Statistics
We looked inside some of the posts by emnasaidi-blog and here's what we found interesting.
Average Info
Notes Per Post
2
Likes Per Post
2
Reblog Per Post
0
Reply Per Post
0
Time Between Posts
24 minutes
Number of Posts By Type
Text
2
Last Seen Tumblr Blogs
Fun Fact
Tumblr.com is the 103rd most visited website in the world.
Text
مكتوبي...
والله عمري ماحبيتك.. وعمري ماتمنيت نهار نحط إيدي في إيدك.. ومانتذكرش روحي نهار ستنيتك.. والا حتى خممت فيك.. والا في الي بش يربطني بيك.. كتبتلي من غير ماتمنيتك.. وخطفتني من صغري و من دنيتي و من دارنا.. من بيتي و كاساتاتي.. وحكمت عليا نزيَنلك و نلبسلك.. وكي عروسة الشوالق كل ليلة نتصدَرلك.. تجي تاخو مني غرضك..و تتكب ترقد.. و انا مانيش فاهمة.. هذا هو العرس الي يفرحو بيه؟ و الا انا كيما تقول أمي.. مازلت صغيرة مانفهمش فيه..
غريبة فيك.. كل شي نجمتو.. و لا نجمت نحس بيك.. وغريبة فيا.. عمري ماحسيت قلبك عليا..
تعرفشي علاش؟ على خاطرك مسكين.. في بالك خذيت للات العين.. الرزانة و الزين.. بعد مارميت عشرة سنين.. ونكرت فلي حبَتك و بروحها ودَتك.. واخترت من دون البنات صبيَة.. عجبت أمك في سهرية.... وسئلت عليها.. قالولك عاقلة و متربيَة.. اما راهي مازالت صغيرة.. قلت: نربيها على يديَا.. و نحطها في عينيا..
خذيتني.. و بعيشة عزيزة منيتني.. لا انا حبيتك و لا انت حبيتني.. خذيتني تصويرة قدام الناس.. تكركرها معاك في لمات العايلة و الاعراس.. تولد و تكبَر و على همَك و غمَك تصبر.. وانت من صاحبة لصاحبة داير تتنهكر.. في بالك مش فايقة بيك.. زكي تجي تتلطخ كل ليلة بجنبي مانيش بش نلوَج عليك.. تبعت.. و عرفت.. ولابكيت كي النساء و لا غزَلت.. أمَا فقت.. فقت قداش مانحبكش.. وقداش ظلمت روحي نهار الي رضيت بيك و عرست.. وقعدت معاك خايفة من كلام الناس و من غزرة الشامت.. ونسيت الي حد ماهو من كلامهم سالم..
تكلَمت سكتوني.. بخوفهم مالعار كتفوني.. صبروني بالصغار.. خنقوني.. لاعرفتهم خايفين مني و الا عليا.. صغيرة، مطلقة، هجالة.. العينين الكل تتغامز عليها.. بكيت.. رضيت.. بقيت.. عملت كيما قالولي.. و على روحي هنَيت.. عمري فنيت مع الي عمري ماحبيت..
واليوم بعد ما وفيت.. وبعد ما كبَرت و ربيت.. يزيني.. كهو عييت.. زيني مشى.. و عمري وفى.. ماعادش فيا مطموع.. و قلبي هدَو الجوع.. انت كبرت و انا كبرت.. ويزيك مادرت درت و رجعت.. توا لا انت مازلت تنجم تدور كي قبل.. ولا انا عندي ليك عقل..
حكايتي معاك وفات.. بعد ما عمري الكل خذات.. قبل.. شديتني من يدي وجعتني.. وقداش خوفوني من نهار الي بش تسيَبني.. قالولي هذاكا مكتوبك يا بنت الأصل.. وبنات الأصول تصبر عالزمان الي يطول.. نساو الي الزمان الي طوال ياكل من عمري.. من قلبي و من روحي و من بدني... وقبل مانوفى.. و بالشوية عمر الي قعدلي.. نحب نمشي و نخليك.. نخليك للحيوط تضرب فيك.. بش نمشي نلوَج على الطفلة الي شافتها امك في الشهرية.. و عجبها زينها و هاك الرزانة والعقولية.. والي ماقامتش تميَل مش رزانة و الا عقولية.. أما على خاطر الصباط.. تقطَع في أول السهرية.
#آمنة_السعيدي
2 notes
·
View notes
Text
L'art est à l'homme ce que la nature est à dieu
Victor Hugo
0 notes