borny-art - Tumblr blog

[borny-art]

Contribution n=13

أنا في الاربعينات من عمري...تربيت في عائلة محافظة...البو والام اكا اللي يمارسو شعائرهم الدينية للاخر وكان فمة فرجة في التلفزة راهي قنوات دينية مصرية... في فترة المراهقة كنت نلبس الحجاب و مقتنعة ...كبرت و قريت بعيد عالدار(جيت لتونس) و قعدت متحجبة لفترة اما مش مقتنعة لين نحيتو...ولالي عبئ بحكم وليت نعيش في حياتي الجنسية و مرتاحة مع روحي و بدني اما الحجاب و ما تابعو في الملبس مقلقني خاتر نحس في روحي نعدي في تصويرة غالطة و قاعدة كايني نعطي في فرصة لبرشة عبد رقدت معاهم بش يستغلو هاك الصورة كنوع من الضغط النفسي عليا...

الخمسة اعوام متاع الجامعة فهمت فيهم اللي انا مرا مهووسة بالجنس باش مانقولش ماكينة متاع نيك.

واكتشفت بالوقت انو السبب في انو ماعرستش لتوة والسبب انو مغامراتي العاطفية ماتدومش هو لانو الدافع الاول اللي يخليني نخرج معاهم الكل كان دافع جنسي.

عشت في وقت اللي ماكانتش الثقافة الجنسية وما يتبعها حاجة مستهلكة ومتوفرة كيف ما توة و بش نذكر مثال معناها توة بنقرتين في القوقل نتفرج في اللي نحب اما في هاك الوقت كنت كيما السيد متاع ابعث سكس يا وليد ههه و خاترني انثة كانت كل ابعث ولا عندكشي ولا ايجا نتفرجو مع بعضنا تتكلفلي بالقليلة بمسان ولا رضعان متاع مولا التاليفون ولا بايتة تحت رحمة الرحالي متاع اللي مشيت نتفرج حذاه...كي نتذكر توة اكا الزمان واكا المحاطط اللي تحطيت فيها نقعد كان نضحك و قعد كان الكلام.

كنت الدافع الاساسي رغبتي الجنيية ، نحسبها شوية و مبعد انطفي مخي و نرمي روحي و نقول اللي بش يصير يصير...

كل مغامرة و ايجابياتها و سلبياتها و تبعاتها اللي كانت قاسية في اغلب الاحيان...لكن كنت ديما مانسلمش و ما نضعفش قدام التبعات ايمانا مني انو حتى حد مايسطرلي حياتي ولا يحدلي من حريتي الجنسية و بدني و علاقتي بيه و شنوة نعمل بيه...

ومبعد بالوقت تعلمت انو اي حاجة نحب نوصللها ولا ناخذها من عند راجل ولا بش نقضي مصلحتي في اغلب الاحيان الباب الاقصر و الاضمن و الاريح هو اللي مابين ساقيه وانا في كل الاحوال رابحة مالشيرات الكل،معرس،خاطب،عاشق،مثقف ياسر و صعيب نغلبو في النقاش ولا كلوشار و العنف هي لغة حوارو ،متفتح ولا كشطة واربط،سكارجي ولا محافظ و متزمت كي بابا...لكلهم كيف كيف مانحكيش معاه مانتوجهلوش نتوجه للي بين ساقيه...فنعمل بيه اللي نحب وكيما نحب...

فهمت انو حياتي الجنسية ، الطاقة القوية اللي عندي جنسيا هي 90 بالمياة قوتي و شخصيتي ومكونتلي نفسيتي و حياتي كاملة و عالمي تبنى على خيارات الدافع اللي وراها كان جنسي بالاساس..

انا لتوة ساعات نلبس حاجة مثيرة نخلي الكرهبة و نمشي نعدي صبحية و لا عشوية من مترو لكار نصطاد وونختار في الكادحين بش نعيش فنتازم المسان و التلوصيق والتلهيم كيما ايامات الجامعة...نركح شكون مانعرفوش و نعملو fellation في الكرهبة في بلاصة مش مضمونة بالعاني بش نعيش دور القحبة ولا نعيش المغامرة والريسك و الخوف...ساعات نمس روحي في الكرهبة ونبدى نستنى في شكون يفيق بيا...

في الخدمة نهز معايا ال sex-plug و نخرج للتوالات و نرجع نكمل الكور بيه وانا نفنتازمي على طالب مالطلبة متاعي...

انا ماذابية كان جيت في بلاد اخرى اللي انجم في الليل نلقى ملاهي و دور بغاء و تعري للنساء اللي كيفي و برشة حاجات اخرى نشوف فيها كان في المواقع الاباحية... نحب نعيش حياة موازية والقانون يحميني...

ماذابيا كل راجل نشتهيه نوقفو نحكي معاه و نهزو ولا نلعبلو باللي بين ساقيه عالبلاصة

J’ai beaucoup de fantasmes

ماذابية نعملهم الكل ماغير مانخمم ياسر في شنوة ينجم يصير مبعد ... اما مرتاحة خاترعارفة اني كيف نبدى على فراش الموت مانيش بش نندم على حاجة ماعملتهاش ولا معملتش مجهود قصووي بش نعملها...

عمري 43 و كايني في الثلاثينات من جديد...و نحس في روحي مازلت كي بديت في رحلة اكتشاف حياتي الجنسية...

ماذابية نكتب كتاب على مغامراتي و حياتي الجنسية اما الكتيبة صعيبة......

حبيت نوصل للناس اللي لهنا انو انا حد ما ينجم يقول عليا قحبة...

وحد ما قالهالي على خاتر حياتي الجنسية...

و في المجتمع الصعيب والمتخلف متاعنا هذا و بقدري و محترمة من الناس اللي نعرفها الكل نساء و رجال وعايشة كيف مانحب وتوة عل ابواب عرس و راجلي المستقبلي يعرفني و يعرف حياتي الجنسية الكل و متفاهمين donc بلادنا خايبة صحيح و متخلفة و منيكة و كل شيء تنجمو تقولوه اما عبادها فيها ما يستحق الحياة من اجله...وعيشو حياتكم وما تبنيوهاش على الاوهام ...اقبلو رواحكم و عيشو لرواحكم بحذر اي معاكم اما عيشوها للاخر قبل ماتستنو بش يقبلكم حد اخر خاتر اذا ما قبلتوش رواحكم ماكمش بش تلقو شكون بش يقبلكم...

Jai attaché ma photo avec la tete floue (je sais que cest un mec derriere ce compte, je peux envoyer dautre photos pour te faire plaisir jeune homme 😉), je veux que tu me dessine en train de toucher la bite dun iconnu, tsarref , merci.

[borny-art]

انا -------- عطشان عطيني هالانسان القادر يعطيني... C'est le moment ou jamais pour avoir un bon début de semaine beautiful minds. Cheers🥂 🥂🥂😘

Originally posted on instagram September 19, 2020

[borny-art]

غصب عني هوبا....💕

Originally posted on instagram April 10, 2021

[borny-art]

bنحبني... Je m'aime... I love me... . . Originally posted on instagram Decemer 10, 2020

[borny-art]

Contribution n=12 تربيت و كبرت في حومة شعبية... ندادي اللي قريت معاهم في المدرسة الكلهم انحرفو و بطلو القراية و هوما صغار...كان نحسب عدد اللي قراو معايا في مكتب الحومة ووصلو للجامعة نلقاهم ثلاثة. انا و طفلة اخرى و ولد (ولد المدير)... 😂 انا رباني فاخرة و بلوغة ولاد الحومة هبرة ... ملا فرسة و مترمة... السبب اللي خلاني نعيش مراهقة صعيبة... لا لشيء الا اني جيت مترمة... برشة خوف من محيطي بسبب اللوغة الحرشة و البلادة والهرسلة والتحرش اللفظي خلاتني نوعا ما ننقم عليهم و نكرههم اذاكا علاش اول علاقة جنسية عشتها كان كي دخلت للجامعة و لقيت و عشت مع عباد قراب مني في المستوى التعليمي و الفكري و نتقاسم معاها برشة اهتمامات و تفاصيل اخرى... و مانيش نفداك كي نقول نقمت و ممكن احسن حاجة تحسها تجاههم... توة متخرجة، نخدم و نعيش في استقلالية تامة... في هاكا الوقت نتذكر برشة مناسبات يوصلوني اصدقاء ذكور و اناث للحومة بالكرهبة...اللي زادا خلاني نعيش اكثر هرسلة و تضييق و ضغط في مرحلة متقدمة من عمري... و نسمع كلام من نوع ...تضوي عالبراني وشافوني زوالي واللي يسقيولك فيها اش زايدين علينا و برشة كلام ينم عن كبت و حقد طبقي و احساس بالحقرة و يتترجم في خطاب ذكوري سلطوي وصائي...متاع منيكين .. بش تفهمو انو العباد هاذم يشوفو الأنثى ماللي هي طفلة مراهقة حتى لين تكبر و تولي مرا فريسة... طريدة بلوغتهم...جارية و هوما يشوفو في رواحهم صيودا و ملوك و ياسر زبابير... بش نختصر...نحب نوصل ميساج لبرشة كيف اولاد حومتي... للمنيكين... الهبرة هبرتي...الزعكة زعكتي...و ماشية و تكبر ونربي فيها... و نعرف منين نسقيها... و نتزبر و كل ماتجي الفرصة بس نخليكم تتشهاو نزيد نكون بش نوصل لراس النهج في دقيقة انيك نعملهم الكل و نوصل في درجين... و مغرومة بيها و بكل بلاصة في بدني... و نعمل بيهم اللي نحب و مع اللي نحب... وانتوما موتو فتفتو... و نعرف اللي اغلب البنات اللي ترباو في محيط كيفي يخممو كيفي... و هذاكة اللي لازم يصير خاتر المشكل مش فينا المشكل فيكم... و موتو نيكو فتفتو نيكو... J'ai flouté ma tete sur la photo, c'est à vous d'en coller une...Merci

Originally posted on instagram November 22, 2020

[borny-art]

Contribution n : 11 .في فترة و انا فها ماني متعلقة بحد, كيما نقولو سليباتار؛ حسيت روحي ناقصة بنة جنسية و نفس الوقت ما كنتش عيني بش نربط روحي معا شكون و ندخل في تعرف و ما حول التعرف... في السياق هذاكا جاتني فكرة نتعرف علا شكون كان بش نتبنن معاه اللحضة... قيدت روحي في موقع للتعرف في ايطار le libertinage; من الموقع هذاكا جا شكون كتبلي و سألني كان نعرف شنوة هو le tantrisme، و اقترح عليا كان نحب نتعرف عالحكاية معاه... كنت انا عندي فكرة صغيرونة؛ و كنت لكثارية عندي حب الاطلاع اكثر من الكل.. جات اليلة لي تقابلنا فيها؛ تقابلنا في بيت وتيل موش بعيد على الدار؛ اول مقابلة كانت مباشرة قدام البيت حلي الباب و هوا في سورية بيضة؛ السورية البيضة في اغلبية الوقت تغريني ! مع حلاوة السورية البيضة، ضحكتو كانت فيها برشا زين ستقبلني بضخامة مع un fond de musique ياسر sensuel, قالي اقعد علا راحتك، ناخذو الوقت اللازم بش نحكيو و وقتلي تحس روحك حاضرة لبداية حكايتنا قلي، انتي لي تقرر... حكينا علا برشا حاجات، انا توة ناسيتهم و في مخي حاجا بركة وقتاه زعمة نجم نقلو نبداو .. جات اللحضة اللازمة و قتلو هيا نجمو نبداو نحيت حوايجي و خليت روحي ك��ن في tanga noir لي لابستو و تكيت على كرشي... Le tantrisme هو المسان باليدين في بلايص لبدن الكل، ببرشا رقة و يعطي فرصة للي مس بش ايحس بدن لاخر شنوة ايحب، بدا من رقبتي، و شعري، بعدهم اكتافي و ايديا، ضهري و تراتش ياقيا و فالاخر دار بافخاذي و ين انا بديت نحس في بدني يسخن، سالني كان انا نحس في روحي لباس, وًقالي توا دور؛ كي درت رجع من رقبتي، وذنيا، هبط ة لبزازلي، كرشي و بعد حلي فخاضي و بدا ايمسدلي فلي بين ساقيا ، السخانا عمال و هي تزيد علا مابيا و هوحس بيا، هبط راسو بين ساقيا و بدا يبوس فيا، و انا نتبنن و هو ولا يستعمل في لسانو و يزيد يتبنن معايا، البننة لي حاستو يتبنن فاها زادت قواتلي فالشيخة لين وصلت ة قتلو نحبك تدخلي صبعك؛ لسان و صبع في هاكا لبلاصة. .. ولا فن... ‎ وليت نوحوح و هوا يوحوح معايا في نفس الوقت... بعد لحضات بدني الكلو ولا ايفبري لين حسيت روحي طلعت و هبط... عالبلاصة، حسيت بل orgasme, وقتها هوا فهم... وجا بحذايا ايمسحلي علا شعري و انا من قوة الاحساس بكيت. بدني وقتها زاد كمل خرج الطاقة لي لبستني بالدموع ؛... هاذي هيا البنة لي متتنجم تتعوض بحتى بنة اخرا 🤍

Originally posted on instagram August 05, 2020

[borny-art]

شهوة ويكاندية... 😍😘 نتمانلكم نهاية اسبوع جميلة... وماتنساوش فرهدو و دللو رواحكم و بعضكم الدنيا فيها موت.. ✔️👌

Originally posted on instagram June 27, 2020

[borny-art]

Originally posted on instagram Arl 16, 2020شكون يحكم هنا؟... و بناءا عليه شكون يحكم في العالم؟.. . Who rules the world? 🌿👌 .

Originally posted on instagram June 20, 2020

[borny-art]

Contribution n09. خرجت مع طفل عامين الفونتازم متاعو يرقد مع زوز بنات، في مخي قلت احسن كادو في عيد ميلادو نعملو سوربريز و نستدعا بنية صاحبتي. عدينا ليلة طيارة، عشاء من هوني لغادي، حطينا الحطة، السيد باي في زمانو و هديتو زوز "قحاب" كيف ما حب هو عملناهم الكل اهوكا عجبتو الحكاية، ضربة ضربتين يسألني على صاحبتي يحب يعاود، خذيت بخاطرو مرتين تلاثة لين جاء النهار الي قتلو يا ولد الناس حتى انا نحب نجرب مع زوز ولاد... تقول هزيت عبد و حطيت عبد، اتجن عليا... ما فماش علاش هو يعمل الي يحب وأنا لا. قصيتها معاه اما قعدتلي في مخي. جاء نهار وجربت زوز زبوب فيا، المشكلة الي الزوز أولاد حسيتهم واحلين، حتى كيف يمسو بعضهم موش بالعاني يدخلو بعضهم. شنوة العيب كيف زوز زبوب يمسو بعضهم؟ تقول ينيكو في بعضهم موش فيا... السيد الي كنت معاه حسيتو اناني على خاطر خمم في شيختو هو برك. الزوز أولاد الأنانية متاعهم الي جايين يلوجو في نقبة و السلام... خممو بروس زبوبهم. الحاصل دوبل دوز..

Originally posted on instagram June 06, 2020

[borny-art]

Contribution n : 08 تقابلنا في محطة المترو، و قعد يتبسم في ضحكة صفرة، قرب و قلي عينيك صغيرة، محلى صوابع يديك ما حبيتش نطيح و نحصل، أما قلبي خوان يرى الأكحل ألوان، يموت عل الأحزان، و ما يقودني كان للهلكان ليلتها نلقى روحي في دارو، البيت تعجعج بالدخان و lana del rey تغنيلنا ، شفايفنا تهرات و ظهوراتنا تطبعت بالsuconات، قتلو ليلتها يا نبدع بيك يا تبدع بيا، فيبالي ليلة و توفا السهرية، و تمشي انت كيما أي حكاية أما انت من بعد اكا اليلة بقيت  و حكيت، و كبشت و صحيح شديت أنا خفت، خفت من روحي خاطر مكنتش نتصور ندخل في علاقة مع طفل،خفت منهم و من أحكامهم، خفت من كلمة ميبون، خفت خاطرني كنت هش و كلمة تهزني و كلمة تجيبني، خفت من إحساس كنت ديما نكتم فيه، خفت من مجتمع الذيوبة الي عايش فيه، خفت منك انت لا توجعني و نوحل في حمل رزين وحدي براسي أما قلت نيك أمها، أنا هكا، علاش بش نحرم روحي من حكاية تنجم تكون أحسن حاجة بش تصيرلي في حيات؟  بقينا و قعدت ليالينا، من راسك في حضني, لشفتك في فمي، جلدي على جلدك و نسرحو في السماء بين فضاء و هواء، أنا ندندن و انت ماكش هنا لين جاء نهار الي رشختني فيه و الرحمة لا ستنيتك نهارتها و مجيتش، بقيت نستنى فيك مرة أخرى و ما هزيتش المشكلة ما كنتش نحب نأيس، و في كل مرة قدري يطيح نرجع، قلت الي خلاني نقبل روحي ما يمشيش و يخليني، و هو الي قالي انت شعلتلي كنيني، انت الي بدلتلي سنيني، واحد يقلي هكا كيفتش يمشي و يخليني؟ كلمتو برشا و ما عادش يهز، و حسيت روحي كي البقة،  كي العالة  ��ا عادش عندي بلاصة، تعدى بيا الوقت و وفات فلوسي ، تعدات بيا سوايع الفرش و بعثوني نرهز أنا الي كنت نغزر للڨمرة و السيڨارو في يديا و نحمص فيها نقلها انت ما ليك كان تغيب الصباح، أما أنا لقيت الي ما يغيب اليوم قاعد في فرشي، شعري مغوف ما نحبش نحجمو، ما نحبش نرجع نشبه للعبد الي حبك، ما عادش نحب نشبهلو، لا منجم نقدم لا نوخر، نغزر للتصاور، كينهي كانت حلمة و فقت منها و قعدت أنا ندندن تحت نفس الڨمرة و بنفس السيڨارو، أما ولات هي الي تحمص فيا، قاتلي أنا نغيب عليك الصباح أما نرجع كل عشية هو مشى عليك و ماعاد تجيبو حتى ثنية....

Originally posted on instagram May 06, 2020

[borny-art]

0Contribution n:07 طول عمري كنت نحب .. نحب نحب ولاّ نحب لِبدن .. منعرش . لحكاية بدات ملي كان عمري 14 ، معاه هوّ لي شرّبني لين سكّرني و كمّل كسّرني ، قبلت لحكاية و قلت بالِكشي أنا لي ماكنت ناوية كان علا الشر .. تماديت فالتويل و جرّبت .. جرّبت لين وصلت عملت ليستة في آخر الأجوندا متاعي فيها 25 طفل و 4 بنات . ماكنتش نحب لبنات واِلا لولاد . كنت نحب نعجب ، فمّاشً نحس روحي نكفي .. كلّ واحد نعرفو نحسسّو اِلي هوّ الّي باش نكمل معاه حياتي و نعملّو أحسن واحد عملو .. واحد زوز ..عشرة .. بطبيعتو الّي يحسب يفضلّلو .. نسيّبو و نتعدّا حتّا كان عارفة روحي واجعتّو .. أما هاذ كان لبارح .. عمري 21 و ليوم أنا نحب نحب فطفل يشبهلي كيما ظلي أما اهوك أطول منّي ، مرتاحة معاه فالدنية وفالفرش ، عمري ماشتهيت حد قبلو ، لحمو ، رقبتو ، يديه ، شفايفو .. نعتي كلّ شئ باش نحسّو فيّا .. انشاله غدوة مايكونش نومرو 30 فالّيستا الّي بدات ترزن علِيّا .

Originally posted on instagram April 3, 2020

[borny-art]

Originally posted on instagram Arl 16, 2020Contribution n:06 قعد بجنبي عالبار و سألني كان الكوكتال متاعي باهي بش ياخذ كيفو. غادي بدات الحكاية. انا طالب دكتوراه و هو استاذ تعليم ثانوي، الحديث كان ساهل برشا و القعدة معاه حلات اكثر ماللي تصوّرت. بعد ساعتين قمت بش نروّح للبحث متاعي. قام معايا و قلّي نوصلك شوي كان تحب. مشينا على شارع كلارك و كمّلنا كلامنا، و انا نحكي نلقاه وقف و تبسّم. قالّي : "قتلك محلاك 200 مرّة في ساعتين، شنوّه لازمني نعمل بش تبوسني؟" اخر حاجة تصورت روحي نعملها هو انّي نبوس راجل في الشارع، و كان سألوني قبلها نقول مستحيل نعمل حاجة هكّا! الغريب في الحكاية الّي ما حسّيتش بالندم ولا بالخوف. قلبي ضرب فيسع و يدّي رعشت و سقيّا ضعفو. احسن حاجه حسّيتها في حياتي.  في الصباح قمت دوّشت و جبدت السجّاده الّي عندي سنين ما قربتهاش. صلّيت و في سجدة منهم هبطت دموعي على السجادة ... فقت على روحي. مانيش نصلّي بش نتوب، نصلّي بش نودّع اعوام قهر و خوف و كره لروحي و بكيت بش نخفف على روحي حمل اعوام مالتخمام الزايد في سؤال واحد: "علاش انا هكّا يا ربّي؟" غادي عرفت إلّي انا هكاكة على خاطر هذيكا احسن صورة نجّم نكون عليها. إلّي يغلط يعرف روحو غلط، و إلّي صار البارح ما كانش غلطة، كان اصحّ من اي وقت عدّيتو ندعي في عقابات اللّيالي بش نتصّلح. طويت السجّاده و رجعت للفرش حذاه.

Originally posted on instagram Arl 23, 2020

[borny-art]

ipContribution n:05 اليوم عمري قريب ال40 والحكاية هذة وقت كان عمري 29 سنة. وقتها كنت نخدم في حاجة بكلها عصب و ستراس.. مالعشرة متاع الصباح نبدا نخمم فالكعبة بيرة متاع العشية، كنت نكمل الخدمة نمشي نجري للبار نقعد نشرب وحدي لين يسكّر وانا ما نسكرش. فما ليلة، انا على عادتي و جاوا جماعة نعرفهم فيهم واحد مانعرفوش. تعدات السهرية والسيد فالاخر استدعانا نكملوا كاس في دارو. آخر حاجة نتفكرها؟ انا عريان في فرش السيد، ساقيا مهزوزة وهو ينيك فيا عالاقل قاعد يحاول خاطر ما نجمش يدخلو (سامحني اما ما فماش كلام اضرف) نتفكر كان قمت، لميت حوايجي وهزيت كرهبتي وروحت. السيد ما نتفكرش وجهو اما لليوم فما كلمة ادور في مخي "تستاهل" وفما حاجة اخرى قعدت، حاجة كيف التريسيتي كيف مسني من تالي. حبيت نفهم روحي، قلت نجرب مع طفل... اما عمري لا نجمت نفوت قهوى... موش على خاطر قعدت traumatisé ، على خاطر ما عندي حتى attirance physique لراجل. اما مانكذبش على روحي، j'ai certainement été victime d'une tentative de viol, mais j'ai ressenti un plaisir anal. الحاجة هذه، حبيت نحسها مع طفلة، اما كل مرة تتجبد الهدرة، تولي تغزلي كايني مانيش راجل و تهرب. انا رجولتي ما نحسهاش في ترمتي و لا في زبي.. اما في الاخر ما عادش نجبد الحكاية... كان جات بالزهر اهوكا ماكانش نبلع السكينة بدمها. سكينة السيد، الي ماعادش تمسني، اما نتفكرها في غزرة كل طفلة وإلا مرا... ما تعرفش الي le plaisir prostatique ou anal ما يحبش يقول الي انا gay وإلا موش راجل.

Originally posted on instagram Arl 16, 2020

[borny-art]

شد دارك اوكي... كل واحد يشد متاعو زادة... تحبها؟ تحبو؟ تحبوبعضكم؟ ممكن بيناتكم صغار ممكن لا.... ممكن بيناتكم عشرة... مشروع... طموح... مستقبل... احلام... حاجات تحبو تعيشوها... و مازلتو ما عشتوهاش... شد دارك... اما شد متاعك زادة... شد متاعك على حبيبك... على حبيبتك... شدو عليه و شهيه... وانتي شاهيتو كيفما هو شاهيك... شدو عليها ببلادة... العب عليه والعب بيه و قت اللي حبيبتك تتزعبن من بعد ميترو مقابلتك وتهيج فيك... موتي فيه و موجي وانتي تخزرلو مقابلك... ماذابيك تخطفو... تتلحفو... و تتمكن بيه... كل واحد يشد متاعو... و يعاود يستكشفو...يعاود يسميه...يشوفلو تربيجة... و يتمتع بيه... اذا تحبها شد متاعك... اذا تحبو شد متاعك...توحشو بعضكم وانتم مع بعضكم... وقيت و يتعدى... وابن بوسة و مايتبعها راهي اكا اللي فيها وحش كبير...

Originally posted on instagram April 3, 2020

[borny-art]

موت معايا . Be like حب في زمن الكورونا . . اما تفدليكة راهي... اجلو البوس والتعنيق ووالتدحنيس و كل شيء... فمةلذة في الامتناع و الحرمان و التضحية في سبيل الحب حاولو بش تعيشها في هالظرف المنيك... حياتكم و وجودكم في حياة اللي يحبوكم أولى وأهم... شوية تضحية و يقعد كان كلام... ردو بالكم على رواحكم...

Originally posted on instagram Mach 12, 2020

[borny-art]

r🌿✔️... من وجعاتي

Originally posted on instagram Mach 5, 2020

[borny-art]

Originally posted on instagram FEBRUARY 3, 2020OContribution n:04 51 سنة مطلقة و اكتشفت روحي جنسيا كان بعد ال42 ... عرست و عمري 30 و راجلي كان يحبني...حياتنا عادية اما اللي مش عادي انو راجلي كان محافظ و كان النيك بالنسبالو بوس و تعنيق و تمسيح و دخل خرج لين تجيه... كنت نتمنى نجرب حاجات اما نخاف لا تدور في مخو حكايات و تولي مشاكل نولي مانطلب منو شيء... اصلا مانحكيوش فيه الموضوع... وقت اللي طلقت انطلقت و اكثر حاجة مصممة عليها انو نعيش اللي ماعشتوش الكل و نعوض...اختلفت المغامرات و اول مرة واحد سبني في الفرش كانت النقطة الفارقة و النقلة...اول مرة واحد ضربني عالفرش عوضتلي سنين من عمري... اول مرة نجرب من تالي كانت وجيعة كبيرة اما ابن وجيعة...و اول مرة متاعو وصل لحلقي تخنقت غصيت و رديت اما كانت احسن من خنقت راجلي ليا في الفرش سنين... اللي تحكيلكم مرا سادية...صحيح اكتشفت روحي في ال42 من عمري...اما ديما خير ماللي راني كملت حياتي مغبونة عند راجلي...العمر ماهوش عائق العمر هو مجرد رقم و مهما كان عمرك مالازمكش تخمم انو فاتك القطار و ماعادش يخرج عليك و اكا الحكايات... اذا تعيش فاللي عشتو انا اقل حاجة تنجم تعملها انك تطلب من شريكك و تقلو شتحب تعيش و تجرب مهما كانت التكاليف...كان يرجع بيا الوقت اذاكا شنعمل...نحي الخوف و نقلو اش نحب...خاتر حياتي الجنسية هي حياتي و انا حرة فيها...واذا حد بش يشاركني فيها لازم فعلا يشاركني فيها مش يسطرهالي كيما يشوف هوا... نحب مشاركتي تتسمى عزرني واضرب بالكف.

Originally posted on instagram FEBRUARY 26, 2020