m-rameez-m

[m-rameez-m]

[m-rameez-m]

رقص کرنے کا ملا حکم جو دریاؤں میں

ہم نے خوش ہو کے بھنور باندھ لئے پاوُں میں

ان کو بھی ہے کسی بھیگے ہوئے منظر کی تلاش

بوند تک ہو نہ سکے جو کبھی صحراوُں میں

اے میرے ہمسفرو تم بھی تھکے ہارے ہو

دھوپ کی تم تو ملاوٹ نہ کرو چھاوُں میں

جو بھی آتا ہے بتاتا ہے نیا کوئی علاج

بٹ نہ جائے تیرا بیمار مسیحاوُں میں

حوصلہ کس میں ہے یوسف کی خریداری کا

اب تو مہنگائی کے چرچے ہیں زلیخاوُں میں

جس برہمن نے کہا ہے کہ یہ سال اچھا ہے

اس کو دفناوُ میرے ہاتھ کی ریکھاوُں میں

وہ خدا ہے کسی ٹوٹے ہوئے دل میں ہوگا

مسجدوں میں اسے ڈھونڈو نہ کلیساوُں میں

ہم کوآپس میں محبت نہیں کرنے دیتے

اک یہی عیب ہےاس شہر کے داناوُں میں

مجھ سے کرتے ہیں قتیل اس لئے کچھ لوگ حسد

کیوں میرے شعر ہیں مقبول حسیناوُں میں

قتیل شفائی

[m-rameez-m]

گلاب آنکھیں، شراب آنکھیں یہی تو ہیں، لاجواب آنکھیں اِنہیں میں اُلفت، اِنہی میں نفرت ثواب آنکھیں، عذاب آنکھیں کبھی نظر میں بلا کی شوخی کبھی سراپا حجاب آنکھیں کبھی چُھپاتی ہیں راز دل کے کبھی ہیں دل کی کتاب آنکھیں کسی نے دیکھی تو جھیل جیسی کسی نے پائیں سراب آنکھیں وہ آئے تو لوگ مجھ سے بولے حضور! آنکھیں۔ جناب! آنکھیں۔ عجیب تھا، گفتگو کا عالم سوال کوئی، جواب آنکھیں یہ مست مست بے مثال آنکھیں مصوری کا کمال آنکھیں شراب رب نے حرم کردی مگرکیوں رکھیں حلال آنکھیں ہزاروں ان پہ قتل ہوئے ہیں خدا کے بندے، سنبھال آنکھیں

[m-rameez-m]

میں چاہتا بھی یہی تھا وہ بے وفا نکلے اُسے سمجھنے کا کوئی تو سلسلہ نکلے

کتابِ ماضی کے اَوراق اُلٹ کے دیکھ ذرا نہ جانے  کون سا  صفحہ مُڑا ہوا  نکلے

میں تجھ سے مِلتا تو تفصیل میں نہیں جاتا میری طرف سے تیرے دل میں جانے کیا نکلے

جو دیکھنے میں بہت ہی قریب لگتا ہے اُسی کے بارے میں سوچو تو فاصلہ نکلے

تمام شہر کی آنکھوں میں سُرخ شعلے ہیں وسیمؔ گھر سے اب ایسے میں کوئی کیا نکلے - وسیم بریلوی

[m-rameez-m]

کیا ضروری ہے کہ ہم فون پہ باتیں بھی کریں

کیا ضروری ہے کہ ہر لفظ مہکنے بھی لگے

کیا ضروری ہے کہ ہر زخم سے خوشبو آئے

کیا ضروری ہے وفادار رہیں ہم دونوں

کیا ضروری ہے دوا ساری اثر کر جائے

کیا ضروری ہے کہ ہر خواب ہم اچھا دیکھیں

کیا ضروری ہے کہ جو چاہیں وہی ہو جائے

کیا ضروری ہے کہ موسم ہو ہمارا ساتھی

کیا ضروری ہے سفر میں کہیں سایہ بھی ملے

کیا ضروری ہے تبسم یوں ہی موجود رہے

کیا ضروری ہے ہر اک راہ میں جگنو چمکیں

کیا ضروری ہے کہ اشکوں کو روانی بھی ملے

کیا ضروری ہے کہ ملنا ہی مقدر ٹھہرے

کیا ضروری ہے کہ ہر روز ملیں ہم دونوں

ہم جہاں گاؤں بسائیں وہاں اک جھیل بھی ہو

کیا ضروری ہے محبت تری تکمیل بھی ہو

[m-rameez-m]

‏تیرے ارد گررد وہ شور تھا ، مری بات بیچ میں رہ گئی

نہ میں کہہ سکا نہ تو سن سکا ، مری بات بیچ میں رہ گئی

میرے دل کو درد سے بھر گیا ، مجھے بے یقین سا کرگیا

تیرا بات بات پہ ٹوکنا ، مری بات بیچ میں رہ گئی

‏عجب ایک چپ سی لگی مجھے ، اسی ایک پل کے حصار میں

ہوا جس گھڑی ترا سامنا ، مری بات بیچ میں رہ گئی

‏تری بے رخی کے حصار میں ، غم زندگی کے فشار میں

مرا سارا وقت نکل گیا ، مری بات بیچ میں رہ گئی

مجھے وہم تھا ترے سامنے ، نہیں کھل سکے گی زباں مری

سو حقیقتا بھی وہی ہوا ، مری بات بیچ میں رہ گئی

امجد اسلام امجد

[m-rameez-m]

"میں روز اسکو سمجھاتا ہوں عشق فانی ہے۔

وہ پھر سے خواب محبت کے بونے لگتی ہے۔

ایسی لڑکی سے کون بحث کا خطرہ مولے؟

جو لاجواب ہو جائے تو رونے لگتی ہے۔"

[m-rameez-m]

‏تم گئے ہو تو سر شام یہ عادت ٹھہری

بس کنارے پہ کھڑے ہاتھ ہلاتے رہنا

ایک مدت سے یہ معمول ہوا ھے اب تو

آپ ہی روٹھنا اور آپ مناتے رہنا

تم کو معلوم ھے فرحت کہ یہ پاگل پن ھے

دور جاتے ہوئے لوگوں کو بلاتے رہنا

‎

[m-rameez-m]

‏دلِ ناداں یقیں کر لے محبت اب نہیں ہوگی

قیامت آچکی ہم پر قیامت اب نہیں ہوگی

جسے اپنا بنایا تھا جو رگ رگ میں سمایا تھا

بہت بے درد نکلا وہ سو چاہت اب نہیں ہوگی

مرا بے سود ہے جینا جہانِ درد میں تنہا

مجھے سانسوں کی اے ہمدم ضرورت اب نہیں ہوگی

‏مجازی عشق میں کھو کر حقیقت بھول بیٹھا تھا

خدایا در گزر کرنا شکایت اب نہیں ہوگی

مذاہب کے تصادم نے خدا تقسیم کر ڈالا

کہیں مندر کہیں گرجا عبادت اب نہیں ہوگی

بیاں ایسے نہ کر ماجدؔ زمانے کی حقیقت کو

وگرنہ جان کی تجھ سے حفاظت اب نہیں ہوگی

ماجد جهانگیر مرزا

[m-rameez-m]

ﺟﺐ ﮐﺎﻧﭻ ﺍﭨﮭﺎﻧﮯ ﭘﮍ ﺟﺎﺋﯿﮟ

ﺗﻢ ﮨﺎﺗﮫ ھﻤﺎﺭﺍ ۔۔۔۔۔ ﻟﮯ ﺟﺎﻧﺎ

ﺟﺐ ﺳﻤﺠﮭﻮ ﮐﮧ ﮐﻮﺋﯽ ﺳﺎﺗﮫ ﻧﮩﯿﮟ

ﺗﻢ ﺳﺎﺗﮫ ھمارا ۔۔۔۔۔۔۔۔۔۔۔۔۔۔۔ ﻟﮯ ﺟﺎﻧﺎ

ﺟﺐ ﺩﯾﮑﮭﻮ ﮐﮧ ﺗﻢ ﺗﻨﮩﺎ ھو

ﺍﻭﺭ ﺭﺳﺘﮯ ﮨﯿﮟ ﺩﺷﻮﺍﺭ ﺑﮩﺖ

ﺗﺐ ھﻢ ﮐﻮ ﺍﭘﻨﺎ ۔۔۔۔۔۔۔۔۔۔ کہہ ﺩﯾﻨﺎ

ﺑﮯﺑﺎﮎ ﺳﮩﺎﺭﺍ ۔۔۔۔۔۔۔۔۔۔۔۔۔۔۔ ﻟﮯ ﺟﺎﻧﺎ

ﺟﻮ ﺑﺎﺯﯼ ﺑﮭﯽ ﺗﻢ ﺟﯿﺘﻮ ﮔﮯ

ﺟﻮ ﻣﻨﺰﻝ ﺑﮭﯽ ﺗﻢ ﭘﺎﺅ ﮔﮯ

ھﻢ ﭘﺎﺱ ﺗ��ﮩﺎﺭﮮ ھﻮﮞ نہ ھﻮﮞ

ﺍﺣﺴﺎﺱ ھمارا ۔۔۔۔۔۔۔۔۔۔۔ ﻟﮯ ﺟﺎﻧﺎ

ﺍﮔﺮ ﯾﺎﺩ ھﻤﺎﺭﯼ ﺁ ﺟﺎۓ

ﺗﻢ ﭘﺎﺱ ھﻤﺎﺭﮮ ﺁ ﺟﺎﻧﺎ

ﺑﺲ ﺍﮎ ﻣﺴﮑﺎﻥ ۔۔۔۔۔۔ ھﻤﯿﮟ ﺩﯾﻨﺎ

اور ﺟﺎﻥ ھﻤﺎﺭﯼ ۔۔۔۔۔۔۔۔۔۔ ﻟﮯ ﺟﺎﻧﺎ ....!!!!

[m-rameez-m]

اوروں سے کہا تم نے اوروں سے سنا تمُ نے۔

کچھ ہم سے کہا ہوتا کچھ ہم سے سنا ہوتا

[m-rameez-m]

اوروں سے کہا تم نے اوروں سے سنا تمُ نے۔

کچھ ہم سے کہا ہوتا کچھ ہم سے سنا ہوتا

[m-rameez-m]

‏جس جگہ تم نے خیر باد کہا

ایک عرصہ ہُوا وہیں ہُوں میں

[m-rameez-m]

You are never too advanced to revisit foundational material and find value in it.

Annwyn Avalon, Water Witchcraft: Magic and Lore from the Celtic Tradition (via libercoven)

[m-rameez-m]

…inside of me everything was storm and pain and madness.

Anaïs Nin, from Fire (via virginiewoolf)

[m-rameez-m]

[m-rameez-m]