hazemxxxoutsiderxxx

[hazemxxxoutsiderxxx]

[hazemxxxoutsiderxxx]

الحب اختيار مؤلم و يعرضك لهزيمة تفضل تحاول تحولها لانصار و تفشل وتكتشف انك ضيعت كتير من حياتك في معركة مهزومة من قبل ما تبدأ

[hazemxxxoutsiderxxx]

دلوقت الجزار انتقل من تأكده اني ملحد عشان مابرضاش اقول وراه ان شاء الله و اقوله حاضر بس لمرحلة لأ انا مش ملحد انا بعبد اله الكبدة و بيحجزهالي حتى لو اتأخرت و جاله زباين كتير عايزنها.

[hazemxxxoutsiderxxx]

قررت انزل اتمشى امبارح في وسط البلد بعد سنين من العزوف عنها بسبب الاحباطات و الخذلان اللي عيشتهم هناك على كل المستويات … بس احساسي اتغير تماما حتى شعور النوستالجيا مكنش موجود … جالي احساس ان احنا بنعيش في دايرة مفرغة .. وتأكيد ان النجاة فعلا فردية.. لأن تغيير أحوالك مهما كان صعب فهو اسهل من محاولات تغيير أمور خارجة عن نطا�� ايدك.. اعتقد لو كل حد اهتم انه ينجوا بنفسه ده اللي يخلينا نوصل للخلاص الجماعي .

[hazemxxxoutsiderxxx]

الروتين الوحيد اللي ما بزهقش منه .. قهوة الصبح

[hazemxxxoutsiderxxx]

الاسلحة اللي كنت بستخدمها زمان عشان احمي نفسي بقت هي دلوقت العائق اللي لازم اتخلص منه عشان اعيش الحياة اللي عايزها واتحرر من صراعات الماضي

[hazemxxxoutsiderxxx]

كل يوم الصبح بفكر ازاي اظبط اهدافي واقصر طريقي و اوازن بين حياتي العملية و صحتي النفسية والجسمانية و ارجع تاني.. واحاول استعيد حياتي الاجتماعية بعد ما فقدتها …وكل يوم اعمل كده و اغير تفاصيل و احط و اشيل عشان اوصل لاكتر حاجة متسقة معايا بعيد عن المنافسة و المقارنة.

[hazemxxxoutsiderxxx]

مشكلتي مع الاديان انها ماشية في خط بعيد عن متعة الانسان و ورغباته و سعادته البسيطة و عايزه تسيطر عليها وتتاجر بيها . غير انها بتكبت الانسان وتوقفه عند رغبات بسيطة و ما بيقدرش يتجاوزها.. عشان كده الفن والابداع اعداء الاديان على مر العصور . بشكل شخصي كمان الدين كان حاجة قبيحة اوي في حياتي و التحرر منه بيخلي في براح و ارض واسعه و تجارب و استكشاف لنفسي بشكل اعمق. واحساس وتواصل مع الناس بشكل ارقى.

[hazemxxxoutsiderxxx]

اغلب الناس في مصر مكبوتين جنسيا حتى لو متجوزين .. المشكلة ان بشوف قسوة من ناس سببه الاهم هو الكبت الجنسي .

[hazemxxxoutsiderxxx]

الرأسمالية بتاكل حياتنا وتحطنا في منافسة مع ناس حمير شغل و بنت وسخه .. لازم اضحي بحاجات عشان اهيش بالطريقة اللي بحبها .

[hazemxxxoutsiderxxx]

واحنا مراهقين كان بيضحك علينا و يتقال لينا ان مشروب الكاكاو بيخلي الواحد خول كنت بستغرب فشخ يعني اللي هو ازاي يحول واحد من straight ل gay بس يعني يمكن كان قاصدهم انه بيقلل هرمون الذكورة … المهم يعني ان كل ده طلع كلام اهبل و الكاكاو بقى مشروبي التاني بعد القهوة من كتر فوايده .

[hazemxxxoutsiderxxx]

الحياة لازم تكون خفيفة اكتر من كده بحب الناس اللي بتقول عايزة ايه و ما بتنظرش على رغباتها .

[hazemxxxoutsiderxxx]

[hazemxxxoutsiderxxx]

بفكر اجيب kindle ارجع اقرأ زي دمان بعيد عن التشتت بتاع الموبيل و النتوفيكيشن و استسهال الريلز.

[hazemxxxoutsiderxxx]

[hazemxxxoutsiderxxx]

شهور كتير من الاكتئاب العنيف لحد ما قدرت ابدأ في التحرر منه لما بدأت اشوفه على حقيقته. الاكتئاب مرض حقيقي مش مجرد حالة او حزن. الاكتئاب سجن هادي بطيء قدر يحبسني داخل عقلي والسجان هو الهزيمة ويحكم بمنتهى السطحية الانانية والغطرسة على كل سنيني وتجاربي بالفشل. مرض خلاني انسحب من كل الناس والحياة والتجارب ويختزلها في مجرد فشل جديد. يمكن برضه الوحدة هي بيئة ملاءمة لمرض الاكتئاب في وسط صراعات حواليا تجاوزتها ومش عايز اختزل حياتي فيها. بس تأكدت ان مش هقدر اخرج برا السجن ده الا لما الاقي ارض جديدة وأمل جديد اعيشه بدون خوف من فشل و احكام مختزلة ساذجة.

[hazemxxxoutsiderxxx]

ماهو انت لما هترفض لبس حد كان فنان او غيره لمجرد انه مش على ذوقك وتفرض ثقافة المزايدة والاخلاق وتحطه في اطار الكرامة و الاخلاق هيطلعلك اللي يزايد اكتر زي مرتضى منصور و يطلعلك مصطفى كامل عايز مرادفات معينة في الاغاني و السلطة تفضل تمارس سلطتها في فرض قيم الاسرة … وساعتها ما تلومش الا نفسك انت اللي روحت لطيز القرد و تشمها.