larainafrika-blog
Lara in Afrika
01.04.2017-25.08.2017
51 posts
Don't wanna be here? Send us removal request.
Last Seen Blogs
Photo
Bäumli pflanze für Madagascar und eine vode wunderschöne Sunneuntergäng😍
0 notes
Photo
Aluminiumfabrik,Primarschuel,Papierfarbik&Siedefabrik
1 note
·
View note
Text
Salama Madagascar🇲🇬
Madagascar hett ois mit voller Wucht us de Socke ghaue,wortwörtlich. Nachere wiedermal eher umständliche Reis sind mier am Fritig 28.Juli endli in Antananarivo (Ananas wie miers näned,denn de Name isch eifach z'lang😉) acho. Zerst hemmer ois mit Händ und Füess müsse degäge kämpfe demit ois üses Gepäck nid us de Hand grisse und gäge en Tip zum Auto treit wird. Oisi Fahrt zum Hotel isch es richtigs Abentür gsi und ich gah gfühlti 100mal nume na d'Auge zuegmacht und ghofft mier fahred kei Lüt um oder rammed es Auto🙈aber schlussendli simmer sicher und (no)-gsund i oisem Hotel acho. Leider isch es de mit oisere Gsundheit abem Abig rassant Bärg abgange will mier en Läbensmittelvergiftig ufgläse hend:-/Genaueri Usfüehrige lahni oi erspart,de Samstig hemmer de im Bett ade Infusion verbracht und hend drum oisi Gruppe erst am Sunntig kenneglernt. Mier sind die letscht Wuche i ganz villne wunderschöne Nationalpärk gsi womer d'Lemure hend chönne beobachte au wenn mer amel ois durs Gstrüpp hend müesse zwänge,es hett sich sowas vo glohnt😍Näbst de ville Wanderige ide Nationalpärk hemmer au sehr vill über Kultur und Lüt vo Madagascar glernt und sind au die eint oder anderi “Fabrik” go aluege. Isch mega idrücklich wie die Lüt ohni Hilfsmittel die verschiedenste Sache herstelled,für ois fast unvorstellbar wen mers ned mit de eigete Auge gseh het!🙈 Allgemein d'Lüt (Malagasy) sind bewunderswärt,sie hend sozäge nüt aber sind so fründlich und läbensfroh. D'Chinde chan mer am glücklichste mache wen mer vo ihne es Föteli macht und’s de ihne zeigt,de vergiggelet’s immer schier😍Es isch mega cool wie mier mit de Iheimische chönd oisi Zit verbringe,ei Nacht hemmer au imne Homestay verbracht zum na me s'Feeling becho wie’s isch wenn mer in Madagascar lebt,natürli chunts tanze und singe au nid z'kurz was mir natürli sehr zueseit😌
Demit mier au chli was chönd zum Wiederufbau vo Madagascar biträge(es sind ganz grossi Flächene abbrännt da) hend mier hütt Bäumli pflanzt,was mega cool gsi isch aber irgendwie au komisch,denn hütt isch genau wieder so es riese Für gsi wo fast au oises Hotel verwütscht hett,die einte wo nee cho sind go hike hend scho ihri Täschene packt gha zum flüchte.Villicht überläbets ja oisi Bäumli,wer weiss🤗Jetzt bini gspannt was ois suss na erwarted da,morn gahts ab as Meer wo mier oisi letschte paar Wuche vom Abentüür Afrika verbringe wärded&de heisst schowieder Abschied neh vonnere unglaubliche Ziit ufme unglaubliche Kontinänt😢❣️
0 notes
Text
Vode Wildniss is Paradies🌸
Tierwält vo Tanzania isch eifach unbeschriblich au a oisne letschte paar Täg ide Nationalpärk sind mier jede Tag uf's neui wieder überwältigt worde. Seg das gsi will mer anere Wältbekannte Löwin begägnet sind(sie hett es leoparde-baby ufzoge) oder hunderti vo Hypos im Hypo-Pool hend derfe bim dräckle beobachte. Am letschte Tag uf de Pirsch hend mier de Circle of Life au schohniglos vor Auge gfüehrt becho,eine vo oisne Driver het bimne Baum ufzmal aghalte und mier hend ois scho uf en Leopard gfreut doch "leider" hend mier nume sini Bütig,es jungs Giräffli im Baum hange gseh😢aber ebe mier sind halt z'mittzt ide Natur😌 Mit villne Idrück im Gepäck und chli schwammige bei hend mier de am Mittwuch oises Propällerflugi bestiege zum uf Zanzibar z'flüge. Dankem guete Wätter hend mer en erstunlich ruhige Flug gha was mier sehr gläge cho isch😉Die erste 2Täg hend mier gnutzt zum oisi Idrück z'verarbeite undde Strand z'gnüsse doch mier hend au d'Insle chli welle erkunde. Uf de Stadt-tour dur Stone Town hend mier vill spannends glernt wie z.B. das immer die wo id Stadt fahred vortitt hend will sie chönnted en Chranke im Auto ha und's einzige Spital vode Insle befindet sich ide Stadt und Chrankewäge gits da kei😉Uf de Früchte&Gwürz Farm hemmer vill über d'Heilwürkige vode verschiedene Pflanze&Frücht glernt was sehr spannend gsi isch,doch leider hani mer ned ganz alles chöne märke🙈Jetzt gnüssed mier oisi letschte Täg bevor de s'negste&letschte Abentüür MADAGASKAR los gaht. Bin uugspannt will nume scho da isch alles seeeeehr zrugg blibe,nimmt mi ja wunder wie das de in Madagaskar so funktioniert😉Ich wird's oi bestimmt wüsse lah😄
0 notes
