mernamgohar - Tumblr blog

[mernamgohar]

جماعة احنا في الأخر بجد !

في نهاية الزمان يعني ، معتقدش فيه وقت لسه للتسويف ، بكرة هتوب ، هحاول أصلي ، أصل أنا مش قادر ..الخ

أولا الموت بيجي فجاءة والله ، ثانيا يوم القيامة قرب أوي والفتن بتزيد كل يوم والشيطان بيحاول بكامل قوته يبعدنا عن الطريق ويعلقنا بحاجات لاترضي الله ،

فنرجع ونتوب كده بركعتين توبة لعل الله يقبلنا ، قولوا آمين ..🩵

[mernamgohar]

انتشار الفحش سواء ألفاظ أو صور إباحية على تمبلر شيء مستفز ومقزز والله نشر المعصية من أسوأ ما يقع فيه مسلم، وكل من سيرى أو يقرأ ما نشره له نصيب من ذنبه

أدخل اتابع بلوج فقتع الواحد في صدمة والله بسبب المنشورات الغالب عليها سواء ألفاظ أو إباحية والأمر إن كان غلط للرجل والمرأة لكن هو في حق المرأة أسوأ لأنه المرأة أكثر في حفظ حيائها من الرجل، والمشكلة غن البنت المتساهلة في نشر أمور بهذا الشكل يتجرأ عليها أسوأ فئات الرجال وتجعلهم يظنون السوء فيها وغالبا يظل يطاردها لوقت ما

فنصحية والله للجميع لا تنشروا المعصية ولا تتساهلوا في ذنب ظاهر ولا تجاهروا بشيء من الفحش واحفظوا أرواحكم وأنفسكم من سوء الفعل والقول ولا تقعوا ذنوب يحلمها آخرين عنكم فيكون التوبة منها أصعب بكثير من الذنب الخاص، فلا أسوأ أن يقع المسلم في ذنب مجاهر به أمام الناس

[mernamgohar]

طول ما احنا بنستعين بالله ، هنقدر ✨

[mernamgohar]

حقيقي ف فترة قليلة أتغيرت كتيير بشكل ملحوظ ليا قبل أي حد ؛ وده نتيجة لتراكمات مواقف وأشخاص داسوا عليا جامد بس في لسه حته جوايا بريئة أووووي أتمني تفضل زي ما هي ، ومفيش حاجة ولا حد يقدر يغيرها ..🩵

[mernamgohar]

الجنة بغير حساب ✨

والله غاية ما أتمني ، يارب راضنا وأرضنا وارضي عنا

وارزقنا الجنة بغير حساب ولا سابقة عذاب ، يارب يارب ..🩵

[mernamgohar]

تقولي بتكرهي ايه يا ميرنا ف الحياة ...

أقولك مبكرهش ف حياتي قد حد بيحسد الناس ، لان دا مش بس ساخط ع قدر الله ، لاء دا باصص للي قدامه ف رزقه وأغلبهم بيبقي عارف أنه عنده الداء ده ومع ذلك مش بيقول اللهم بارك ، لاء ومش بس كده غالبا لو واجهته وطلبت منه يبرَّك هيكابر ويقولك ع ايه يعني والكلام اللي كلنا عارفينه فبجد منكوا لله ، هتفصلوا كده طول عمركوا لا طايلين سما ولا أرض ولا منكوا أخدتوا اللي مع غيركوا رغم حسدكوا ولا حتي عينيكوا شايفة النعم اللي معاكوا وراضيين بيها ، حقيقي كفاية ربنا مسلط عليكوا نفسكوا ، ربنا ييعدكوا عننا يارب ويشغلكم بنفسكوا وأخيرًا ،منكوا لله تاني .

[mernamgohar]

ساعات بحس إني طماعة وعايزة كل حاجة ، عايزة الدنيا بكل الحلو اللي فيها والذي لا يخلو من بعض المحرمات للأسف ، وف نفس الوقت عايزة الجنة أووووي والله وأزعم إني بحب ربنا ورسوله جدا ، وبحب القرآن أوي والله ، بيقولولي إني عندي شيزوفرينيا ، لاني ساعات ببقي شخص واعظ أوووي ومش عايزة حد يغلط نص غلطه في حق نفسه ودينه ، وساعات بسيح في زينة الدنيا والفتن وبلاقي نفسي اتبعت هوايا ، عارفة ان نعمة الحمدلله إني مدركة لده أصلا اللهم لك الحمد ، بس هنفضل كده نقوم ونقع لحد أمتي وي تري احنا اللي هنغلب ولا شيطانا هيغلبنا في الأخر !

[mernamgohar]

بعد اللي ما زال بيحصل لأهلنا في غزة ، أنا حقيقي مبقتش خايفة عليهم خلاص ،أنا بقيت خايفة علينا أحنا ، هنقول إيه ، إيه الحجة اللي هنقدر نعدي بيها من سؤال عملنا ايه معاهم ، حقيقي مش بقدر أشوف المشاهد حتي من بشاعتها ما بال اللي عايشينها ، حسبنا الله ونعم الوكيل في العدو الظالم الجائر ، اللهم انتقم منهم وأرنا عجائب قدرتك فيهم ، واعفوا عنا يا أرحم الراحمين 💔

[mernamgohar]

في سؤال منتشر اليومين دول بيقول

*لو كنت شعور ماذا تحب أن تكون* ؟

أنا كنت هحب أكون شعور الونس أو الأمان ، مبحبش حد يبقي لوحده أو حد يحس بالخوف ، أكتر شعورين بكرههم ومحبش أحس بيهم ولا أشوفهم ع حد ، وممكن أعمل أي حاجة بس محدش يحس بيهم ..🩵

[mernamgohar]

الصورة دي فكرتني بحادثة حصلتلي زمان ، كان فيه حداد في شارعنا ، وكان عنده حديد مسخنه بنفس اللون الأحمر الناري دا ، والمغري بالنسبة لطفله لا تتعدي ال١٠ سنوات فقررت هغفل عمو وأمسكه ، وعينك ما تشوف إلا النور لزق في كف إيدي وطبعا أتحرقت وجريت ع البيت وماما ساعتها حطيت إيدي ع لوح تلج ، والحمدلله دلوقتي مفيش أثر ليها حتي �� الشاهد بقي مش كل حاجة لونها حلو وبتلمع نجري عليها ، مش ممكن تكون فيها موتنا المحتم !

[mernamgohar]

عايز اقول إن المسافات عمومًا بتأثر على علاقتي بالناس عموما وإن "البعيد عن العين بعيد عن القلب" بالنسبة لي ، بحب أشوف اللي بحبهم قصاد عيني ، فاكرة كويس في الكلية رغم إني مكنتش بحضر كتير بس فيه ناس كنت مسمياهم "أصدقاء العين" ، مجرد بس عينينا بتتلاقي مع ابتسامة بسيطة كل فتره والتانيه ، يمكن حتي مكنتش أعرف أسمائهم ، بس فكرة إني بشوفهم دايما كان بيخلق أُلفة كده غريبة سبحان الله ، حتي دول وحشوني ، ربنا يقر أعيننا برؤية حبايبنا دايما يارب ..🩵

[mernamgohar]

معلش ..

[mernamgohar]

‏"تؤذيني فكرة الركض؛ لا أحب إستنفار أعضائي للحاق بكل ما لم يسعه أن يمشي معي."

[mernamgohar]

ربنا بيعوض دايما والله ✨

يعني أنا مفيش حاجة في حياتي نقصاني ، إلا وبلاقي عوض من ربنا في حته تانيه .. مهمتك ي جميل تستشعر عوض ربنا ليك وتحمده عليها دايما ؛لأن النعمة لا تدوم .

[mernamgohar]

اُمارس الذنوب وانا أعلم بالموت، وإني بعد موتي سألقي حسابي، ف يارب يا سامع دعائي بلا صوت، أغفر لي ذنوبي قبل ان يغطيني ترابي،اللهم ارزقني حسن الخاتمة اللهم ارزقني الموت وأنا ساجد لك يا أرحم الراحمين اللهم ثبتني عند سؤال الملكين اللهم أجعل قبري روضة من رياض الجنة ولا تجعله حفرة من حفر النار، اللهم إني أعوذ بك من فتن الدنيا.اللّهم ثبّتنا بالقول الثّابت في الحياة الدّنيا وفي الآخرة، واجعلنا من الآمِنين، اللّهم هوِّن علينا سكرات الموت، وتوفّنا وأنت راضٍ عنّا، اللّهم أحينا مسلمين، وتوفنا مسلمين، غير خزايا ولا مفتونين". "اللّهم إنا نسألك توبةً قبل الموت، وراحةً عند الموت، وعفواً عند الحِساب، وفوزاً بالجنّة، ونجاةً من النّار.

[mernamgohar]

ربي أخترلي ولا تخيرني

ربي تعلم ضعفي وحاجتي

وأني لا أحب أن أعصيك فقومني وقربني منك وإليك ومما تحب وترضي

يارب ..❤‍🩹

[mernamgohar]

هذي أزاهيرُ أيامِ العَشر قد لَوحت لك من مكانٍ قَريب، فشَرِع نوافِذ قلبِك لتغرسَ فيها من بذورِ هذا الزَهر النبيل، فتنمو في شِعابه وتتفرع بجميلِ أفنانِها، وتفَقَد أقفالَ روحِك التي صدأت فليسَ هناكَ من طريقة أنبل لِحلِ عقودها كقربِها من الله والتجائِها إلى أعتابِه، وارتشافها من بَحارِ حُبِه، وهروبها إلى أمنِ سَكينَته!

اللهُم إنّا نُشهِدُك أنا نُحِبُك، عُبيدُك المُقصرين الذين لا يملكون من الأمر شيء فأعِنا ولا تُعن علينا وأوفِ لنا الكيل بطاعاتٍ تُرضيك وبضاعَةٍ تُبيِضُ بها وجوهَنا، وتُثقل بِها موازيننا وتُهون علينا وعكاتِ الطريق، وتذلل عقبات المسير، وتمنحنا حكمة الاختيار، وتثبتنا وأحبتنا على هِديِك، فاللّٰه أكبرُ من كُلِ ما كُلِ ما نظُنه كبير !

عَشرُكم مِنحَة ..