kami6 - Tumblr blog

[kami6]

دل کا اجڑا ہوا اِک مکاں اور میں

مرے کمرے میں یادیں، دھواں اور میں

جانے کب سے کھڑے ہیں تری راہ میں

یہ پرندے، شجر، آسماں اور میں

روز و شب ایک دوجے سے چھپتے ہیں ہم

بھولی بسری سی اک داستاں اور میں

جانے کب سے بھٹکتے ہیں ہم دربدر

تیری یادوں کا اک کارواں اور میں

ایک مدت سے واقف ہیں اک دوجے کے

خاک راہ، یہ شجر، ترا آستاں اور میں

کامی علی...✍️

[kami6]

کہا جاتا ہے مرد کبھی سچی محبت کر ہی نہیں سکتا بلکہ مرد تو صرف جسم کا بھوکا ہوتا ہے...چلو مان لیا مرد جسم کا بھوکا ہوتا ہے تو پھر سوال یہ ہے کہ آخر عورت کبھی کسی “ہیجڑے” سے محبت کیوں نہیں کرتی...🙂

#لغویات...✍️

کامی علی

[kami6]

سوچ رہا ہوں یوں میں کروں گا

ساتھ تمہارے نکل پڑوں گا

تنہا جینا بھی کیا جینا

سنگ تیرے جیئوں گا مروں گا

کس کی آہٹ تنگ کرتی ہے

دروازے پہ آنکھ دھروں گا

ہجر تمہارا یوں کاٹوں گا

دل تھاموں گا، آہ بھروں گا

دشت کے اک اک ذرے پہ میں

گوری! تیرا ورد کروں گا

تجھ کو لے جائیں گے کھیڑے

اور میں تیری راہ تکوں گا

کامی علی...✍️

[kami6]

مجھے اس سے محبت تھی، کم یا زیادہ یہ نہیں جانتا...اور جانتا بھی کیسے بھلا محبت ماپنے کا بھی کوئی پیمانہ ہوتا ہے کیا...ہاں مگر میں اس سے اتنی محبت کرتا تھا جتنی زمانہ قدیم میں کسی داسی کو اپنے دیوتا سے ہوتی تھی...یونانی دیوتاؤں کی داسیوں کی محبت بڑی عجیب ہوا کرتی تھی...وہ اپنے کوکھ سے نکلے، اپنے وجود کے ٹکڑے کو اپنے دیوتا کے پجاری (کاہن) کے اتنا کہنے پر “دیوتا بلی مانگتا ہے، تازہ انسانی خون کی بلی” اپنے جگر کے ٹکڑے کو بلی چڑھا دیا کرتی تھیں...تمہیں پتا ہے، ایک ماں کے لئے سب سے زیادہ المناک لمحہ کونسا ہوتا ہے...جب وہ اپنے بچے کو (جسے نو ماہ تک اپنے پیٹ میں رکھتی ہے، پھر جنم دینے کے وقت درد کی اس انتہا کو چھو کر آتی ہے جو ایک ساتھ جسم کی تمام ہڈیاں ٹوٹنے سے ہوتا ہے اور پھر اپنی چھاتیوں کے خون سے سینچ کر پروان چڑھاتی ہے) اس کو کسی تکلیف میں دیکھتی ہے...لیکن یونانی دیوتاؤں کی داسیاں اپنے ہاتھوں سے ان کی بلی چڑھا دیا کرتی تھیں...میں بھی تمہاری محبت میں اپنے دل کی بلی چڑھا چکا ہوں، اور اس کے ساتھ اس چھوٹے سے بچے کی بھی جو اس دل کے کسی نہاں خانے میں چھپا بیٹھا رہتا تھا، بلکل اس بچے کی طرح جو اپنی ماں کو شرارت میں تنگ کرنے کے لئے کسی کونے میں چھپ جاتا ہے اور اس کی ماں دودھ کا گلاس لئے اسے ڈھونڈتی پھرتی ہے، ماں اس کے چھپنے کی جگہ جانتی ہے، پھر بھی ڈھونڈتی ہے جب تک وہ “ھاؤ” کی آواز نکال اپنے تئیں ماں کو ڈرا نہیں دیتا...میں نے اس شرارتی بچے کی قربانی دی جو میرے اندر ہنستا کھیلتا تھا، قہقہے لگاتا، شرارتیں کرتا تھا...اس کے بعد میں اس سوکھے بڑے برگد کی مانند ہو گیا جس کی لکڑی بظاہر کھروی اور مضبوط ہوتی ہے لیکن دیمک اسے اندر سے چاٹ جاتی ہے...ہوا کا ایک تیز جھونکا اسے کسی بھی پل زمین بوس کر دے، کھوکھلی جڑوں والا مضبوط برگد...لیکن محبت کی دیوی شاید اس یونانی موت کی دیوی سے بھی زیادہ ظالم ہے جو کسی سے اپنی محبوب ہستی کی جان کے بدلے اس کی جان کا سودہ کیا کرتی تھی، کیونکہ موت کی دیوی سودہ کرنے والے کی جان کے بدلے اس کے عزیز کی جان بخش دیتی تھی، لیکن محبت کی دیوی بلی لے کر بھی خوش نہیں ہوئی، اور مجھے ہجر کے کالے پنجوں والے شیطان سے نجات نہیں دلا سکی...اب شاید مجھے اس دیوتا کے لئے بلی دینا پڑے جو سب دیوی دیوتاؤں کا باپ کہلاتا ہے، اور نجات مانگنے والے سے بدلے میں اس کی اپنی جان کا سودہ طے کرتا ہے...!

کامی علی...📝✍️