h-0-rus - Tumblr blog

[h-0-rus]

انا مضايق و مش لاقي حد اتكلم معاه خالص

و مش عايز تتكلم مع حد

[h-0-rus]

بعد فقدان ابي،امي اعطتني القوي للصمود و لكن بعد امي اتحطم كل يوم

الشغل يأخر الانهيار و لكن الانهيار احس بقربه من قلبي كل يوم

[h-0-rus]

الحياه مش عايزه أفرج خالص

[h-0-rus]

دول الخليج هي الدول الي قويه جدا للضغط علي إسرائيل عن مصر و دا لا يقلل من قيمة بلدي بس احنا استثناء

اول حاجه قفل الأجواء الخليجيه أمام الطائرات الإسرائيلية

اتنين التهديد بالغاء التطبيع

تلاته الإمارات توقف تدفق الاستثمار الاماراتي لإسرائيل

اربعه غلق السياحه مره اخري أمام إسرائيل

خمسه و ده الاهم التصالح العربي الايراني التركي و كده جبرت اوي

[h-0-rus]

انا عندي برود أعصاب في وجهات نظري للحياه عمتا

و واخد أمور مهمه من وجهت نظر الكون بحاله الا انا شيفها تفها و ملهاش لزمه افكر فيها حتي

هو انا كده مريض عقلي !!

[h-0-rus]

الحياه بتاخد منك كتير و تديك كام ثانيه

انا زهقان من الحياه دي

[h-0-rus]

العجمي ❤

[h-0-rus]

بعد فتره كبيره جدا في حياتي بقيت مؤمن ايمان تام ان الي عمل السرابيوم مستحيل هو هواه الي عاش في مصر في فترة ما قبل الأسر حتي

في شيء غامض جدا في محوله فهم المعبد ده توابيت كبيره جدا و المره دي مش زي الاهرامات طالعه لا فوق

دي نزله تحت و الممر ضيق الي هو يدخل التابوت بس

و التابوت محتاج ٣٠٠ عامل يشدو فيه عشان ينزل و الممر ضيق جدا الي هو يدخل اتنين بالعافيه

و الاصعب من ده كله في تابوت مش في مكانه و في ٣ غرف فاضيه كان المفروض ان يكون فيها توابيت

فا الي عمل كل ده ليه يقف مره وحده

[h-0-rus]

سعات بحس ان الحياه بتعاند فيه

في أحسن سنيني الدراسيه ابويا يدخل المستشفي ترم و يموت في الترم التاني

أعجز حتي عن محولت النجاح

تعدي سنين الكليه و تخلص

يتقلي نصيحه ادخل اي شركه و اوي تسيبها و فعلا حظي كان حلو و اشتغلت هوا بس كنت عبد بالمعنى الحرفي

من ٨ اصبح لا ١٢ بليل

لاخاية ما اتقال لي انت من الشهر الجي مهندس مقيم بكرفان هنا في الموقع

طلعت عن شعوري يومها قولت للراجل احا هبقي غفير كمان

و مشيت و من ساعتها ٥ شهور مش لاقي اي شركه

لغايه ما جالي حد وسطه ما الكار بتعني ده اما حظ او وسطي و انا خت حظي في الاوله

و شهر ٨ المفروض رايح من ساعة معرفت و انا مستني شهر ٨

الواحد بعد ما خس لا ٨٥ زاد لا ٩٥ و بعد ما بدا ينزل الجم طلع دين امه تاني

بكرا احلا شهر ٨ قريب و يا رب اكبر معانات حياتي تتحل

[h-0-rus]

نفسي اغمض عيني و افتحه القي نفسي في شهر ٨

[h-0-rus]

مسار و كايروكي و passenger الواحد ممكن يقعد علي جزيره لوحده يسمعهم بقيت عمره و مش هايزهق

[h-0-rus]

امبارح كان يوم صعب علي جدا

من كام سنه ابويا تعب ، ابويا كان رياضي و بيركب Bic

بيلف بيها الدنيا كلها كنت رايح مطمن ان مفيش حاجه شويه وجع في البطن و خلاص و بات يوم في المستشفي و مطلعش منها غير بعد شهرين علي نقاله مع كل تحليل اعمله اسال يقولو خير دا زي الفل بس رصاصة العمر بارودها خلص

امبارح داخل مع امي نفس المبني حسيت ان عايز اعيط بشوف زكريات شهرين ادامي بابا و احنا بنطلع بيه عشان نروح بيه

كل لحظه في المستشفي مع بابا عشان اخد قلم صعب اوي انا بفقد التاني و لازم اتحرك بين المستشفيات الي فيها مراكز التحاليل با شخص مش بتنفس و مش قادر يتحرك

و في كل خطوه بجري فيها بشوف نفسي في الأماكن دي مع بابا

اغنيه كل شيء بيعدي طول الليل بادن دن بيها و في اوقات قولتها بصوت مسموع كنت حاسس انها زي مرافق لي في ليله سوده

الي يقراء ده دعوه لا ابويا و امي و ربنا ما يحط حد في يوم زي ده

[h-0-rus]

ماما في محاولاتها لمواساة صاحبتها في فقد عزيز ما قالت لها " ربنا يديكِ علي قد غلاوته صبر"..

ف آمين..

[h-0-rus]

السجاره وي حمام بابا الله يرحمه ساعت الادان و كبايه قهوه

بتوجع قلبي بس مقدرش علي فرقها

[h-0-rus]

كل الناس خايفه من بكره ييجي بكره و لسه خايفين

بكره مش يوم بكره دا فكره

كل حاجه بتعدي 😶

[h-0-rus]

ما دام ميعرفش فا ميهمش

كلمه في منتها الصدق

انك مش لازم تبقي صريح مش لازم تبقي بجح

بس بتعرف متزعلش حد ما تضايقش حد الابتسامه ديما سبقه قلبك و عقلك

[h-0-rus]

الحياه بكل التفاصيل الي فيها فا هي تخوف حتي في لحظات الفرح بنبقي خايفين علي فراق الشخص الي كان السبب في حاله الفرح النادره

لو حسبت ان الدنيا بتعطف عليك فطره اعرف ان في خازوق كبير جي في السكه