cdlc-blog1

[cdlc-blog1]

هاذ الميك‌ٱپ سيلي‌سپچ تبان كيشغل غريبية رايحة للعرس؟

المقال كتب بالأساس على صفحتنا في الفيسبوك - كاين كاميرا كاشي ف نهاية المقال

عندها تقريباً يومين ملي سقسيناكم وش هذا الشيء الغريب! زرق فيولي، يلمع، وجاي كي الحبة تع الغريبية كيما بزاف منكم قالو ههههه، Fifi ،  Lamia  ،  Mmanel ،  Amel  ،  Houda و كاين لي قالو زربوط!  Imene (مع 5 لي جام). الأغلبية الساحقة قالو: ما نعرفوهش، فالإنستقرام كاينة وحدة قالت:

on mérite pas d'être des meufs jte jure xD 

أم أم المبالغة، لالا يا أختاه راكي إكزاچيريتي بزاف،  Nesrine قالتلكم، زربوط مودرن! والعجيب كاين بزاف لي قالو: ”سلايم، Slime“ هممم، يعني صح هو يشبه، بالخصوص أن هذا الشيء تقدري تعجنيه وتبدليلو الشكل نتاعو (تقريباً).

طيب، وش هو هذا؟

A photo posted by Crème De La Crème (@creme2creme_) on Feb 5, 2017 at 11:15am PST

المشاركة في الإنستقرام، حصلت على أكثر من 1000 تفاعل خلال 24 ساعة

هذا ، أو هاذي هي بونچا مصنوعة من السلكون، ومشي أي نوع من السلكون، ولكن من السلكون الطّبي، يعني اللي يدخل في صناعات الطب التجميلي، مثلاً، حشوة الصدر، مع أن السلكون هو أساساً مشي مادة سامة، لكن النوع هذا بالذات، يعني أنو تم تصنيعو بطريقة متوافقة مع المواصفات الطبية، وبالتالي يسموه:  سيلي‌سپچ ، أو  ميك‌ٱپ سيلي‌سپچ ، يعني سيليكون سبنچ مخصص لمزج الميك‌ٱپ، الفكرة ماشي جديدة إطلاقاً، بدات عندها بزاف في موقع الردت (أكبر منتدى أمريكي على الإنترنت)، والناس تخلعو فيها، واااو! كيفاش يستخدمو سيليكون چل برا إنسرتس (يعني هذيك لي يحطوها تحت السوتيان باش يبان صدرهم كبير -الحرب خدعة-). بصح من بعد بزاف الناس إستغلوا الفرصة، وبداو يكومرسياليزيو فالحالة!من بين أهم المنتجات ”البيوتي‌بلندر“ واللي صنع الحدث كيما يقولو، لكن من بعد جات شركة أخرى وسماتو ”سيلي‌سپچ“ وراهي تحقق نجاحات يعني مليحة، واللي إستخدموه راهم قاعدين غير يشكرو فيه.المهم المنتج تعنا هنا، هو كيما قالت، الوحيدة اللي جاوبت إجابة كاملة وصحيحة،  Morena Taraku  وقالت:

L'éponge en silicone Evie Blender se veut la meilleure éponge à maquillage. 🙂

منعرف على أي أساس راهي تقول هكا بكل صراحة خخخخ، لكن ممكن تكون جرباتو.

طرية بزاف، وتقدري تعوجيها وتجعديها كيما تحبي

وش فيها يصلح؟

طرية بزاف، وناعمة بزاف، حتى للي عندهم بشرة حساسة، ما يحسوش بيها، من شدة لي مصنوعة من السيليكون الخالص

تقدري تغسليها بالما والصابون، (أي أنواع الصابون حتى بالغريسيل خخخ)، وتقدري حتى تحطيها تغلي فالما باش تتعقم، وإذا كنتي يعني تخدمي ميكآب آرتيست، لازم تكون معقمة مليح مليح، تقدري حتى تغسليها بلالكول (الكحول الطبي).

ما تمتصش الميكآب، يعني كي تحطي الكمية اللي تناسبك، ما تخافيش تخسرلك الميكآب! بزاف لي يستخدمو بونجات باش يميكسيوالماكياج (الفوندايشن فالأغلب) رح يفهمو وش راني نهدر، كي يشوفو بلي يبقاو غير يزيدو على خاطر ليبونج تسرط كامل الماكياج!

تقدري تلعبي بيها خخخ، وشابة، وكاين فوائد وحدوخرين خلونا منهم يعني بزاف!

أحسن من البيوتي بلندر على خاطر ما تمتصش الماكياج!

كيفاش تستعمليها!؟

ساهلة ماهلة، تقدري تحطي الماكياج على وجهك، ومن بعد تمسحي بيها، بما أنها ما تمتصش الماكياج، يعني راح يتوزع ويتخلط فوق البشرة نتاعك، وإلا تقدري تحطيها عليها هي بالذات، وتمسحي بيها المنطقة لي حبيتي، ومشي لازم تحكي بزاف حتى تسلخي الجلد نتاعك، يكفي برك توشي شوية شوية، كيما فالفيديو التالي: 

A video posted by Crème De La Crème (@creme2creme_) on Feb 8, 2017 at 11:35am PST

طريقة الإستعمال

الخلاصة؟

أول شخص عرف وش إسمها تقريباً هي: ”Jassmin“ فالفيسبوك و ”yolla“ فالإنستاقرام، في حين كيما قلنا، وقالت ”Morena“ هاذا مشي ”بيوتي بلندر“ ، وإنّما:  Evie Blender ، وكانو يجمعو فالدراهم بإستخدام خدمة ”كرودفاندينق“ وكانو محتاجين فقط 28 ألف دولار، بصح الشعب عطالهم 80 ألف دولار يا جدكم، وفي موقع آخر عطاولهم 105ألف دولار، (غير ف 19 جانفي هذا برك، يعني 286 بالمئة من المطلوب نتاعهم) وأي شخص عطالهم أكثر من 33 دولار، رح يبعثولو وحدة في شهر مارس، يعني سعر الحبة 28 دولار، إيه يعني للناس اللي يشريو دوكا، من بعد الأسعار رح تتبدل. 

مكاش زهر

يعني هي مزال كاين أمل، الطلبات مفتوحة، واللي تحب تشريها، تبعثلنا ونشوفو كيفاش نعاونوها :)

طبعاً حبيت نشكر كامل اللي شاركو بالتعليقات تعهم، ونعتذروا إذا ما كتبناش أسمائهم كامل هنا، وثاني، حبيت نشكر أي وحدة قرات هاذ لارتيكل وبالخصوص اللي تكتب تعليق خخخخخ.

برانك تايم

ملاحظة هامة: كامل لبنات، روحو سواءأً على الإنستقرام ولا الفيسبوك، تلقاو صورة للبيوتي بلندر، تيليشارجيوها، وأبعثوها لصاحبكم ولا أي واحد، وسقسيوه وش هو هذا؟ خخخخخ صورولنا الكونفرصاسيون وأبعثوها فالكومنت xDDD

(هذا المقال كتب من طرف مروى أ.)

[cdlc-blog1]

كلينومينيا

هل شعرت بصعوبة بالغة في مغادرة السرير عندما تستيقظين من النوم؟ بالخصوص في الصباح! هل تفضلين البقاء في السرير طيلة اليوم؟ أو على الأقل أكبر قدر ممكن من الوقت، ولا تودين الخروج؟  ربما أنت لا تعلمين، ولكنك تعانين من “ الكلينومينيا “ أو ما يسمى أيضاً “ ديسانيا “.

Clinomania

كلينومينيا أو ما يعرف ديسانيا وهي عبارة عن حالة مرضية شائعة جدا تتسبب في عدم قدرة الأشخاص على الاستيقاظ و مغادرة السرير بغض النظر عن طبيعة مسوؤلياتهم في العالم الخارجي. و هناك العديد من الاضطرابات كالاكتئاب و متلازمة التعب المزمن, و اضطرابات القلق الأخرى التي تدفع الكثير إلى الاستغراق في النوم وتجنب التحديات اليومية في الخارج, إلا أن الاشخاص المصابين بالكلينومينيا بشعرون بالرغبة في البقاء بالسرير بغض النظر عن النتائج.

علاج كلينومينيا

و يمكن أن يتراوح علاج حالة كلينومينيا ما بين قيام الأشخاص المصابين بمجموعة من الممارسات الرياضية بشكل منتظم مع مراعاة الحصول على نظام غذائي صحي, أو تناول بعض العقاقير الطبية, أو استشارة أحد أطباء علم النفس.

الحقائق التي يمكن معرفتها عن حالة الكلينومينيا

الرغبة في البقاء بالسرير بعد قضاء يوم طويل و متعب.

الشعور بالاشتياق و الدفء عند النظر إلى السرير في كل مرة.

مشاعر عارمة من الفرح والسعادة عند العودة للسرير.

ايجاد صعوبة بالغة في مغادرة السرير.

تناول الطعام و الشراب في السرير.

الشعور بالأسف عند مغادرة السرير لأجل أمر لا يستحق المعاناة.

هل عندك أي أسئلة بخصوص هذا الموضوع؟ يمكنك أن تسألينا من خلال هذه الصفحة (إضغطي هنا) أو يمكنك أن ترسلي لنا منشوراتك وسنشاركها (إضغطي هنا)

[cdlc-blog1]

CampusCat