nzahra29 - Tumblr blog

[nzahra29]

پیسہ، حیثیت بدل سکتا ہے اوقات نہیں

انسان بدلتا نہیں بلکہ بدلتے حالات کے ساتھ اس کا اصلی چہرہ سامنے آجاتا ہے زمانہ تب بدلتا ہے جب انسان بدلتا ہے، اور انسان تب بدلتا ہے جب اسکا کردار بدلتا ہے۔ کردار سوچ بدلنے کا نتیجہ ہوتا ہے اور سوچ کا بدلاؤ زیادہ تر حالات سے تعلق رکھتا ہے۔ جب کم ظرف لوگوں کا پیٹ بھرتا ہے تو وہ بدل جاتے ہیں آسمان سر پر اٹھاتے ہیں۔ لوگ بھی خوش آمد کر کرکے ان کو سر پر بٹھاتے ہیں۔ لوگوں کی رائے بدل جاتی ہے یہاں پر، کوئی اس کو ذہین سمجھنے لگتا ہے تو کوئی خوش نصیب کوئی قسمت دار تو کوئی محنتی کا نام سونپ دیتے ہیں حیثیت سے زیادہ عزت ملنے پر وہ اکثر تمیز نام کی چیز بھول جاتا ہے اسکا سوچ بدل جاتا ہے اور احساس برتری کا شکار ہو جاتا ہے-

پیسے سے ہم اپنا گھر بار، رہن سہن، کھانا پینا غرض پوری زندگی بدل تو سکتے ہیں لیکن ہماری اوقات وہی رہتی ہے جو اصل میں ہوتی ہے ہماری اوقات پہ پیسے کا کوئی اثر نہیں ہوتا ہاں اگر انسان اعلیٰ ظرف ہے تو اچھا بدلاؤ ہوتا ہے وہ اپنی اوقات کبھی نہیں بھولتا اسی لیے کہتے ہیں:پیسہ، حیثیت بدل سکتا ہے اوقات نہیں

[nzahra29]

خوش رہنے کے کچھ قیمتی راز

خوش رہنا ہمارے کردار، اخلاق، مزاج اور عادتوں سے بہت جڑا ہے۔ دیکھئے! وہ کیا ویلیوز ہیں جو زندگی کو مطمئن اور خوشحال بناتی ہیں۔1  شکر کیجئے، آنکھیں ٹھنڈی ہوں گی، ناشکری کریں گے زندگی عذاب بن جائے گی۔2  ناراضگیوں سے بچیں کوئی اچھی چیز اچھی نہ لگے گی۔3  کم کھائیں جب بھوک لگے تب کھائیں، کم سوئیں، جب تھکیں تب سوئیں۔ صحت اچھی ہوگی۔ اور کم بولیں۔ خاموشی حکمت ہے۔ بولیں تو تول کے۔بعض مرتبہ چمنہ سے نکلے الفاظ ہمارے دشمن پیدا کر دیتے ہیں- 4 نظروں کو آزاد نہ چھوڑیں۔ جتنا چھوڑیں گے اتنی ہی خواہشیں اور حسرتیں بڑھیں گی۔ 5 جب کوئی چھوٹا بڑا فیصلہ کریں عدل سے کریں۔ 6 کسی سے تکلیف ملے تو سوچئے کہ تقدیر میں لکھی تھی۔ معاف کردیں اور سوچیں کہ زیادتی آپ کے ساتھ ہوئی ہے تو آپ زیادتی کرنے والے سے بہتر ہیں7  دوسروں کو ہرٹ نہ کیجئے۔ دوسروں کے جذبات، دل کا قیمتی چیزوں کی طرح احساس اور احتیاط کیجئے۔8 فرصت کو ہرگز ضائع نہ کریں۔ اسکو خوب استعمال میں لائیں۔ عافیت مانگیں اور اس پر شکرگزار ہوں۔9 دوسروں کو عزت دیں یہ واپس آپکے پاس آئے گی۔ حقداروں کو حق دیں۔ مہمان کی عزت کریں غیبت نہ کریں۔ 10 جب ممکن ہو طلوع ہوتے اور ڈھلتے سورج کا نظارہ دیکھئے۔ اللہ سے باتیں کریں۔ 11 نعمتیں گنیں۔ جو ملی ہیں ان میں سے کسی ایک سے محروم ہو جائیں یا یہ عذاب میں بدل جائے تو کیا ہوگا۔ مثلا اللہ نے اولاد دی وہ اسکے بجائے نافرمان ہوتی تو کیا ہوتا۔12  رشتوں کو جوڑنے میں خوشی ہے، رشتے مت کاٹیں، زیادتیاں نہ کریں خوش رہیں گے۔ 13 ایسے دوستوں سے زندگی خوبصورت ہے جو نصیحت کرکے آپکو سیدھے ٹریک پر رکھنے والے ہوں۔ 14 اپنے اخلاق اچھے رکھئے۔ برے اخلاق والے کے دوست نہیں ہوتے۔ 15 نیکیاں کرنا دل کو مطمئن کرتا ہے لیکن اخلاص نیت سے کریں ورنہ کوئی وزن نہیں ہوگا۔ اور گناہوں پر توبہ کیجئے ورنہ یہ بڑا مسئلہ بن جائیں گے۔ 16 لوگوں کے کام آنا زندگی کی اصل خوشی ہے۔ دینے والے، کام آنے والے بنیں۔ آپ خود کیلئے ڈھیروں خیرخواہ اور دوست اکٹھے کرلیں گے۔ لوگوں کے مسئلے حل کردیں، اپنے مسئلے چھوٹے ہو جائیں گے۔ خود کو دوسرے کی جگہ رکھ کر دیکھئے۔ 17 جس سے محبت کرتے ہیں اسکے ساتھ وقت گزاریئے۔ جس سے مسائل پیدا ہوتے ہیں کوشش کرکے فاصلہ رکھیں۔ 18 صبر کیجئے۔ خود کو کنٹرول کرلیں۔ بڑے بڑے شعلے بجھ جائیں گے دکھوں اور غصے کے۔ 19 دنیا اور خواہشات سے جتنا بے نیاز ہوں گے بڑے بڑے مسئلے چھوٹے سے رہ جائیں گے۔ 20 شہرت سے عزت زیادہ اچھی ہے کیونکہ شہرت کے صدمے اور احتیاطیں بہت بڑی ہیں۔ جو اپنی تعریف پر خوش ہوتے ہیں وہ عام لوگ ہوتے ہیں۔ خاص بننا ہے تو اللہ کی خوشنودی پر خوش ہوں۔21  جھوٹ نہ بولیں آپ پر اعتماد کیا جائے گا۔ حیا والی زندگی گزاریں آپکی عزت مال محفوظ ہوں گے۔22  اپنے ٹارگٹ کیلئے تھکنے سے مت گھبرائیں، کیونکہ جب اچھا نتیجہ نکلے گا تو سب اچھا لگے گا۔23  جتنی اللہ کی محبت دل میں زیادہ ہے۔ جتنا آپ رب کو پہچانیں گے زندگی خوبصورت ہو جائے گی۔24  موت کے ڈر کی بجائے موت کی تیاری پر زیادہ توجہ دیں۔ آخر مریں گے تو اللہ تعالی کا دیدار اور جنت نصیب ہوگی

[nzahra29]

غربت

ایک آدمی سے کسی نے پوچھا کہ آج کل اتنی غربت کیوں  ھے؟جواب۔۔۔۔۔۔ میرے خیال میں آج اتنی غربت نہیں جتنا شور ھے۔ ۔۔آجکل ہم جس کو غربت بولتے ہیں وہ در اصل خواہش پورا نہ ہونے کو بولتے ہیں۔۔ہم نے تو غربت کے وہ دن بھی دیکھے ہیں کہ  اسکول میں تختی پر (گاچی) کے پیسے نہیں ہوتے تھے تو (سواگہ) لگایا کرتے تھے۔۔(سلیٹ) پر سیاہی کے پیسے نہیں ہوتے تھے (سیل کا سکہ) استمعال کرتے تھے۔اسکول کے کپڑے جو لیتے تھے وہ صرف عید پر لیتے تھے۔ اگر کسی شادی بیاہ کے لیے کپڑے لیتے تھے تو اسکول کلر کے ہی لیتے تھے۔۔کپڑے اگر پھٹ جاتے تو سلائی کر کے بار بار پہنتے تھے۔۔جوتا بھی اگر پھٹ جاتا  تو بار بار سلائی کرواتے تھے۔۔اور جوتا سروس یا باٹا کا نہیں پلاسٹک کا ہوتا تھا۔۔گھر میں اگر مہمان آجاتا تو پڑوس کے ہر گھر سے کسی سے گھی، کسی سے مرچ ،کسی سے نمک مانگ کر لاتے تھے۔۔آج تو ماشاء اللّہ ہر گھر میں ایک ایک ماہ کا سامان پڑا ہوتا ھے۔۔ مہمان تو کیا پوری بارات کا سامان موجود ہوتا ھے۔ ۔آج تو اسکول کے بچوں کے ہفتے کے سات دنوں کے سات جوڑے استری کر کے گھر رکھے ہوتے ہیں۔ ۔روزانہ نیا جوڑا پہن کر جاتے ہیں۔آج اگر کسی کی شادی پہ جانا ہو تو مہندی، بارات اور ولیمے کے لیے الگ الگ کپڑے اور جوتے خریدے جاتے ہیں۔۔ہمارے دور میں ایک چلتا پھرتا انسان جس کا لباس تین سو تک اور بوٹ دو سو تک کا ہوتا تھا اور جیب خالی ہوتی تھی۔۔آج کا چلتا پھرتا نوجوان جو غربت کا رونا رو رہا ہوتا ھے اُسکی جیب میں تیس ہزار کا موبائل،کپڑے کم سے کم دو ہزار کے، جوتا کم سے کم تین ہزار کا،گلے میں سونے کی زنجیر ہاتھ پہ گھڑی۔۔غربت کے دن تو وہ تھے جب گھر میں بتّی جلانے کے لیے تیل نہیں ہوتا تھا، روئی کو سرسوں کے تیل میں ڈبو کر جلا لیتے...آج کے دور میں خواہشوں کی غربت ھے.. آج اگر کوئی کسی کی شادی میں شامل ہونے کے لیے تین جوڑے کپڑے یا عید کے لیے تین جوڑے کپڑے نہ سلا سکے وہ سمجھتا ھے میں غریب ہوں۔ *آج خواہشات کا پورا نہ ہونے کا نام غربت ھے.**ہم ناشکرے ہوگئے ہیں، اسی لئے برکتیں اُٹھ گئی ہیں ویسے یہ مضمون تو منقول ہے لیکن میں نے بہت سے پرانے لوگوں کے اس مضمون سے ملتے جلتے خیالات سنے ہیں اس بارے میں آپ کا کیا خیال ہے؟

فیس بک سے کاپی

[nzahra29]

انا اور محبت

انا تعلق توڑنے کے بہانے ڈھونڈتی ہے اور محبت تعلق نبھانے کے انا بھٹکنے کے بہانے دیتی ہے اور محبت راہ پر لانے کے انا تنہا کرواتی ہے اور پھر تنہا کر کے مارتی ہے!

 جبکہ محبت خلوت کو بھی جلوت بنانے کے ہنر سے آراستہ ہوتی ہے. اور تھامے رکھتی ہے

انا سزا دلواتی ہے محبت معاف کرتی ہے

 انا چھینوا لیتی ہے محبت بخش دیتی ہے انا کی عزت نفس نہیں ہوتی جبکہ محبت کی عزت نفس ہوتی ہے انا ترس و ہمدردی گوارہ کرتی ہے! 

محبت انا تو پامال کرواتی ہے مگر یہ ترس اور ہمدردی کو بطور ہتھیار استمعال نہیں کرتی. یہ کسی فقیر کو بھی دلواۓ تو اس پر ترس جان کر نہیں بلکہ اسکا حق جان کر مان و محبت سے اسکا حق ادا کرواتی ہے محبت عرش کا، عرش والے کا جذبہ و عطا ہے

انا عرش والے تک نہ پہنچ پانے کی راہ میں مزاحمت ہےانا خوف میں رہتی ہے اور محبت یقین میں انا ساۓ کے سراب میں پیچھے دوڑاتی ہے جبکہ محبت بذاتِ خود سایہ دیتی ہے انا حصول کی ہوس میں رہتی ہے جبکہ محبت قناعت کے کیف میں رہتی ہے انا کی نظر اسباب پر ہوتی ہے ۔۔ اور محبت کی مسبب الاسباب پر انا خود غرض ہوتی ہے اور محبت خدا غرض انا گھر توڑتی ہے اور محبت گھر جوڑتی ہے انا بظاہر خوشنما ہوتی ہے درحقیقت کریہہمحبت کی حقیقت پاکیزگی ہے انا، مسلمان میں بھی ہو سکتی ہےمحبت، بظاہر عیسائی، ہندو، کافر میں بھی ہو سکتی ہے انا منافق، مشرک، کافر ہوتی ہےمحبت مسلمان مومن، محبت اسلام ہوتی ہے انا دکھاوا ہوتی ہے ۔۔ محبت حقیقت ہوتی ہےمحبت محبت کو بچاتی ہے اور انا، انا کو رسوا کرواتی ہے انا بے صبر، جلد باز، ناشکری، بدگمان، اور کم ظرف ہوتی ہےمحبت با وفا، صابر، شکرگزار، اور نیک گمان ہوتی ہے انا میں ایمان نہیں ہوتا .. محبت ایمان ہوتی ہے انا زخم دیتی ہے ۔۔ محبت مرہم رکھتی ہے انا فریب دیتی ہے ۔۔ محبت یقین بنتی ہے انا چھوڑ دیتی ہے محبت ساتھ نبھاتی ہے انا خبط ہوتی ہے ۔۔ محبت ضبط ہوتی ہے انا خلاء ہوتی ۔۔ محبت ربط ہوتی ہے انا عریاں کرتی ہے ۔۔ محبت ڈھانپ لیتی ہے انا جبر ہوتی ہے ۔۔ محبت صبر ہوتی ہے انا وحشت ہوتی ہے محبت حلاوت ہوتی ہے انا ظالم ہوتی ہے ۔۔ محبت نور ہوتی ہے انا اذیت دیتی ہے ۔۔ محبت سکون دیتی ہے۔ انا ٹوہ میں رہتی ہے ۔۔ محبت کشف، محبت وجدان ہوتی ہے انا احسان فراموش ۔۔ محبت احسان کا حق ادا کرتی ہے انا حق چھیننے والی حق غصب کرنے والی ہے۔۔ محبت حق ادا کرنے والی انا ظالم ۔۔ محبت رحمان ہوتی ہے انا خائن ۔۔ محبت امین ہوتی ہے انا باطل ۔۔ محبت حق ہوتی ہے انا ''میں'' محبت ''تم'' ہے انا محبت تک لے جانا والا وہ راستہ ہے کہ جو واقعی محبت ہی کی تلاش میں ہے وہ انا کی اذیت کو جان لے گا اور محبت کی پناہ میں خود کو سونپنے کے لیئے محبت کا در کھٹکھٹا اٹھے گا۔۔ !انا محبت تک لے جانے والی سیڑھی ہےانا شیطان ہے ۔۔ اور محبت اللہ۔۔!انا خار ہے تو محبت وہ پھول ہے جو اس تک صرف اسکو پہنچنے دیتا ہے جو اس خار خار راستے کی اذیت سے بے نیاز اپنی نگاہ و دل و روح و جان فقط پھول کو منسوب کردے! االلہ پاک ہمیں اپنی خالص محبت عطا فرمایں اس میں اضافہ فرمایں، پل پل انا سے محفوظ اپنی محبت کی چادر میں اور محبت سے ڈھانپیں رکھیں اللہ ھمّ آمین !!

[nzahra29]

میڈیا کا چکر

شاگردوں نے استاد سے پوچها : سفسطہ / مغالطہ سے کیا مراد هے؟ استاد نے کہا: اس کے لیے ایک مثال پیش کرتا ہوں. دو مرد میرے پاس آتے ہیں. ایک صاف ستهرا اور دوسرا گندا. میں ان دونوں کو مشورہ دیتا ہوں کہ وہ غسل کرکے پاک و صاف ہو جائیں. اب آپ بتائیں کہ ان میں سے کون غسل کرے گا؟ شاگردوں نے کہا: گندا مرد. استاد نے کہا: نہیں بلکہ صاف آدمی ایسا کرے گا کیونکہ اسے نہانے کی عادت ہے جبکہ گندے کو صفائی کی قدر و قیمت معلوم ہی نہیں. اب بتائیں کہ کون نہائے گا؟ بچوں نے کہا: صاف آدمی. استاد نے کہا: نہیں بلکہ گندا نہائے گا کیونکہ اسے صفائی کی ضرورت ہے. پس اب بتائیں کہ کون نہائے گا؟ سب نے کہا: گندا. استاد نے کہا : نہیں بلکہ دونوں نہائیں گے کیونکہ صاف آدمی کو نہانے کی عادت ہے جبکہ گندے کو نہانے کی ضرورت ہے. اب بتائیں کہ کون نہائے گا؟ سب نے کہا :دونوں. استاد نے کہا: نہیں کوئی نہیں. کیونکہ گندے کو نہانے کی عادت نہیں جبکہ صاف کو نہانے کی حاجت نہیں. اب بتائیں کون نہائے گا؟ بولے : کوئی نہیں. پهر بولے: استاد آپ ہر بار الگ جواب دیتے ہیں اور ہر جواب درست معلوم ہوتا ہے. ہمیں درست بات کیسے معلوم ہو؟ استاد نے کہا: سفسطہ اور مغالطہ یہی تو ہے. بچّو! آج کل اہم یہ نہیں ہے کہ حقیقت کیا ہے؟ اہم یہ ہے کہ میڈیا کس چیز کو ثابت کرنا چاہتا ہے.! امید ہے میڈیا کے چکروں کی سمجھ آ گئی ہو گی.. اگر آپ کو سمجھ آ گئی ہے تو دوسروں کو بھی سمجھا دیں

[nzahra29]

آپ کے فرائض دوسروں کے حقوق اور دوسروں کے فرائض آپ کے حقوق۔لہذا اگر ہم سب اپنے اپنے فرائض پر توجہ دیں تو ہمیں اپنے حقوق کے لیے کسی سے گلہ شکوہ کرنے کی ضرورت ہی نہ پڑے

[nzahra29]

زندگی کی حقیقتوں سے بہت سنجیدہ اور رنجیدہ نہ ہوں

ایک بات تو طے ہے کہ آپ ان سے بھاگ نہیں سکتے

[nzahra29]

دوسروں کی زندگیوں میں بے جا مداخلت سے آپ کو کچھ نہیں ملنے والایقین مانیے آپ کی اپنی زندگی میں بہت کچھ ایسا ہے جو آپ کی توجہ کا محتاج ہے

[nzahra29]

اے صبا مصطفیٰ صلی اللّٰہ علیہ وآلہ وسلم سے کہہ دیناغم کے مارے سلام کہتے ہیں

یاد کرتے ہیں آپ کو شام و سحر دل ہمارے سلام کہتے ہیں

[nzahra29]

دلوں میں بغض اور کینہ

دعاوٗں اور توبہ کی قبولیت میں سب سے بڑی رکاوٹیں ہیں

[nzahra29]

ڈھونڈو گے تو دوسرے کے چراغ سے بھی روشنی مل ہی جائے گی

لیکن کتنی ہی بہتریں بات ہو کہ ہم سب اپنا اپنا ایک چراغ خود جلائیں جس کی روشنی دوسروں تک بھی پہنچے اور معاشرہ روشن ہوجائے

............. نسیم زہرہ ..............

[nzahra29]

شاید کہ اتر جائے تیرے دل میں میری بات

زندگی تلاش کا نام ہے

خود، خودی اور خدا کی تلاش

تلاش کرنے والے کو انٹر نیٹ پر ہر وہ شے مل جاتی ہے جس کی اسے تلاش ہو

خواہ وہ محفل میں بیٹھ کر تلاش کرے یا تنہائی میں

لیکن ذہن میں رہے براؤزنگ ہسٹری ڈیلیٹ کی جاسکتی ہے مگر کراماً کاتبین کا لکھا نہیں

ملتمسِ دعا: ڈاکٹر نسیم زہرہ

[nzahra29]

🌹 السَّـــــلاَمُ عَلَـــــيْكُمْ وَرَحْــمَــةُ اللهِ وَبَـرَكَــاتُــه 💐

[nzahra29]

(چار اشرفیاں (از: سیماآفتاب

پرانے زمانے کی بات ہےایک بادشاہ کا گزر ایک کھیت پرسے ہوا جہاں پر اس کی ملاقات ایک کسان سے ہوئی۔ کسان نے بقدرِ استطاعت بادشاہ کو کچھ کھانے پینے کو پیش کیا۔ بادشاہ کسان کی مہمان نوازی سے کافی متاثر ہوا اور اس سےباتیں کرنے لگا:۔ بادشاہ:۔ کتنے پیسے کما لیتے ہو۔ کسان:۔ عالی جاہ۔ چار اشرفیاں آمدن ہوجاتی ہے۔ بادشاہ:۔ خرچ کیسے کرتے ہو؟ کسان:۔جناب۔ ایک اشرفی خود پر خرچ کرتا ہوں، ایک اشرفی قرض دیتا ہوں، ایک اشرفی قرض کی واپسی میں دیتا ہوں اور ایک اشرفی کنویں میں پھینک دیتا ہوں۔ بادشاہ:۔ میں سمجھا نہیں۔ کسان:۔ عالی جاہ ۔ایک اشرفی اپنے اور اپنی بیوی پر خرچ کرتا ہوں،ایک اشرفی اپنی اولاد پر خرچ کرتا ہوں[قرض دیتا ہوں] تاکہ جب میں اور میری بیوی بوڑھے ہوجائیں تووہ ہماری خدمت کریں،ایک اشرفی اپنے والدین پر خرچ کرتا ہوں [قرض کی واپسی] کیونکہ انہوں نے مجھے پال پوس کر بڑا کیا،اور ایک اشرفی خیرات کرتا ہوں [کنویں میں پھینکتا ہوں] کیونکہ اس کا بدلہ اس دنیا میں نہیں چاہتا۔

[nzahra29]

‏برے مقصد کیلئے اگر محنت کامیاب بھی ہوجائے تو بھی ناکام ھے،اس کے برعکس اچھے مقصد کی محنت اگر ناکام بھی رھے تو بھی کامیاب ھےکامیابی کا حصول اتنا اہم نہیں جتنا مقصد کا انتخاب ھے۔

[nzahra29]

[nzahra29]