jwapaot - Tumblr blog

[jwapaot]

تلامع عيني بوصلك تقول اني ملكت الكون

وتطفي لا دريت انك تجي و الشوق ما صابك

تجي شايل معك عذرك ابي مره تجي من دون

ولا مره فتحت بلا سبب في وجهي ابوابك

واذا حسيت من غيض المشاعر بالعيون مزون

كرهتك كم دقيقه ، بعدها حنيت لاهدابك

و من كسرة غروري لك انا نفسي معاك اخون

شلون أهز لك قدري و أشيلك جرح و انعابك

كأني من عمى قلبي ، هبيلً ماحشم قانون

كأنك من قسى جرحك ،دفنت الحيّ بترابك

يطيحني من عيوني شعوري وامتليك طعون

يا ذنبً كثر ما ناصحت قلبي عنّك ما تابك

‎قضى صوتي أغني لك " احبك لاتقول شلون "

‎قضى صبري و أنا اكتب قصيد أموت ماجابك

‎أحبك قبل ما اعرفك ورب التين و الزيتون

‎ياكم عدا وانا أحاول رضاك و فزة أعجابك

‎ولا كن بيساري قلب يتمنى و ليّ عيون

‎قبل ما أفرح بشوفاتك و أضيق بحزة غيابك

‎رغم طول الطريق و عنجهيه شوكه المسنون

‎سريتك لو توحشت النزوع و غيهب أحبابك

‎كثر ما بيننا حاجز احس أنك عليّ تمون

‎و أحس إنك تجاهلني كثر ما احسب حسابك

‎يا دعوة قلبي أن مرت علي تكبيرة المأذون

‎خشع نبضه وهو في سجدتي لله طلاّبك

‎عسى قسمي عصا موسى مادام ان الهوى فرعون

‎عسى مالي من جروح القدر ما كان بأسبابك .

[jwapaot]

شرق على قلبً يحبك وريده

الشمس تشرقِ من بعد كل مغرب

يا ليتني لا اشتقت أكلمْك سيده

ولا ابعد و انا ودي من وصالك اقرب

يا لحن من تركي بنبره مجيده

من يسمعك دقيقه ايام يطرب

لولاك ما لانت نفوسً عنيده

حبك مثل عرقك بصدري معرب

و لولاك ما مرت لساني قصيده

كف المؤسس هيضت حد الأجرب

ليت الزمن ينعاد فيك و اعيده

او ليت لي من سجن ذكراك مهرب

من وحيّ خيبات الهقاوي البعيده

و مواقفً تنقال و أمثال تُضرب

بيني و ما بيني حلوف و عقيده :

تحرم عليّ ياء الرجا الا فـ يارب .

[jwapaot]

يا رب اجي و اروح نور ًعلى نور

و لا تنطفي عيني و لا اعيش ريبه

طروق عمري ما لها حكم دستور

غريب ِ احاسيس ودروبي غريبه

روحي لهْا في تربةْ الشدة جذور

و على صلابتها دموعي قريبه

اسكتِ و انا لو قلت جمهرت جمهور

و أغيبِ عن قلبً ذبحني مغيبه

ولا حب في كل حاجة الفِ و أدور

الا سواليف الحبيب و حبيبه

اعرف مِن صوته ملا صيتي قصور

و اعرف منهو طاب صيتي بطيبه

و ادري بما تحت الاراضي و البحور

ماني غبي لكن تغابيت طيبه ..

ما كل من يسوى عتابه على الجور

حتى ولو عروق دمه قريبه

الريش و ان لم الصقر لم عصفور

لكن من الل�� طيّر الريش هيبه

ليلهِ بظلي عن حما غيري شهور

ماني بحيّ الله قبله و غيبه

لو اتواضع داخلي فزة غرور

لو ما ردعها ثقل عقلي مصيبه

لي قلبِ وبله غيث و غيابه حضور

بحور غيره ما غنت عن صبيبه

اللي خذيته شعر و اخذني شعور

امه دعت له بين مكه و طيبه .

[jwapaot]

كأن الله خلق نظرة عيونك من سحر هاروت

يا وجه من يشوفه ما يروح الا مع طيوفه

كثر ما اتأمله و اسرق وصوفه و العيون نصوت

يجوز أدري ياكَم رمش ًله و كم عرق بكفوفه

غريبه ليه كنت أحفظ تفاصيله صّور و صوت

كأني ادري اني بفقده و اشتاق لوصوفه

أنا اعرفك قبل ما اعْرفك قلب و حكي و سكوت

ملامح وصفك مْن اول لقى عالقلب مألوفه

يثقل اسمك لساني على هونه يجر الصوت

مع انه في حسابات الكلام قصيره حروفه

من اللي سكنْك فيني و سخر لك حشاي بيوت

وأنا اللي كنت اقول الناس ،كل الناس مخلوفه

من اللي علم الحان الحزن تسرق مسا بيروت

بعد ما كانت انغام السعاده فيه معزوفه

إذا النظرة هوت ما يبرد الشوف و يفوت الفوت

و اذا القلب اشتهى ساق الدروب و نوخ ظروفه

إذا ما جابتك صوبي موده و ابتسام بخوت

عسى الله لا يجيبك صاحبي من دافع مروفه .

[jwapaot]

ان جيت تامرني و لو تطلب الكون

و ان رحت لك طيبي و واسع بطاني

قهويت حبك خاطر و دمعه جفون

وش عاد دلة بني و زعفراني

احب كلك وجه و اطباع و عيون

لو أنك احياناً ، قطوع و أناني

و اكره جروحك بس تدري يمونون

على الاقل صحوا قصايد لساني

قصايدً باكر بموت و يعيشون

على لسان الناس قاصي و داني

لو مايعرفونك و لا اسمك يعرفون

يرددونك في قصيد و أغاني

مريت مثل الشك عالابيض ظنون

شعور ما اعرفه ، رمادي معاني

تشبه على لسان العزيزين : تكفون

يا ثقل حبك في كتوف المحاني

في كل مره خف صوتك على الهون

ياما بغيت اقول سولف عشاني

انا بـ تدنيق ابتسامتك مفتون

يا ضحكتك كانت تضيع كياني

ادورك بالعالم اللي يمرون

عل الصدف تاخذ دروبك مكاني

و احب اقط اسمك على اللي يقولون

و احب منهو في طواريك جاني

من قالوا أنه قيس بالحب مجنون

ما مرهم والله بحبك جناني

بالليله اللي بقدر أنساك بيكون

ربي كتب لي بالعمر عمر ثاني .

[jwapaot]

‎وين النهايه يا طريق البدايات

‎بديت لكن ما وصلت لـ اخيري

‎لو تحترم كبر الشعور النهايات

‎ما تغرق عيوني من اسرار بيري

‎كل ما يناديني غرور السماوات

‎القى الوله قصص لي جناح طيري

‎أطيح من عيني شعور و معانات

‎و أخاف لا شري يباريه خيري

‎و اضعف احاسيس و ميول و قناعات

‎و أنا تقوى بي عزايم عشيري

‎قولوا لوجهً فات وصله و لا فات

‎يا كثر ذكره في سوالف ضميري

له فالقصايد كلبوها حكايات

غاوي ادونيسي و مُلهم جريري

فان مرت عيونه من اشعاري ابيات

لا يهدي اللي له كتبته لغيري .

[jwapaot]

ابيك مع أنك سراب و شقا عين

اموت و اعرف بس انا وش ابي بك

ليه يتواضع لك غرور الشرايين

و عن غيث غيرك ليه أداري لهيبك

قليل منك يملي القلب والعين

سبحان من سخر رضاي لنصيبك

شواهد ً قالوا قلوب المسلمين

و مدري غبي و لا يتغابى قليبك

سير بوصلك لو يجي كل يومين

لا اصيرِ من موت المواصل غريبك

أنا عليّ الشمس من حول سنتين

تشرق معاك و تختفي مع مغيبك

يلين قلبي لكَ و لا ودي الين

من يقنعه هالقلب ماني حبيبك

لافرش بدال الورد دربك دواوين

لو كانت اوزان القصايد تجيبك .

[jwapaot]

الشتا طالت لياليه العتيمه

هات نورك يا حبيبي مع دفاك

وين اوديني عن الغيم و نسيمه

و المطر مايشبه الا انت وغلاك

ما معي قلبي لجل غيرك اهيمه

من لمحتك بينهم قلبي معاك

و ما احب اهديلك اغاني قديمه

اخاف تتذكر احد قبلي هداك '

[jwapaot]

لو إني اسال كل ما أحن وينك

ما والفت عيني تفاصيل الاشواق

انا مكاني صدر مجلس سنينك

عمر الطرف ماكان قدري ولا لاق

جازيتني لو خفت بـ القلب دينك

ع�� كل ساعه من وله ليلة عناق

ان ماحصل يسراك جعلي يمينك

عن سيل غيمك كنت ابي لوح براق

أنا حنيني ما يشابه حنينك

مثلي تاثر فيه لفتّات الفراق

خايف اذا حطيت عيني بعينك

تكسرلي النظرة احاسيس و أحداق

من وقفةً بالنفس بيني و بينك

ما ودي أشوفك على كثر ما اشتاق .

[jwapaot]

ما بعد ظلم الليل نور الصباحات

و ما بعد ضو الصبح ظلمة عتيمه

ما للحزن معنى بدون المسرات

و ما للنصر معنى بدون الهزيمه

و لا تقبل العادي شعور و طموحات

تنازلك في حق نفسك جريمه

"العمر رحله و الاوادم محطات"

لا تعطي الهقوات بالناس قيمه

ياليت لو يوجد ما بين ِالمطارات

سكة تودي للسنين القديمه

احن لوجوه و سوالف و نظرات

لكنِ عزاي الذكريات الكريمه

لو اتْوحد بي هواجيس الابيات

ما كل وادي سال سيله اهيمه

تسرق نهاياتي جمال البدايات

دروب ظني كلها مستقيمه

أحب نفسي خَلق و احبني ذات

ما لي شبيه الا تباشير غيمه

انا حرام اكون ضمن الخيارات

لو ما أجي حلم و تحقق ، حريمه .

[jwapaot]

اشتاق لك و احن لوصالك بزود

كثر الكلام اللي كتبت و شطبته

من قبل تكسر مونه وصالك حدود

متعود اني كل ما أبيه جبته

و من صد جازيته على صده صدود

و من لا دعاني ما اتخطى عتبته

ما نقصت قدري خساره و مفقود

ولا زادني شي بعمري كسبته

عزيز نفس و لا تساهلت منقود

ما اهاب شي و لكن العيب هبته

لكن معاك تجرني هبه النود

يا أصدق شعورً في حياتي كذبته

فارق من الله عن وجوه البشر زود

يا موطنً و انا عليه اغتربته

فرق القصيد اللي من القلب مقصود

عن القصيد اللي جماله كتبته .

[jwapaot]

حارت بتكويني حسابات الارقام

عمري شباب و شايلً قلب بيبي

لولاه ما مرت على صدري الآم

و ما عشت لحظة ضعف لولا قليبي

انا لو اني يابس الريق بـ انام

ارخص لجاهي كل ما شال جيبي

أخاف لا دارت مقادير الاعوام

أعيش من تبديل الوجوه ريبي

و القى القريب يمرني مر الاكرام

و يمرني مر القريب الغريبي

عندي أمل في ضحكة الحظ قدام

دامك بمقسوم المقّدر حسيبي

اعوذ بك من هم تكرار الأيام

‏من دون لا افرق مشرقي عن مغيبي

‏احفظ حما صدري من اطغاث الاحلام

‏و لا تحوجني يالله لمشرح طبيبي

‏و لا توري زلتي عين لوّام

‏و لا ينذكر في غيبتي غير طيبي

‏ربيّ قني من شر نفسي و الأوهام

‏و الأمنيات اللي ما هي من نصيبي .

[jwapaot]

اعوذ بك من هم تكرار الأيام

من دون لا افرق مشرقي عن مغيبي

احفظ حما صدري من اطغاث الاحلام

و لا تحوجني يالله لمشرح طبيبي

و لا توري زلتي عين لوّام

و لا ينذكر في غيبتي غير طيبي

ربيّ قني من شر نفسي و الأوهام

و الأمنيات اللي ما هي من نصيبي .

[jwapaot]

يجوز أنك الخيره بعمري عسى و لعل

يا وجه ًعن الواقع طيوفه تغيبني

و لا مسني من صد قلبك لقلبي غل

انا اللي جرحني ان الهوى فيك غالبني

تعودت أجي مثل الكرامه بعين الذل

ولا عْطيت فرصه للضماير تعاتبني

و حتى القصيد اللي خذاني لزوله ظل

انا الشعرِ من قبل اكتبه كان يكتبني

احبك مثل ما احب شوف القمر لاطل

يجوز القمر لأْنه بعيد جاذبني

لا قدري بحبك زاد ولا بصدك قَل

لو اني من الخاطر تمنيتك تحبني

ولا كل شيً جازلي جايزً للكل

و لا كل شيً يعجب الكل عاجبني .

[jwapaot]

حبيبي وين قلبك وين عينك وينها دنياك

حبيبي كيف ما أغراك المطر ترجع تناديني

انا كل ما يقولوا لي حبيبك راضي بفرقاك

اراهنهم اذا جانا الشتا وياه بتجيني

وش اللي بينك و بين المطر والغيمه و ذكراك ؟

علامك كل ما صب المطر تطري على عيني ؟

انا اللي مثل ما غنى فضل شاكر "نسيت انساك "

الييين اليوم احبك لين اخر لحظه بسنيني

اعرفك قبل ما اعرفك واحبك قبل ما القاك

واحسك اجمل اقدار الخطوط اللي بكفيني

بقى لك بالهوى نسمه عطر ماخذتها وياك

هي اللي صبرتني عالغياب اللي لعب فيني

تعال و لك بدال العذر الف و كلها تفداك

تعال و ما ابي منك عذر ، وجهك يكفيني .

[jwapaot]

حزت بخاطر ظنوني، خيبه ظنوني

الين حسيت قلبي في عيوني صغر

ما غير لك بالعمر خالفت قانوني

ارضاني الظل و انا اللي مكاني صدر

ادفع لهم نص عمري لو يردوني

لايام لك في هوى دربي هبايب عطر

و على كثر هالوجوه اللي تمنوني

كنت اتمناك في عمري تكون العمر

ما اذكر انك سالت بمره شلوني

دايم اذا جيت شايل في مجيّك عذر

ما أشره على اللي يبيع الناس لعيوني

شلون ابشره على اللي ماحشم لي قدر .

[jwapaot]

و شلون لكِ فاتحً قلبه لـ رغباته

اللي يداري من هبوب الهوى قلبه

كانت هلا تطلع لغاليه شمّاته

و لا انت ينساق لك لبى بعد لبى

كم كان مختال في نفسه و في ذاته

و ياما تكاثر على قرب البشر قربه

الين ما وقفت صوبك محطاته

و كتب عليه الموده ربك ربه

قلبً تمناك روتينه و عاداته

بتموت ماحبك احد لو ربه حبه

مع انك اعظم جروحة و انكساراته

يبي جروحك تصدق ما يبي طبه

لك راح كله و لا حاسب حساباته

مثل المطر كل ما في خاطره صبه

" يا ما سألتك سؤال اعرف اجاباته

كله علشان أدور للوصل سبه "

كم دورك قلبي بزحمه تلفاته

امشي و اشوفك مابين الناس واشبه

يا كثر ما لك تفاصيل بـ حكاياته

ما يدري بسرها الا ربك وربه .