joiben

[joiben]

Bjarni Benediktsson lýsti því ítrekað fyrir alþingiskosningar í fyrra að hann væri fylgjandi þjóðaratkvæðagreiðslu um hvort halda skyldi áfram aðildarviðræðum Íslands við Evrópusambandið. Hann fullyrti tveimur dögum fyrir kosningar að staðið yrði við það loforð.

Mars 2013 (stöð 2)

Í Evrópusambandsmálinu þá munum við standa við það sem að við höfum ályktað um að fram fari þjóðaratkvæðagreiðsla. Hún gæti farið fram á fyrri hluta þessa kjörtímabils, til dæmis í tengslum við sveitarstjórnarkosningarnar. En við munum standa við það að hlusta eftir því sem fólki í landinu vill.

  23. mars 2013 (rúv)

Ég tel að það sé vel raunhæft að gera þetta á fyrri hluta kjörtímabilsins næsta. Jafnvel samhliða sveitarstjórnarkosningunum. Við verðum að sjá til, en Sjálfstæðisflokkurinn styður að fram fari þjóðaratkvæðagreiðsla um þetta mál.

  24. apríl 2013 (fréttablaðið, þremur dögum fyrir kosningar)

Ég er sjálfur þeirrar skoðunar að við eigum ekki að ganga í Evrópusambandið og greiddi atkvæði gegn umsókn, en við höfum haft það sem hluta af okkar stefnu að opna fyrir þjóðaratkvæðagreiðslu til að útkljá þetta mál og við munum standa við það.

  25. apríl 2013 (stöð 2, tveimur dögum fyrir kosningar)

Við viljum ekki ganga inn í Evrópusambandið, við viljum opna fyrir þjóðaratkvæðagreiðslu og ég tel rétt að stefna að henni á fyrri hluta kjörtímabilsins.

[joiben]

11. jan 2015: Sigmundur Davíð komst ekki á samstöðufund í París (í kjölfar hryðjuverks) vegna skamms fyrirvara, ferðatíma og dagskrár. Fyrirvarinn var tveir dagar. Ferðatíminn er þrjár klukkustundir og tuttugu mínútur. Dagskrá forsætisráðherra var leyndarmál þessa helgina.  - Aðrir leiðtogar heimsins sáu sér fært að mæta.

Staðgengill forsætistráðherra, sendi staðgengil sinn, sem sendi staðgengil sinn í gönguna: Starfsmann sendiráðsins í París.

Sigmundur Davíð gerði lítið úr öllu saman.

Þarna komu saman nokkrir stjórnmálamenn og embættismenn, ekki sem þátttakendur í þessari stóru götu heldur í hliðargötu og létu taka af sér mynd þar.

[joiben]

[joiben]

10. des 2014: Sigmundur Davíð hverfur í miðjum fjárlögum. Aðstoðarmaður Sigmundar segir hann hafa farið í skemmtiferð til útlanda; ferðin var pöntuð fyrir löngu og því trompar hún fjárlögin. Enginn vissi af ferðalaginu nema örfáir nákomnir Sigmundi.

13. des 2014: Sigmundur Davíð sæmdur stórkrossi Hinnar íslensku Fálkaorðu. Guðni Ágústsson er formaður orðunefndar. Forsetaembættið minnist ekkert á orðuveitinguna á heimasíðu sinni fyrr en umræðan um skemmtiferð Sigmundar hefur sjatnað (~hálfum mánuði síðar).

[joiben]

14. ágúst 2014: Sigmundur Davíð varar við bogfrymlinum (toxoplasma), sem er sníkjudýr sem getur „breytt hegðun heilu þjóðanna“. En til allrar hamingju höfum við innflutningstolla á landbúnaðarvörur sem halda þessum óboðna gesti utan landsteinanna.

Forsætisráðherra vísaði í fræðigrein máli sínu til stuðnings.

Toxoplasma is a brain parasite spread by cats. If it finds itself in another animal, it travels to the brain and changes the host’s behaviour to maximise its chances of ending up in a cat. Infected individuals are less fearful of cats, making them easier prey.

[joiben]

23. maí 2014: Oddviti framsóknarmanna í Reykjavík vildi að lóð sem var úthlutað til byggingar mosku í Reykjavík yrði afturkölluð.

Á meðan við erum með þjóðkirkju eigum við ekki að úthluta lóðum undir hús eins og moskur.

24. maí 2014: Sigrún Magnúsdóttir, þingflokksformaður Framsóknarflokksins, segir orð oddvita ekki endurspegla afstöðu flokksins.

26. maí 2014: Fylgi flokksins rýkur upp í nýrri skoðanakönnun.

26. maí 2014: Aðstoðarmaður forsætisráðherra segir hann „ekki hafa ekki hingað til gefið neitt færi á því [að tjá sig um málið]. Ekki svona út á við.“

27. maí 2014: Sigrún Magnúsdóttir dregur í land og styður framboðið heilshugar.

27. maí 2014: Forsætisráðherra segist ekki hafa kynnt sér umræðuna og vildi ekki ræða þetta meðan á heimsókn [forsætisráðherra Norðurlanda] stæði.

29. maí 2014: Fylgi flokksins heldur áfram að stíga í nýrri skoðanakönnun og hefur nú þrefaldast frá því að ummælin féllu.

29. maí 2014: Sigmundur Davíð segir í yfirlýsingu á Fésbókarsíðu sinni ekki ætla að blanda sér í umræðu um hvort Reykjavíkurborg eigi að gefa trúfélögum ókeypis lóðir eða ekki.

29. maí 2014: Forysta Framsóknarflokksins hefur ekki fordæmt ummælin á afdráttarlausan hátt og kosningarnar á morgun. Ummælin standa því í nafni Framsóknarflokksins þegar gengið er til kosninga.

30. maí 2014: Sveitastjórnarkosningar - Framsóknarflokkurinn í Reykjavík hlýtur góða kosningu og nær inn tveimur mönnum í borgarstjórn.

1. maí 2014: Forsætisráðherra útskýrir mál sitt. Hann var á móti því að byggja mosku í Sogamýri, en annars gerir hann ekki athugasemdir (svo lengi sem moskan fellur vel að umhverfinu). 5. júní 2014: Sigmundur Davíð segist hafa verið „afskaplega skýr“ um afstöðu sína í moskumálinu.

[joiben]

2. maí 2014: Gunnar Bragi segir ekkert breyta því, að þetta sé mál ríkisstjórnarinnar, sem hafi meirihluta á þingi.

[joiben]

[joiben]

21. febrúar 2014: Eitt af kosningaloforðum Sjálfstæðisflokksins breyttist á heimasíðu flokksins frá því fyrir kosningar.

[joiben]

[joiben]

30. nóv 2013: Aðeins einn þingmaður varð fyrir barðinu á Vodafone-lekanum: Gunnar Bragi Sveinsson. 1. Sendi Vigdísi Hauksdóttur skilaboð um búið væri að boða alla framsóknartoppana á „leyndófund hjá LÍÚ“, en til stóð að afnema framsal aflaheimilda og banna veðsetningu þeirra. 2. Sendi Sigmundi Davíð skilaboð um hótanir í garð framsóknarkvenna sem höfðu ályktað með ESB.

Ég sagði Þórey að ef ekki kæmi leiðrétting á fjölmiðla í dag þá væri ég með veiðileyfi á Kiddu og myndi nota það.

Tveimur mánuðum síðar sagði Kristbjörg Þórisdóttir (Kidda) sig úr flokknum og gagnrýndi hann í leiðinni fyrir „hjarðhegðun og foringjadýrkun“. 3. Sendi Sigurði Inga skilaboð um að framsóknarmenn þyrftu að leggja steina í götu frumvarps sem sneri að náttúruvernd.

[joiben]

Sigmundur Davíð fundaði með leiðtogum Norðurlandanna og forseta Bandaríkjanna. Fótur hans bólgnaði upp í fluginu og því þurfti hann að mæta til fundar í svörtum Nike-skó.

[joiben]

26. maí 2013: Sigmundur útskýrir: „Bjarni lagði til tvo karla og tvær konur í ríkisstjórn en ég tvo karla og eina konu. Ef maður er með oddatölu getur það ekki verið jafnara.“

[joiben]

Forsætisráðherra talaði ítrekað um þjóðaratkvæðagreiðslu í aðdraganda kosninga og eftir að stjórn var mynduð. Sama gerðu aðrir ráðherrar.

Sigmundur Davíð

20. janúar 2013 (silfur egils)

Ég held að það sé engin spurning að það þurfi að leyfa almenningi að koma að þessu

11. febrúar 2013 (kastljós)

Ég er alveg til í að hafa kosningu um þetta strax eftir kosningar. Ef það er það sem menn vilja og ná saman um það

22. maí 2013 (rúv)

Að sjálfsögðu kemur til þjóðaratkvæðagreiðslu, en við tímasetningu á henni þarf að meta aðstæður.

  Kristján Þór

18. apríl 2013 (stöð 2, níu dagar í kosningar)

Eins og formaður Sjálfstæðisflokksins hefur lýst yfir, hann telur að við eigum að bera það undir þjóðina á fyrri hluta kjörtímabilsins.

  Illugi Gunnarsson

23. apríl 2013 (stöð 2, fjórum dögum fyrir kosningar)

Á stórum fundi á Nordica Hotel útlistaði Bjarni Benediktsson nákvæmlega hvað þetta þ��ddi: Að viðræðum verði hætt, við ætlum ekki að halda áfram þessu aðlögunarferli.  En síðan verður – og hann nefndi sérstaklega á fyrri hluta kjörtímabilsins – þjóðaratkvæðagreiðsla.  Það var hans skoðun og þannig hef ég alltaf skilið þetta og mér finnst þetta vera býsna skýrt.

[joiben]

Júní 2012: Palladómur tímaritsins Herðubreiðar um Sigmund Davíð Gunnlaugsson (helstu atriði)

Forsætisráðherrann safnar rakettuprikum.

Hann varð nefnilega skrítinn karakter, hann Sigmundur Davíð Gunnlaugsson. Eiginlega of skrítinn. Það er engu líkara en að hann gangist upp í því að vera undarlegur í háttum.

Hér er til dæmis facebook-statusinn hans frá því um áramótin 2010-2011:

„Kominn heim úr nýársgöngunni. Fann lítið af prikum. Áður fyrr þurfti maður að vakna eldsnemma á nýársmorgun til að finna prik en undanfarin ár hefur maður getað rölt út síðdegis og setið (gengið) einn að jafnvel stærstu prikum. Nú hefur e.t.v. orðið breyting þar á. Annað hvort eru krakkar farnir að hreyfa sig meira eða menn hafa skotið upp færri stórum rakettum þetta árið.“

Fullorðinn maður hefur haldið þann sið í gegnum árin að fara í göngutúr á nýársdag. Safnar prikum eins og hann gerði þegar hann var krakki – allra helst „stærstu prikum.“

Í tvígang hefur orðið mikið uppistand í kringum utanferðir Sigmundar Davíðs. Það hefur ekki farið hátt, en honum er illa við að fara úr skónum í vopnaleitinni á Keflavíkurflugvelli.

Svo að tvisvar hefur Sigmundur Davíð neitað að fara úr skónum. Þá hefur hann óskað eftir því, ætti hann á annað borð að fara úr skónum, að vera skaffaðar sérstakar plasthlífar til að hafa á fótunum í gegnum gegnumlýsingarhliðið. Þegar engar slíkar buðust tók hann plastbakka þá sem við hin, sem erum meginstraumsgungur, setjum persónulega málmmuni í, og straujaði á þeim í gegnum hliðið.

Áhorfendum mestmegnis til undrunar, en þó var ekki laust við að óhugs gætti hjá einhverjum þeirra.

Hann er sagður einfari sem ekki á marga vini.

Hann er meira formaður af skóla Halldórs Ásgrímssonar. Framsóknarmaður af tegund Finns Ingólfs. Seigfljótandi og seintekinn. Fámáll í hópi. Undirleitur og þyngslalegur í háttum.

Skarphygginn örugglega. Traustur? Varla. Einsmálsmaður? Já.

[joiben]

Framsóknarflokkurinn lét gera þetta lag fyrir alþingiskosningarnar 2007. Árangur áfram - ekkert stopp Nú þegar líða fer að kosningum Og vindbelgir fyllast af loforðum Er mikilvægt að huga að grunninum Og fylgja sínum hugsjónum   Stefnumið og staðfest’ekki stendur á oss Við skulum ekki venda okkar kvæði í kross Framsókn á öllum sviðum þjóðlífsins Hreykin við horfum til himinsins Árangur áfram, ekkert stopp Árangur áfram, ekkert flopp Árangur áfram, hvert sem er litið Framsókn í vor það er eina vitið   Hagvöxt og kaupmátt upp á við Atvinnuleysi niðr’á við Bætum systkynum skakkaföll Betra þjóðfélag viljum við öll   Árangur áfram, ekkert stopp Árangur áfram, ekkert flopp Árangur áfram, hvert sem er litið Framsókn í vor það er eina vitið