ammarnabileg - Tumblr blog

[ammarnabileg]

هو الـ Entrepreneur بيقدم الورق بتاعه فين عشان يشتغل؟ 😅〽️

ريادة الأعمال أو الـ Entrepreneurship مصطلح إنتشر بشكل كبير الفترة اللى فاتت بس أغلب الناس مش فاهماه بالشكل المظبوط، وعشان نفهم معناه لازم نوضحة بمثال.. رائد الأعمال دا هو ببساطة شخص بيبتدى مشروع معين من نقطة الصفر وبيوفرله كل الموارد اللى هو محتاجها زي العنصر البشرى والعنصر التمويلى وهكذا.. طب كدا يعتبر زي أى شخص بيبدأ أى مشروع؟!لا الحقيقي مشاريع رائد الاعمال لازم تكون مبنيه على "فكرة جديدة خارج الصندوق" وبتتقدم كشكل من إتنين.. أول شكل بيبقي عبارة عن منتج متواجد لكن هو قدم من خلاله Value جديدة وممكن يكون منتج جديد كلياً بس السوق محتاجة، تانى شكل بيكون عبارة عن خدمة جديدة الناس محتاجينها لانها بتساعدهم على حل مشكلة معينه.بالنسبة للتعريف اللى وصلك من الفقرة اللى فاتت هو مجرد تعريف مبدأي أو جزء من التعريف الأساسي لأن زمان كان تعريف رائد الاعمال كان مقتصر على الناس بتوع ال Business اما دلوقتى بقي بيضم كمان المسؤولين عن الانشطة السياسية زي الأحزاب وكمان الأنشطة الاجتماعية والمؤسسات التوعوية "NGO" ودول عبارة عن مجموعات ومنظمات مش بتخضع للحكومه ودول بيكون ليهم مصلحة عامة ودا ميمنعش إنها تتعاون مع الحكومه أو تاخد مساعدات وتمويلات منها لكن الفكرة انها إتأسست وإشتغلت من غير رقابه من الحكومه.كمان عشان نستكمل التعريف لازم تعرف إن رائد الأعمال دايما بيكون شخص مجازف بيمسك في أى فرصه بتكون قريبه منه أو بعيدة، حد مثابر عنده إيمان كبير جدا بقدراته، مرن يقدر يغير الطريق وقت ما يحتاج، عندة القدرة إن يتطور، شغفه تجاه هدفه علطول بيحركه، قابل للقيادة عشان هيكون قائد في يوم من الأيام! 💪وفي الاخر، ريادة الأعمال مش وظيفه إنما هي عبارة عن طريقة تفكير، ريادة الأعمال هى عمل وراه شخص مؤمن بفكرة معينه وعنده شغف ناحيتها وقادر على التأثير علي اللى حواليه بأنهم يؤمنوا بفكرته وبعدها يجذبهم عشان يتعاونوا معاه لتطويرها، رائد الأعمال شخص جائع باستمرار تجاه تطوير أفكاره وعمل تعديلات لها لجعلها أكثر نجاحاً وانتاجية!مش هخدعك وأقولك أن كل الناس قادره أنهم يكونوا رواد أعمال، بس عاوز أقولك إن اللي يقدروا يكونوا رواد أعمال هما أكتر من اللى في توقعاتك، وانت ممكن تكون واحد منهم! 😎👋

[ammarnabileg]

قرار ال Career Shift العظيم! 😅〽️

فكرتك فى الكارير شيفت فى حد ذاتها كويسه لكنها محتاجة بس للتوقيت الكويس وكمان دراسة لكل أبعادها والنتائج اللى هتترتب عليها، بس خلينا نعرف ايه هو معنى المصطلح دا؟!

ببساطه.. معناه إنك تغير مجال شغلك بنسبة 180 درجة زي مثلا من مهندس للاعب كورة أو من دكتور لممثل، وهكذا..

طب إيه الاسباب اللى ممكن تخليك تعمل كدا؟؟

- انت مثلا ممكن تكون مخلص كلية هندسة وتكتشف إنك أصلاً عايز تشتغل في مجال الحسابات وفي الغالب الناس غيرت شغلها دي بتنجح بشكل كبير سواء على صعيد المرتب او على الصعيد الإجتماعي!

- ممكن الشركة اللى انت بتشتغل فيها تكون بتديلك شغل كتيير بيسبب ضغط جامد ليك وفنفس الوقت مفيش تقدير، مع العلم انه مش لازم يكون تقدير مادى ، ممكن يكون معنوي عادى بس يكون فيه تغيير عن التقدير العادى اللى كنت بتشوفه قبل كدا!

- ممكن كمان يكون بسبب انك مش بتكتسب حاجة جديدة، واقف في مكانك.. ثابت مبتتحركش، مفيش مهارة جديدة أو خبرة بتزيد!

- ممكن يكون بسبب حاجة خارجيه زي مثلا انك داخل على أزمه كبيرة هتدمرك زي أزمة السياحة اللى حصلت فترة ٢٠١٦ واللى أثرت على قطاع كبير جدا من الموظفين والعمال، وكمان الأزمة الحالية "فايروس كورونا" اللى هزت عرش العمل في العالم وأثرت على ناس كتير جدا.

انت ممكن تكون دخلت مجال بتحبه بس انت سنك بيكبر ومحتاج وانت بتفكر تشوف هل المجال دة هيغطى تطلعاتك الماديه والتزاماتك كشاب محتاج يحقق حاجات كتير ولا هتكتفى بحب المجال بس والعائد ضعيف؟!

- يعنى بمعنى اصح هتلتزم إنك تشتغل الحاجه الى بتحبها وتستحمل ضعف العائد عالأقل في البداية ولا هتكمل فى اللى انت فيه وتطور نفسك من الناحيتين علشان تقدر تحقق نجاحات ماديه و معنويه لحياتك؟

وفالآخر.. أيا يكن قرارك نصيحتى ليك إنك تشيل من دماغك موضوع الفشل لأن محدش له حاجة عندك، ممكن تغير وسنك مناسب لكن لازم كل جهدك يكون خالص للكاريير الجديد اللي بتحبه. 💛