balsais-blog - Tumblr blog

balsais-blog · 8 years ago

Text

بسم الله ض1

كالعادة ردي يطلع اطول مما انوي .. قومين ;_______;

خخخ بس بقول رأيي اللي كتبته هذا مو متأثر بأحداث المانجا ابداً ض1 هذي رده فعلي الأولى لإرين لما قرأت هالحدث لأول مرة قبل 3 سنين.. ما كنت أعرف اي شيء عن راينر وبيرت مع ذلك كان واضح جداً لي انهم مو اشرا�� ووراهم سالفه ورده فعل ارين تجاهم اقرفتني اول ما قرأتها واقرفتني اكثر مع صياحه المزعج بهالحلقة.. انا اتابع واقرأ العمالقة كمحايد ما اتبع وجهه نظر ارين ولا المحاربين.. اتفهم مشاعره طبعاً اكيد بيعصب وحالته حاله بس همن يظل بعض كلامه مستفز ومقزز وماله اي حق يجردهم من انسان��تهم.. وحتى بهالمواجهه الكاتب حط لنا شخصية محايدة اللي هي يمير وكانت منزعجه من ارين اكثر من "الاشرار" ..فوق ان الشخصية المحايده بالمشهد كان معظم استياءها موجه لإرين بسبب طفوليته وسذاجه تفكيره الكاتب بنفسه اساساً بس ينتقد ارين كشخص وكفكر وحتى انه وصفه بالاناني وانه يظن نفسه محور العالم.. دام الكاتب نفسه نظرته كذا لإرين انا كيف بعذره على سخافته وهياطه بدال ما يحاول يفهم؟ راح اعذبكم واقتلكم وبلا بلا بلا وبس زين عاجبك الجهل اللي انت فيه اسألهم كم سؤال طيب وحاول تفهم ليه سووا اللي سووه؟ حتى هويه العدو الحقيقي ما سأل عنها الا لما يمير قالت له ان المشاكل ما راح تنتهي بموت هالاثنين ببساطه -.- من وجهه نظري اعتقد ان الكاتب حاول يظهر ارين كطفل جاهل مثير للسخريه بهالمشهد اكثر من كونه "شخص يتفوه بالحق" ولا ما جعل راينر يسكته والشخصية المحايده الوحيدة الموجوده تهزئة وتنظم للطرف الاخر وشخصياً وصلتني هالمشاعر السلبيه تجاه ارين يعني انا ما اقول ايرين مو المفروض يعصب.. بس ما احب لما الشخصية تثور لدرجه تظهرها بشكل احمق وطفولي ساذج اللي ما اعجبني بالذات واثار اشمئزازي جزئية انه مو قاعد يحاول يفهم ولا يبي اصلاً + تجريدهم من انسانيتهم وتقرير انهم لا يستحقون الوجود + نعتهم بالمختلين بينما هو اللي كان يتصرف كمختل حقيقي خاصه بإبتسامته على فكره تعذيبهم للموت (وخل نذكر شيء قديم مو هم اللي ابتسموا على فكره القتل وتدمير العالم) + اتهام راينر بانه يلعب دور الضحيه بينما الوحيد اللي كان يلعب دور الضحية بهالحلقة هو ولا احد سواه -_- يعني عيبه ويعيب وبصراحه امقت اللي ما يتكلف ويحاول ولو شوي يفهم الطرف المعادي له ويشيطنهم بكل بساطه خصوصاً لو كان يعرفهم من قبل اعذره على عصبيته وكرهه الحالي تجاهم بس مو بكل شيء نفس ما هو متنرفز ان راينر وبيرت مو قاعد يتبكبكون عليه ويعتذرون له انا بعد متنرفزة من تصرفتاته المتعالية المهايطية وكأنه ضحية العالم الوحيد والبطل المغوار محور الكون يليت البطل ارمين وخاطفينه بس على الاقل في مخ :-/

"يطبطب على راسهم ويقول : ياحبيبي ياعمري انتم ؟ امشوا معي أوديكم لجنة المناصحة ؟ ض1" خخخخخخخخخ لا بس زي ما قلت من حقه يعصب لكن انه يعاملهم كحوش ومعتبر نفسه افضل واعقل منهم وانهم اساس المصايب حتى مع كلام يمير له شيء من وجهه نظري مستفز, بالمانجا ارين قال لراينر "لا تسوي نفسك مهتم امام رجل ناضج" ......يحتاج اتكلم؟ ض1 ما اعتقد الكاتب يقدر يظهر بطلنا الناضج ا��ين بشكل اتفه وعقلية اصغر من كذا.. آي ثينك انضمام يمير لراينر رساله واضحه من الكاتب لنا مفادها ارين تصرف وتحدث بشكل خاطىء :-s

"وهذا اللي سواه ايرين .. وأي واحد طبيعي يتابع الحلقات لاول مرة بيصفق لايرين ويقول برافو" لو اني مو شايفه ناس نفس رده فعلي كان شكيت بنفسي ض1

"الا شخص أخذته العاطفة .. سواء كرهاً بايرين او حباً لراينر و خويه" اعترف اني اكبر متعصبه للمحاربين ض1 لكن هذي كانت رده فعلي حتى قبل لا احبهم واعرف سالفتهم.. تصرفات ارين استفزتني اكثر من تكتمهم

واوه بالنسبه لسالفه الضحايا جبت هالمقارنه لأن بالنهاية ماتوا ناس بريئة مالها ذنب من اجل هدف طرف آخر بغض النظر عن العدد..حتى لو القتلى اللي تسبب فيها الفيلق اقل من المحاربين يظل عدد كبير اللي ماتوا وسواء كان الهدف سامي او لا هذا ما يمسح حقيقه انهم ضحوا بالابرياء حتى لو راينر وبيرت طلعوا منحدين على اللي يسوونه وهدفهم سامي ما راح نقول اوه لا خلاص ايدينهم نظيفه مو مجرمين خل نعاملهم كأبطال, فهمتي قصدي؟ ايدينهم موسخه دامهم كانوا يدرون ان في ابرياء راح يموتون مع ذلك اقدموا على العملية واذا تذكرين آني اللي هي آني عدوتهم والمفروض ما تهتم اهتمت واعطت رده فعل لموت المدنيين تحتها بينما ارين طيرها عالكنيسه وشاف الناس اللي ماتت ولا اهتم.. آني اللي ركضت لمنطقة خالية من المدنيين عشان لا تتسبب بموت عدد اكثر منهم وهذاك ما غير يراكض وراها زي الثور مو هامه منو يقتل اهم شيء يمسك آني وجاي الحين مسوي نفسه انا الملاك اللي ما قتلت احد وانتم الوحوش اللي ذبحتوا ابرياء غير كذا ما اشوف ان آني اللي حدتهم يقدمون على التضحيه... هذا كان قرارهم.. يدرون ان هدفها ارين.. كانوا يقدرون يطلعون في حملة مره ثانية برا الجدار وهي بتلحقهم بس هم قرروا يمسكونها وهي داخل الجدار عشان لو حصل وهربت يقدرون يلحقون عليها وهذا غير انهم كانوا متوقعين انها ممكن تتحول وخذوا احتياطاتهم وجابوا العدات فلا اوافق انهم ما كانوا يدرون انه ممكن تصير في مشاكل وتضحيات بصراحه حبيت انهم بالحلقة الاولى جابوا ضحايا عميلة الفيلق بنبره وفايب سلبي لأن الكثير يتجاهلون هذا الشيء

وطبعاً كالعاده تختلف وجهات النظر لكن رأيك احترمه أكيد ق1 وفي بقلبي كلام كثير يقرقع بس حاولت اخلي البوست مختصر واتمنى انه مختصر وواضح واسفه عالإطاله ض1

@blue-lola said: انا قايلة ان ذوقك فخم آن سان *^*

:\\\) أنتي الأفخم

—

balsais said: اختلاف رده الفعل يمكن لأن ماركو صديقها نوعاً ما؟ يعني عاشت معاه 3 سنوات وتعرفه عكس المسكين اللي حولته يويو D’:

الله واكبر يالصداقة خخخخ

بس تبقى حقيقة انها متوحشة ذذذ

—

balsais said: balsais said: وبس كأني تحمست شوي :*

جالس يعاتب ويهدد من بداية ال��لقة لآخرها ولا حتى سألهم ليش ولا حاول يسحب منهم كم معلومه زي يمير.. جد ما منه فايده غير الصياح -.-“ balsais said: يعني اوكي مفهوم قتلوا امك اكرههم واحقد عليهم بس بعيداً عن التناقض والنفاق وادعاء المثالية اذا راينر وبيرت مو بشر ولازم يختفون لأن ايدهم ملطخه بدماء ابرياء اجل انت وش وضعك balsais said: قبل يومين هو وشلته مضحين بأرواح المدنيين الابرياء عشان يمسكون آني ولا حتى عبر اللي ماتوا بدمعه جاي هني يصايح ويتبكبك على اللي ماتوا قبل 5 سنين.. اذلف بس يا شيخ.. balsais said: وش هو اللي لا تسوي نفسك عندك مشاعر منت بشري زينا؟؟ طريقه كلامه وتفكيره من زمان مقرف @balsaisbalsais said: لا والله انه تافه وغثيث ض1 ردة فعلي لتصرفاته نفس يمير: طفل غبي

اووه .. كل هذا و تحمستِ شوي ؟؟ خخخ

شوفي ياخية ما أقدر أسهب معك في النقاش لانك قارية المانجا وعارفة الخفايا

لكن أنا أتكلم كشخص طبيعي يتابع الحدث لأول مرة

قدامي اثنين تسببوا بأكبر مجزرة صارت للبشرية … ولا يمكن مقارنة اللي سووه باللي عمله ايروين .. صراحة مدري كيف جبتي هالمقارنة ؟؟؟ زود ان ضحايا الخمس سنين ما يقارنون بضحايا ايروين .. لكن أقول ان ايروين ( احتد ) على هالشيء .. والا هو كان ناوي يقبض على آني بالغابة ولما ماحصل وعرفوا هويتها.. خطط يقبض عليها تحت الارض بهدوء وبدون مشاكل .. لكن هي اللي حدتهم لهالشيء .. ياختي يكفي اختلاف الاهداف .. بحد ذاته يخلي من الظلم اني أقارن بين الحالتين ..

ايروين هدفه ( انتصار البشر ) بينما هدف راينر وخويه ( إبادة البشرية ) وهذي قالها راينر بالحلقة السادسة انه هذا هدفهم .. *طبعاً أعيد وأكرر هذا اللي ظاهر لي حالياً .. مدري اذا بيجي توضيحات أخرى بالمانجا

ماعلينا .. أكمل .. فوق المجزرة الرهيبة اللي تسببوا فيها هالاثنين.. طلعوا خونة و جواسيس .. ويطعنونك من الخلف يا ايرين

هذا اللي ظاهر أمامي و أمام أي واحد يتابع الحلقة .. ما ادري وش اللي بينكشف بعدين

وطبعاً ��ذا اللي ظاهر لـ ايرين .. الشخص اللي من 5 سنين وهو يردد : سأبيد العمالقة عن بكرة أبيهم

الان هو يقابل أكثر اثنين كان يبغى يقتلهم وييقطعهم تقطيع

خليني أذكرك باللقطة هذي بس

كل هالغضب عشان هالعملاق قتل توماس فقط

فما بالك لما يصير قدامه العملاق المدرع و الضخم .. وهم من هم ؟؟

ثم بعد هذا كله .. يجيك المحشش راينر ض1 ويقول بكل بجاحة يالله خن نترقى .. يالله نكمل أيامنا بسعادة .. والثاني السبك معطينا وضعية الولد المسكين المعاقب ض1

وش تبين ايرين يسوي بالله ؟؟

يطبطب على راسهم ويقول : ياحبيبي ياعمري انتم ؟ امشوا معي أوديكم لجنة المناصحة ؟ ض1

والا يقوم عليه ويدعسه ويقول له ع ��لاقل احترم شكلك وانت عملاق مدرع مرعب كاسر الجدار و متسبب بمجزرة قبل 5 سنين ههههههه

وهذا اللي سواه ايرين .. وأي واحد طبيعي يتابع الحلقات لاول مرة بيصفق لايرين ويقول برافو

الا شخص أخذته العاطفة .. سواء كرهاً بايرين او حباً لراينر و خويه

ومدري -اذا ماتعرفيني زين- تراي أكره ايرين وأعتبره من أفشل ابطال الشونين اللي مروا علي

وبالمقابل يعجبني راينر .. ويثير اهتمامي السبيكة اللي معه ض1

لكن بهالموقف.. ايرين والله انه قال اللي بقلبي خخخخخ

حددوا ؟؟ انتم أشرار ؟؟ والا مساكين ؟؟

اما نظام لا إلى هؤلاء ولا الى هؤلاء … مرة تاخذون دور متوحشين مابقلبكم رحمة .. خونة كذابين غدارين .. ومرة تاخذون دور الناس المساكين الانسانيين ياحياتي مين ينشف دمعاتهم ….!! هالتناقض الكبير بقوووة مستفززز !! انتم كذا صدعتم براسي

#يارب ان انحيازي للمحاربين مو مبين في حكمي :^>#ولا معميني #بالمناسبه آن #غالباً ردودي على تعليقاتك للحلقات تكون رده فعلي الأولى مو تلميح للمانجا ولا رأيي الحالي #فلا عليك #لا يجي على بالك اني بحاول ألمح او بحرق على يوم ابداً ما احب واذا حصل فهو بدون قصد قومين ;-;#shingeki no kyojin

7 notes · View notes