Last Seen Blogs
Text
عوّدت نفسي ماتحسّف على شي
لأن العمر ما يحتمل للحسايف
بعيش لحظات الفرح دامني حي
وبزرع الضحكه بجرد الشفايف
ولا ألحق الهقوات شيٍ ماهو لي
ولا عدت اجزع من فراق الولايف
إن غاب غالي فـ الحزن ياخذ شوّي
أيام .. وتروّح علومه طرايف
موصيٍ قلبي لا شفت الخطا عيّ
امّا تعدلها .. أو تصد عايف
10 notes
·
View notes
Text
عزّت علي نفسي ولاني بملزوم
أقربك من بعد ما رحت عني
إلى متى في دربك أطيح وأقوم
وأجيك متعني وأرد متعني
ليه أتأمل وأنتظر وصل معدوم
وليه أتمنى وش يفيد التمني
لو إني أدري وش ورا الغيم مقسوم
ما كان حبيتك ولا خاب ظني
23 notes
·
View notes
Text
محد تجي دنيـاه دايـم على الكيف
يـوم مـحـل واليـوم الاخـر مـريـفـه
لا تلتفت تكثر عليك الـتـحـاسـيـف
مـا فـات مـنهـا مـات خـلّـه بكيفـه
ترقى بصيتك فوق روس المشاريف
وتمشي معك مثل الهبوب اللطيفه
إليا اقبلت لمّت شتات الـموالـيـف
و إليا ابـعـدت ينسى ولـيـف وليفـه
3 notes
·
View notes
Text
مانجبرك على وصلنا دام الله مغنيك
خلك على وضعك مع الايام تنعاف
95 notes
·
View notes
Text
صديت عني بدون ماتكتب اعذارك
شكيت في نفسي واحسب الخطأ مني
جاي تسأل عقب غيبتك وش أخبارك
اخاف اقول اني بخير وترجع تصد عني
ضيعت من عمري في هوا دارك
و أنت ماغير تلعب بي من صغر سني
لو كنت ادري وش ورا نواياك و أفكارك
ماكان عطيتك فرصه ياللي خيبت ظني
21 notes
·
View notes
Text
مابيني وبينك مشاريه وعتاب
شفت دربك الي جيت منه تدله
ماراح تغلبني لو الحُب غلاب
من حضرتك عشان قلبي تذله؟
كنت القريب وكلهم اغراب
حتى القمر لا غاب شفتك محله
رح واعتبرني واحد اذنب وتاب
ماني بثوبٍ تلبسه ثم تمله
15 notes
·
View notes
Text
بهديك للهجران عامٍ ورا عام
نموت لكن ما تموت الكرامه
دامك نويت الصد فالوعد قدام
من يومنا حتى تقوم القيامه
8 notes
·
View notes
Text
ودي أنسى
قل لطيفك لا يجيني
قل بصوتك ما تبيني
قل علي ضاعت سنيني
يمكن أفهم
ما أعاني واتألم
يمكن امالي تموت
ويستريح اللي توهم
7 notes
·
View notes
Text
تعال وتذرّى بين غصن الرجا .. والياس
تحت جذع صدري لين توقف على حيلك
بعدها تعرف إن الذهب ذاك كان نحاس
ولا فيه أحد كثري من الناس .. صافي لك
على سور قلبي لا تغرك جموع الناس
ترى ما ورا بيبانه .. إلا مداهيلك ❤️
15 notes
·
View notes
Text
له مبسمٍ كنه سما نجد لا امطرت
وفي عيونه سحر الرياض بحزّة مطر
34 notes
·
View notes
Text
يا كثرهم من حاولوا يهزموني
شافوني الأصعب ولا شفتهم شي
من حقدهم في كل شي ابتلوني
لو أذنبوا في ذنب صار الأثم لي
أنا حديث أفواههم لا طروني
كابوسهم لا أظلم الليل والضي
عوّدتهم لا من نصوني أحذروني
هيّبتهم لين أعرفوا قيمتي حي
19 notes
·
View notes
Text
من متى كانت أجاباتنا على قد السؤال ؟
ومن متى كانت سوالفنا .. سوالف باردة ؟
ومن متى الوعد يتأجل ، ويتأجل الأتصال ؟
ومن متى قلبي فـ أمانك ، والهجوس أطارده ؟
ومن متى كلمة “ أحبك “ يوم كامل ما تقال ؟
ومن متى أسولف على عينك ، وعينك شاردة ؟
ومن متى أسرد لك كلام ، وما تلقي السرد بال ؟
ومن متى أعيد الكلام / اللي من أول سارده ؟
ومن متى تجرح شعوري بالمخاصم والجدال ؟
وتكسر جناحي من عنادك ، وأنا اللي فارده ؟
كان قلبي يعتبرك الجسر / لـ بلوغ المحال
وكان شايف فيك فانوس الطموح ، ومارده !!
كل ما ألقى فيك خصلة جاذبة بين الخصال ؟
أرجع ألقى فيك خصلة من خصالك طاردة !!
للأسف .. كنت الفراق أشوفه أقرب للخيال
صرت أشوفه واقعي جداً ، وفكرة واردة : )
31 notes
·
View notes
Text
راجع لي وتمثل الطيبة
لك عين تسأل وتتكلم
قلبك عجين إيدي وادري
به ما ظنه يعقل ويتعلم
27 notes
·
View notes
Text
انا مازلت نفس الشخص اللي انت في يوم قابلته
سنه مرت علينا ونص ولا قد يوم عبرته
جروحي تكبر وتكبر غرورك سبت جروحي
تعبتك وانت تتكبر خطيره انزعني من روحي
7 notes
·
View notes
Text
عشان ايش دايم بالتشره ترجعني
لغلطات عادية ماحد منها معصوم
تبي تثبت انك ما قد اخطيت ابد يعني
وانا دوم اعذرك وانت عذرك مهو مفهوم
عش الجو واستمتع بوقتك ومتعني
بشوفتك مستانس وهمك هو المهموم
ابي نظراتك وانت بسعاده تطالعني
تنسيني اني عشت من دونها محروم
1 note
·
View note
Text
دخيلك لا تصلح غلطتك خل الجروح تزود
اذا ما للغلا سيرة فما لمعاتبك داعي
أنين الناي يجرح كثر ما يبدع به المضهود
كثير الصبر في باب المقفي يفتح أوجاعي
12 notes
·
View notes