itis-bunny

[itis-bunny]

عارف لما تفتح الكيبورد فمتلاقيش حاجة تكتبها فتضطر تزيف كلام عشان يبقى الاسم كتبت حاجة تحسسك على المستوي النفسي انك لسه موجود وليك اثر

[itis-bunny]

عارف لما كل فتره تبقي عايز تكون حاجه واحده

يعنى مره تبقي عايز تكون بني ادم ناجح عنده كارير طموح جدا وواخد قرار يهتم بدراسته وشايف اي حاجه غير كدة دي تبقي مهزله وتضييع عمر في الفاضي

ومر تانيه تبقب عايز تكون الشخص اللي مش هامه المستقبل ونفسه يمتع نفسه اليومين اللي عايشهم ويحقق اي متعه تيجي في دماغه ويعيش اليوم بيومه بدون اي قيود وقلق من المستقبل واللي ممكن يحصل واي حاجه تانيه غير كدة بيكون شايفها افوره وان الانسان مش لازم يكون جد مع الحياه للدرجادي

لا ومره غيرها بقا تبقي عايز تكون الشخص الفكاهي المرح اللي بيضحك على اي حاجه حتي احزانك واهي وسيله دفاع تفك بيها الضغط وتهرب من احتمالات الاصابه بالقلق والاحباط

واللي قرر يوقف المهزله اللي بتحصل دي وانه خلاص لازم يدور على مجاله يكتشف فيه هواياته ويخرج ابداعه فبيقرر يخصص جزء من يومه لحاجه جديده مكانتش موجوده وهيبدأ يجرب في مجالات ورياضات على امل يلاقي نفسه في واحده منهم فيبسط نفسه ويحاول يحقق مكسب مادي من وراها ويبقي ملك الدنيا من وجهه نظره

واللي عايز يوسع الدايره اللي حواليه بس ونفسه يقوي علاقاته بأهله واصحابه وشايف ان العيله اهم وان اي حاجه غيرها هي مجرد مساعي ثانويه ممكن تحققها بعد كدة مش مشكله

واللي بيصحي من النوم يقولك ان التلاجه والبوتجاز دول حرام واركب للجهاد منين يعم الحج وانتِ هتخشي النار عشان بتتنفسي في الشارع وننزل قهوه ليه لما ممكن ننزل ينسون وان الدراسه دي ما هي الا لعنه لتضليل الشباب عن القضيه الاساسيه واللعب بعقولهم وان Social distancingما هو الا تفرقه للمسلمين لاهمال الرساله العظمي للوجود

واللي يقول ضيعت وقتي في النوم انا عايز احقق حاجه في حياتي واسمي يسمع ويتسجل في التاريخ بس انا هبدأ من بكره طبعا دا لسه بدري على الفاينل يباشا هنعوض متقلقش الخروجه دي بس عايزه فلوس اول ما اشتغل هنظب��ها ونطلع ننبسط طب اجلها يسطا اصلي اوت اوف موود يعم تحقق احلام اي بس ما كلنا هنموت في الاخر احمد زي الحج احمد

ولا انا جوايا ومش داري الاتنين في بعض mb3

[itis-bunny]

العلاقات عامله زي العربيه اللي اتنين بيزقوها وطالعه مطلع ولازم تفضل طالعه نتيجه مجهودهم اللي بيبذلوه فى العلاقه دي.

‏مبدأ العلاقه (اللي هو ممكن يكون الحب او الصداقه...) بيمثل الارض لازم تكون قويه علشان تقدر تعطيلهم القوه اللي يدفعوا بيها العربيه دى لقدام، فلو ضعفت تحت رجل حد فيهم قوته هتقل وبالتالى الحِمل هيذيد على الفرد التاني وحِمل ورا حِمل التاني دا طاقته هتخلص وهيزهق وهيحس ان هو الوحيد ‏اللي شايل..لحد ما يبطل

وساعتها العربيه هتبطأ وتبطأ لحد ما تقف وهنا علاقتهم ثبتت، وثبات العلاقات في حد نفسه يسبب ملل

فالملل اللي حصل دا لو ملحقوش نفسهم ممكن يرجع العربيه لوره وبكدا باظت العلاقه.

مع ان لو كان الاول حس ان التاني شال عنه فتره وانه كان المفروض يقدر المجهود ده ويكون عارف ان هيجي وقت والمجهود ده يخلص فالعلاقه تبوظ ،كان لازم يدوس على نفسه شويه او يلاقى ارض قويه، بمعنى اصح حاجه تعطيله القوه انه يكمل.

‏ممكن يكون انت او انا اللي بنعطى القوه لغيرنا انه يكمل. فلوسمحت متبطلش تبذل جهد في اى علاقه الا لو انت كنت عايزها تفشل فعلا.

[itis-bunny]

‏عارف لما خلاص ميبقاش فيك حيل لتزويق كلامك وتجميله مع حد او حتي تفكر ف انسب رد يخليه مشدود ليك ومستمتع بالشات فتبدأ تتكلم بكل تلقائيه من غير تفكير ورسم خطط للكلام او قلق من ان الشات ده ينتهى او اللي قدامك دا ياخد فكره مش مظبوطه عنك بناء عن الكام كلمه اللي كتبتهم وانت مش ف المود

[itis-bunny]

‏المفروض قبل ما ادخل مع اي حد ف علاقه اجيب استك واشده انا و هو واشوف المسافه اللى هنوصلها لو عدت متر مثلا نبقى اصحاب ولو مترين ينفع يبقى بيست ولو تلاته ده نرتبط علطول لو اققل من المتر اسيب الاستك يلسعه طبعا

[itis-bunny]

‏خد فتره اهتمامك اللي تستحقها واخلع ومبتبقاش طماع عشان لسه الطابور مليان غيرك طالبين اوردرات اهتمام

[itis-bunny]

‏You can't have new cases if you stop testing_يعنى لو بطلت تشغل بالك وتدقق وتدور على عيوب الناس وغلطاتهم هيطلعوا مش غلطانين

[itis-bunny]

‏اجمد حاجه تتعمل انك تقوي علاقاتك جدا مع الدايره الصغيره اللي حواليك بكل حاجه تقدر عليها فتلاقي الدايره دي بتفتحلك دايره علاقات اكبر بس مش بنفس قوه الدايره الاولي،والتانيه تفتح تالته اكبر بس اضعف ..وهلم جرا

[itis-bunny]

‏طبيعي ان لكل واحد فتره يسكت فيها ويرتاح ويريح اللي حواليه فلما تيجي فترتك اقف واسكت عادي متعاندش وتكمل لان الملل هيطرق الابواب وماظنش حد يتمنى تتاخد عنه فكره الممل

[itis-bunny]

‏لما الفاس تقع ف الراس ويجي حظك مع حد عايزك تكون حد تاني مش انت متروحش تفتح كتاب الشخصيات وتبص ع الفهرس وتختار النوع اللي هو عايزه وتستغنى عن شخصيتك القديمه،لازم تقف له وتقوله لأ يمعلم معلش المرادي انا مينفعش اكون حد تاني غيري

[itis-bunny]

‏تعرف ان معنى ان احلامك مش بتتحقق دلوقتي ده عباره عن دعوه من العالم لانك تفضل متمسك بالحياه بأيدك وسنانك لحد ما يحين وقت تحقيقها

[itis-bunny]

‏نوع من الشخصيات بيبني شخصيته وبيحاول يكسب كاريزما عن طريق انه ينجح في اتهام ومحاوله اقناع الناس انهم مذنبين ، وف الاخر بيخسر اللي يعترف بخطأ مش بتاعه، ودايما عايزك حاسس بعدم الرضا و فى محاوله مستمره لارضائه..بتفقد ثقتك فيستمر ف اهانتك وكمان توصل لفضيحتك

[itis-bunny]

‏لو عايز تعرف انت محبوب فعلا ومرغوب فيك ولا لأ،سيبك من تطبيل ومجاملات الدايره اللي انت مفروض عليها وانهم بشكل او تاني لازم يتقبلوك زي العيله او الدفعه او زمايل الشغل مثلا وروح ابدأ كون دايره جديده من ناس مش مجبره ولو ب١% انهم يتقبلوك

[itis-bunny]

‏عارف تفكيري دلوقتى مش زى بكره وان ممكن ف اى لحظه يخطر فكره جديده تقلب الموضوع١٨٠ درجه،دايما فدماغي ان كل ما اصبر اكتر هيجيلي تفكير اكتر جايز افكار حلوه وممكن وحشه بس دايما في جديد،فلو استعجلت ممكن اكون خدت الصح اللي كان ممكن لو صبرت دماغى تقتنع بقرار تاني غلط وده حظ حلو او العكس دا اللي اخد قرار مش مظبوط عشان مستعجل وبعدها بيوم جاتله فكره جهنميه بس طبعا عارفين هيحطها فين

[itis-bunny]

‏احنا كنا كدا وكل الناس كانت النسخه اللي انت مدركها دلوقتي او اللي لسه هتعرفها قدام بس انت اللي كان عقلك ضيق ساعتها معرفتش تسوعب الصوره الكامله وانبهرت اوي من الزاويه اللي كنت بتبص منها

[itis-bunny]

‏شكلك زعلان من دايرتك القديمه شكلهم واخدين عنك فكره محدده وكل محاولاتك في تغيرها للفكره الجديده اللي نفسك ياخدوها عن نسختك بعد الابديت فشلت فهربت تدور ع دايره جديده ترسملها انت الفكره الجديده بالانطباع الجديد على بياض من اولها كده

[itis-bunny]

‏ما هو انت لو ذاكرتك قويه تقدر تستأذنها في اي وقت وتطلب حضور مخزون كبير من الكلمات والمواقف ف دماغك حالا بالا ودا قادر يفتح كلام مع اي حد و في اي مكان وده السر الوحيد عشان تبقى اجتماعي درجه اولى