بس بتعرفو شغلة اتعلمت اشياء كتير الحرب غيرتني كتير ، مش حابة كل اشي بيصير ، يمكن ساخطه عليكم ، على الكل ،بس حكمه ربنا اكبر مننا
بس بيضل ببالي سؤال واحد
هو انا هيضل فيا روح اطلع وأرجع اعيش؟ واخلص جامعتي؟ وادرس؟ وابني كل اشي بحلم فيه من جديد ؟
مش عارفة بس انا من جوا كتير نفسي ومن جوا متمسكه بكل اشي بحلم فيه
واتمنى من ربنا ، أتمنى جدا ورجائي الوحيد انه لو هيطول الموضوع اكثر من الي راح ، ربنا يختارني مش مهم كيف يختارني ولا الطريقة بس ياخذني عنده والتقى بكل انسان فقدته بالحرب واهم اشي يكون راضي عني
لاني مش هقدر ، لو طولت اكتر من هيك رح تكون اكبر مني ، وفوق طاقتي اني أتحمّل
يمكن هلا بعاند بالدنيا وبناكف وبعيط كل يوم لامي عشان بعده فيا روح وعشان بديش اتعايش مع الوضع واصير انسان عادي و عشان أملي بربنا كبير انه هانت ، بس لو ما هتهون يا رب ، ولو هعيش أتحسر على عمري وشبابي وأهلي ودنيتي. ، سامحني بتقصيري وخذني بعد رضاك .
Ya Allah, I ask You to cover me, to refine my heart, to discipline my nature, to improve my character, to regulate my behavior, and I ask You to occupy me with goals that are worthy of Your path, to bless me with wisdom in speech, the art of silence, eloquence in response, majesty in presence, and grace in absence.
خالتو واولادها واحفادها في امان الله .. كلهم استشهدوا 14 نفر يا الله ايش مشتقالها يا الله ما اصعب هالحرب وحيات الله بطل فينا حيل الجثث مرمية ف الشوارع ما في امان حد ينتشلهم ، خالتو طلعوها اشلاء وبعدهم مش متاكدين ازا هي او لا لانو ملامحها ما مبينة
يا قوة الله اللي صار اليوم ما طبيعي من سنين ما صار هيك جرأة شبابنا ولكم فاتو جوا وهم بيحاربوا بيرموا ايفيهات شو مستنين من هيك شعب الواحد فينا من حد ما طلع الصبح لهلا حاسس حالو بعيد