارو!

دنيا غريبه . مكتوب'

دا حوار عبدالملك مع عشرى

وكانت اول ما شدت كارو كانت ف اخر مشهد و زرزور راكبها وهو رايح يخلص ع ابراهيم وعشرى وكأنه بيحكي لعشرى المكتوب واللي هيحصل فيه

وكمان الكدر بتاع الجبل دا من وجهه نظرى انه واخد خلفيه نفس المه‍ُره وكأن ان مفيش مفر من المكتوب لعشرى وابراهيم

فيلم التفاصيل ف كل اعاده الفيلم تلاقي تفاصيل جوه تفاصيل

ابراهيم الابيض ٢٠٠٩💕

[ahmedabdelsalam]

احنا كائنات بتحب التقدير بالفطرة طب لو معندناش الكفاية نزعل .. اكيد لا 😅

غالبا لو انت ماشي في طريق سعي او مجاهدة نفس هتكون لوحدك فلازم تتكيف علي الوحدة وتحولها لحاجة ايجابية عشان كدة لازم نتصالح ونستمتع باللي بنعمله ونتقبل نفسنا ونبسط نفسنا اوي 😊

تاني حاجة لما تكون ماشي في طريق فالحل الاول هو انك تكون مع ربنا .. ربنا كدة كدة معانا ولكن الاهم اننا احنا اللي نكون معاه ولازم نحسن الظن فيه لانه امرنا بكدة ودي حاجة مهمة في عقيدتنا 💙

لو حاسس انك وحيد في طريقك وسعيك وصراعاتك النفسية ومجاهدتك لاي جانب من جوانب الحياة او الدين لازم تفتكر الايه دي..

( وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ )

نكون مدركين المعنى بتاعها ان حتى لو محدش شاف ولا قدر اللي انت بتعمله يكفي ان ربنا شايف انت بتعمل ايه كويس اوي 🙏 🖤

[ahmedabdelsalam]

ابقي كداب لو قولت مبقتش احبها ويمكن هي نفس الحوار وفات كتير اوي ولسه برضوه... خايف لتكون رغبه في الوصول ليها وبس..... معتقدش 😅...

بنظره منها الواحد نسي العالم كله وهي هتيجي انا واثق من كده بس مش برساله... لازم كلام وش لوش بس صعب يحصل.... الفرق بقي بيني وبينها اني لسه فاتح الباب علشان لسه عايزها وهي ولا قافله ولا فاتحه متردده وعلشان كده مش هتيجي بشات... لازم نتقابل... لازم نتقابل

[ahmedabdelsalam]

-انت مش هتبطل يا احمد اي حد يكلمك تاخده على قد عقله كده !

=نبطل يا معلم ، عينيا ليك.

[ahmedabdelsalam]

التقدير مهم

الإنسان لما بيحس إن فيه حد بيقدره بشكل مناسب بيقدم أكثر من المتوقع ،سواء التقدير دا كان فـ علاقة او شغل خصوصا فـ الحب أنا ممكن أجيب الدنيا كلها للشخص

الـلي بحبه لحد أخر نفس طول ما هو بيقدرني ، التقدير بيحفزك و بيديك طاقة غير طبيعية،أما قلة التقدير بتقفلك من الـ قدامك

وعلي نفس المقياس تقديرك واحترامك في بلدك بيفرق معاك جدا في كل الجوانب..مجرد احساسك بالتقدير والاحترام بينعكس علي انتاجك بشكل كلي

دايما الشعب بيتمني حياة الغرب مع ان لو ركزنا شويه هنلاقي حياتنا احسن من دول كتير بس الفرق الوحيد بينا وبينهم انهم بيقدروا بعض وكل واحد عارف حقوقه كويس جدا 😅

[ahmedabdelsalam]

ابعد عن العميل اللي مش فاهم حتى لو هيدفعلك كتير

واشتغل مع اللي فاهم حتى لو هيدفع اقل

وادعي ربنا ميوقعكش في عميل مش فاهم وممعهوش فلوس

[ahmedabdelsalam]

فعلام اسعي او احاول جاهدَ .. اخفي ما بي من غرام ضاري

اولست من زرع الرمال قصائد .. فخضرت الصحراء من أثاري

[ahmedabdelsalam]

فعلام اسعي او احاول جاهدَ .. اخفي ما بي من غرام ضاري

اولست من زرع الرمال قصائد .. فخضرت الصحراء من أثاري

[ahmedabdelsalam]

عبد الملك زرزور

الخاسر الاكبر فى معركة الكبرياء و الحب

حتى و هو بيدوس على قلبه و يقول جملته الشهيرة

"اهون عليكى تهونى عليا" و بعدها طلقة كان فاكر انها هتريحه من كل حاجه و تنهى المهزلة دى

ثوانى و كان عنده احساسين مختلفين

الاول الندم ثانيا الكره و الغيرة من ابراهيم اللى حتى و هى بتموت بتزحف لعنده تموت بين ايديه

" اصل المعلم بعيد عنك عنده لطف ببنت العفريته دى ربنا يكفيك شر الراجل لما يحب مرا"

[ahmedabdelsalam]

هيفضل الشخص اللي بيخاف ربنا والحنيّن هو الأميز على الإطلاق، تخيّل كدا حياتك فيها شخص عارف الأُصول والحلال والحرام وحنيّن عليك بكلامه وبأفعاله، شخص لا هيكدب ولا هيخون ولا هيجرح ولا حتى هيتخلّى عنّك، إيمان قلبه بيمنعه يعمل أي تصرُف مؤذي ودايمًا بيقيس أي تصرُّف على نفسه قبل ما يعمله.. فلو لقى إن التصرُّف دا مُمكن يوجع اللي قُدامه فالتصرُّف دا ممنوع من قاموسه.

[ahmedabdelsalam]

أمي كانت دايمًا تأكد علينا وإحنا صغيرين أننا لو روحنا عند حد منطلبش حاجه من أكل أو شرب ولو اتقدملنا حاجة منهجمش عليها ناخدها وناكلها بلهفه ومنمدش أيدينا عليها الا بعد إلحاح من الشخص اللي بيقدمها ولو إتسألنا اتغديتوا او اتعشيتوا؟ كانت دايماً الإجابة أيوه الحمد لله، ممنوع نجري نتنطط عند الناس ونبهدل الشقه ولا نفتح البونبونيره نفضل نطلع منها شكولاته ونلحوس الدنيا، ممنوع فتح شنطه حد أو حتي اختلاس النظر جواها ولا نشبط في موبايل ولا أي متعلقات شخصيه لأي حد، عمرنا ما عيطنا علي لعبه في أيد غيرنا مثلا... وممنوع فتح أي باب أوضه علي حد إلا بعد الخبط 3مرات ونسمع اللي جواه بيقولنا "ادخل"... وفي المقابل كانت مكفيانا في كل الجوانب دي وأكتر في بيتنا، الواحد بيشوف مهازل دلوقتي في التربيه والأساسات اللي بتتربي في الأطفال فأنا ممتن لأمي علي الحاجات اللي زرعتها فينا وإني عمري ماحسيت إن في حد عنده حاجه مميزه ممكن تخليني أغير منه..... أمي خليتنا لو دخلنا مكان وخرجنا منه يتقال علينا "شبعانين" ❤️

[ahmedabdelsalam]

بص ..

ما أضحكش عليك، طالما فكرت تنجح و تبقى حاجة فا إنشف كده و إعمل حسابك من الأول إن مش هتمشي بالساهل ... و اللي هيكسروا مآديفك هيبقوا أضعاف اللي بيشجعوك، ده إذا لقيت حد يشجعك أساسا ..