bramawy

[bramawy]

صباح الخير :)

- فيه بنت إتخطبت لمده سنتين بالظبط كان فاضل على كتب الكتاب ١٣ يوم، فجأه بدون أي مقدمات قررت إنها مش هتكمل !

وقالت لأهلها مش عايزاه، كل اللي حواليها يسألوها عن السبب وهي مش راضيه حتى توضح، لقيتها طلبت تقابلني وعايزه تتكلم معايا وقالتلي ممكن إنتِ تفهميني عنهم، قابلتها وقالتي : " مدانيش أي حاجه في وقتها "

بيطمن عليا بعد ما أخف، وبيسأل عن إمتحاني الصعب اللي مرعوبه منه وحكياله عليه بعدها بإسبوع، هديه عيد الميلاد حتى بتيجي متأخر " كل حاجه كنت بشوفها منه كانت بارده وفاتره وملهاش أي طعم "..

- أعرف بنتين من موقف واحد بس بقوا صحاب أوي، وصداقتهم فعلا مُلفته وجميله، بقالهم ٦ سنين مع بعض ربنا يديم حبهم، الموقف ده ببساطه..

كانوا في إمتحان و واحده منهم طلعت مش حاله حتى اللي ينجحها، طالعه مصدومه مابتردش على أي حد تعابير وشها متجمده، قابلتها التانيه دي وكانت وقتها زميله عاديه جداً، وقامت حضناها، حضنتها وبس، وفضلت حضناها كتير جداً لغايه ما البنت عيطت، عياط بشكل يخليكي تسألي هي كانت محتاجه تعيط للدرجادي!

البنت دي بعدها وهي بتحكيلي الموقف ده بتقولي : " أنا لقيتها أول واحده فاهمه أنا عايزه إيه في الوقت ده بالتحديد قبل ما أنا نفسي أفهم، كنت أول مره أستوعب إني محتاجه الدفى ده كله وهي إدتهولي بأروع مايكون "..

- أخت صاحبتي متجوزه، وفي يوم حصل مشكله بينها وبين جوزها وصلت المشكله دي إنهم ماكلموش بعض أربع أيام بحالهم، هما متجوزين في محافظه تانيه بعيد عن أهلها، في أيام خصامهم نزلت تشتري طلبات للبيت من حي جنبهم هيا كانت فاكره إنها عارفه شوارعه كويس، نزلت وإشترت ولفت كتير ومفروض مروحه بقى، ماعرفتش هي فين؟ بتبص حواليها مش عارفه أي محل ولا مألوف ليها أي يافطه أو عنوان، تجري هنا مش عارفه، ترجع تاني وتدخل من أي شارع تتوه أكتر، وقامت قاعده ف الشارع وعيطت، طلعت تليفونها وإتصلت بجوزها، رد عليها قالتله : أنا تايهه ومش عارفه أنا فين ولا عارفه أعمل حاجه، وده كله طبعاً بعياط..

قعد يقولها : إهدي بس أنا معاكِ أهو ، قومي إسألي أي صاحب محل عندك وإعرفي منه إسمه إيه بس عشان أعرف أجيلك، إطمني أنا معاكِ ومش هسيبك ومش هقفل الخط وجايلك دلوقتي حالاً، وبعد حوارات وصل ليها وشافها وجري عليها وهي من الخوف ماكنتش مصدقه إنه هو، وبعد ما إستوعبت قامت معيطه ومستخبيه فيه، عدى كام سنه علي الموقف وهيا مابتنساهوش، بتقول كل ما شيطاني يوزني أنكد عليه، قلبي ميطاوعنيش وتيجي في بالي صوره للوقت اللي كنت عاوزه فيه أمان وكان هو أماني وحمايتي.

- فيه ثقافه إسمها * ثقافه الوقت * ليه فقه زي المعاملات كده، حاجه معينه عاوزينها في الوقت ده ولو إتأخرت لحظه مش هنعوزها.. كل حاجه ليها وقتها، كل حاجه * الإحساس - والكلمه - والمعايده - والطبطبه - والنظره * زي ما الحاجه الساقعه لو سخنت مابيبقاش ليها طعم، وزي لما الدوا بيجي متأخر مابيبانلوش فايده ولا بينفع، وزي الجدعنه اللي لو ماظهرتش في الشده مابتبقاش جدعنه، كل حاجه وتوقيتها، ولو خرجت عن التوقيت ده بتفقد قيمتها ومعناها وبتبقى فاتره وبايخه..

ماينفعش تطبطب عليها بعد ما دموعها إتمسحت.

أو تشوف رساله صاحبك وترد عليه متأخر.

أو تسال عن مرضها بعد ما إبتدت تخف.

الحاجات دي مش تافهه، الحاجات دي جِدر أي علاقه صداقه، جواز ، قرابه..

- أياً كان الشخص ونوع العلاقه بينكوا لازم تفهم إن أهم من كلامكوا ومقابلاتكوا هو إنك لما تعوزه تلاقيه، تبقى ضامن إنك لو محتاج تحس إحساس معين دلوقتي هو هايديهولك وهايملاك وهيشبعك بيه، مايضطركش في يوم إنك تلجأ لحد تاني يدهولك..

" قدروا الوقت وإملوا اللي حواليكوا. "

[bramawy]

عمري ٢٥ ولسه بعمل كده 💔

عمري 21 سنة ولسة بصدق اي حد ما دام حلف، و لسه بصدق أي حد بيقولي *خلص وعد* ومش عارفة متى رح أبطل هاد هبل!

[bramawy]

يأسرني كل شئ في بدايته، أسمع أغنية جميلة فأظن أني لن أملها أبدًا، ثم تأتي أخرى، أقرأ كتابًا وأحبه، فأقرأ كل كتب كاتبه، وأقول سأقرأ كل يوم كتابًا، أفعل ذلك بعض الوقت، ثم أكتب قصة، فأتيقين أن لبقية حياتي سأكتب قصة كل يوم، أكتشف لعبة جديدة ، فأفرغ لها يومي تمامًا، يغرق قلبي في الأشياء، ثم يضجر ويبحث عن بحار أخرى، كل شئ تعلمته، كل شئ جميل فعلته، مدين لهذا الغرام اللحظي، الولع الطاغ بكل أفق جديد، كدينه لهذا الضجر الذي كلما انغمست في شئ، أفاقني، لازالت هناك حماقات أخرى لنرتكبها، قبل أن نفقد الفرصة

[bramawy]

من ضمن اسباب حبي للكتب القديمه هي اني بحب اشوف الكلام اللي متحدد من الشخص اللي كان معاه الكتاب قبلي،بحس احيانا اننا بنتقابل فكلمه او جمله او بنتشارك شعور وذوق او رأي معين،بأختلاف الزمان والمكان وبدون اي معرفه

[bramawy]

يحدث دائماً ما لا أريد حدوثه، تصلني كل الرسائل التي لا أرغب في قرائتها، تأتيني الأحلام التي لا أسعى الي تحقيقها، أسمع ما لا أريد سماعه، أشعر دائماً بأن كل ما أريده ليس لي.... اصبحت تضاداً لكل شئ، ف السعاده أصبحت انا حُزنها والحب اصبحت قاتله...

#محمد_برماوي ✍️

[bramawy]

أشعر دائماً بأنني أغرق،أغرق فيما لا أعلمه

‏أنا أغرق وبشكل يومي.

[bramawy]

❤️

صباح الخير..لقد اصبح كل شئ واضحا لدرجة اننا لم نعد نستوعب ما يحدث و لم نعد نملك شئ سوي ان نجلس و نري الأيام تمضي و نحن هناك في الزاوية بأعين مفتوحة لا تري شئ.

[bramawy]

انا حبيت حبها ل باباها جدا لدرجه اني عملت للكلام save ف ال note ع الموبايل ❤️

كده يبقي فات 5 سنين تقريبا 1825 يوم زمان كنت ممكن ابعتلك كلام بس انا اتغيرت للأسف..

فراقك من اكتر الحاجات الي قسمت وسطي ومن يومها متفردش تاني..

بابا السنة دى هقولك اني متقبلة خسارتي فيك صدقني الدنيا هنا متستحقش اتمنالك تعود ليها تاني ولا حتي عشاني عارفة انك مستغرب تون اليأس الي جوايا عشان دى مش عوايدي في الدنيا بس بابا انا اتغيرت معرفش اوحش او احسن بس عارفة اني مش نفس البنت الي سبتها الدنيا خلتني اشوف الي كنت حايشه عني طول الوقت..

قبل كده الدنيا كلها كانت بتقف علي يوم ما مشيت بس انا مش هينفع اقع دلوقتي وعارفة أن ده متعب بس مفيش حلول تاني الحقيقة يا بابا انا خايفة أقع عشان الوقوع بقي رفاهية مبقتش عندى والحزن للي بينخر في روحي موجود غصب عني بس باين مفيش حاجة فاضلة ياخذها أو ينخر فيها..

انا لأول مرة اكون مش بعيط ومش عارفة اعيط مش عارفة دى قسوة ولا تعود ولا نضج ولا ايه الحقيقة..

الحقيقة انا يئست من وجود حجات مهمة اعلق عليها حياتي كل الصور أشباح عندى لناس مشيت أو انا مشيت مش فارقة صدقني انا كويسة علي الاقل كل الي جاى سهل كل الي جاى شبه بعضه ومش فارق اوي عشان الي عدى كان كتير اوي..

انا عاوزة اجيلك بس مش هعرف أعمل كده وكنت نايمة وصحيت من حلم وحش فقلت اكلمك شوية..

بابا مش هقول يا ريت كنت معايا ولا الأماني العبيطة والساذجة دى هقولك اني اتمني طيفك يحاوطني ولو كان صوت انا بخترعه عشان بحب أتونس بيك..

زمان كان ممكن حجات كتير تقف ومتحصلش بسبب جملة انا هقول لبابا فات خمس سنين مبتمناش تكون بتعرف أو بتحس بالي حصل فيهم..

السنة دى من غير أمنيات من غير بكا..

بس كمان السنة دى انا مش لوحدى اوي في ناس في ضهري صدقني انا بخير برغم الوجع..

بنتك الى مش نساية :)))

يرحم روحك يا طيب..

[bramawy]

كان عليك أن ترى كل ما لم أستطع فعله وأن تصدق كل ما لم أستطع قوله

[bramawy]

عندما يُقرر احدهم ان يرحل عن عالمي ... لا اهتم وأقوم لتحضير فنجاناً من القهوه #محمد_برماوي

[bramawy]

#photo #photos #photoshoot #pic #pics #picture #photoaday #snapshot #art #beautiful #instagood #picoftheday #photooftheday #color #makeup #session #retouch #edit

[bramawy]

لما المُصور يلعب طاوله 🎲😎✋🏻 This photo was taken With iPhone 5s and edited in snapseed #by_bramawy #bramawy_photography #bramawy #mobile_photography #iphone_photography #iphone_camera

[bramawy]

علاقتي بالناس اللي بخسرهم حاجه و ب الناس اللي عرفتهم عن طريق الناس اللي خسرتهم حاجه تانيه خااالص . #كلام_بشكل_عام

[bramawy]

كُنت عندما أمسك الكاميرا كانت تسرقها مني ب جاذبيتها ف عدستي كانت تتحرك نحوها دون إراده مني كأنني حامل كاميرا معدني الصنع ليس لديه حيله سوا تنفيذ اوامر مُحركه .. وكانت هي المُحركه . #خواطر_مُصور

[bramawy]

الحل الجزري

احيانا لازم تواجه الناس ب اسلوبهم عشان يحسو باللى بيعملوه وانا كنت بعمل كده دايما بس للأسف الأسلوب ده صعب ف البلد دي لان نص الشعب ما شاء الله عليه فطين جدااا لدرجه انه مابيفهمش ( جبله يعني ) ف انا توصلت ل طريقه لطيفه جدا بقيت اتعامل بيها مع الناس دي وهي انك تنزل تشرب قهوه زياده او مظبوط على حسب سكرك او تشرب ليمون ب نعناع فظيييع بجد او تروح سينيما تتفرجلك علي فيلم اجنبي حلو كده هاترجع البيت مبسوط فششششخ اسمع مني , وكل ما حد يضايقك اعمل كده . #الحل_الجزري