chaudhary

[chaudhary]

سنا هے اس کو سخن کے اصول آتے ہیں

کرے کلام تو باتوں سے پھول آتے ہیں

سنا هے اسکے پڑھانے میں هے مٹھاس ايسى

که بخار بھی هو تو بچے سکول آتے ہیں

[chaudhary]

جو ملے حیات خضر مجھے اور اسے میں صرف ثنا کروں

تیرا شکر پھر بھی ادا نہ ہو تیرا شکر کیسے ادا کروں

تیرے لطف کی کوئی حد نہیں گنوں کس طرح کہ عدد نہیں

نہیں کوئی تیرے سوا میرا کسے یاد تیرے سوا کروں

تیرے در پہ خم رہے سر میرا تیری رحمتوں پہ گزر میرا

میں کہا کروں تو سنا کرے تو دیا کرے میں لیاکروں

مجھے خوشبوؤں کی کلاہ دے مجھے روشنی سی نگاہ دے

کبھی پھول بن کے مہک اٹھوں کبھی شمع بن کے جلا کروں

میں بہت ہی عاجز و بے نوا تیرے آگے میری بساط کیا

کوئی بھول ہو تو معاف کر مجھے بخش دے جو خطا کروں

میرے ایک دامنِ عمر میں ہیں نجانے کتنی ندامتیں

میرا خاتمہ بھی بخیر ہو یہی رات دن میں دعا کروں

مظفر وارثی

[chaudhary]

قرآن پاک بار بار کہتا ہے

لَا تَقْنَطُوْا۝

نا امید نہ ہو

لَا تَهِنُوْا۝

کمزور نہ پڑو

لَا تَحۡزَنُوۡا۝

غمگین نہ ہو

لَا تَيْاَسُوْا۝

مایوس نہ ہو

"امید کو کبھی نہ چھوڑنا_"

کمزور ور تمہارا وقت ہے_"

اللّٰـہﷻ نہیں"❤️"

[chaudhary]

مشکل دن بھی آئے لیکن فرق نہ آیا یاری میں

ہم نے پوری جان لگائی اس کی تابعداری میں

بے ایمانی کرتے تو پھر شاید جیت کے آجاتے

چاہے ہار کے واپس آئے کھیلے اپنی باری میں

میٹھے میٹھے ہونٹ ہلائے کڑوی کڑوی باتیں کی

کیکر اور گلاب لگایا اس نے ایک کیاری میں

تیری جانب اٹھنے والی آنکھوں کا رخ موڑ لیا

ہم نے اپنے عیب دکھائے تیری پردہ داری میں

جانے اب وہ کس کے ساتھ نکلتا ہوگا راتوں کو

جانے کون لگاتا ہوگا دو گھنٹے تیاری میں

دانش نقوی

[chaudhary]

اُن پہ واجب ہیں دو بول محبت کے مگر

حَسین لوگ ہیں خیرات کہاں دیتے ہیں

وہ اگر مل بھی کہیں جائیں ہمیں رستے میں

اَبر بھی پھر کہاں برسات ہمیں دیتے ہیں

باتوں باتوں میں جو سورج کو کیا ہم نے غروب

چل دیے اٹھ کر بھلا رات کہاں دیتے ہیں

ہم جو لکھتے ہیں غزل خط میں صرف اُن کیلئے

سامنے قاصد کے وہ خط کو جلا دیتے ہیں

اُس کے لہجے سے قاصد بھی اب تو ڈرتا ہے

ہم بھی خاموش ہیں بس اُن کو دعا دیتے ہیں

ہم جو سہمے ہوئے پاس اُن کے کبھی جاتے ہیں

آنکھوں آنکھوں میں ہمیں خوف دکھا دیتے ہیں

جو کہا ہم نے کہ اب پیار دیجیے ہم کو

مہینوں روٹھ کر وہ ہم کو سزا دیتے ہیں

اُن کے آنے سے چٹختی ہیں یہ ساری کلیاں

پھول کو چھو کر وہ خوشبو کو بڑھا دیتے ہیں

آؤ یہاں غزل کو تمام کریں

بخیل لوگ ہیں یہ داد کہاں دیتے ہیں

[chaudhary]

ایک پرانا موسم لوٹا یاد بھری پروائی بھی

ایسا تو کم ہی ہوتا ہے وہ بھی ہوں تنہائی بھی

یادوں کی بوچھاڑوں سے جب پلکیں بھیگنے لگتی ہیں

کتنی سوندھی لگتی ہے تب ماضی کی رسوائی بھی

دو دو شکلیں دکھتی ہیں اس بہکے سے آئینے میں

میرے ساتھ چلا آیا ہے آپ کا اک سودائی بھی

خاموشی کا حاصل بھی اک لمبی خاموشی ہے

ان کی بات سنی بھی ہم نے اپنی بات سنائی بھی

گلزار​

‏

‎#اردو ‎ # urdu

[chaudhary]

*وقت چلا، لیکن کیسے چلا*

*پتہ ہی نہیں چلا*

*زندگی کی، آپا دھاپی میں،*

*کب نکلی عمر ہماری، یارو*

*پتہ ہی نہیں چلا*

*کندھے پر چڑھنے والے بچے،*

*کب کندھے تک آ گئے؟*

*پتہ ہی نہیں چلا*

*کراۓ کےگھر سے،*

*شروع ہوا تھا، سفر اپنا*

*کب اپنے گھر تک آ گئے*

*پتہ ہی نہیں چلا*

*ساٸیکل کے پیڈل مارتے،*

*ھانپتے تھے ہم، اس وقت*

*کب سے ہم، کاروں میں آ گئے*

*پتہ ہی نہیں چلا*

*کبھی تھے ہم، ذمہ دار، ماں باپ کے*

*کب بچوں کے لیے ہوئے ذمہ دار*

*پتہ ہی نہیں چلا*

*اک دور تھا، جب دن میں،*

*بیخبر سو جاتے تھے*

*کب راتوں کی ، اڑ گٸ نیند*

*پتہ ہی نہیں چلا*

*جن کالے گھنے بالوں پر،*

*اِتراتے تھے کبھی ہم*

*کب سفید ہونا شروع ہو گئے*

*پتہ ہی نہیں چلا*

*در در بھٹکتے تھے ، نوکری کی خاطر*

*کب ریٹاٸر ہو گئے*

*پتہ ہی نہیں چلا*

*بچوں کیلیے، کمانے بچانے میں*

*اتنے مشغول ہوئے ہم*

*کب بچے ہوئے ہم سے دور*

*پتہ ہی نہیں چلا*

*اب سوچ رہے تھے،*

*اپنے لیے بھی، کچھ کریں*

*پر جسم نے، ساتھ دینا، بندکر دیا کب*

*پتہ ہی نہیں چلا*

*وقت چلا، پر کیسے چلا*

*پتہ ہی نہیں چلا*

[chaudhary]

دعا میں التجا نہیں،

تو عرض حال مسترد

سرشت میں وفا نہیں،

تو سو جمال مسترد

ادب نہیں، تو سنگ و خشت

ہیں تمام ڈگریاں

جو حُسن خلق ہی نہیں،

تو سب کمال مسترد

عبث ہیں وہ ریاضتیں

جو یار نہ منا سکیں

وہ ڈھول تھاپ بانسری،

وہ ہر دھمال مسترد

کتاب عشق میں یہی

لکھا ہوا تھا جا بجا

بجز خیال یار کے،

ہر اک خیال مسترد

کہو سنو ملو مگر

بڑی ہی احتیا ط سے

مٹھاس بھی تو زہر ہے،

جو اعتدال مسترد

وہ شخص آفتاب ہے،

میں اک چراغ کج ادا

سو اس حسین کی بزم میں،

میری مجال مسترد

تو کیا کوئی گلاب ہے،

حَسین میرے یار سا؟

وہ لا جواب شخص ہے،

سو یہ سوال مسترد

میں معترف تو ہوں تیرا،

مگر اے چاند معذرت

کہ ذکر حُسن یار میں،

تیری مثال مسترد

حساب عمر دیکھ لو،

کہ پھر پل صراط پر

یہ نفس کے اگر مگر،

فریب چال مسترد

دعا میں التجا نہیں،

تو عرض حال مسترد

سرشت میں وفا نہیں،

تو سو جمال مسترد

مبارک صدیقی

[chaudhary]

حضرت ڈاکٹر عبد الحئی عارفی رحمتہ اللہ علیہ پیشہ کے اعتبار سے ہومیوپیتھک معالج تھے اور مطب (کلینک) کرتے تھے۔

جید علماء ان سے بیعت ہوئے، جیسے حضرت مولانا مفتی محمد تقی عثمانی صاحب اور مفتی اعظم پاکستان حضرت مولانا مفتی محمد رفیع عثمانی صاحب، حضرت مولانا محمد یوسف لدھیانوی صاحب وغیرہ، ڈاکٹر صاحب سے بیعت ہوئے۔

مشہور کتاب اسوۂ رسولِ اکرم صلی اللہ علیہ وسلم ڈاکٹر صاحب ہی کی لکھی ہوئی ہے۔

ایک دفعہ حاضرین مجلس سے فرمانے لگے؛

آپ کہاں لمبے لمبے مراقبے اور وظائف کرو گے۔ میں تمہیں اللہ کے قرب کا مختصر راستہ بتائے دیتا ہوں۔ کچھ دن کر لو پھر دیکھو کیا ہوتا ہے، قرب کی منزلیں کیسے طے ہوتی ہیں:

1 ____ اللہ پاک سے چُپکے چُپکے باتیں کرنے کی عادت ڈالو۔ وہ اس طرح کہ جب بھی کوئی جائز کام کرنے لگو دل میں یہ کہا کرو؛

اللہ جی۔۔

(ا) اس کام میں میری مدد فرمائیں۔۔

(ب) میرے لئے آسان فرما دیں۔۔

(ج) عافیت کے ساتھ پایہ تکمیل تک پہنچائیں۔۔

(د) اپنی بارگاہ میں قبول فرما لیں۔۔

یہ چار مختصر جملے ہیں، مگر دن میں سینکڑوں دفعہ اللہ کی طرف رجوع ہو جائیگا اور یہ ہی مومن کا مطلوب ہے کہ اسکا تعلق ہر وقت اللہ سے قائم رہے۔

2 ____ انسان کو روز مرہ زندگی میں چار حالتوں سے واسطہ پڑتا ہے۔۔

(ا)۔ طبیعت کے مطابق۔

(ب)۔ طبیعت کے خلاف۔

(ج)۔ ماضی کی غلطیاں اور نقصان کی یاد۔

(د)۔ مستقبل کے خطرات اور اندیشے۔

جو معاملہ طبیعت کے مطابق ہو جائے اس پر اللهم لَكَ الحَمدُ ولَكَ الشُّكر کہنے کی عادت ڈالو۔

جو معاملہ طبیعت کے خلاف ہو جائے تو انا لله وانا اليه راجعون کہو۔

ماضی کی لغزش یاد آجائے تو فورا استغفراللہ کہو۔

مستقبل کے خطرات سامنے ہوں تو کہو

اللهم اِنّى أعوذ بكَ مِن جَمِيعِ الفِتَنِ ما ظَهَرَ مِنها وما بَطَن۔

شکر سے موجودہ نعمت محفوظ ہو گئی۔

نقصان پر صبر سے اجر محفوظ ہو گیا اور اللہ کی معیت نصیب ہو گی۔۔

استغفار سے ماضی صاف ہو گیا۔۔

اور اللهم انى أعوذ بك سے مستقبل کی حفاظت ہوگئی۔۔

3 ____ شریعت کے فرائض و واجبات کا علم حاصل کر کے وہ ادا کرتے رہو اور گناہِ کبیرہ سے بچتے رہو۔

4 ____ تھوڑی دیر کوئی بھی مسنون ذکر کر کے اللہ پاک سے یہ درخواست کر لیا کرو؛

اللہ جی۔۔۔ میں آپ کا بننا چاھتا ہوں، مجھے اپنا بنا لیں، اپنی محبت اور معرفت عطا فرما دیں۔

چند دن یہ نسخہ استعمال کرو پھر دیکھو کیا سے کیا ہوتا ہے اور قرب کی منزلیں کیسے تیزی سے طے ہوتی ہیں۔۔!!

[chaudhary]

‏مجھ کو بھی انہی میں سے ایک سمجھ لے

کچھ مسٸلے ہوتے ہیں نا جو حل نہیں ہوتے

کچھ یار جنہیں یاد نہیں رکھتے کچھ دوست

کچھ پھول جو گلدستوں میں شامل نہیں ہوتے

[chaudhary]

دن نکلے تو سوچ الگ ، شام ڈھلے وجدان الگ

امید الگ ، آس الگ ، سکون الگ ، طوفان الگ​

تشبیہ دوں تو کس سے ، کہ تیرے حسن کا ہر رنگ

نیلا الگ ، زمرد الگ ، یاقوت الگ ، مرجان الگ

تیری الفت کے تقاضے بھی عجب انداز کے تھے

اقرار الگ ، تکرار الگ ، تعظیم الگ ، فرمان الگ

گر ساتھ نہیں دے سکتے تو بانٹ دو یکجان لمحے

مسرور الگ ، نڈھال الگ ، پرکیف الگ ، پریشان الگ

وقت رخصت الوداع کا لفظ جب کہنے لگے

آنسو الگ ، مسکان الگ ، بیتابی الگ ، ہیجان الگ

جب چھوڑ گیا ، تب دیکھا اپنی آنکھوں کا رنگ

حیران الگ ، پشیمان الگ ، سنسان الگ ، بیابان الگ.

[chaudhary]

‏ایک قرآنی ریسرچ کےمطابق ‘اللہ تعالیٰ نے قرآن مجید میں 13 دلوں کا ذکر کیا ہے۔ یہ 13 قسم کے لوگ ہیں۔ آپ اللہ کی طرف سے 13 لوگوں کی تقسیم ملاحظہ کیجیے

‏قلب سلیم

اللہ کی نظر میں پہلا دل قلب سلیم ہے۔یہ وہ دل(لوگ)ہیں جو کفر، نفاق اور گندگی سےپاک ہوتے ہیں۔ یہ لوگ ذہنی اور جسمانی گندگی بھی نہیں پھیلاتے، خود بھی نفاق اور کفر سےپاک رہتے ہیں اور دوسروں کو بھی ان سے بچا کر رکھتے ہیں، اللہ کو یہ دل اچھے لگتے ہیں۔

(سورۃ الشعراء ، آیت 89)

‏قلب منیب

دوسرا دل قلب منیب ہے۔ یہ وہ لوگ ہیں جو اللہ سے توبہ کرتے رہتے ہیں اور اس کی اطاعت میں مصروف رہتے ہیں۔ آپکو زندگی میں بے شمار ایسے لوگ ملیں گے جو اللہ کی اطاعت میں گم رہتے ہیں۔ یہ اللہ سے ہر وقت توبہ کےخواستگار رہتےہیں۔ اللہ منیب لوگوں کو بھی پسند کرتا ہے۔

(سورۃ ق ، آیت 33)

‏قلب مخبت

تیسرا دل قلب مخبت ہے۔ یہ وہ لوگ ہیں جو جھکےہوئے، مطمئن اور پرسکون ہوتےہیں۔ میں نے زندگی میں عاجز لوگوں کو مطمئن اور پرسکون پایا، عاجزی وہ واحد عبادت ہے جس کے بارے میں رسول اللہ ﷺ نے فرمایا ’’جو بھی اللہ کےلیےعاجزی اختیار کرتا ہے، اللہ اسکو بلند کر دیتا ہے

(سورۃ الحج ،آیت 54)

‏چوتھا دل قلب وجل ہے۔ یہ وہ لوگ ہیں جو نیکی کےبعد بھی ڈرتے رہتے ہیں کہ اللہ ہماری یہ نیکی قبول کرے یا نہ کرے۔ یہ لوگ ہر لمحہ اللہ کےعذاب سے بھی ڈرتے ہیں۔ یہ جانتےہیں اللہ نےاپنےانبیاء کو بھی غلطیوں کی سزا دی، چنانچہ یہ اپنی بڑی نیکی کو بھی حقیر سمجھتے ہیں، اللہ کو یہ لوگ بھی پسند ہیں۔

‏پانچواں دل قلب تقی ہے، یہ وہ لوگ ہیں جو اللہ کے شعائر کی تعظیم کرتے ہیں۔ یہ ان شعائر کی عبادت کی طرح تعظیم کرتے ہیں، یہ لوگ اگر کسی مجبوری سے عبادت نہ کر سکیں تو بھی روزہ داروں کے سامنے کھاتے پیتے نہیں اور یہ نماز اور اذان کے وقت خاموشی اختیار کرتے ہیں، اللہ کو یہ لوگ بھی پسند ہیں۔

‏چھٹا دل قلب مہدی ہے، یہ وہ لوگ ہیں جو اللہ کے فیصلوں پر راضی رہتے ہیں اور بخوشی قبول کر لیتے ہیں۔ اللہ کو یہ لوگ بھی پسند ہیں۔ زندگی میں کبھی ایسے لوگ خسارے میں نہیں ھوتے۔ اللہ انکے لیے برائی کے اندر سے اچھائی نکالتا ہے۔ لوگ ان کے لیے شر کرتے ہیں لیکن اللہ اس شر سے خیر نکال دیتا ہے

‏ساتواں دل قلب مطمئن ہے۔ یہ وہ لوگ ہیں جن کو اللہ کے ذکر سے سکون ملتا ہے۔ یہ دن رات اللہ کا ذکر کرتے رہتے ہیں۔ آپ بھی اگر ملال اور حزن سے بچنا چاہتے ہیں تو آپ تسبیح شروع کر دیں، آپ کا دل اطمینان اور خوشی سے بھر جائے گا-

درود شریف اور لاحول ولا قوۃ الا باللہ بہترین تسبیحات ہیں

‏آٹھواں دل قلب حئی ہے، یہ وہ لوگ ہیں جو اللہ کی نافرمان قوموں کا انجام سن کر ان سے عبرت حاصل کرتے ہیں۔ کم تولنا، جھوٹ اور شر پھیلانا، شرک و کفر اور تکبر، برائی کی ترویج کرنے وغیرہ کو اپنی زندگیاں سے پاک کر لیتے ہیں اللہ کی نظر میں وہ لوگ قلب حئی ہوتے ہیں اور اللہ انھیں بھی پسند کرتا ہے۔

‏نواں دل قلب مریض ہیں، یہ وہ لوگ ہیں جو شک، نفاق، بداخلاقی، ہوس اور لالچ کا شکار ہوتے ہیں۔ ہم لوگ لالچ، ہوس، بداخلاقی، نفاق اور شک کو عادتیں سمجھتے ہیں جبکہ حقیقت میں یہ روح اور دماغ کی بیماریاں ہیں اور جو لوگ ان بیماریوں کا شکار ہو جاتے ہیں وہ اذیت ناک زندگی گزارتے ہیں، اللہ ان لوگوں اور ان کے دلوں کو مریض سمجھتا ہے- میرا دعویٰ ہے آپ اپنی زندگی میں صرف شک کا مرض پال لیں آپ چند برسوں میں دل، پھیپھڑوں، گردوں اور جسمانی دردوں کی دوائیں کھانے پر مجبور ہو جائیں گے اور آپ بس شک کی عادت ترک کر دیں آپ کی ادویات کم ہونے لگیں گی-

آزمائش شرط ہے!

‏دسواں دل قلب الاعمی ہے۔ یہ وہ لوگ ہیں جو دیکھتےہیں اور نہ سنتے ہیں۔ یہ بےحس لوگ ہوتے ہیں۔ اللہ انھیں اندھے اور بہرے لوگ کہتا ہے اور مومنوں کو حکم دیتا ہے تم بس انھیں سلام کرو اور آگے نکل جاؤ۔انہیں سمجھانے کی کوشش کریں گے تو آپکا بلڈ پریشر بڑھ جائےگا چنانچہ آپ بھی اللہ کی نصیحت پر عمل کریں

‏گیارہواں دل قلب اللاھی ہے۔ یہ وہ دل ہے جو قرآن سے غافل اور دنیا کی رنگینیوں میں مگن ہے۔ اللہ ان غافل لوگوں کو بھی پسند نہیں کرتا اور یہ بھی بالآخر عبرت کا نشان بن جاتے ہیں

‏بارہواں دل قلب ا لآثم ہے۔ یہ وہ لوگ ہیں جو حق پر پردہ ڈالتے اور گواہی چھپاتے ہیں، آپ تاریخ پڑھ لیں آپ گواہی چھپانے اور حق پر پردہ ڈالنے والے معاشروں اور لوگوں کو تباہ ہوتے دیکھیں گے، اللہ کو یہ لوگ بھی پسند نہیں۔

(اٰثِمٌ قَلْبُهٗ ، سورۃ البقرہ ، آیت 283)

‏تیرہواں اور آخری دل متکبر ہوتا ہے۔ یہ لوگ تکبر اور سرکشی میں مبتلا ہوتے ہیں اور اپنی دینداری کو بھی گھمنڈ بنا لیتے ہیں یوں یہ ظلم اور جارحیت کا شکار ہو جاتے ہیں۔ کبر، اللہ کا وصف ہے، اللہ یہ وصف کسی انسان کے پاس برداشت نہیں کرتا

‏چنانچہ معاشرہ ہو، ملک ہو یا پھر لوگ ہوں تاریخ گواہ ہے یہ فرعون اور نمرود کی طرح عبرت کا نشان بن جاتے ہیں، دنیا میں آج تک کسی مغرور شخص کو عزت نصیب نہیں ہوئی، وہ آخر میں رسوائی اور ذلت تک پہنچ کر رہا، اللہ کو یہ دل بھی پسند نہیں۔

(قَلْبِ مُتَكَبِّرٍ ، سورۃ المؤمن ، آیت 35)

‏آپ ان 13 دلوں کو سامنے رکھیں اور اپنے دل کو ٹٹول کر دیکھیں، آپ کے سینے میں اگر کوئی برا دل ہے تو آپ توبہ کریں اور اچھے دل کی طرف لوٹ جائیں، اللہ تعالیٰ آپ پر اپنے کرم اور فضل کے دروازے کھول دے گا-

‏آپ یقین کر لیں اللہ کے سوا اس دنیا میں کوئی طاقت نہیں، وہ اگر آپ کے ساتھ ہے تو پھر کوئی آپ کا کچھ نہیں بگاڑ سکتا اور اگر آپ کو اس کا ساتھ نصیب نہیں تو پھر آپ کو کوئی بچا نہیں سکتا- خواہ فرعون ہوں یا نمرود عبرت بن کر رہیں گے۔

وما علینا الا البلاغ

[chaudhary]

مجھے شوق تھا تیرے ساتھ کا، جو نہ مل سکا چلو خیر ھے

میری زندگی بھی گزر گئی،۔۔۔۔۔ تو بھی جا چکا چلو خیر ھے

یہ جو بے بسی ھے چار سو ۔ اور الجھے الجھے سے طور ہیں

تجھے سب خبر ھےمگر تو کیوں، نہ سمجھ سکا چلو خیر ھے

میں نےخود نمائی کبھی نہ کی مجھےدوستوں سےگلہ بھی کیا

وہ سمجھہ نہ پائے صدائے دل، یہ بھی چپ رہا چلو خیر ھے

یہ گھٹے گھٹے سے ہیں سلسلے ۔۔۔۔۔ یہ رکے رکے سے تعلقات

نہ میں کہہ سکاکبھی کھل کےکچھ نہ توسن سکا چلو خیر ھے

شب ہجر اتنی طویل تھی ۔۔۔۔۔۔۔۔ شب وصل بھی تو دراز تھی

میں نے سب کہا تھا بہت مگر ۔۔۔۔۔ ابھی رہ گیا چلو خیر ھے

میں نے جو بھی چاہا وہ نہ ملا ۔۔ یہ ھے میری زیست کا المیہ

تجھے ہر قدم پہ خوشی ملی ۔۔۔، مجھے غم ملا چلو خیر ھے

میں کہوں تو کیسے کہوں تجھے میرے شہر دل میں رکے رہو

یہی سوچ تھی میری سوچ میں ،۔۔۔۔ تو چلا گیا چلو خیر ھے

کبھی تمکو ضد تھی میں ملوں،کبھی میں بضد تھا کہ تو ملے

یونہی دھیرے دھیرے ختم ھوا، یہ بھی سلسلہ چلو خیر ھے

کئی ماہ و سال گزر گئے ،۔۔۔۔۔۔۔۔ تیری بے رخی تیرے ہجر میں

یہ جو آنے والا ہے نیا برس ۔۔۔۔، یونہی گزرے گا چلو خیر ھے

چلو خیر ھے کہ گزر گئی ۔۔۔۔۔۔۔ وہ طویل شب میری زیست کی

جسے ساتھ چلنا تھا کبھی میرے، وہ نہ چل سکا چلو خیر ہے

[chaudhary]

‏وصل کے لمحوں کو محصور کیا ہے صاحب

میں نے اس بار گھڑی پیچھے گھما رکھی ہے

خود مزے سے میں تمہیں سوچ رہا ہوں ہمدم

اور بستر پہ فقط نیند سلا رکھی ہے

[chaudhary]

‏کَــوئی تَـريـاق نَہيں غَــم کا،عِلاوہ غَــم کے

زَہـرميں زَہـرمِـلانے کی اِجـازَت دی جاۓ

دَوغــلے پَـن کا ہُنر سِيـکھ لِيـا ہےمـيں نے

اَب مُجھےشَہرميں آنےکی اِجازَت دی جاۓ

اِس قَدرضَبط مَیری جان بھی لےسَکتا ہے

کَم سےکَم اَشک بَہانےکی اِجازَت دی جاۓ

[chaudhary]

ہنگامۂ غم سے تنگ آ کر

اظہارِ مسرّت کر بیٹھے

مشہور تھی اپنی زندہ دلی

دانستہ شرارت کر بیٹھے

کوشش تو بہت کی ہم نے مگر

پائی نہ غمِ ہستی سے مَفَر

ویرانئ دل جب حد سے بڑھی

گھبرا کے محبت کر بیٹھے

ہستی کے تلاطم میں پنہاں تھے

عیش و طرب کے دھارے بھی

افسوس ہمی سے بھول ہوئی

اشکوں پہ قناعت کر بیٹھے

زندانِ جہاں سے یہ نفرت

اے حضرتِ واعظ کیا کہنا

اللہ کے آگے بس نہ چلا

بندوں سے بغاوت کر بیٹھے

گلچیں نے تو کوشش کر ڈالی

سونی ہو چمن کی ہر ڈالی

کانٹوں نے مبارک کام کیا

پھولوں کی حفاظت کر بیٹھے

ہر چیز نہیں ہے مرکز پر

اک ذرہ اِدھر اک ذرہ اُدھر

نفرت سے نہ دیکھو دشمن کو

شاید وہ محبت کر بیٹھے

اللہ تو سب کی سنتا ہے

جرات ہے شکیل اپنی اپنی

حالی نے زباں سے اُف بھی نہ کی

اقبال شکایت کر بیٹھے

(شکیل بدایونی)