- اللهم ربّ القوة ، لا تكلنا إلى ضعف أنفسنا ، ولا تجعلنا نركن إلى وهن وأنت الكريم الجبّار ..🤲💙
0 notes
- دايما بيتقال " لما الحاجة بتضيع من الإنسان بيعرف قيمتها " كنوع من أنواع ترهيب الشخص علي ضياع أي حاجة منه " ، وإن الحاجة الضايعة دي ليها قيمة غالية أوي هيندم الإنسان علي خسارتها ... لكن الواقع بيقولنا إن ساعات كتير حاجات بتضيع من الإنسان بيعرف مع الوقت إنه كان مديها أكبر من قيمتها ، ده بالعكس كان لازم تضيع عشان يعرف قيمة حاجات تانية فيه أو حواليه ..💜
0 notes
وتدوب مخاوف الرحلة في أمان الصحبة ..💙
0 notes
" احفظ الطريق كويس عشان لما العشم ياخدك تعرف ترجع لحالك .."
الجملة دي بتلخص كتير من رحلة القرارات الإنسانية في كلمات بسيطة ..
مش لازم كل قرار الإنسان ياخده يطلع مثالي أو يعود عليه بفايدة أو حتي يحقق هدفه ، بالعكس أغلب قراراتنا بتبقي عك في عك ، وبالرغم من كده مفيش منطق ع الأرض قدر يمنع الإنسان من العك ..لكن المنطق والحكمة إن لما يطلع رحلة العك يعرف يرجع لنفسه بسرعة وميطولش هناك ..
فـ أي طريق تكون شايفه مناسب ليك - حسب معلوماتك ووعيك وقتها - انطلق فيه وعيش الرحلة ، بس دايماً أدي إحتمالية إنك ممكن في وسط الطريق تحس إن فيه حاجة غلط ، تشوف جانب مختلف يغير في إدراكك أو وجهة نظرك ، تلاقي إن الموضوع من قريب مش بالصدق أو الجمال اللي انت كنت شايفه !!
فـ مهما كان طريقك - عشان تعرف تمشي صح ومتضعش - لازم بوصلتك الثابتة فيه تبقي خطوة رجوعك لنفسك ..👌
0 notes
القلوب في إيد ربنا ، والقبول منحة ربانية بتروح لصاحب نصيبها .. عشان كده متستغربش لما تلاقي نفسك مفرفش وبتحب ترغي وعلى طبيعتك وضحكتك من الودن دي للودن دي مع فلان بالذات ، وعلي العكس تماماً قافش ، كلامك قليل ، ومستني الوقت يعدي عشان تمشي في وجود عِلان! إحنا حلوين مع ناسنا وفي مكاننا الصح ..💙
0 notes
وأُناجيكَ يا ربِّ ..طَيِّب خاطِري وفرِّج كُربَتي ، وأنِر بالنورِ ضالتي وأرشِد زِمامَ أموري، ولا تجعل في غير مرضاتِكَ هِمَّتي ..🤲
0 notes
كل الحب لمن يعرف كيف يستخدم أنفه حسب وظيفتها اللي خُلقت لها .. 💙😌
0 notes