les-de-blog

[les-de-blog]

And Im still missin' you...

[les-de-blog]

Pagdududa

Nang tayo'y pinagtagpo

Biglang bumilis ang ikot ng aking mundo

Mahalaga ang bawat sandali

Bawat minuto'y nagbibigay ng saya

4 na dekada laban sa 2

Magkaibang mundo ang ating pinananahanan

Akin ang kanluran at sa iyo ang silangan

Ikaw ang nais ko iba ang gusto mo

Unti-unting luminaw ang papel ko sa buhay mo

Subalit hindi ko malaman kung ang ating pagtatagpo

Ay isang biyaya o isang sumpa

Bawat minuto, may pagdududa

Na hindi talaga magiging ikaw at ako

[les-de-blog]

PAGHAHANAP

Araw-araw

Patuloy tayong naging dayuhan sa bawat isa

Hanggang sa hindi mo na ako makilala

Ni anino mo di na mababakas pa

May mga sandaling

Pilit kong hinahanap ang ako at ikaw

Pero ni isang bakas

Ay walang naiwan

Wala na

Wala na

Bakit hahanapin pa?

[les-de-blog]

PAGHAHANAP

Asan ka?

[les-de-blog]

PAGPAPALAYA

Malaya ka na...

[les-de-blog]

PAGTATANONG

Bakit hindi pabalik ang kamay ng orasan

Para matanaw ko ang ating masayang nakaraan?

Bakit bilog ang mundong kapwa natin nilikha

Pero ngayo'y parisukat?

Bakit tila ka anghel na walang pakpak

Pero hindi kailanman mayayakap?

Bakit di natin kayang bilangin ang patak ng ulan?

Tulad ng kakayanan kong balikan ang nakaraan?

Bakit sa lakas ng aking mga sigaw ang naririnig mo palagi ay ang kanyang pagbulong?

Bakit hindi nabuo ang mga pangarap na kinain na lang ng ulap?

Bakit itim ang kulay ng bahaghari na iyong ipinamalas matapos ang ulan?

Bakit ako umiiyak sa isang palabas na napakasaya na ikaw at siya ang bida?

Bakit sa bawat pagtibok ng puso ko'y sampung balaraw ang ibinabalik mo?

Bakit sa liwanag ng araw patuloy akong nagtatago sa pusikit na karimlan?

Bakit sa lahat ng aking mga tanong ang sagot ko ay palagi ding tanong?

[les-de-blog]

PAGTATAMPISAW

Nakita kitang lumuluha

Lumapit ako't nagbigay

Ng balikat na masasandalan

Matibay, di kababakasan ng kahinaan

O karupukan

[les-de-blog]

PAGPAPA-ASA

Kung alam ko lang ang takbo ng iyong mga paa

Ay papalayo

Hindi ko na dapat kinapitan ang huling hibla

Ng pag-asa

Sabi mo dati, tayong dalwa

Bakit sa huli, ako'y mag-iisa?

Sabi mo kapit lang

Sagot ko, oo walang bitiwan

Sabi mo bukas

Hinintayin kita

Bakit pagdating ko may kasama kang iba?

Sabi mo, tayo hanggang sa huli

Bakit sa gitna, nagsolo na agad ako?

Bakit mas madaling sabihin

Na kumapit ka

Pero ni hindi mo nagawang patunayan

Na isa kang matibay na kakapitan

Sabi mo sa huli'y magiging masaya tayo

Bakit tila ikaw lang ang nakita kong

Me ngiti, tawa at halakhak

Habang kasama mo siya, doon ko na nakita

Ang pinakamasaya mong mukha

Hindi kayang palitan ng kahit anong kaya kong ibigay

Kahit siguro buhay

Bakit nangungumusta ka pa?

Bakit ako'y kinakaibigan mo pa?

Hindi mo kasi alam

Na sobrang sakit nang UMASA...

[les-de-blog]

PAG-ULAN

Yakap na kasinlakas ng lamig Walang bakas na pag-ibig na tigib Malulunod ng bawat luhang dadaloy Ng pagsintang wala man lang ni katiting na paglingap na abuloy Nilamon ng patak ng bawat butil Pagtangis ng isang pusong walang alam Kundi ang umibig kahit puro hilahil Bawat patak ng ulan aking sinalo Subalit tulad ng pagmamahal mo, walang natira sa palad ko

[les-de-blog]

PAGSUKO

Pano mo ipaglalaban ang pusong madalas kang sukuan Paano ka kakapit kung bumitaw na ang kaniyang malalamig na kamay Ako, kakapit Siya, bibitaw Hanggang tuluyang mawala ka sa kawalan

[les-de-blog]

PAGBUBUO

Bakit pinakamahirap buoin ang pusong durug-durog Pinulot mo nang lahat ang kahit pinakamaliit na bahaging nabasag Ibinuhos mo na ang iyong oras at lakas sa unti-unti at marahang pagdidikit dikit ng pira-pirasong pigtas ng iyong sarili Subali't di mo magawa dahil umaasa kang siya ang pupulot at muling bubuo nito para muling ibalik sa iyo Pero walang kaganapan Mananatili kang hiwa-hiwalay...

[les-de-blog]

PAGTATAGO

Masaya ka tulad ng mga bulaklak sa hardin na nasisinagan ng araw Payapa ka tulad ng karagatang pantay Tila isang punong patay sa kawalang hangin Nakabibinging katahimikan ang hatid mong kapayapaan Taglay mo ang ngiting magbibigay ng halaga sa bawat makikita Walang kalungkutan na mababakas sa bawat salita at pagkilos Tulad ng ilog na masayang dumadaloy patungo sa kalawakan ng dagat Pero lahat ay kabalintunaan Nakatago sa iyong kalooban ang lahat ng hapdi at bigat ng sandaigdigan

[les-de-blog]

PAGPAPARAMDAM

Nandiyan ka na naman Parang kumakatok sa bloke ng yelong pintuan Ang pagsulyap mo ay tumutunaw Hindi ko alam kung bakit naglalagos sa kabituran Hindi ako mapakali Akala ko wala na Wala ka ng tuluyan sa aking buhay Buhay na tila huminto sa pag-inog ng iyong iwanan Papalapit ka na naman nang papalapit Naglalike sa mga post ko at tila walang nangyari Hindi mo alam na bawat click mo sa like button ko ay nagbibigay ng pag-asang muli kang bababalik Masakit na nagpaparamdam ka ulit Kasi mahaba na at malalim na ang aking napagdaanan Mga gabing wala ka Mga tag-ulang malamig Andyan ka na naman nagpaparamdam Ako namang si tanga Umaasa Tigilan na Tapos na

[les-de-blog]

PANGUNGUMUSTA

Hindi ko alam kung paano sisimulan Lalapit ba ako para yakapin ka or kakaway na lang sabay bulong na “kumusta ka”

Naghintay akong magtama ang ating paningin Upang makita mo sa aking mga mata na pananabik na taimtim Pero tulad ng saranggolang hinihilang pasalalungat Habang ako papalapit, patuloy ka sa paglayo

Paglayong walang katapusan at sa bandang huli'y kawalang pagkakakilanlan sa ating nakaraan Nakaraan na kaylanman hindi na mababalikan Pano nga ba magkakabalikan kung patuloy mong ininasara ang puso sa isa pang pagkakataon Pagkakataon na sanay muling bubuo sa ating mga pangarap Pangarap na nawasak Nawasak dahil sa pag-ibig at pagtitiwalang marupok

At sa huli'y bagkus na pangungumusta ang nasambit na lang ay paalam

Na walang katiyakan…