Last Seen Blogs
metalized
Eau de Parfum
aestheticswriting-blog
Mood Boards and Writing
hianonsuper
Untitled
frankencelery
I’m Phil, From Toledo UwU
Photo
ANG SULAT NI NANAY AT TATAY
Sa aking pagtanda, unawain mo sana ako at pagpasensyahan kapag dala ng kalabuan ng mata ay nakakabasag ako ng pinggan o nakatapon ng sabaw sa hapag-kainan, huwag mo sana akong kagagalitan. Maramdamin ang isang matanda.
Naaawa ako sa sarili ko sa tuwing sinisigawan mo ako. Kapag mahina na ang tenga ko at hindi ko maintindihan ang sinasabi mo, huwag mo naman sana akong sabihang bingi. Pakiulit na lang ang sinabi mo o pakisulat na lang.
Pasensya ka na anak. Matanda na talaga ako. Kapag mahina na ang tuhod ko, pagtiyagaan mo sana akong tulungan na makatayo. Katulad nung pag-alalay ko sayo nung nag-aaral ka pa lamang lumakad.
Pagpasensyahan mo na sana ako. Kung ako man ay nagiging makulit at paulit ulit na parang sirang plaka. Basta pakinggan mo na lang ako. Huwag mo sana akong pagtatawanan o pagsasawaang pakinggan. Natatandaan mo pa ba anak, nung bata ka pa lamang? Kapag gusto mo ng lobo ay paulit ulit mo yong sasabihin. Maghapon kang nagungulit hanggang sa makuha mo ang gusto mo. Pinagtiyagaan ko ang kakulitan mo.
Pagpasensyahan mo na rin sana ang aking amoy. Amoy matanda, amoy lupa. Huwag mo sana akong piliting maligo. Mahina na ang katawan ko, madaling magkasakit kapag nalamigan. Huwag mo sana akong pandirihan. Natatandaan mo noong bata ka pa? Pinagtitiyagaan kitang habulin sa ilalim ng kama kapag ayaw mong maligo.
Pagpasensyahan mo na sana kung madalas ako’y masungit. Dala na marahil ito ng katandaan. Pagtanda mo, maiintindihan mo rin ako.
Kapag may konti kang panahon, magkuwentuhan naman tayo. Kahit sandali lang. Inip na ako sa bahay, maghapong nag-iisa. Walang kausap. Alam kong busy ka sa trabaho, subalit nais kong malaman mo na sabik na sabik akong makakuwentuhan ka kahit na alam kong hindi ka interesado sa mga kuwento ko.
Natatandaan mo anak, noong bata ka pa? PInagtiyagaan kong pakinggan at intindihin ang utal utal mong kuwento tungkol sa iyong teddy bear. At kapag dumating ang sandali na ako’y magkakasakit, at nakaratay sa banig ng karamdaman, huwag mo sana akong pagsawaang alagaan.
Pagpasensiyahan mo na kung ako man ay maihi o madumi sa higaan. Pagtiyagaan mo sana akong alagaan sa mga huling sandali ng aking buhay. Tutal, hindi naman na ako magtatagal. Kapag dumating ang sandali ng aking pagpanaw, hawakan mo sana ang aking kamay at bigyan mo ako ng lakas ng loob na harapin ang kamatayan.
At huwag kang mag-alala, kapag kaharap ko na ang diyos na lumikha, ibubulong ko sa kanya na pagpalain ka sana. Dahil naging mapagmahal ka sa iyong ama’t ina
2 notes
·
View notes
