esraathehobbit

[esraathehobbit]

يا شيخ أسامحهم ولا لأ؟

ج

عايز أقولك ربنا مش هيبارك في الحرام ، ولا هيبارك لحد بيوقع بين الناس ، ولا هيبارك لحد منافق وبمليون وش

ولا هيبارك لحد مؤذي و ظالم ، ربنا بيأخر لكن ما بيسيبش ربنا بيأخر لكن ما بينساش ، وهيحاسب كل انسان مؤذي وكل شيء بميعاد والله..

ودايما ادعي الدعاء ده

اللهم أكفينا شر لطفاء المظهر خبثاء النوايا اللهم اكفينا شر كل ظالم مؤذي ، اللهم إنك ترى ما لا نرى ، وتعلم ما لا نعلم ، فاكفنا شر ما في الغيب..

[esraathehobbit]

من زمان بطلت استغرب لإن مع الوقت بقى بالنسبالي كل شيء متوقع..

ضربة موجعة من شخص قريب، خيانة من عزيز، بُعد بدون أسباب، سرقة مجهود واستحلال تعب الغير، وعادي جداً إن موسى يطلع فرعون..

حتى الأمور الكويسة لما بتحصل بدون مقدمات بطلت استغرب!.. كرم رباني ينزل عليك فجأة وأنت مش عامل حسابك، قلبك الحزين الشايط تنزل عليه سكينة من السما تبرده وترجعه أجدد من الأول، نسيانك لذكرياتك مع شخص مؤذي تماماً وكإنه مامرش عليك..

الزمن ده مشوش، والرؤية فيه ضبابية، ومفاجئاته تخض، وناسه شايلين واحدة من أسوأ النسخ البشرية اللي عدت على الكون..

هتتعلم من كُتر الخبطات إن أهم درس إنك لا تنبهر بحد، ولا تمشي ورا كلام حد، ولا تقبل توجيه حد ليك بدون تشغيل دماغك، وإنك تهرب قدر الإمكان من فخ التحليل والتحريم ومين داخل النار ومين هيدخل الجنة..

الصح، والغلط معروفين وواضحين زى عين الشمس فإدعي ربنا مايعميش عينك عنهم ويكفيك شر المكابرة والعناد..

إنشغل بنفسك، وتوقع أى حاجة من أى حد في أى وقت.. الإنشغال بالنفس مكسب عظيم وبيجنب الواحد صدمات ممكن تفقده ثقته في نفسه مش بس في الناس.. اللي يلاقي نفسه بيمر بأقل الخساير.

Tamer abdo amin

[esraathehobbit]

لا يتساوى عند الله مبتلى مضغوط نفسيًا ومكتئب يجر نفسه جرًا للعبادة والتعايش بحياة مرهقة نفسيًا، بمن يذهب لمحراب عبادته منعم.. لن يتساويان أبدًا!

فليطمئن قلبك، يكفيك أن الله يعلم ما يخفي صدرك من ألم، والله الذي لا إله إلا هو: مأجور مأجور مأجور.

اثبت فقد ثبت أجرك عند الله.

- د/ إيمان سليم

لإرسال اسئلتكم تجدون روابط الاسك في المنشور المثبت على قناتنا على التليجرام رابط القناة اول تعليق.

كما يمكنكم التواصل مع الشيوخ بشكل مباشر من خلاله

[esraathehobbit]

مصطفى حسني في خاطرة الفجر جاوب على سؤال مُهم جدًا كلنا أوقات بنمُر بيه..

"الرِضا بقضاء الله مع وجود غصة في القلب هل ده يعتبر رضا حقيقي؟ مع العلم إن الذِكر والحمد دايما موجودين"..

رد ع السؤال وقال: "أيوه الإنسان ممكن يبقى راضي وحزين؛ لكنه راضي.. وسيدنا مُحمد ﷺ لما فقد ابنه إبراهيم قال "إن العين لتدمع وإن القلب ليحزن، ولا نقول إلا ما يُرضي ربنا" ينفع طبعا الإنسان يبقى راضي بس عنده وجع من جواه.. وعلامة الرضا الاستمرار في العبادة".

وفعلا ممكن يبقى فيه حد راضي بقضاء ربنا ومؤمن جدًا ان ربنا كاتبلُه الخير بس يبقى تعبان، أو حزين، او مُجهَد؛ من كُتر الخبطات والصدمات اللي شافها في حياته، لكنه مكمل في العبادات عادي جدًا وحتى وهو بيعيط بيقول "يارب".. بلاش كل ما تشوفوا حد تعبان وحزين تقولوله انت مش راضي، أصلك بعيد عن ربنا، لو بس تسلّم أمرك لله هتبقى سعيد!

العام اللي النبي ﷺ فقد فيه زوجته السيدة خديجة رضي الله عنها وعمه أبو طالب سمّاه عام الحزن بسبب حزنه الشديد عليهم ..

الحزن مالوش علاقة بالرِضا ولا بدرجة الايمان. ♥️

#رحمة_رشاد

[esraathehobbit]

متلازمة القلب المنكسر متلازمة القلب المنكسر او اعتلال تاكوتسيبو للقلب هى حاله مرضيه تحدث نتيجة لآلام عاطفيه شديده أو معاناة يشعر بها المرء بعد فقدان أحد الأحباء، سواء من خلال الموت او الطلاق او الخيانه او غيرها و هى أحد الظواهر العلمية التى رصدها العلم بدقة دون ان يعرف لها سببا واضحا او يجد لها تفسيرا قاطعا تجلت الحيرة في تسمية تلك الظاهرة باسماء متعددة، تبدأ باعتلال تاكوتسيبو للقلب taico - tusubo cordiomyopathy او تضخم البطين الايسر Ballooning apex اما الاسم الثالث الذى قد يمس كل القلوب فهو اكثر إنسانية وملاءمة للحالة فهو القلب المكسور أو Broken - heart syndrome سجلت أكثر من 90 في المائة من حالات الإصابة بهذا الاعتلال بين النساء من أعمار تراوحت بين 58 و75 سنة. وتفترض الأبحاث أن 6 في المائة على الأقل من النساء اللاتي تم اعتبار حالاتهن بنوبة قلبية كن في الواقع مصابات بهذا الاعتلال، الذي ظل غير مشخص في الولايات المتحدة والذي لم يتم الاعتراف به حتى زمن يسير. ومن حسن الحظ فإن أغلبية المصابات يشفين بسرعة من دون حدوث إضرار بعيدة المدى على القلب. يتم تشخيص متلازمة القلب المكسور خطئأ على انها نوبه قلبيه بسبب تشابه الاعراض ونتائج الفحوصات ولكنها وعلى العكس من النوبة القلبيه تبدو الشرايين التاجيه سليمه تماما لا ضيق فيها ولا معالم جلطة ولكن رغم ذلك فإن الملاحظة الدقيقة الموثقة بالابحاث الطبية المعملية المختلفة تؤكد ان هناك مؤشرات حقيقية للمعاناة والالم وان هناك فترة تعانى فيها عضلة القلب من نقص في الدم الوارد اليها، الامر الذى يحدث تلفا في خلاياها ويقودها إلى فشل مؤقت في اداء مهامها، وعلى الرغم من ان الأمر يبدو محيرا للغاية في وجود شرايين سليمة لا اثر فيها لضيق واختناق لكن في كل الاحوال، الثابت أن كل تلك التداعيات تحدث إثر التعرض لوقت عصيب او المعاناة من الم نفسى او توتر بالغ. تعددت النظريات والتكنهات عن اسباب النقص في الدم الوارد إلى القلب ، ومنها أن ذلك ينجم عن بروتينات تفرز في الدم تسبب تقلصا في الشرايين، يحدث ذلك الاثر من نقص الدم الوارد لعضلة القلب سرعان ما يزول كما جاء فجأة. متلازمة القلب المنكسر حقيقة لا تقبل الجدل في جلاء اعراضها لكنها مازالت تقبل الشك في اسبابها، لماذا المرأة دون الرجل؟ لماذا تتفاوت الاعراض ونوعية واثر القلق والتوتر من امرأة لأخرى؟ لمذا تصمد امرأة وتستسلم اخرى؟ علامات استفهام كثيرة واسرار وطلاسم تلف المرأة وقلبها في عزه او انكساره علمها عند خالقها وحده جل شأنه.

[esraathehobbit]

ادعيلي؛ قلبي محطم 💔

ج / الحوقلة أو الحولقة هي قول: "لا حول ولا قوة إلا بالله".

كلمة عظيمة لها سر عظيم، وهي كنز من كنوز الجنة كما قال خير المرسلين.

وفي بعض كلام ابن تيمية قال: بها تُحمَل الأثقال، وتكابَد الأهوال، ويُنال رفيع الأحوال.

مَن وَجَد ضِيقًا أو ضَعفا أو أَلَما فليرددها مُتَبرِّيًا مِن حولِه وقُوَّته، مُقِرًّا لله بانكسار بأنه ضعيف فقير محتاج إلى عون الله العزيز الحكيم الذي لا حول ولا قوة إلا به.

الشيخ القاسم الأزهري

[esraathehobbit]

س/والحاجات إللي ضاعت وراحت منى يا شيخ ؟!

ج/ عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ

[esraathehobbit]

قطوف من ال ask الدنيية

منقول

- بس أنا أتوجعت ياشيخي !

- مهما تتوجعي إعرفي إن دا درس ليكِ مع كل وجع بيعلمك إزاي تقربي من ربنا خطوة وبيفهمك أد إيه إنتي بعيدة لسة وأد اية فاكره نفسك صح وإنتي غلط ،بنتوجع عشان نتعلم ونقرب.. بصي يا بنتي أوقات بيكون الوجع دا جاي بدرس صعب أوي .... زي مثلا منثقش في حد ومنسلمش قلبنا لحد وإزاي نتعلق بربنا وبس ومع كل حاجة من دي غصة في قلبك لازم توجعك عشان تتعلمي تتعلمي ان الجنه مش ببلاش وأن كل متعلق بغير الله مخذول

- طب والناس ...وإحتياجي لحد يكمل معايا طريقي !

- الناس ! يا الله ... يا بنتي دا يوم القيامه أول حد هيسيبك هو أخوكي وبعد كدة أمك وأبوكي ! أول ما الملك هيقول هلموا فقد حان وقت الحساب الناس هتنسي بعضها وكلة هيقول نفسي نفسي إلا النبي محمد إللي إحنا سايبين سُنته هو الوحيد إللي هيقول أمتي أمتي... ناس مين يا بنتي دا إنتي لما إتولدتي وأتعلمتي وبكيتي وإتوجعتي كنتِ لواحدك صح ! ولما هتتدفني وتبعثي وتتحاسبي هتكوني لواحدك مفيش حد هيدخل يتحاسب مكانك! ناس مين دا يوم القيامه مفيش حد هيديكي حسنه واحدة بس حتي لو بينك وبين الجنه الحسنه دي ...أغلي حد في حياتك مش هيديها ليكِ وهيقول نفسي نفسي ... ربنا ��ال :

(( وَكُلُّهُمْ آتِيهِ يَوْمَ الْقِيَامَةِ فَرْدًا ))

فرداً ... اة بنحتاج لناس تكمل معانا المسيرة تعينا علي وحشه الطريق وعلي الغابه إللي جوانا بس في زمنا دا أقسم بالله يابنتي الصديق هلاك لصديقه وألم لصديقه فلا يداويه ولكن يزيد جروحة ويجعل حزنة يتكاثر .. أنا مش هقولك غير حاجة واحدة بس صاحبي مصحفك كل ماتحسي أنك نفسك تفضفضي إمسكي المصحف وأقرأي ورتلي ... كل ماتحسي بإحتياجك لسند تميلي علية إجري علي ربك وميلي علي مصليتك متمليش علي حد غير ربك عشان ربنا هو أكتر حد هيعينك ويحس بيكي .. هو اللي عارف ظلمات قلبك ومع ذالك مسبكيش زي صحابك هو إللي عارف أد اي إنتي وحشه ومع ذالك بيحبك ، عارف عنك حاجات أقسم بالله لايطيقها أي بشر حتي أمك ومع ذلك أحن عليكِ منها ... البشر تعاير والله يستر ... البشر هيطبطبوا بس الله يجبر ويزهر ، الله إن كافئ رزق بحسن الخاتمه فتجعلك تفوزين فوزاً عظيماً والبشر إذا كافئت أتت لكِ بالاشياء التي تجعلك تبتسمين شهوراً ! لا أكثر .... إبن تيمية كان صديقه هو المصحف ..بصي يابنتي الصُحاب دلوقت مش زي زمان أيام الصحابه وكدة اللي هما ياخدوا بإيدك للجنه لالا دا دلوقتِ مفيش حد فاضي ينصح حد وصدقيني أقسم بالله إذا جاء يوم وإحتاجتي سند غير الله فعليكِ أن تُعيدي حسباتك فلا بقاء لبشر وإنما البقاء لخالق البشر 🌸"!

#بينصحني

[esraathehobbit]

س: اتطلقت النهارده .. إنصحني!

ج: الطلاق ليس نهاية الحياة .. ولا آخر مرحلة في المشوار ..

بل لعله بداية الحياة الحقيقية .. وإيذان بأجمل مراحل العمر .. لو كانت الحياة استحالت .. ومفيش حل = فالطلاق مش دایما نهاية .. قد يكون أجمل بداية!

وقد يكون أحكم قرار أخذتيه في حياتك فيه رب اسمه ( الكريم ) بيعوض بكل خير .. من فوض لله أمره وأحسن به الظن .. من يشهد الله على نيته صادقا = فليبشر بخير لا يخطر له على بال.

-إن الله الذي قال : ﴿إن يكونوا فقراء يغنهم الله من فضله ﴾

-هو الذي قال: ﴿ و إن يتفرقا يغن الله كلا من سعته ﴾

فوعد بالغنى في النكاح والطلاق على السواء !

كبار الصحابة طلقوا وفضليات الصحابيات طلقن وكانت الأمور تسير بالإحسان وحفظ حق العشرة.

أما مجتمعنا فلم يعد يحسن في زواج ولا طلاق.

المتزوجة فيه - رغم أنها قد تكون تعيسة - محسودة .. ومن تأخر زواجها رغم أنها لا ذنب لها - ملومة .. أما المطلقة - مع أنها كثيرًا ما تكون مظلومة - فعيون القسوة تنهشها ، وحساب ما أنزل الله به من سلطان يلاحقها!

لذا فأكبر خطأ نرتكبه في حق أنفسنا حين نعبؤ بمثل هذا المجتمع وتقييماته وأحكامه ..

انفضي عنك غبار المرحلة السابقة .. واستقبلي حياتك بحسن ظن في الله وتفاؤل بقادم أفضل.

ولا عليك من أحد.

د محمد عطية.

[esraathehobbit]

لا الحياة مبقتش مُر،عبه قبل متقولوها على إنفصال يوسف الشريف .. ! 💔

- مفيش أى ضامن لبقاء العلاقات غير توفيق ربنا وبس عزوجل .. أوعى تقول يستحيل نفترق انا وهى ولا تقولى يستحيل منكملش انا وهو ده غير أى حد .. ولا تقول بيحبنى ولا عشرة ولا تقولى عيش وملح ولا تقولى أسرار ولا صحاب ولا إخوات ولا قرايب .. !

- هى مش بالشطارة ولا بالأختيار والفقاقه وإن حد أختار صح وحد أختار غلط هى بالرزق، والرزق بتاعك هتاخده هتاخده فـ كُل اللى عليك إنك تحط قدامك كلام "نجيب محفوظ" لما قال: "كى لا تصاب بالخيبه ;لا تجعل في مخيلتك ان أحدهم لا يستطيع الاستغناء عنك" .

- كل اللى عليك إنك تدعى ربنا دايما وتقول : انه يديم علاقتك بالناس الى تستاهلك وتستاهل حُبك وقربك وتكون حواليك ..

الناس اللى فى علاقة اللى فاكرين انها هتستمر على طول ، امال انتو فاكرين الاغانى الحزينه اللي بتحكي عن علاقات كانت استحاله تخلص دى بتتعمل لمين ؟!

انت مش لوحدك

مفيش اي ضامن علي الارض حرفياً لاي علاقه بين اتنين غير ان ربنا رايد انهم يكملو مع بعض بتوفيق منه

منه هو وبس

مهما حاولو هم الاتنين ان المركب تمشي لو ربنا مش رايد مش هتتحرك

اوعى تنهي أي علاقة غير بعد ما تستنفذ كل الفُرَص .. ♥️

اوعى تمشي وانت فيه جواك إحساس بيقولك

"مش كُنا استنينا شوية كمان؟!" ..

خُدها قاعدة في حياتك سواء في شغل أو علاقات، ماتمشيش من مكان غير وانت متأكد إنك مش هترجع تبُص وراك عليه تاني مهما حصل ومهما قالك

في جملة بحبها أوي بتقول :

"اللي علاقتك بيه لازم تتقطع؛ اديله انت المقص"

و رغم تجاربي البسيطة في الحياة

اكتشفت إن ربنا ميرضالكش بقلب مش شبهك سواء صاحب او حبيب

حتى لو انت راضي بيه هو ميرضلكش بالقليل♥️ ..

الحياه موقفتش هتمشي وكل واحد هيشوف شخص و قصه وحياه جديده

وهينسـي

النصيب لازم بيصيب ♥️

واللي مكتوبلك انه يكون محطه في حياتك متحاولش تخليها محور حياتك

ربنا زي ما شرع الجواز شرع برحمته الانفصال بالمعروف

مفيش ضامن للأبد

متاخدش حد مثال ليك غير في شيء واحد فقط وهو ان

مفيش فـي العلاقات ضمـانات

الضامن هو الله ♥️

[esraathehobbit]

ساعه الخلاف هي اصدق وأقوي وقت تتعرف في علي الشخصية الحقيقه للي قدامك ..! بيكون فيها الشخص فاقد القدرة ع التمثيل اللي بيمثله طول الوقت عليك .. ساعتها بس بتعرف هو شايفك إزاي وإيه اللي جواه من ناحيتك ..

عشان كدة من رحمة ربنا علينا إن ف خلافات بتحصل ف حياتنا عشان تعرف تعيد ترتيب الناس ف حياتك من جديد بناء ع الصورة الجديدة اللي ظهرت ليك .. 👌

[esraathehobbit]

ولقد مرَّت عليَّ ليالٍ كثيرة ثقيلة من شدتها كنت أبكي حتى تتورم عيناي ولا أشعر بنفسي عندما يأخذني النوم.

ووالله أنني من ثقلها كنت أقول لنفسي لن يأتي الصباح إلا وأنت بين يد الله.

وفي كل مرة كان يصلح الله كل شيء بطريقة مُدهشة وتأتي الحياة ضاحكة مستبشرة!

ووالله أنني الآن مهما أتت عليَّ الدنيا ومهما واجهت من مواقف صعبة أقول لنفسي إن الله الذي لطف بنا سابقًا لن يتركنا اليوم.

إن الله أعظم من أن يُفلتنا ونحن في أشد الحاجة إليه، إليه وحده.

[esraathehobbit]

س/ يا شيخي ، كيف أُحيي قلبي بعد الإنتكاس؟!

ج / يا بُنيّ أكثر من قول " لا إله إلا الله " ، ونظف قلبك بكثرة الإستغفار.

وابدأ عهد جديد مع الله بركعتي توبه ، ولا تتعجّل .. ابدأها خطوة بخطوه كأنك حديث عهد مع الإسلام.

حافظ على فروضك في أوقاتها ، ثم بعد ذلك أضف عليهم السُنن ، ثم زِدهم بالقيام و وِرد القرآن.

وتالله سترى كيف أن الطريق إلى الله سينفتح أمامك بعدها.

[esraathehobbit]

الطريق الوحيد لوقف أى نوع من الألم هو فهم معنى آية" إنا لله "

اللي بيوجعنا في لحظات الفقد والألم هو فهمنا إن الشخص أو الشئ ده كان في يوم لينا واتاخد مننا

لكن الحقيقة إن كل حاجة خسرتها هي ملك لله

، والشخص الظالم و المؤذي هو عبد لله وعند الله ستجتمع الخصوم..

المستقبل اللي خايف منه هو في يد الله

الألم بيهون لما بتتقبل حقيقة أن لا شيء ملكك، لا شيء كان، ولا شئ أبداً سيكون...

كلها مُتعلقات دنيوية وهبت من الله، تنتمي إلى الله، وترجع إلى الله.

الوصول للدرجة دي من الإدراك والتسليم والصبر والرضا مش سهله؛ محتاجة مجاهده كتير..

لكن الإنسان لما بيعرف ربنا حق المعرفة بيهون عليه كل شيء في الدنيا ،بيكون في عز المصيبة ثابت وراضي، وفي عز البلاء والمصاب هو في سلام..

"وَبَشِّرِ الصَّابِرِينَ *الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ *أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَٰئِكَ هُمُ الْمُهْتَدُونَ"

Noha zahra

[esraathehobbit]

س/ يا شيخي ، كيف أُحيي قلبي بعد الإنتكاس؟!

ج / يا بُنيّ أكثر من قول " لا إله إلا الله " ، ونظف قلبك بكثرة الإستغفار.

وابدأ عهد جديد مع الله بركعتي توبه ، ولا تتعجّل .. ابدأها خطوة بخطوه كأنك حديث عهد مع الإسلام.

حافظ على فروضك في أوقاتها ، ثم بعد ذلك أضف عليهم السُنن ، ثم زِدهم بالقيام و وِرد القرآن.

وتالله سترى كيف أن الطريق إلى الله سينفتح أمامك بعدها.

[esraathehobbit]

تأكد إن كل حاجة خسرتها كان لازم تخسرها وإن رحمة ربنا وعطاءه زي ما بيتجلى ف المنح بيكون برضه ف المنع والحرمان ، قمة العطاء إنه يمنع عنك شر كنت تحسبه بجهلك وسوء ظنك خير ، وخلي دايماً يقينك إن حكمة ربنا ف إختياراته هي الأصلح ليك حتى لو إنت مش شايف ده بس مع الوقت هتفهم ، وإن رحمته شملت حتى رغباتنا الخاطئة وأمنياتنا الغير موفقة فسلم بتمام الرضا لقضاءه وأنه لن يضيعك.