hikitangac

[hikitangac]

Ko tā tēnei he whakatairanga atu i te whakatipuranga a te tamaiti ka noho marae. Nā, ka kiia, e rua ngā wheako matua nō runga i te marae, ko te taha o Tū ki runga o te pae, ā, ko te taha o Rongo.  Ko te kurahuna ō roto, ki tā Rongo taha, he whakatairanga noa i ngā hāpai ō a te marae e noho ana i raro i te tāhūhū o te whare whakaaro nui. Nā reira, e mea ana tēnei, he tamaiti ngākau mahaki e mārama kehokeho ana ki tēnei mea a tika me pono, a mauri tau, a ringa manaaki, a ringa mahaki anō hoki.

Kā tahi, kā rua, ko te kurahuna o Tū, he mea whakamahuki atu i ngā amorangi o te marae, e noho tahi ai ki ngā tikanga me ngā kawa, ngā hītori, whakapapa, te mea, te mea. Ēnei akoranga katoa he mea ka tītīa ki te kirirākau a te tamaiti i tōna whakatipuranga, tē taea te ako mā te pukapuka, ki te kura, aha atu rānei, nei tōna tino hiranga. Heoi, ko te kurahuna nui ō roto e aro atu ana ki te Māori, kia kaha tōna hoki atu ki te kainga, waihoki kia kaha tōna whakatipu i āna whakatipuranga ki reira.

[hikitangac]

Nā, ko te kurahuna ō roto o tēnei pānui kiriata:

Tamaiti: E kōrero ana mo tōna tipu ki tōna anō taiao, waihoki ki te ao whānui.

Ngākau marae tau ana ki te ao: Ko tēnei āhuatanga ka rāngona ā wairua, ā ngākau nei. He ataahua, he mahana, nā reira, i te hiahia au kia pērā te wairua ka rongo i te wā ka tirohia tēnei nekehanga.

Tamaiti noho marae tu ana ki te ao: Nā runga i te take e kōrero ana tēnei mo te pae, he āhuatanga māro, kaha, māia. Nā reira, ka pērā tōku waihanga i tēnei.

AO: ko te tīni o ngā tae (mai i a mā ki a whero) e tohu ana i te tūtukitanga a te tamaiti ki te puta ki te ao, me kii rānei, ka tū, ka tau ki te ao whānui.

Ko te take kāore te muringa i neke. I te mea, ki te ao Māori, ka kiia, kua waihanga kētia te katoa o te tamaiti ki te koopu o tana whaea.

[hikitangac]

Nō muri i te kōrero hāpai a te kaiako i te wiki tua ngāhuru mā rua, ka āwhina e ia te whakaaro kia puta tītaha kē atu.

[hikitangac]

Koinei te tukutuku o muri. I noho pōhēhē, mehemea kua noho pāngū āku pānui whakaahua katoa o mua, tērā pea, mā tētahi muringa māori tēnei māuiuitanga e whakaora.

[hikitangac]

Ānei anō tētahi atu whakaaro i puawai mai, arā, kia whakamahia ngā whakanikonga a te marae ake.

[hikitangac]

Nā, i tino mau au ki Te Korokoro o te Parata, nā riera, ka hoki atu au ki te wāhi nānā au i whakarangatira mai. Ā, ka tīni au I tōku ahunga tirohanga mai i te waharoa ki te marae, ki te marae ki te waharoa. Kātahi au ka kite i te hanga o te papa.

Nā tērā, ka maumahara anō au ki tētāhi o āku pānui whakaahua tuatahi i waihangatia e au. Ka aata whakaarohia, tātaritia. Nā tēnei ka puawai mai te whakaaro, tuatahi, kia kōrero mo te whakatipuranga a te tamaiti ki runga i te marae. Kārua, kia pērā te wai a te Poutama, e kōrero ana mo tōna putanga ki te ao.

[hikitangac]

Nā reira, ka ōhiomanomano anō au. Ka aata tātaritia te pikitia akiaki a te kaiako (ngā pikitia e rua o runga ake) Ka whakamātauria (pānui whakaahua ō raro o tēnei.) Heoi, i uaua māku te whakakiia, kia kaua ia e noho pāngū. Nā remra, nā tēnei ka toko ake te whakaaro kia tīni rawa au i te aroro o tōku nei mahi.

[hikitangac]

I ngana au te whai hua ki tēnei pānui whakaahua. I te whakahokinga kōrero akiaki a te kaiako, ka noho, ka aata whakaaro ki āna anō kōrero hāpai, ka puta mai ko tēnei, heoi, tē rata.

[hikitangac]

I kaha aro ahau ki te wawahitanga o nga pu.

[hikitangac]

Unseen women designs

Ka whakamahi tēnei i te pōuri o Sans Serif me tētahi manawataki e noho ngāwari ki te karu. Nā tēnei ka kaha hopukina te aroaro a te tangata. Ko te rōnaki o ngā nekehanga me tōna raupapatanga, he mea hikohiko. Ā, ka haere ngātahi ai te nekehanga o ngā kupu me te tae ō muri. Ko te hiranga o tēnei, he mea hākoakoa, arā, he āheinga tō te nekehanga te āwhina te whakamahuki atu i te karere e hiahiatia ana te whakatairanga. Mo tōku ake mahi, ka whakamaumahara mai tēnei, kia whai māramatanga tāku nekehanga mo tōku pānui kiriata.

[hikitangac]

Here's a little play with the after affects

Anei ko whakaro 1. Kei te hiahia au kia pupuri tonu ki tērā whakaaro o hononga.

[hikitangac]

Ko ta tenei panui whakaahua he tohu i te timatanga o to hanga whetu ma te harakeke, a, ka kitea ki runga ake. Heoi ka whakawhānui ake kia kitea tonutia tērā whakaaro a te marae.

Ka aata whakawhanaketia e au tēnei, kia noho pai ai tēnei hei pānui whakaahua māku.

Ā, he whakaaro kē tāku mō te kiriata whakaahua.

[hikitangac]

Anei he tokorua i hangaia e au. Ko te panui whakaahua taha maui, ko te hauruatanga o ngā porohita waihoki te whakaaro ka nui haere ki te porohita o mua, he whakaaro ake i te whakatipuranga a te tamaiti.

Heoi ko te panui whakaahua tuarua he mea i toko ake ma te kitenga i tetahi whetu i tuia tahitia ma te kete

[hikitangac]

I tērā akoranga tonu ka homai te kaiako ētahi kupu āwhina, whakamāheretanga hei āwhina i ahau. Nō muri mai i tērā akoranga ka whakaaro ake kia tuia ngā kupu, anō nei he taura harakeke, heoi, i uaua māku te tutuki. I te tirohia kia pērā ia ki tētahi wharaki kua hangāia e te harakeke, heoi ka hemo au ki tērā whakaaro āku.

Nā tērā, ka mau rawa atu au. Nā reira, ka huri atu ki a whakaaro tuarua, arā, kia tīmata ahau ki tētahi kaupapa hou mo tōku pānui whakaahua. Ka whakaaro ake tētahi kōrero, "Tamaiti noho marae, tū ana ki te ao". Ka tukutuku te āhua ō muri e tohu ana i te marae, ka iti te pouaka o raro, ka nui ake te pouaka o runga e tohu ana i te tipuranga a te tamaiti ki tōna anō marae, kainga. Heoi, rite tonu ki a whakaaro tahi, ka hemo rawa atu.

[hikitangac]

koia nei ngā pānui whakaahua i toko ake i tōku pānui atu i ngā kupu āwhina a te kaiako. Nā reira, ka whakaaro ake nā te āwhina a te kaiako kia waiho mā te kupu hononga kua hangaia hei whare, hei tirohanga matua. I te hiahia au te noho tonu ki tēnei whakaaro āku, engari I uaua māku te whakawhanake, ā rerekē nei. Nā reira, i pōhēhē au ki te meatia he meringa ka pai noa ia. Engari tērā pōhēhē tērā, i te mea, Ki te tīni i te tae o muri ka rerekē te putanga o ngā harakeke, na reira ka tīni i te harakeke ki te rārangi.

[hikitangac]

Koinei etahi atu panui whakaahua i hangaia e au, heoi kaore au i te hiahia te whakamahi na te runga i te mohio kaore i te mea he ngawari te panui katahi, karua, ka uaua maku te waihanga i te panui kiriata.